Imamat Uram 19
19
“Ni Iya Erebdobnyi bira iya leknyi kunun ati sunbabyi lek ninyi kibdobdarur,” ebdeibwe deyok
19:1-37
1Er Iya Erebdobnyi biryi Musa bisi, ato ebmou. 2Ara, “Sun Israel ninyi asi ato kuboka ebdeibdum. Ni tentok ara sun Iya Erebdobnyi, sun molonindarurnyi nong kunun. Ani, Ni sun Nai Imtamnyi bira iya leknyi nong kunun ati, sunbabyi lek ninyi kibdandobdarur! 3Ani, sun Israel ninyi aryi, sun kwin ab, sun nai ab asi ilil kuboka, sun ebmasiringnyi to kuboka kunubkwandarur! Tonda, sunci Ni Iya Erebdobnyi uki tum si Sabat tum asi taruk louboka bunkwandarur! Nira Iya Erebdobnyi, sun Molonindarurnyi kunun. 4Sunci, keil kum co kum aryi sun kwemdeina kibdeiboka molona mem! Ani, sunci dengna weik keil si logam aryi uk nunuboka sun kwemdeina kiknibdeiboka molona mem! Eda, Ni Iya Erebdobnyi sun molonindarurnyi bikwe molobkwanindarur. 5Ba, sunci Ni Iya Erebdobnyi biryi, ‘Lebkwansir,’ tenen bisam oboka dama deiboka uk dan dinyi ati dekwamanumunyi ura, ‘Niryi sunsi ato kuboka dama deiboka molobkwanindarur,’ ebdeibsise to kuboka molobdobkwandarur. Ba, Ni Iya Erebdobnyi biryi sun malyi dinyi kiliboka kanyi deibkwansin. 6Ba, a dama deiboka uk dabmamunyi bisam tub kwel tuba deibmamunyi dinyi ara a dama deiboka molonmamunyi tum kum, a ambutum kum aryok yibkwandarur! Bok, a bisam tub kwel tuba deiamunyi ba, uki winiryi tum kimbici ura, sunci yina mem! Eda, uk nirya dabkwandarur ba, sici kibkwandarur! 7Uca, uki winiryi tum kimbiribok asi, sunci a bisam tub yibmunyi ura, a bisam tub yibmarinyi bira erbiramnyi sirya betebdongobdanmaci deyok aryi, Ni Iya Erebdobnyi biryi a bisam yibmarinyi bisi teleb kum tenebkwan. 8Unanyi biryi a kwel deibmamunyi dama bisam tub yibmaci ura, anyi bira er baramnyi malyito kubmaci deyok aryi, ikin dinyi takubdobkwande. Ara, Ni Imtamnyi biti karebmaningnyi dinyi ara beterdongona mem dinyi asi yibmaci ati obkwanung. Anyi bira sun kankan dam kuna mem, eda obkabkwandarur.
