Mikha Uram 2
2
Sun utotoa kum nang asi malyi kiboka mambul kimdeiriramingnyi nang ara wenen dinyi dobkwaming uram deyok
2:1-11
1Sun mabmangnyi ai aryok yu dinyi ati, “E, mabmanyi ani, berekci ura,
ato kubkwan-ato kubkwan,” tenen kanya teneiboka kiknibdeibmangnyi
ani, berekci ura, kunuraming.
Ato kuraming dinyi ara sun dam ara mikib dinyi kurur deyok aryi ukuraming.
Ati, ato kuraming nang ara Er Imtamnyi biryi sunsi wenebkwande.
2Ara, sun yuk nang wa asi, “A wa ara ni dinyi kibnute,” teneramingnyi ura,
sunci alaroraming.
Ba, yuk nang asi, “Akai ara ni kubdobtinyi,” teneramingnyi ura,
sunci akai daluroraming.
Ani, sun mining ai ati ai dam ninyi kulab-kulab eboka,
sun bona-bona nirya daluboka dororaming.
3Ato kuraming deyok aryi Er Iya Erebdobnyi biryi uram ara ato ebdeibmou.
“Ni Imtamnyi biryi diba ati, akatei yala nang ati, wenebkwansin dinyi kiknibdeibmasin.
Ati, sunci a wenebkwansin dinyi ara kum leibdobkwandum.
Sun wingdaboka kisirona kum kubkwandum.
A tum ara ninyi obminikwansin tum berekwande deyok aryi sun kum leibdandobkwandum.
4A tum aryi sun deyok ati, yuk nang aryi talak dobokabsingiryi, sunti tanyi eboka boukwe eibkwansing.
‘Er Iya Erebdobnyi biryi nunda sirya ninibkabokmasir.
Nun atei nang tukwe ara yuk nang aryi arabdobmangci bokdobkwamang ati, kiklin tabwe aryi sirya kikliboka wilironmang.
Ba, ninyi tentok aryi tamurkarena ton kum kubmasing.
Ura, nun wa ibde yironub wa tukwe ara nun bobindoka tanglorbasunung atei nang ati bokdeibmar,’
eboka tanyi libkwansing.
5Tukwe ton kamlona kum deyok aryi Er Iya Erebdobnyi uram keken nang kankan aryi
tukwe tabwe kikliboka, ‘A tukwe kalimna ara unanyi bisi karebkwayeb,’ tenen
keil im sukoka sun tukwe dam nang ati,
ninyi tentok ababyi ton kum karebkwansing.
6Ninyi aryi nisi ato enunung,
‘Kanci kunumna uram ena mem,’ enunung.
Ani, tonda, ‘Ninyi aryi nunti ato uram ton kum kunurdeisunung.
Alyi dinyi ara nunda bol kum libdenkwansurur,’ enunung.
7Yakub deibdoba nang ara ato uram ara ur ebkwamating do?
Er Iya Erebdobnyi kanya teneina bukam ara kum kurur do?
Kum. Erda kanya teneina bukamnyi kurur ati, Erci wenen dinyi ola kum karebkwansurur.
Erda ato kuboka Er uram keken nang asi wenerurnyi kurur do?
Uram teleb dinyi kun nang asi uram ara
Erci kum erdeirirur do?”
8Er Imtamnyi biryi ato ebmasir, “Niryok sunsi talyitam yu kum bosunun.
Eda, sun malyi kundarur nang aryi Ni uram keken nang asi sun mar ordana nang kimdeirindarur.
Sunci, ‘Ur teleb aryi mangkau kubdobkwayeb,’ tenen nang
sun alib ongon aling leboka dorondarur.
Ani, ur mangkau asa bisik ai yibaronmangnyi nang dinyi ab,
mar ordan tam kanya kum deirirur nang dinyi ababyi araboka dorondarur.
9Ni uram keken nang nerabwe mer ara sun kuroramingnyi ai aryi yangkwetendarur.
Ara, sun akenyi yabwe ai sun kanya deiboka kuroramingnyi aryi yangkwetendarur.
Ani, Niryi sun mabwe alok deiboka iribdomangnyi ati kisal dangna dinyi karebmanyi asi
mabwe kwebloboka ukula araboka iya dorondarur.
