Bilangan Uram 15
15
Er Iya Erebdobnyi biti dama deiboka uk dan uram deyok
15:1-21
1Er Iya Erebdobnyi biryi Musa bisi uram ato ebmou, 2“Israel nang asi ato ebdum, ‘Ni Iya Erebdobnyi biryi nuksise mutuk wengbindoka kubkwandum. 3Ura, Ni Imtamnyi biti dama deiboka uk dan dinyi ab, nazar uram talak dengna ati dama deirin dinyi ab, ur yuboka yibkwamamunyi ati dama deirin dinyi ab, weik uki tum kwalibmamunyi ati dama deirin dinyi ab ara Er Iya Erebdobnyi bisi karebkwandarur. Ara, bisam sapi yim ab, bisam domba ab, bisam kambing ab dama deibkwandarur. Ba, a dama deiboka uk dabmamunyi siltong aryi Er Iya Erebdobnyi kanya teleb kibkwande. 4Ba, unanyi biryi Er Imtamnyi biti dama deibkwamaci ura, yina-yina dama deirin dinyi ababyi boyankwanung. Ara, tepung teleb 1 satu kilogram yingying erande zaitun du yung 1 liter lubmangnyi dinyi ab, bisam sapi mi kum, domba mi kum ab boyankwanung. 5Ani, anggur me 1 liter ababyi boyankwanung. 6Bok, bisam domba yim boyandoka dama deibmangnyi ura, a bisam ab tepung teleb 2 kilogram asi zaitun du yung 1 liter lubdongoboka dama deibkwandum. 7Ani, anggur me 1,5 liter ab dama deibkwandum. A yina-yina nirya dama deibmaminyi ara Er Iya Erebdobnyi siltong yuboka kanya teleb kibkwande. 8Ba, bisam sapi yim uk dan dinyi boyandoka deibmaminyi kum, ngang sengni bisam kum boyandoka dama deibmaminyi ura, 9bisam ab, kouryina dinyi tepung 3 kilogram ab zaitun du yung 2 liter ab dikdongoboka dama deibkwandum. 10Ani, anggur du yung 2 liter ababyi dama deibkwandum. A anggur me dama deibmaminyi ara Er Iya Erebdobnyi siltong yuboka kanya teleb kibkwande. 11Ato kuboka tonkwa antaniboka bisam sapi yim ab, domba ab, kambing ab anda dama deibkwamaminyi ura, ato kunkwandum. 12Ba, bisam ilinto dama deibkwamaminyi ura, a dama deibmaminyi to kuboka kouryina tepung ab, zaitun du yung ab, anggur me ababyi tabakdongoboka neiktoto keibdeibminyi ura, dama deibkwandum.
13Ara, ato kuboka Israel yala nang bisam ngang sekoka dama deirin dinyi iya dama deinkwandum. Ba, a dama deiboka uk dabmamunyi siltong aryi Er Iya Erebdobnyi yubci ura, kanya teleb kibkwande. 14Ba, yuk atei nang kum, sun ninyi bun kum, sun atei a yandoka bukmarinyi bibabyi sun Israel nang aryi bisam ngang sekoka dama deirin ati uk daboka siltong teleb ena ati dama deirinmamunyi to kuboka sunbabyi dama deibkwanung. 15Ba, Ni Imtamnyi biti dama deiboka molobkwamanumunyi ura, a yan memen uram ara sun Israel nang ab, yuk atei nang ab ara neik yan memen uram akwe kuramwe. 16Ba, tentok wenen uram ab, tentok yan memen uram ab ara sun Israel nang akwe ati kum yan memeboka wenebdeibsou, eda yuk atei nang sun atei bukmarinyi bibabyi sun tonkwa yan memebdeiboka, wenebdeibsou uram,’ ebdum,” ebmou.