9Tonda, sun kwaning wa iamunya asi kinmamunyi tum aryi, nirya meica dang youkwa dang ena mem! Ani, a kinmamunyi kwaning asi sunga wewe erkarongna mem! Eda, ton anda takdongobkwandarur. 10Tonda, sun anggur co du dangmamunyi ababyi tubto liki bitinyi dinyi dangna mem! Ani, sun anggur co aryi, daksakmaci co du ara bumna mem! Bok, a nirya ara sun bona bon kum nang ab, tingyangan nang ab ati takdongobkwandarur. Nira Iya Erebdobnyi, sun molonindarurnyi kunun. 11Sunci yuk nang dinyi ukula dona mem! Tola ati suncok sun mamun minirdongordana mem! Ani, sunci tola uram ena mem! 12Ba, Ni Iya Erebdobnyi si ara lek si ati, sunci Ni si si siboka beterdongona mem! Tonda, Ni si talyi si siboka uram katabum erdeirirdana mem! Nira Iya Erebdobnyi kunun. 13Sun kwit yabwe boboka yibdobmanto bona asi kancok tula kirikde boboka yina mem! Ani, sunci yuk nang bona asi araboka dobde yina mem! Ani, sun wa inmasirinyi dekwamamunyi ura, ambutum aryi dengna mem! Eda, a tum aryok dengkwandarur. 14Sunci, sun o kinikandinyi bisi, ‘Ni uram kum kekebkwamanirarya,’ tenen ersi sumna mem! Ani, er asing kuandinyi bisi, ‘Kum eibkwamarca,’ tenen ati sunci dangdeimna deirina mem! Eda, sunci Ni Iya Erebdobnyi, sun molonindarurnyi bisi, ‘Nun ilil,’ tenebnindarur. 15Ani, yuk nang malyi kun dinyi lilinkwamamunyi ura, ninyi urasin meiboka uram sengkwetena mem! Sun utotoa kum nang aryi malyi kubmangnyi ati, ‘Er bona bon kumnyi bica,’ tenen limdona mem! Ani, ‘Sun weik nang aca,’ tenen ati ilil kuboka sun malyi kun dinyi siklina mem! Eda, sun malyi kubmangnyi to diboka lilibmunyi ura, kikimanto kuboka ikin karebkwandarur. 16Ninyi atei yibinkirikoka ninyi talak dorkiringna mem! Ba, sun kwit yabwe malyi dinyi kununa kum kubmangnyi bok asi, sun tola uram erkiringna aryi, ikin dinyi bordeina mem! A nirya ara Ni Iya Erebdobnyi sun molonindarurnyi biryi ebmasin.
17 #
Mat. 18:15
Sun kwit yabwe aryi, sunsi malyi dinyi kubdongoansingnyi ura, sun kanyatam aryi, ‘Se,’ teneboka kerena mem! Eda, urasin dam lak ebdankwandarur. Ba, a deyok aryi ikin dinyi sunbabyi bobdongobdamunyei. 18#Mat. 5:43; Mrk. 12:31; Luk. 10:27; Rom. 13:9; Gal. 5:14; Yak. 2:8Sun mamun aryi, ‘Erci obmanir ati, erbabyi obkun,’ tenen kanya bona mem! Ani, sun atei nang mamun yu bordana mem! Eda, sun dam nang boukwe kimdarandum to sun yuk nang ababyi boukwe kibkwandarur. Nira Iya Erebdobnyi, sun molonindarurnyi kunun.
19Niryi sunsi, ato kubde bankwandarur ebdeibsise to akwe kuboka kunubde bindarur. Ara, sunci bisam ner asi yuk kamyoa yal aryi deirina mem! Ani, sun wa iboka koubkwamamunyi ara neik yakna aryok yala amuma kouna mem! Eda, tentok yakna ara tentok yala akwe koubkwandarur. Tonda, sun ongon aling ababyi, tabwe yala bitinyi aryi tabtabukoka wiamingnyi ongon aling ara ongona mem!
20Weiknyi biryi er wa irmilin ner asi, ‘Kanda anyi bisi dobkwankir,’ eboka sal tentok asi eandur. Ba, a eandanyi bira a ner dengna ati tuba ingkirikde kuranci noutam talak aryi, yuknyi biryi yandoka yoandur. Ura, a yobdanmaringnyi nang bitinyi ara ona mem! Eda, sunsi ikin dinyi karebkwandarur. Ara, a ner erda weiknyi amwetam tuba kuranci deyok aryi, kum obkwanung. 21A ner yobmarinyi bira yim bisam domba asi bobci ura, Ni ai Kemah Suci ai bublan dam boyandoka, er malyi kubmaci dinyi kilina ati yim bisam domba oboka dama deibkwandur. 22Ura, Ni sun molonindarurnyi ai wa inanyi tentoknyi biryi Ni ab, anyi ab antanirdeirina ati, a bisam domba obkwandur. Ba, er malyi kubmaci dinyi asi, Ni sun molonindarurnyi biryi libdobkwanun.
