Maleakhi Uram 1
1
Deyok
1:1
1Er Imtamnyi biryi ebdeibmou uram. Ara, Er Iya Erebdobnyi biryi sun Israel nang asi lak ebdeibmouci, Er uram ermururamunyi si nabi Maleakhi deici asi ebdeibmou uram deyok.
Er Iya Erebdobnyi biryi sun Israel nang asi diboka boukwe kimnamwe uram deyok
1:2-5
2Er Iya Erebdobnyi biryi sun Israel nang asi ato ebmou, “Niryi sunsi boukwe kimsunun ati ebmasin,” ebmou. “Boukwe kimsunun bok, sunda Nira Imtamnyi bisi ato enindarur, ‘Kum, Kanci nunsi boukwe kimsurum ara una kuboka boukwe weik kimsurum do?’ enindarur. Ato enindarur ati, Niryi se tenesunun. Minob kuramunyi si Esau deyok ati sunci kum bingdarur do? Anyi bira sun abwe kisok Yakub er du kuramwe asi Niryi taklobse. Ba, Niryi sun abwe kisok Yakub bisi boukwe weik kimnanse ani, sunda er mabwe nermabwe ababyi boukwe weik kimsunun ati ebman. 3Sunda Israel yala nang asi boukwe weik kusunun bok, Esau bira Niryi yu boboka taklobmase ani, sun er deibdoba nang nirya ababyi Niryi taklobse. Tonda, Niryi sun Esau deibdoba nang kuramnyi mutuk konkon ara ninyi kum daneiboka bai kam ai kibdeiboka ninyi kuna kum mutuk kibdeibse.
4Sun Yakub deibdoba nang aryi kekenmamunyi ba, Esau deibdoba nang Edom atei nang aryi, ‘Nun atei ara sirya dakabokwe bok, tubto tamuboka dobdobkwayeb,’ ebkwaming asi kekebkwandum. Ato ebkwaming bok, Nira Iya Mikibnyi biryi ato ebman: Sun Edom atei nang ara sun atei tubto tamuboka dobdobingnyi bok, Niryi tubto dalubsinibkwan. Ba, sun yuk atei nang aryi akatei nang ati, ‘Malyi kun nang atei,’ eboka si dobkwaming. Tonda, sunci Edom mutuk ati, ‘Er Iya Erebdobnyi biryi iya yu bobmurubkwande nang atei,’ eboka si dobkwaming.
5Ba, Nira Imtamnyi biryi sun Esau deibdoba nang sun atei iya dalubsinibkwan ati, sunda Israel nang sun asing aryi eibokabmunci, sunci ato ebkwandum, ‘Er Imtamnyi bira Iya Erebdobnyi kurur. Israel nang sun atei kuma ababyi Erci mikib kuboka taruk talerur!’ ebkwandum,” ebmou.
Sun Israel yala nang ara Er Imtamnyi biti dama deirin dinyi kareramiryok, malyi tenen dinyi akwe kareramnyi uram deyok
1:6-14
6Er Iya Erebdobnyi biryi sun Israel nang asi ato ebmou, “Er mi aryi er nai bisi, ‘Ni nai!’ tenebokabdiryi, kanya lamabdongoboka er nai uram kekerande. Ba, wa irmilinanyi biryi er nai bisi, ‘Ni Nai Erebdobnyi!’ tenen kanya luknubdongoboka er nai uram enmaci dinyi kekeboka kunurongnande. Bok, Nira Iya Erebdobnyi sun Nai kunun bok, sunci Niti, ‘Erda nun Nai!’ teneboka Ni uram enmanyi dinyi kum kekeranurum, se. Ba, Nira sun Nai Erebdobnyi kunun bok, sunci Niti, ‘Nun Nai Erebdobnyi!’ tenen ilil kanya boboka Ni uram enmanyi tok kekeboka kununa kum kurandum, se. Ni Imtamnyi Iya Erebdobnyi kunun bok, sunda ninyi dama deirin nang ababyi Ni uram kum kunurandum ati, Niryi sunti, ‘Ni si asi malyi kiminingnindarur nang, se,’ esunun. Bok, sunci Nisi ato enindarur, ‘Nunci Kan si ara una kuboka malyi kimining kunub do?’ enindarur, se. 7Sunda ninyi dama deirin nang imam nang aryi, ‘Er Imtamnyi urasintam aryi malyi dinyi ton kum kunub,’ enindarur. Bok, Nira Imtamnyi biryi sunti, ‘Ni