10Ati, akatei ara sun kun atei kuma, anabdobmunyi ura, bindobdarur.
Sun damnyi malyi kuboka beterminingdan deyok aryi kum daneibkwansin.
Niryi oboka kum daneibkwansin dinyi ara tubto tamubdeibman kumto dinyi aryi kum daneibkwansin.
11Ninyi tentok da yatingci bikdob kum uram tola ati,
‘Niryi sunti co anggur ab, walina talen me ab deyok ati aminda dib kunubkwande dinyi uram kunubdeibmasin,’ ebkwansing.
Ato nang ara sunci akatei nang deyok ati uram eboka kunubdeibkwamang ara kikiman,” ebmasir.
Sun Israel nang asi lemna dinyi karebkwamwe to ati uram talak ebdeibmou uram deyok
2:12-13
12Er Imtamnyi biryi tubto ton ato ebmou,
“We, Yakub deibdoba nang a, diba ati, Ni Imtamnyi biryi sunsi tubto tamuboka bulubdeibkwansin.
Diba ati, sun Israel nang asi kabdongoansingnyi nang ara Niryi boboka neik ai bulubdeibkwansin.
Niryi boboka neik ai bulubdeibkwansin ara bisam domba bulubdeiboka neik ai dongordeiraming to kubkwansin.
Ani, Niryi a mutuk dam ninyi yubwa ilinto bulubdeibkwansin ara bisam mol kwamnaming ai aryi mol neik ai kuraming.
Ato Niryi a mutuk dam asi ninyi boboka bulubdeibkwansin ninyi ilinto kubkwandum.
13Ni Imtamnyi bira mar bisik yananyi kiboka yuma boboka menekwansin.
Ba, sunci sun mar ordana nang atei bisik bublan lika akdonokoka anabkaboka yibindobkwandum.
Ura, Ni sun weik sienyi bira sun urasin dam menekmurubkwansin.
Boboka menekwansiranyi bira Ni Iya Erebdobnyi biryi boboka menekwansin,” eboka uram talak ebdeibmou.
Currently Selected:
Mikha Uram 2: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Mikha Uram 2
2
Sun utotoa kum nang asi malyi kiboka mambul kimdeiriramingnyi nang ara wenen dinyi dobkwaming uram deyok
2:1-11
1Sun mabmangnyi ai aryok yu dinyi ati, “E, mabmanyi ani, berekci ura,
ato kubkwan-ato kubkwan,” tenen kanya teneiboka kiknibdeibmangnyi
ani, berekci ura, kunuraming.
Ato kuraming dinyi ara sun dam ara mikib dinyi kurur deyok aryi ukuraming.
Ati, ato kuraming nang ara Er Imtamnyi biryi sunsi wenebkwande.
2Ara, sun yuk nang wa asi, “A wa ara ni dinyi kibnute,” teneramingnyi ura,
sunci alaroraming.
Ba, yuk nang asi, “Akai ara ni kubdobtinyi,” teneramingnyi ura,
sunci akai daluroraming.
Ani, sun mining ai ati ai dam ninyi kulab-kulab eboka,
sun bona-bona nirya daluboka dororaming.
3Ato kuraming deyok aryi Er Iya Erebdobnyi biryi uram ara ato ebdeibmou.
“Ni Imtamnyi biryi diba ati, akatei yala nang ati, wenebkwansin dinyi kiknibdeibmasin.
Ati, sunci a wenebkwansin dinyi ara kum leibdobkwandum.
Sun wingdaboka kisirona kum kubkwandum.
A tum ara ninyi obminikwansin tum berekwande deyok aryi sun kum leibdandobkwandum.
4A tum aryi sun deyok ati, yuk nang aryi talak dobokabsingiryi, sunti tanyi eboka boukwe eibkwansing.
‘Er Iya Erebdobnyi biryi nunda sirya ninibkabokmasir.
Nun atei nang tukwe ara yuk nang aryi arabdobmangci bokdobkwamang ati, kiklin tabwe aryi sirya kikliboka wilironmang.
Ba, ninyi tentok aryi tamurkarena ton kum kubmasing.