23Sunci, Kanaan mutuk dam sirya wengbimunyi ura, yin co du yala amuma bindoka koubkwandum. Ba, abokabdiryi du moubdankwande. Bok, kwalina winiryi nirya aryi, a moubkwande co du asi, sunci ton dakoka yina mem! 24Bok, kwalina dumbaryi kibci ura, sunci, ‘Ni Imtamnyi biti, yuk wibdeibokabnumunci, Nai, nun babya,’ eboka kouna dama ara yina mem! Eda, sunci Niti nirya boyankwanindarur. 25Ato kuboka sirya dama deibnumunyi ura, kwalina amubaryi ara sunci anda co du ur dakoka yibkwandarur. Ba, Ni Iya Erebdobnyi, sun molonindarurnyi biryi co du ilinto tabakdongoboka karebkwansin.
26Sunci ining tuba lingmaci bisam kum, maka kum ara yina mem! Ani, sun asing kerket nang aryi tola-tola ati, ‘Aminda ara ato dinyi kunubkwande,’ en nang asi asirbana mem! 27Sun ai ninyi dibmangnyi ati, sun kisok otong ab, ban otong ab asi kururdana mem! 28Ani, sun nong babyi, sun bol babyi asi dilaka sakdeibdandoka utururdana mem! Nira Iya Erebdobnyi kunun. 29Sun nermabwe asi, yuk kwemdeina molon nang asi karebmumba, a kwemdeina molon ai kurandiryi ersi talyi yortamni ner kimdeirina mem! Ba, sun nebnyi malyi kiboka, talyi yortamni ner kibcei. Ato kun deyok aryi, sun kuramunyi mutuk nirya si malyi kibsinibmunyei. 30Sunci Niti si weik eboka molon ai ab, Ni uki tum si Sabat tum ab nirya asi, diboka dibniliboka kalikwandarur! Nira Iya Erebdobnyi kunun. 31Sun ninyi din nang kanya namni nang asi bindoka sun mambul kun dinyi ati, ‘Milibsurum,’ eboka molorbana mem! Ba, sunci ato kubmamunyi deyok aryi, malyi dinyi betebdongobdamunyi ba, sun lek kuansici ibarya kum dasicei. Ni sun molonindarurnyi bira Iya Erebdobnyi kunun.
32Sun wisi nerabwe ab, wisi nang ab asi dibniliboka boukwe kibdarur. Ani, Ni sun molonindarurnyi bisi ilil teneboka kubkwandarur. Nira Iya Erebdobnyi kunun. 33Yuk mutuk nang, sun ab tonkwa kuramunyi ura, sun a nang asi outam kibdeiboka sun ererona mem! 34Eda, sunbabyi sun Israel nang yoka kuramunyi to kubkwanung. Ara, sun damnyi boukwe kimdarandum to kuboka sunsi boukwe kibkwandarur! Ara, minob uca sunsi Mesir mutuk bindoka tingyangan nang to kurandau talak aryi sunsi malyi kiboka luknurdeiriransei to ara mem! Nira Iya Erebdobnyi, sun molonindarurnyi biryi ebmasin. 35Sunci er kum kubmaci to kuboka kunusa dona mem. Ikin kubmaci bok, caknam aca ena mem! Cang kubmaci bok, bumang aca ena mem! Me langkarikmaci bok, lukarika aca ena mem! 36Ikin kiklina babyi, cang kiklina babyi, me lukarika bubmaci to kiklina babyi, er kubmaci to kuboka lak ebkwandarur. Tonda, tola ati kunusa doboka, ‘Caknam kubmar; bumang kubmar; outam yakna kubmar,’ ena mem. Nira Iya Erebdobnyi, sun molonindarurnyi biryi sunsi Mesir mutuk aryi boyanansise, ati ebman. 37Niryi sunsi, ‘Ato kubde bankwandarur,’ ebdeibsise uram akwe kunubkwandarur; Nira Iya Erebdobnyi biryi ebman,” ebmasir. Ato eboka Er Iya Erebdobnyi biryi Musa bisi ebdeibmou.
