Mikha Uram 4
4
Mutuk Sion dub ai ara ninyi mangkau kuna atei kibkwande uram deyok
4:1-5
1Aminda talak ara sirya kobdob uki berekwande:
Ara, Er Iya Erebdobnyi biryi Er ai dobkwande mutuk kon ara iya sasiboka bukwe mutuk kon asi dobkwande.
A mutuk kon aryi yuk mutuk kon nirya bisibdeibkwande.
Ani, akai dobkwande mutuk dub asi iya erebdob mutuk kon kibkwande.
Ba, im dangna tukwe dangna mutuk nang nirya ara akatei dam buluryankwaming.
2Ani, yuk mutuk nang-yuk mutuk nang aryi akatei dam bindoka ato ebkwaming.
“Ni kwit yabwe yangandarur, Sion mutuk dub ai ara ninyi eterena deyok ati dorur.
Ani, Yerusalem atei ara Er Iya Erebdobnyi uram deyok atei dorur ati, yangandarur.
Nunci Er Iya Erebdobnyi mutuk dub welebindobkwayeb.
Er Imtamnyi, Israel nang sun abwe Yakub Moloramunyi atei welebindobkwayeb.
Ba, Erci nunsi Er bisik deyok asi diboka liliboka eterebkwansir ati bindobkwayeb.
Erci nunsi sirya eterebsici ura, nun anabkaboka Erci nukmasici bisik kuboka bindobkwayeb ati yangandarur,” ebdankwaming.
3Erda sun ninyi im dangna tukwe dangna mutuk nang asi malyi kuna deyok liliboka wenebkwandanyi kibkwande.
Ani, Erda weik mutuk atei nang ab,
era mutuk atei nang ab asi
noutam tikoka antanirdeirinanyi kibkwande.
Sunci ninyi on ya douramingnyi ara teing-teing eboka wa tukwe alin kama kiknibdobkwaming.
Ba, te balang kikniamingnyi dinyi ara teing-teing eboka gandum yabla sengna but kiknibdobkwaming.
Ton mutuk atei nang aryi yuk mutuk atei nang asi ordaramingnyi to kum kubkwaming.
Ani, ninyi mar bobana ati, keleraming to kum kubkwaming.
4Eda, sunsi du kanya yangna ton kum kubkwaming deyok aryi mangkau asa sun yuk-yuk co anggur deyok dam bukdobkwaming.
Ani, co si ara deyok dam bukdobkwaming.
Ara, Er Iya Erebdobnyi, Iya Mikibnyi si bambol kobdoba aryi ebmou deyok aryi ato kubkwaming.
5Sun im dangna tukwe dangna mutuk nang nirya ara sun moloramingnyi kwemdeina si yuk-yuk asi moloboka miliraming.
Bok, nun Israel nang ara Er Iya Erebdobnyi, nun Nai Imtamnyi si asi iya tuba-tuba moloboka milibmurubkwayeb.
“Sun Sion atei kuramingnyi nang asi lemna dinyi dobdobkwaming,” ebmou uram deyok
4:6-14
6Er Iya Erebdobnyi biryi ato ebmou,
“A berekwande uki tum aryi, Ni Imtamnyi biryi sun yanmata lirlising-korkotong eryibaramingnyi nang bulubdeibkwan.
Ani, sun bokwalwalabdandoka yuk-yuk kuramingnyi nang ab,
sun Niryi obminikanyi nang ab ara neik ai arubdeibkwan.
7Sun kabloamingnyi nang asi yanmata lirlising-korkotong eryibaramingnyi nang ara ninyi yala yal dona kibdeibkwan.
Ani, yuk mutuk dam yakdonokamingnyi nang asi Niryi tamuboyandoka mikib atei nang kibdeibkwan.
Ura, Sion dub ai aryi Er Iya Erebdobnyi biryi sun weik sienyi kiboka talebkwande.
A Er sienyi kibkwande talak ara ukuryok talak aryi kuboka aminda talak ababyi iya weik sienyi kibmurubkwande.
8We, Yerusalem atei a, kanda bisam kalingna ai dukoka doraming ai ato atei kurum.
Ati, Er Imtamnyi bira Yerusalem ati kan dam kuboka Erci wibmou ner sal asi kalingdur.
Ati, aminda akatei dam ara minob talak aryi teleb kuramnyi to tubto kubkwaming.
Akatei dam ara tubto mutuk talen weik sienyi kun atei kibkwandim.
9Ati, ukuryok ara unatoa ati, uram weik doboka ngalungdarur do?
A mutuk talen weik sienyi bira sun dam kurur bok sunda unatoa ati ngalungdarur do?
Kum, sunti, ‘Ato-ato kubkwayeb,’ eboka lilirdeirisin nang nirya dibsekyi ati ngalungdarur do?
Mi deyok donmangnyi nerabwe aryi mi deyok likde yirande u ato kusurur ati, ngalukoka uram dondarur do?
10We, Sion mutuk dub atei ner sal e.