uram kekena kum uca, yan yaninung,’ teneboka Ni bingsunun. Sunci Ni Imtamnyi biti dama deiriryangarandum ara malyi yina asi boboka uk dan keil dungna dub asi deiriryangarandum. Ato kurandum cok, sunci Nisi ato enindarur, ‘Nunci Imtamnyi Kansi una kuboka malyi kimdongokunub do?’ enindarur. Sunci malyi kurandum ara, ‘Malyi, Er iya Erebdobnyi biti Er dama deirin co lamna deici deibkwamabyi dinyi ara malyi dinyi akwe boboka deirirbanmanuba,’ tenen kunurandum. A deyok aryi Nira Imtamnyi biryi sunti, ‘Ni si malyi kiminingna nang se,’ esunun. 8Ati, sunci bisam domba boboka Niti dama deiriryankwamamunyi ura, sunci asing kuanci dinyi ab, u borbotom en dinyi ab, yan mata kotokanci bisam ab asi boboka deiriryangarandum. Ato kun dinyi ara Ni urasintam aryi malyi kun dinyi kurandum ati, sunci unato ati, ‘Malyi dinyi kum kunub,’ erandum do? Atoto kuanci bisam asi sunci boboka sun mutuk talesinanyi gubernur bisi karebdendarur. Ba, erci, ‘Ato kubmaning ara telebto kubmaning,’ teneboka sunsi er kanya deibdobkwansir do? Ato tenen kum. Ati, unato ati sunci Nira Iya Erebdobnyi bisi ato dinyi karerandum do?” Er Iya Erebdobnyi, imtam yin doun nang sienyi biryi ebmou.
9Er Imtamnyi biryi ato ebmou cok, tubto ato ebmurubmou, “Ati, ukuryok akira, ninyi dama deirin nang o! Sunci malyi bisam asi boboka Er Imtamnyi urasintam asi ninyi dama deibdongoboka, ‘Er Iya Erebdobnyi biryi nun molona kekebkwansir,’ tenerandum do? Tonda, sunci, ‘Er Imtamnyi biryi nunti, “Ni mabwe, nermabwe,” tenen dobdobkwansir,’ tenerandum do? Sunci Nira Imtamnyi bisi, ‘Kan kanya teleb teneibsurum,’ eboka molorandum bok, Niryi sun molona kum kekebkwansin ati ebman,” eboka Er Iya Erebdobnyi, imtam yin doun nang sienyi biryi ato ebmou. 10“Sun ninyi dama deirin nang imam nang ara Ni urasintam asi malyi bisam boboka deirirandum deyok aryi, sun wa in dinyi ara talyitam irandum. Sunci Niti sun dama deiboka uk darbimunyei ati, sun kankan dam aryi dama deirin nang ton nang aryi, ‘Dama deirin dinyi ara talyitam deiblobibyei ati taklobkwayeb,’ teboka, Nira Imtamnyi ai sun dama deirin ai bisik bublan tiringdongona teleb. Sunci sun dama uk darbimunyi ababyi talyitam dablobdobdarur. Nira sunsi teleb ton kum tenesunun. Ani, tonda sunci, sun dama deirirandum dinyi ara Ni kanya teleb kum kuranir. 11Sunda Israel yala nang ara Nira Imtamnyi si ina ngilingnanurum bok, sun yuk yala nang ara Ni si weik ebkwaning. Ara, kiting anamyanganmaci mutuk aryi kuboka kiting wengbarande mutuk ababyi im dangna mutuk tukwe dangna mutuk nang kununga kankan ara Ni si asi weik ebkwaming. Ara, dantam-dantam mutuk ai nirya ara Ni si asi weik ererdeirina ati dama deiboka uk dan ai kubkwande. A nang ara yuk yala-yuk yala nang aryi Nisi dama deibkwaning ara siltong teleb dinyi ab bisam domba teleb dinyi ab akwe boboka Ni urasintam deibkwaning. 