17Er Iya Erebdobnyi biryi Musa bisi ato ebmou, 18“Israel nang asi a yan memen uram ebdum, ‘Er Iya Erebdobnyi biryi uram talak ebdeibsou mutuk wengbindoka kubkwandum. 19Kubmunci, wa iamunyi dinyi kibkwamamunyi ura, yuma ara Er Iya Erebdobnyi bisi teneibdemunci, kiboka yibkwandarur. 20Yuma kibmamunyi jelai du aryi iniboka roti kwaning kikniboka yuma toubkwandum dinyi ara Er Iya Erebdobnyi biti dama deibkwandarur. A dama deibkwamamunyi ura, gandum du dama deibmamunyi to kuboka deibkwandarur. 21Gandum du yuma kiboka roti kwaning kiknibmunci, yuma toubkwandum dinyi ara Er Iya Erebdobnyi biti dama deibkwandum. A yan memen uram ara iya ukubmurubde bankwandum,’ ebdum,” ebmou.
Teneboka kum malyi kuna dinyi uram
15:22-31
22“Sangkuna Er Iya Erebdobnyi biryi Musa dam asi yan memen uram ebdeibwe to asi, sunci teneboka kum kunubkwandum. 23Ara, Er Iya Erebdobnyi biryi sun Israel nang ati yan memen uram Musa deici erdeirirur. Ara, yuma aryi ebdeibwe to kuboka iya a uram ara sun mabwe odei-odei binkwanduma nirya ukubmurubde binkwaming. 24Ba, sangkuna Israel nang aryi yan memen uram luba kibmangiryi, malyi kubkwaming. Ba, a malyi kubmangnyi dinyi yuk nang bingna kum bok, malyi kubmangnyi ura, ukuryok nenmaci bisam sapi dama deibkwanung. Ba, a bisam sapi yim ara Er Iya Erebdobnyi siltong yuna ati nong nirya uk dabkwanung. Ani, kouryina ab, anggur me yung ab dama deibkwanung. Ani, malyi kun dinyi kilina ati bisam kambing yim dama deibkwanung. 25Ura, imam biryi Er Imtamnyi ab, sun Israel ninyi ab antanirdeirin dinyi kubkwande. Ba, Er Imtamnyi biryi sun teneboka kum malyi kubmangnyi dinyi ara kilibkwande. Ara, sun Israel nang aryi malyi kubmangnyi dinyi ati bisam sapi yim ab, bisam kambing ab, kouryina ab, zaitun me ab boyandoka dama deibmangiryi, uk dabmangnyi deyok aryi kilibkwande. 26Ba, Israel nang ab, yuk atei nang ab sun a nirya ara teneboka malyi kum kubmangnyi dinyi nirya malyi kubdongobdanmangnyi deyok aryi lebdandobkwaming.
27Tonda ninyi tentok aryi teneboka kum malyi kibdanmaci ura, er malyi kun dinyi kilina ati kwalina tentok kibmaci bisam kambing ner asi dama deibkwandur. 28Ba, imam biryi a dama deiryanmaci bisam kambing asi Er Iya Erebdobnyi dam obkwandur. Ba, a teneboka kum malyi kibmarinyi bira Er Imtamnyi ab antaniboka kilibkwande. 29A yan memen uram ara Israel nang yoka babyi, yuk atei nang Israel nang kankan dam yandoka kunmarinyi bibabyi iya ukubmurubde binkwaming. 30Bok, Israel nang kum, yuk atei nang Israel nang kankan yandoka kunmarinyi kum aryi teneboka malyi kibdanmangnyi ura, a malyi kibmarinyi bira obkwanung. Ara, Er Iya Erebdobnyi bisi malyi kibmaci deyok aryi obkwanung. 31Ara, Er Iya Erebdobnyi ebdeibwe uram asi yan yanibmariryi. A deyok aryi er bidamnyi obdankwande,” ebmou.
Taruk louboka bun tum aryi malyi kubmaci ati yan memen uram deyok
15:32-36
32Israel nang yini mutuk dam baramnyi talak aryi, sal tentok uki si Sabat tum asi co bonmou. 33Ura, anyi bira Musa dam ab, Harun dam ab, Israel nang dam ab boyanmai. 34Ura, anyi bisi malyi kun nang wenen ai dongobmai. Ara, “Una ikin karebkwayeb do?” tenen ati malyi kubman ba, dongoramnyi malyi kun nang wenen ai dongobmai. 35Ura, Er Iya Erebdobnyi biryi Musa bisi ato ebmou, “Anyi bira obkabdarur! Anyi ai umbura aryi boboka atei dam dobkwetebmunyi ura, Israel nang a wekmang ninyi nirya aryi keil donokmunyi ba, dibkwande,” ebmou. 36Ura, Israel nang aryi anyi bisi atei dam boyanmaici, Er Iya Erebdobnyi ebmou to kuboka kunubmai. Ara, “Obdarur!” ebmou to keil donokoka obmai ba, anyi dibmou.