Sunda, sunci, ‘Nun a mutuk binkwayeb,’ tenena kum bok,
talyitam sun atei aryi anaboka yina mutuk tam bindoka kubkwandum.
Ati, sunda mi deyok yinmaci ba, u aryi ngolok-ngolok ebde doraming to kurandarura.
Ani, sun atei dam ara mambul dobde kuramunyi asi sun mar ordana nang aryi talyitam boboka Babel mutuk dam bobisingnyi talak aryi Niryi sunsi lebdeibkwansin.
11Bok, ukuryok ara ninyi yuk mutuk nang ilinto aryi buluboka sun Israel nang asi mar bobkwamasing.
Sunci mar bobmasingiryi, ato ebkwamasing,
‘Sion atei ara malyi a beterdongoronmanuba.
Ani, nunci Sion atei ara bita dinmabyi ba, bubdobsurura,’ ebkwamasing.
12Ato ebkwamasing bok, sunda Er Iya Erebdobnyi biryi,
‘Ato kubkwan,’ teneanci dinyi ara kum bikwaming.
Ati, sunda Er Iya Erebdobnyi biryi uram dobdeianci dinyi ara,
‘Ato kuboka dobdeibwe,’ tenena ara kum bikwaming.
Ara, Erci sunsi gandum du yabla buluboka yalyi kwen ai deirirbaraming to kuboka wenebkwande dinyi ara sun kum bingnung.
13Niryi sun Sion atei nang asi kisok akula belena besi kat ato dinyi kubdeibkwansin.
Ba, sun aluk kila ara kat keil tembaga ato kibdeibkwansin.
Ati, we Sion atei ner sal a, sunda tikalabokabmunci, sun mar ordana nang asi mar bobindarur.
Ba, sunci ninyi yuk mutuk atei nang ilinto asi weneboka teing-teing eboka sici kibdeibkwandarur.
Sunci, araboka doramingnyi dinyi ara wiboka Er Iya Erebdobnyi biti dobdeibkwandarur.
Ani, sun taleraming bona talena ara Er Imtamnyi im dangna tukwe dangna nang sun Nai biti wibdeibkwandarur.
14Ukuryok akiryi sun atei lika dobkalibdobdarur.
Nun Israel nang asi mar boyankwamasingci mar bon lika sirya doboka aknabdongobmang.
Nun mar ordana nang aryi sun Israel nang mutuk talen weik sienyi bisi
co balang aryi katum tam asi kulab-kulab eboka obkwamang,” ebmou.
Currently Selected:
Mikha Uram 4: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Mikha Uram 4
4
Mutuk Sion dub ai ara ninyi mangkau kuna atei kibkwande uram deyok
4:1-5
1Aminda talak ara sirya kobdob uki berekwande:
Ara, Er Iya Erebdobnyi biryi Er ai dobkwande mutuk kon ara iya sasiboka bukwe mutuk kon asi dobkwande.
A mutuk kon aryi yuk mutuk kon nirya bisibdeibkwande.
Ani, akai dobkwande mutuk dub asi iya erebdob mutuk kon kibkwande.
Ba, im dangna tukwe dangna mutuk nang nirya ara akatei dam buluryankwaming.
2Ani, yuk mutuk nang-yuk mutuk nang aryi akatei dam bindoka ato ebkwaming.
“Ni kwit yabwe yangandarur, Sion mutuk dub ai ara ninyi eterena deyok ati dorur.
Ani, Yerusalem atei ara Er Iya Erebdobnyi uram deyok atei dorur ati, yangandarur.
Nunci Er Iya Erebdobnyi mutuk dub welebindobkwayeb.
Er Imtamnyi, Israel nang sun abwe Yakub Moloramunyi atei welebindobkwayeb.
Ba, Erci nunsi Er bisik deyok asi diboka liliboka eterebkwansir ati bindobkwayeb.
Erci nunsi sirya eterebsici ura, nun anabkaboka Erci nukmasici bisik kuboka bindobkwayeb ati yangandarur,” ebdankwaming.
3Erda sun ninyi im dangna tukwe dangna mutuk nang asi malyi kuna deyok liliboka wenebkwandanyi kibkwande.
Ani, Erda weik mutuk atei nang ab,
era mutuk atei nang ab asi
noutam tikoka antanirdeirinanyi kibkwande.
Sunci ninyi on ya douramingnyi ara teing-teing eboka wa tukwe alin kama kiknibdobkwaming.
Ba, te balang kikniamingnyi dinyi ara teing-teing eboka gandum yabla sengna but kiknibdobkwaming.
Ton mutuk atei nang aryi yuk mutuk atei nang asi ordaramingnyi to kum kubkwaming.
Ani, ninyi mar bobana ati, keleraming to kum kubkwaming.
4Eda, sunsi du kanya yangna ton kum kubkwaming deyok aryi mangkau asa sun yuk-yuk co anggur deyok dam bukdobkwaming.
Ani, co si ara deyok dam bukdobkwaming.