12Bok, sunda Israel yala nang kankan kuboka dama deirin nang aryi ato kum kundarurci, sunci malyi bisam akwe boboka Ni dam deiriranurum kundarur. Ati sunci, ‘Er Imtamnyi bisi dama deirirbana ara malyi dinyi ababyi deirirbana ababyi teleb,’ tenerandum. Ura, ‘Yina yin dinyi malyi dinyi deibibyi ababyi teleb,’ tenerandum. Ato tenerandum cok, sunci Er Imtamnyi biti dama deirin keil dungna asi malyi ai kibdeiboka ina ngilingdarur e. 13Ura, sunci ato erandum, ‘Nunda Er Imtamnyi bisi dama deirbanub ara wa mambul mitik kum doramib,’ erandum. Ato erandumci, sunci Nisi malyi kiminingdanurum. Tonda, sunci Niti boyangarandum dinyi ara ukula araboka dorandum bisam ab, yan taruk malyi kubdob bisam ab, u talebdob bisam ab asi bobokabmunci deiriryangarandum. A dinyi nirya ara Niryi sun taruk dam aryi dobdobkwamasitinyi do? Da kum dobsitinyi,” eboka Er Iya Erebdobnyi biryi ato ebmou. 14Ura, Er Imtamnyi biryi ton ato ebmurubmou, “Sun tola uram en nang ara manmalyi bisam boyandoka Nisi dama deirirbanung asi Niryi wenebkwansin. Sun winirandum bisam kankan ara yim bisam asi Niti karebkwayeb eboka minob uram dakloamun cok, a bisam boyangana kum uca, a bisam ara takdongobokmunyi ura, nong walili en bisam asi boboka Niti sun dama deiriryangarandum, se. Sun ato dinyi kurandum nang asi Niryi wenebkwansin. Ara, ato ati ebman, Nira Weik Sienyi Iya Erebdobnyi a kunum kunun. Ba, Ni si asi sun im dangna tukwe dangna mutuk kuraming nang kankan aryi, ‘Ilila weik sienyi,’ tenen si weik erebdeibkwanunung,” ebmou.
Currently Selected:
Maleakhi Uram 1: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Maleakhi Uram 1
1
Deyok
1:1
1Er Imtamnyi biryi ebdeibmou uram. Ara, Er Iya Erebdobnyi biryi sun Israel nang asi lak ebdeibmouci, Er uram ermururamunyi si nabi Maleakhi deici asi ebdeibmou uram deyok.
Er Iya Erebdobnyi biryi sun Israel nang asi diboka boukwe kimnamwe uram deyok
1:2-5
2Er Iya Erebdobnyi biryi sun Israel nang asi ato ebmou, “Niryi sunsi boukwe kimsunun ati ebmasin,” ebmou. “Boukwe kimsunun bok, sunda Nira Imtamnyi bisi ato enindarur, ‘Kum, Kanci nunsi boukwe kimsurum ara una kuboka boukwe weik kimsurum do?’ enindarur. Ato enindarur ati, Niryi se tenesunun. Minob kuramunyi si Esau deyok ati sunci kum bingdarur do? Anyi bira sun abwe kisok Yakub er du kuramwe asi Niryi taklobse. Ba, Niryi sun abwe kisok Yakub bisi boukwe weik kimnanse ani, sunda er mabwe nermabwe ababyi boukwe weik kimsunun ati ebman. 3Sunda Israel yala nang asi boukwe weik kusunun bok, Esau bira Niryi yu boboka taklobmase ani, sun er deibdoba nang nirya ababyi Niryi taklobse. Tonda, Niryi sun Esau deibdoba nang kuramnyi mutuk konkon ara ninyi kum daneiboka bai kam ai kibdeiboka ninyi kuna kum mutuk kibdeibse.
4Sun Yakub deibdoba nang aryi kekenmamunyi ba, Esau deibdoba nang Edom atei nang aryi, ‘Nun atei ara sirya dakabokwe bok, tubto tamuboka dobdobkwayeb,’ ebkwaming asi kekebkwandum. Ato ebkwaming bok, Nira Iya Mikibnyi biryi ato ebman: Sun Edom atei nang ara sun atei tubto tamuboka dobdobingnyi bok, Niryi tubto dalubsinibkwan. Ba, sun yuk atei nang aryi akatei nang ati, ‘Malyi kun nang atei,’ eboka si dobkwaming. Tonda, sunci Edom mutuk ati, ‘Er Iya Erebdobnyi biryi iya yu bobmurubkwande nang atei,’ eboka si dobkwaming.