Ura, nun wa ibde yironub wa tukwe ara nun bobindoka tanglorbasunung atei nang ati bokdeibmar,’
eboka tanyi libkwansing.
5Tukwe ton kamlona kum deyok aryi Er Iya Erebdobnyi uram keken nang kankan aryi
tukwe tabwe kikliboka, ‘A tukwe kalimna ara unanyi bisi karebkwayeb,’ tenen
keil im sukoka sun tukwe dam nang ati,
ninyi tentok ababyi ton kum karebkwansing.
6Ninyi aryi nisi ato enunung,
‘Kanci kunumna uram ena mem,’ enunung.
Ani, tonda, ‘Ninyi aryi nunti ato uram ton kum kunurdeisunung.
Alyi dinyi ara nunda bol kum libdenkwansurur,’ enunung.
7Yakub deibdoba nang ara ato uram ara ur ebkwamating do?
Er Iya Erebdobnyi kanya teneina bukam ara kum kurur do?
Kum. Erda kanya teneina bukamnyi kurur ati, Erci wenen dinyi ola kum karebkwansurur.
Erda ato kuboka Er uram keken nang asi wenerurnyi kurur do?
Uram teleb dinyi kun nang asi uram ara
Erci kum erdeirirur do?”
8Er Imtamnyi biryi ato ebmasir, “Niryok sunsi talyitam yu kum bosunun.
Eda, sun malyi kundarur nang aryi Ni uram keken nang asi sun mar ordana nang kimdeirindarur.
Sunci, ‘Ur teleb aryi mangkau kubdobkwayeb,’ tenen nang
sun alib ongon aling leboka dorondarur.
Ani, ur mangkau asa bisik ai yibaronmangnyi nang dinyi ab,
mar ordan tam kanya kum deirirur nang dinyi ababyi araboka dorondarur.
9Ni uram keken nang nerabwe mer ara sun kuroramingnyi ai aryi yangkwetendarur.
Ara, sun akenyi yabwe ai sun kanya deiboka kuroramingnyi aryi yangkwetendarur.
Ani, Niryi sun mabwe alok deiboka iribdomangnyi ati kisal dangna dinyi karebmanyi asi
mabwe kwebloboka ukula araboka iya dorondarur.
10Ati, akatei ara sun kun atei kuma, anabdobmunyi ura, bindobdarur.
Sun damnyi malyi kuboka beterminingdan deyok aryi kum daneibkwansin.
Niryi oboka kum daneibkwansin dinyi ara tubto tamubdeibman kumto dinyi aryi kum daneibkwansin.
11Ninyi tentok da yatingci bikdob kum uram tola ati,
‘Niryi sunti co anggur ab, walina talen me ab deyok ati aminda dib kunubkwande dinyi uram kunubdeibmasin,’ ebkwansing.
Ato nang ara sunci akatei nang deyok ati uram eboka kunubdeibkwamang ara kikiman,” ebmasir.
Sun Israel nang asi lemna dinyi karebkwamwe to ati uram talak ebdeibmou uram deyok
2:12-13
12Er Imtamnyi biryi tubto ton ato ebmou,
“We, Yakub deibdoba nang a, diba ati, Ni Imtamnyi biryi sunsi tubto tamuboka bulubdeibkwansin.
Diba ati, sun Israel nang asi kabdongoansingnyi nang ara Niryi boboka neik ai bulubdeibkwansin.
Niryi boboka neik ai bulubdeibkwansin ara bisam domba bulubdeiboka neik ai dongordeiraming to kubkwansin.
Ani, Niryi a mutuk dam ninyi yubwa ilinto bulubdeibkwansin ara bisam mol kwamnaming ai aryi mol neik ai kuraming.
Ato Niryi a mutuk dam asi ninyi boboka bulubdeibkwansin ninyi ilinto kubkwandum.
13Ni Imtamnyi bira mar bisik yananyi kiboka yuma boboka menekwansin.
Ba, sunci sun mar ordana nang atei bisik bublan lika akdonokoka anabkaboka yibindobkwandum.
Ura, Ni sun weik sienyi bira sun urasin dam menekmurubkwansin.
Boboka menekwansiranyi bira Ni Iya Erebdobnyi biryi boboka menekwansin,” eboka uram talak ebdeibmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)