Ara, Er Iya Erebdobnyi, Iya Mikibnyi si bambol kobdoba aryi ebmou deyok aryi ato kubkwaming.
5Sun im dangna tukwe dangna mutuk nang nirya ara sun moloramingnyi kwemdeina si yuk-yuk asi moloboka miliraming.
Bok, nun Israel nang ara Er Iya Erebdobnyi, nun Nai Imtamnyi si asi iya tuba-tuba moloboka milibmurubkwayeb.
“Sun Sion atei kuramingnyi nang asi lemna dinyi dobdobkwaming,” ebmou uram deyok
4:6-14
6Er Iya Erebdobnyi biryi ato ebmou,
“A berekwande uki tum aryi, Ni Imtamnyi biryi sun yanmata lirlising-korkotong eryibaramingnyi nang bulubdeibkwan.
Ani, sun bokwalwalabdandoka yuk-yuk kuramingnyi nang ab,
sun Niryi obminikanyi nang ab ara neik ai arubdeibkwan.
7Sun kabloamingnyi nang asi yanmata lirlising-korkotong eryibaramingnyi nang ara ninyi yala yal dona kibdeibkwan.
Ani, yuk mutuk dam yakdonokamingnyi nang asi Niryi tamuboyandoka mikib atei nang kibdeibkwan.
Ura, Sion dub ai aryi Er Iya Erebdobnyi biryi sun weik sienyi kiboka talebkwande.
A Er sienyi kibkwande talak ara ukuryok talak aryi kuboka aminda talak ababyi iya weik sienyi kibmurubkwande.
8We, Yerusalem atei a, kanda bisam kalingna ai dukoka doraming ai ato atei kurum.
Ati, Er Imtamnyi bira Yerusalem ati kan dam kuboka Erci wibmou ner sal asi kalingdur.
Ati, aminda akatei dam ara minob talak aryi teleb kuramnyi to tubto kubkwaming.
Akatei dam ara tubto mutuk talen weik sienyi kun atei kibkwandim.
9Ati, ukuryok ara unatoa ati, uram weik doboka ngalungdarur do?
A mutuk talen weik sienyi bira sun dam kurur bok sunda unatoa ati ngalungdarur do?
Kum, sunti, ‘Ato-ato kubkwayeb,’ eboka lilirdeirisin nang nirya dibsekyi ati ngalungdarur do?
Mi deyok donmangnyi nerabwe aryi mi deyok likde yirande u ato kusurur ati, ngalukoka uram dondarur do?
10We, Sion mutuk dub atei ner sal e.
Sunda, sunci, ‘Nun a mutuk binkwayeb,’ tenena kum bok,
talyitam sun atei aryi anaboka yina mutuk tam bindoka kubkwandum.
Ati, sunda mi deyok yinmaci ba, u aryi ngolok-ngolok ebde doraming to kurandarura.
Ani, sun atei dam ara mambul dobde kuramunyi asi sun mar ordana nang aryi talyitam boboka Babel mutuk dam bobisingnyi talak aryi Niryi sunsi lebdeibkwansin.
11Bok, ukuryok ara ninyi yuk mutuk nang ilinto aryi buluboka sun Israel nang asi mar bobkwamasing.
Sunci mar bobmasingiryi, ato ebkwamasing,
‘Sion atei ara malyi a beterdongoronmanuba.
Ani, nunci Sion atei ara bita dinmabyi ba, bubdobsurura,’ ebkwamasing.
12Ato ebkwamasing bok, sunda Er Iya Erebdobnyi biryi,
‘Ato kubkwan,’ teneanci dinyi ara kum bikwaming.
Ati, sunda Er Iya Erebdobnyi biryi uram dobdeianci dinyi ara,
‘Ato kuboka dobdeibwe,’ tenena ara kum bikwaming.
Ara, Erci sunsi gandum du yabla buluboka yalyi kwen ai deirirbaraming to kuboka wenebkwande dinyi ara sun kum bingnung.
13Niryi sun Sion atei nang asi kisok akula belena besi kat ato dinyi kubdeibkwansin.
Ba, sun aluk kila ara kat keil tembaga ato kibdeibkwansin.
Ati, we Sion atei ner sal a, sunda tikalabokabmunci, sun mar ordana nang asi mar bobindarur.
Ba, sunci ninyi yuk mutuk atei nang ilinto asi weneboka teing-teing eboka sici kibdeibkwandarur.
Sunci, araboka doramingnyi dinyi ara wiboka Er Iya Erebdobnyi biti dobdeibkwandarur.
Ani, sun taleraming bona talena ara Er Imtamnyi im dangna tukwe dangna nang sun Nai biti wibdeibkwandarur.
14Ukuryok akiryi sun atei lika dobkalibdobdarur.
Nun Israel nang asi mar boyankwamasingci mar bon lika sirya doboka aknabdongobmang.
Nun mar ordana nang aryi sun Israel nang mutuk talen weik sienyi bisi
co balang aryi katum tam asi kulab-kulab eboka obkwamang,” ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)