Er Imtamnyi biryi yan memebdeibsou tenen teneirden ongon aling deyok
15:37-41
37Ura, Er Iya Erebdobnyi biryi Musa bisi ato ebmou. 38“Israel nang asi ato ebdum, ‘Sun ongon aling kubkub dam asi rumbai-rumbai wibdongobdarur. A wibkwamunyi tabwe ara im bila tabwe aryi wibkwandarur. A dinyi ara sun mabwe odei-odei binkwanduma nirya ukubmurubde binkwaming. 39Ba, a rumbai-rumbai ara sunci asing dibdemunyi ura, “Nai ee, Er Iya Erebdobnyi biryi a yan memebdeibsou,” tenen teneibdenkwandum. Ba, sun kanyitam teneibmamunyi to ab, asing eibmamunyi to ab yuk kununa kum kubkwandum. Eda, Ni Imtamnyi bisi ilil kubsici ura, Er yan memen uram akwe kunubkwandum. A wibdongoamunyi deyok aryi Ni Iya Erebdobnyi bisi deirlonina kumci Nisi iya molobkwanurum. 40A rumbai-rumbai ongoamunyi deyok aryi Ni Iya Erebdobnyi biryi ebdeibsise uram yan yanina kumci iya kunubde binkwandum. Ato kuramunyi deyok aryi sunda ni mabwe nermabwe kibkwansin. 41Nira diba sun Nai Iya Erebdobnyi kunun. Niryi sunsi Mesir mutuk dam aryi boboka yangasunun ara Ni sun Nai kibsise. Nira Iya Erebdobnyi kunun,’ ebdum,” ebmou.
Currently Selected:
Bilangan Uram 15: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Bilangan Uram 15
15
Er Iya Erebdobnyi biti dama deiboka uk dan uram deyok
15:1-21
1Er Iya Erebdobnyi biryi Musa bisi uram ato ebmou, 2“Israel nang asi ato ebdum, ‘Ni Iya Erebdobnyi biryi nuksise mutuk wengbindoka kubkwandum. 3Ura, Ni Imtamnyi biti dama deiboka uk dan dinyi ab, nazar uram talak dengna ati dama deirin dinyi ab, ur yuboka yibkwamamunyi ati dama deirin dinyi ab, weik uki tum kwalibmamunyi ati dama deirin dinyi ab ara Er Iya Erebdobnyi bisi karebkwandarur. Ara, bisam sapi yim ab, bisam domba ab, bisam kambing ab dama deibkwandarur. Ba, a dama deiboka uk dabmamunyi siltong aryi Er Iya Erebdobnyi kanya teleb kibkwande. 4Ba, unanyi biryi Er Imtamnyi biti dama deibkwamaci ura, yina-yina dama deirin dinyi ababyi boyankwanung. Ara, tepung teleb 1 satu kilogram yingying erande zaitun du yung 1 liter lubmangnyi dinyi ab, bisam sapi mi kum, domba mi kum ab boyankwanung. 5Ani, anggur me 1 liter ababyi boyankwanung. 6Bok, bisam domba yim boyandoka dama deibmangnyi ura, a bisam ab tepung teleb 2 kilogram asi zaitun du yung 1 liter lubdongoboka dama deibkwandum. 7Ani, anggur me 1,5 liter ab dama deibkwandum. A yina-yina nirya dama deibmaminyi ara Er Iya Erebdobnyi siltong yuboka kanya teleb kibkwande. 8Ba, bisam sapi yim uk dan dinyi boyandoka deibmaminyi kum, ngang sengni bisam kum boyandoka dama deibmaminyi ura, 9bisam ab, kouryina dinyi tepung 3 kilogram ab zaitun du yung 2 liter ab dikdongoboka dama deibkwandum. 10Ani, anggur du yung 2 liter ababyi dama deibkwandum. A anggur me dama deibmaminyi ara Er Iya Erebdobnyi siltong yuboka kanya teleb kibkwande. 11Ato kuboka tonkwa antaniboka bisam sapi yim ab, domba ab, kambing ab anda dama deibkwamaminyi ura, ato kunkwandum. 12Ba, bisam ilinto dama deibkwamaminyi ura, a dama deibmaminyi to kuboka kouryina tepung ab, zaitun du yung ab, anggur me ababyi tabakdongoboka neiktoto keibdeibminyi ura, dama deibkwandum.