Currently Selected:
Imamat Uram 19: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Imamat Uram 19
19
“Ni Iya Erebdobnyi bira iya leknyi kunun ati sunbabyi lek ninyi kibdobdarur,” ebdeibwe deyok
19:1-37
1Er Iya Erebdobnyi biryi Musa bisi, ato ebmou. 2Ara, “Sun Israel ninyi asi ato kuboka ebdeibdum. Ni tentok ara sun Iya Erebdobnyi, sun molonindarurnyi nong kunun. Ani, Ni sun Nai Imtamnyi bira iya leknyi nong kunun ati, sunbabyi lek ninyi kibdandobdarur! 3Ani, sun Israel ninyi aryi, sun kwin ab, sun nai ab asi ilil kuboka, sun ebmasiringnyi to kuboka kunubkwandarur! Tonda, sunci Ni Iya Erebdobnyi uki tum si Sabat tum asi taruk louboka bunkwandarur! Nira Iya Erebdobnyi, sun Molonindarurnyi kunun. 4Sunci, keil kum co kum aryi sun kwemdeina kibdeiboka molona mem! Ani, sunci dengna weik keil si logam aryi uk nunuboka sun kwemdeina kiknibdeiboka molona mem! Eda, Ni Iya Erebdobnyi sun molonindarurnyi bikwe molobkwanindarur. 5Ba, sunci Ni Iya Erebdobnyi biryi, ‘Lebkwansir,’ tenen bisam oboka dama deiboka uk dan dinyi ati dekwamanumunyi ura, ‘Niryi sunsi ato kuboka dama deiboka molobkwanindarur,’ ebdeibsise to kuboka molobdobkwandarur. Ba, Ni Iya Erebdobnyi biryi sun malyi dinyi kiliboka kanyi deibkwansin. 6Ba, a dama deiboka uk dabmamunyi bisam tub kwel tuba deibmamunyi dinyi ara a dama deiboka molonmamunyi tum kum, a ambutum kum aryok yibkwandarur! Bok, a bisam tub kwel tuba deiamunyi ba, uki winiryi tum kimbici ura, sunci yina mem! Eda, uk nirya dabkwandarur ba, sici kibkwandarur! 7Uca, uki winiryi tum kimbiribok asi, sunci a bisam tub yibmunyi ura, a bisam tub yibmarinyi bira erbiramnyi sirya betebdongobdanmaci deyok aryi, Ni Iya Erebdobnyi biryi a bisam yibmarinyi bisi teleb kum tenebkwan. 8Unanyi biryi a kwel deibmamunyi dama bisam tub yibmaci ura, anyi bira er baramnyi malyito kubmaci deyok aryi, ikin dinyi takubdobkwande. Ara, Ni Imtamnyi biti karebmaningnyi dinyi ara beterdongona mem dinyi asi yibmaci ati obkwanung. Anyi bira sun kankan dam kuna mem, eda obkabkwandarur.