5Ba, Nira Imtamnyi biryi sun Esau deibdoba nang sun atei iya dalubsinibkwan ati, sunda Israel nang sun asing aryi eibokabmunci, sunci ato ebkwandum, ‘Er Imtamnyi bira Iya Erebdobnyi kurur. Israel nang sun atei kuma ababyi Erci mikib kuboka taruk talerur!’ ebkwandum,” ebmou.
Sun Israel yala nang ara Er Imtamnyi biti dama deirin dinyi kareramiryok, malyi tenen dinyi akwe kareramnyi uram deyok
1:6-14
6Er Iya Erebdobnyi biryi sun Israel nang asi ato ebmou, “Er mi aryi er nai bisi, ‘Ni nai!’ tenebokabdiryi, kanya lamabdongoboka er nai uram kekerande. Ba, wa irmilinanyi biryi er nai bisi, ‘Ni Nai Erebdobnyi!’ tenen kanya luknubdongoboka er nai uram enmaci dinyi kekeboka kunurongnande. Bok, Nira Iya Erebdobnyi sun Nai kunun bok, sunci Niti, ‘Erda nun Nai!’ teneboka Ni uram enmanyi dinyi kum kekeranurum, se. Ba, Nira sun Nai Erebdobnyi kunun bok, sunci Niti, ‘Nun Nai Erebdobnyi!’ tenen ilil kanya boboka Ni uram enmanyi tok kekeboka kununa kum kurandum, se. Ni Imtamnyi Iya Erebdobnyi kunun bok, sunda ninyi dama deirin nang ababyi Ni uram kum kunurandum ati, Niryi sunti, ‘Ni si asi malyi kiminingnindarur nang, se,’ esunun. Bok, sunci Nisi ato enindarur, ‘Nunci Kan si ara una kuboka malyi kimining kunub do?’ enindarur, se. 7Sunda ninyi dama deirin nang imam nang aryi, ‘Er Imtamnyi urasintam aryi malyi dinyi ton kum kunub,’ enindarur. Bok, Nira Imtamnyi biryi sunti, ‘Ni uram kekena kum uca, yan yaninung,’ teneboka Ni bingsunun. Sunci Ni Imtamnyi biti dama deiriryangarandum ara malyi yina asi boboka uk dan keil dungna dub asi deiriryangarandum. Ato kurandum cok, sunci Nisi ato enindarur, ‘Nunci Imtamnyi Kansi una kuboka malyi kimdongokunub do?’ enindarur. Sunci malyi kurandum ara, ‘Malyi, Er iya Erebdobnyi biti Er dama deirin co lamna deici deibkwamabyi dinyi ara malyi dinyi akwe boboka deirirbanmanuba,’ tenen kunurandum. A deyok aryi Nira Imtamnyi biryi sunti, ‘Ni si malyi kiminingna nang se,’ esunun. 8Ati, sunci bisam domba boboka Niti dama deiriryankwamamunyi ura, sunci asing kuanci dinyi ab, u borbotom en dinyi ab, yan mata kotokanci bisam ab asi boboka deiriryangarandum. Ato kun dinyi ara Ni urasintam aryi malyi kun dinyi kurandum ati, sunci unato ati, ‘Malyi dinyi kum kunub,’ erandum do? Atoto kuanci bisam asi sunci boboka sun mutuk talesinanyi gubernur bisi karebdendarur. Ba, erci, ‘Ato kubmaning ara telebto kubmaning,’ teneboka sunsi er kanya deibdobkwansir do? Ato tenen kum. Ati, unato ati sunci Nira Iya Erebdobnyi bisi ato dinyi karerandum do?” Er Iya Erebdobnyi, imtam yin doun nang sienyi biryi ebmou.