13Ara, ato kuboka Israel yala nang bisam ngang sekoka dama deirin dinyi iya dama deinkwandum. Ba, a dama deiboka uk dabmamunyi siltong aryi Er Iya Erebdobnyi yubci ura, kanya teleb kibkwande. 14Ba, yuk atei nang kum, sun ninyi bun kum, sun atei a yandoka bukmarinyi bibabyi sun Israel nang aryi bisam ngang sekoka dama deirin ati uk daboka siltong teleb ena ati dama deirinmamunyi to kuboka sunbabyi dama deibkwanung. 15Ba, Ni Imtamnyi biti dama deiboka molobkwamanumunyi ura, a yan memen uram ara sun Israel nang ab, yuk atei nang ab ara neik yan memen uram akwe kuramwe. 16Ba, tentok wenen uram ab, tentok yan memen uram ab ara sun Israel nang akwe ati kum yan memeboka wenebdeibsou, eda yuk atei nang sun atei bukmarinyi bibabyi sun tonkwa yan memebdeiboka, wenebdeibsou uram,’ ebdum,” ebmou.
17Er Iya Erebdobnyi biryi Musa bisi ato ebmou, 18“Israel nang asi a yan memen uram ebdum, ‘Er Iya Erebdobnyi biryi uram talak ebdeibsou mutuk wengbindoka kubkwandum. 19Kubmunci, wa iamunyi dinyi kibkwamamunyi ura, yuma ara Er Iya Erebdobnyi bisi teneibdemunci, kiboka yibkwandarur. 20Yuma kibmamunyi jelai du aryi iniboka roti kwaning kikniboka yuma toubkwandum dinyi ara Er Iya Erebdobnyi biti dama deibkwandarur. A dama deibkwamamunyi ura, gandum du dama deibmamunyi to kuboka deibkwandarur. 21Gandum du yuma kiboka roti kwaning kiknibmunci, yuma toubkwandum dinyi ara Er Iya Erebdobnyi biti dama deibkwandum. A yan memen uram ara iya ukubmurubde bankwandum,’ ebdum,” ebmou.
Teneboka kum malyi kuna dinyi uram
15:22-31
22“Sangkuna Er Iya Erebdobnyi biryi Musa dam asi yan memen uram ebdeibwe to asi, sunci teneboka kum kunubkwandum. 23Ara, Er Iya Erebdobnyi biryi sun Israel nang ati yan memen uram Musa deici erdeirirur. Ara, yuma aryi ebdeibwe to kuboka iya a uram ara sun mabwe odei-odei binkwanduma nirya ukubmurubde binkwaming. 24Ba, sangkuna Israel nang aryi yan memen uram luba kibmangiryi, malyi kubkwaming. Ba, a malyi kubmangnyi dinyi yuk nang bingna kum bok, malyi kubmangnyi ura, ukuryok nenmaci bisam sapi dama deibkwanung. Ba, a bisam sapi yim ara Er Iya Erebdobnyi siltong yuna ati nong nirya uk dabkwanung. Ani, kouryina ab, anggur me yung ab dama deibkwanung. Ani, malyi kun dinyi kilina ati bisam kambing yim dama deibkwanung. 25Ura, imam biryi Er Imtamnyi ab, sun Israel ninyi ab antanirdeirin dinyi kubkwande. Ba, Er Imtamnyi biryi sun teneboka kum malyi kubmangnyi dinyi ara kilibkwande. Ara, sun Israel nang aryi malyi kubmangnyi dinyi ati bisam sapi yim ab, bisam kambing ab, kouryina ab, zaitun me ab boyandoka dama deibmangiryi, uk dabmangnyi deyok aryi kilibkwande. 26Ba, Israel nang ab, yuk atei nang ab sun a nirya ara teneboka malyi kum kubmangnyi dinyi nirya malyi kubdongobdanmangnyi deyok aryi lebdandobkwaming.