9Tonda, sun kwaning wa iamunya asi kinmamunyi tum aryi, nirya meica dang youkwa dang ena mem! Ani, a kinmamunyi kwaning asi sunga wewe erkarongna mem! Eda, ton anda takdongobkwandarur. 10Tonda, sun anggur co du dangmamunyi ababyi tubto liki bitinyi dinyi dangna mem! Ani, sun anggur co aryi, daksakmaci co du ara bumna mem! Bok, a nirya ara sun bona bon kum nang ab, tingyangan nang ab ati takdongobkwandarur. Nira Iya Erebdobnyi, sun molonindarurnyi kunun. 11Sunci yuk nang dinyi ukula dona mem! Tola ati suncok sun mamun minirdongordana mem! Ani, sunci tola uram ena mem! 12Ba, Ni Iya Erebdobnyi si ara lek si ati, sunci Ni si si siboka beterdongona mem! Tonda, Ni si talyi si siboka uram katabum erdeirirdana mem! Nira Iya Erebdobnyi kunun. 13Sun kwit yabwe boboka yibdobmanto bona asi kancok tula kirikde boboka yina mem! Ani, sunci yuk nang bona asi araboka dobde yina mem! Ani, sun wa inmasirinyi dekwamamunyi ura, ambutum aryi dengna mem! Eda, a tum aryok dengkwandarur. 14Sunci, sun o kinikandinyi bisi, ‘Ni uram kum kekebkwamanirarya,’ tenen ersi sumna mem! Ani, er asing kuandinyi bisi, ‘Kum eibkwamarca,’ tenen ati sunci dangdeimna deirina mem! Eda, sunci Ni Iya Erebdobnyi, sun molonindarurnyi bisi, ‘Nun ilil,’ tenebnindarur. 15Ani, yuk nang malyi kun dinyi lilinkwamamunyi ura, ninyi urasin meiboka uram sengkwetena mem! Sun utotoa kum nang aryi malyi kubmangnyi ati, ‘Er bona bon kumnyi bica,’ tenen limdona mem! Ani, ‘Sun weik nang aca,’ tenen ati ilil kuboka sun malyi kun dinyi siklina mem! Eda, sun malyi kubmangnyi to diboka lilibmunyi ura, kikimanto kuboka ikin karebkwandarur. 16Ninyi atei yibinkirikoka ninyi talak dorkiringna mem! Ba, sun kwit yabwe malyi dinyi kununa kum kubmangnyi bok asi, sun tola uram erkiringna aryi, ikin dinyi bordeina mem! A nirya ara Ni Iya Erebdobnyi sun molonindarurnyi biryi ebmasin.
17 #
Mat. 18:15
Sun kwit yabwe aryi, sunsi malyi dinyi kubdongoansingnyi ura, sun kanyatam aryi, ‘Se,’ teneboka kerena mem! Eda, urasin dam lak ebdankwandarur. Ba, a deyok aryi ikin dinyi sunbabyi bobdongobdamunyei. 18#Mat. 5:43; Mrk. 12:31; Luk. 10:27; Rom. 13:9; Gal. 5:14; Yak. 2:8Sun mamun aryi, ‘Erci obmanir ati, erbabyi obkun,’ tenen kanya bona mem! Ani, sun atei nang mamun yu bordana mem! Eda, sun dam nang boukwe kimdarandum to sun yuk nang ababyi boukwe kibkwandarur. Nira Iya Erebdobnyi, sun molonindarurnyi kunun.
19Niryi sunsi, ato kubde bankwandarur ebdeibsise to akwe kuboka kunubde bindarur. Ara, sunci bisam ner asi yuk kamyoa yal aryi deirina mem! Ani, sun wa iboka koubkwamamunyi ara neik yakna aryok yala amuma kouna mem! Eda, tentok yakna ara tentok yala akwe koubkwandarur. Tonda, sun ongon aling ababyi, tabwe yala bitinyi aryi tabtabukoka wiamingnyi ongon aling ara ongona mem!
20Weiknyi biryi er wa irmilin ner asi, ‘Kanda anyi bisi dobkwankir,’ eboka sal tentok asi eandur. Ba, a eandanyi bira a ner dengna ati tuba ingkirikde kuranci noutam talak aryi, yuknyi biryi yandoka yoandur. Ura, a yobdanmaringnyi nang bitinyi ara ona mem! Eda, sunsi ikin dinyi karebkwandarur. Ara, a ner erda weiknyi amwetam tuba kuranci deyok aryi, kum obkwanung. 21A ner yobmarinyi bira yim bisam domba asi bobci ura, Ni ai Kemah Suci ai bublan dam boyandoka, er malyi kubmaci dinyi kilina ati yim bisam domba oboka dama deibkwandur. 22Ura, Ni sun molonindarurnyi ai wa inanyi tentoknyi biryi Ni ab, anyi ab antanirdeirina ati, a bisam domba obkwandur. Ba, er malyi kubmaci dinyi asi, Ni sun molonindarurnyi biryi libdobkwanun.