9Er Imtamnyi biryi ato ebmou cok, tubto ato ebmurubmou, “Ati, ukuryok akira, ninyi dama deirin nang o! Sunci malyi bisam asi boboka Er Imtamnyi urasintam asi ninyi dama deibdongoboka, ‘Er Iya Erebdobnyi biryi nun molona kekebkwansir,’ tenerandum do? Tonda, sunci, ‘Er Imtamnyi biryi nunti, “Ni mabwe, nermabwe,” tenen dobdobkwansir,’ tenerandum do? Sunci Nira Imtamnyi bisi, ‘Kan kanya teleb teneibsurum,’ eboka molorandum bok, Niryi sun molona kum kekebkwansin ati ebman,” eboka Er Iya Erebdobnyi, imtam yin doun nang sienyi biryi ato ebmou. 10“Sun ninyi dama deirin nang imam nang ara Ni urasintam asi malyi bisam boboka deirirandum deyok aryi, sun wa in dinyi ara talyitam irandum. Sunci Niti sun dama deiboka uk darbimunyei ati, sun kankan dam aryi dama deirin nang ton nang aryi, ‘Dama deirin dinyi ara talyitam deiblobibyei ati taklobkwayeb,’ teboka, Nira Imtamnyi ai sun dama deirin ai bisik bublan tiringdongona teleb. Sunci sun dama uk darbimunyi ababyi talyitam dablobdobdarur. Nira sunsi teleb ton kum tenesunun. Ani, tonda sunci, sun dama deirirandum dinyi ara Ni kanya teleb kum kuranir. 11Sunda Israel yala nang ara Nira Imtamnyi si ina ngilingnanurum bok, sun yuk yala nang ara Ni si weik ebkwaning. Ara, kiting anamyanganmaci mutuk aryi kuboka kiting wengbarande mutuk ababyi im dangna mutuk tukwe dangna mutuk nang kununga kankan ara Ni si asi weik ebkwaming. Ara, dantam-dantam mutuk ai nirya ara Ni si asi weik ererdeirina ati dama deiboka uk dan ai kubkwande. A nang ara yuk yala-yuk yala nang aryi Nisi dama deibkwaning ara siltong teleb dinyi ab bisam domba teleb dinyi ab akwe boboka Ni urasintam deibkwaning. 12Bok, sunda Israel yala nang kankan kuboka dama deirin nang aryi ato kum kundarurci, sunci malyi bisam akwe boboka Ni dam deiriranurum kundarur. Ati sunci, ‘Er Imtamnyi bisi dama deirirbana ara malyi dinyi ababyi deirirbana ababyi teleb,’ tenerandum. Ura, ‘Yina yin dinyi malyi dinyi deibibyi ababyi teleb,’ tenerandum. Ato tenerandum cok, sunci Er Imtamnyi biti dama deirin keil dungna asi malyi ai kibdeiboka ina ngilingdarur e. 13Ura, sunci ato erandum, ‘Nunda Er Imtamnyi bisi dama deirbanub ara wa mambul mitik kum doramib,’ erandum. Ato erandumci, sunci Nisi malyi kiminingdanurum. Tonda, sunci Niti boyangarandum dinyi ara ukula araboka dorandum bisam ab, yan taruk malyi kubdob bisam ab, u talebdob bisam ab asi bobokabmunci deiriryangarandum. A dinyi nirya ara Niryi sun taruk dam aryi dobdobkwamasitinyi do? Da kum dobsitinyi,” eboka Er Iya Erebdobnyi biryi ato ebmou. 14Ura, Er Imtamnyi biryi ton ato ebmurubmou, “Sun tola uram en nang ara manmalyi bisam boyandoka Nisi dama deirirbanung asi Niryi wenebkwansin. Sun winirandum bisam kankan ara yim bisam asi Niti karebkwayeb eboka minob uram dakloamun cok, a bisam boyangana kum uca, a bisam ara takdongobokmunyi ura, nong walili en bisam asi boboka Niti sun dama deiriryangarandum, se. Sun ato dinyi kurandum nang asi Niryi wenebkwansin. Ara, ato ati ebman, Nira Weik Sienyi Iya Erebdobnyi a kunum kunun. Ba, Ni si asi sun im dangna tukwe dangna mutuk kuraming nang kankan aryi, ‘Ilila weik sienyi,’ tenen si weik erebdeibkwanunung,” ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)