27Tonda ninyi tentok aryi teneboka kum malyi kibdanmaci ura, er malyi kun dinyi kilina ati kwalina tentok kibmaci bisam kambing ner asi dama deibkwandur. 28Ba, imam biryi a dama deiryanmaci bisam kambing asi Er Iya Erebdobnyi dam obkwandur. Ba, a teneboka kum malyi kibmarinyi bira Er Imtamnyi ab antaniboka kilibkwande. 29A yan memen uram ara Israel nang yoka babyi, yuk atei nang Israel nang kankan dam yandoka kunmarinyi bibabyi iya ukubmurubde binkwaming. 30Bok, Israel nang kum, yuk atei nang Israel nang kankan yandoka kunmarinyi kum aryi teneboka malyi kibdanmangnyi ura, a malyi kibmarinyi bira obkwanung. Ara, Er Iya Erebdobnyi bisi malyi kibmaci deyok aryi obkwanung. 31Ara, Er Iya Erebdobnyi ebdeibwe uram asi yan yanibmariryi. A deyok aryi er bidamnyi obdankwande,” ebmou.
Taruk louboka bun tum aryi malyi kubmaci ati yan memen uram deyok
15:32-36
32Israel nang yini mutuk dam baramnyi talak aryi, sal tentok uki si Sabat tum asi co bonmou. 33Ura, anyi bira Musa dam ab, Harun dam ab, Israel nang dam ab boyanmai. 34Ura, anyi bisi malyi kun nang wenen ai dongobmai. Ara, “Una ikin karebkwayeb do?” tenen ati malyi kubman ba, dongoramnyi malyi kun nang wenen ai dongobmai. 35Ura, Er Iya Erebdobnyi biryi Musa bisi ato ebmou, “Anyi bira obkabdarur! Anyi ai umbura aryi boboka atei dam dobkwetebmunyi ura, Israel nang a wekmang ninyi nirya aryi keil donokmunyi ba, dibkwande,” ebmou. 36Ura, Israel nang aryi anyi bisi atei dam boyanmaici, Er Iya Erebdobnyi ebmou to kuboka kunubmai. Ara, “Obdarur!” ebmou to keil donokoka obmai ba, anyi dibmou.
Er Imtamnyi biryi yan memebdeibsou tenen teneirden ongon aling deyok
15:37-41
37Ura, Er Iya Erebdobnyi biryi Musa bisi ato ebmou. 38“Israel nang asi ato ebdum, ‘Sun ongon aling kubkub dam asi rumbai-rumbai wibdongobdarur. A wibkwamunyi tabwe ara im bila tabwe aryi wibkwandarur. A dinyi ara sun mabwe odei-odei binkwanduma nirya ukubmurubde binkwaming. 39Ba, a rumbai-rumbai ara sunci asing dibdemunyi ura, “Nai ee, Er Iya Erebdobnyi biryi a yan memebdeibsou,” tenen teneibdenkwandum. Ba, sun kanyitam teneibmamunyi to ab, asing eibmamunyi to ab yuk kununa kum kubkwandum. Eda, Ni Imtamnyi bisi ilil kubsici ura, Er yan memen uram akwe kunubkwandum. A wibdongoamunyi deyok aryi Ni Iya Erebdobnyi bisi deirlonina kumci Nisi iya molobkwanurum. 40A rumbai-rumbai ongoamunyi deyok aryi Ni Iya Erebdobnyi biryi ebdeibsise uram yan yanina kumci iya kunubde binkwandum. Ato kuramunyi deyok aryi sunda ni mabwe nermabwe kibkwansin. 41Nira diba sun Nai Iya Erebdobnyi kunun. Niryi sunsi Mesir mutuk dam aryi boboka yangasunun ara Ni sun Nai kibsise. Nira Iya Erebdobnyi kunun,’ ebdum,” ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)