23Sunci, Kanaan mutuk dam sirya wengbimunyi ura, yin co du yala amuma bindoka koubkwandum. Ba, abokabdiryi du moubdankwande. Bok, kwalina winiryi nirya aryi, a moubkwande co du asi, sunci ton dakoka yina mem! 24Bok, kwalina dumbaryi kibci ura, sunci, ‘Ni Imtamnyi biti, yuk wibdeibokabnumunci, Nai, nun babya,’ eboka kouna dama ara yina mem! Eda, sunci Niti nirya boyankwanindarur. 25Ato kuboka sirya dama deibnumunyi ura, kwalina amubaryi ara sunci anda co du ur dakoka yibkwandarur. Ba, Ni Iya Erebdobnyi, sun molonindarurnyi biryi co du ilinto tabakdongoboka karebkwansin.
26Sunci ining tuba lingmaci bisam kum, maka kum ara yina mem! Ani, sun asing kerket nang aryi tola-tola ati, ‘Aminda ara ato dinyi kunubkwande,’ en nang asi asirbana mem! 27Sun ai ninyi dibmangnyi ati, sun kisok otong ab, ban otong ab asi kururdana mem! 28Ani, sun nong babyi, sun bol babyi asi dilaka sakdeibdandoka utururdana mem! Nira Iya Erebdobnyi kunun. 29Sun nermabwe asi, yuk kwemdeina molon nang asi karebmumba, a kwemdeina molon ai kurandiryi ersi talyi yortamni ner kimdeirina mem! Ba, sun nebnyi malyi kiboka, talyi yortamni ner kibcei. Ato kun deyok aryi, sun kuramunyi mutuk nirya si malyi kibsinibmunyei. 30Sunci Niti si weik eboka molon ai ab, Ni uki tum si Sabat tum ab nirya asi, diboka dibniliboka kalikwandarur! Nira Iya Erebdobnyi kunun. 31Sun ninyi din nang kanya namni nang asi bindoka sun mambul kun dinyi ati, ‘Milibsurum,’ eboka molorbana mem! Ba, sunci ato kubmamunyi deyok aryi, malyi dinyi betebdongobdamunyi ba, sun lek kuansici ibarya kum dasicei. Ni sun molonindarurnyi bira Iya Erebdobnyi kunun.
32Sun wisi nerabwe ab, wisi nang ab asi dibniliboka boukwe kibdarur. Ani, Ni sun molonindarurnyi bisi ilil teneboka kubkwandarur. Nira Iya Erebdobnyi kunun. 33Yuk mutuk nang, sun ab tonkwa kuramunyi ura, sun a nang asi outam kibdeiboka sun ererona mem! 34Eda, sunbabyi sun Israel nang yoka kuramunyi to kubkwanung. Ara, sun damnyi boukwe kimdarandum to kuboka sunsi boukwe kibkwandarur! Ara, minob uca sunsi Mesir mutuk bindoka tingyangan nang to kurandau talak aryi sunsi malyi kiboka luknurdeiriransei to ara mem! Nira Iya Erebdobnyi, sun molonindarurnyi biryi ebmasin. 35Sunci er kum kubmaci to kuboka kunusa dona mem. Ikin kubmaci bok, caknam aca ena mem! Cang kubmaci bok, bumang aca ena mem! Me langkarikmaci bok, lukarika aca ena mem! 36Ikin kiklina babyi, cang kiklina babyi, me lukarika bubmaci to kiklina babyi, er kubmaci to kuboka lak ebkwandarur. Tonda, tola ati kunusa doboka, ‘Caknam kubmar; bumang kubmar; outam yakna kubmar,’ ena mem. Nira Iya Erebdobnyi, sun molonindarurnyi biryi sunsi Mesir mutuk aryi boyanansise, ati ebman. 37Niryi sunsi, ‘Ato kubde bankwandarur,’ ebdeibsise uram akwe kunubkwandarur; Nira Iya Erebdobnyi biryi ebman,” ebmasir. Ato eboka Er Iya Erebdobnyi biryi Musa bisi ebdeibmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)