Yosua Uram 22
22
Me Yordan kouboka yaletam nang tamuboka otam binmai deyok
22:1-8
1Ura, sun Ruben yala nang ab, Gad yala nang ab, Manasye yala meici kukoka dinatam nang ab ati, Yosua biryi ato ebmou, 2“Sunda Er Iya Erebdobnyi wa irmilinanyi Musa ebdeiamwe to ab, niryi sunsi ebmasinyi to ab nirya kekeboka kunundarur. 3Ara, a talak ababyi sun du weit yabwe asi tanglordana kum kundarurci, Er Iya Erebdobnyi sun molondarurnyi uram ebdeibwe to nirya tuba kunundarur. 4Ato kuboka kunundarur deyok aryi ukuryok ara sun Nai Iya Erebdobnyi biryi sunsi minob ‘Mangkou asa kubkwandum,’ ebdeiansou to kuboka sun weit yabwe ab, sun du yabwe ab asi mangkau kibdeibmar. Ati, sun atei ab, sun mutuk ab, Iya Erebdobnyi wa irmilinanyi Musa biryi kareansou mutuk me Yordan kouboka otam tamuboka bindarur. 5Sirya bimunyi ura, Er Iya Erebdobnyi biryi, ‘Ukubdarur-ukuna mem,’ ebdeibsou uram Imtamnyi wa irmilinanyi Musa biryi ebmasou to akwe kunubde kunkwandarur. Ara, ato: Er Iya Erebdobnyi sun Molondarurnyi bisi boukwe kiboka, Er Imtamnyi biryi ebdeiansici to akwe kunuboka, Er si weik eboka kanya ab, sun sambal ab nirya Er kikwe kanyi deibkwandarur,” ebmou. 6Ura, Yosua biryi sunsi kisal dakmou ba, sun atei tamuboka binmai.
7Manasye yala dinatam nang ara Musa biryi me Yordan kouboka yaletam kuboka Basan mutuk eamwe. Ba, meici kukoka ton dinatam nang ababyi Yosua biryi sun kwit yabwe kankan Yordan kouboka kitingbantam eamwe. Sun Manasye yala ninyi dinatam nang ara me Yordan kouboka yaletam sun eamwe mutuk si Basan tamuboka bindobkwamnyi. Sun a bindobkwamnyi nang asi Yosua biryi kisal dakmouci, sunsi ato ebmou: 8“Sunci sun kwit yabwe asi sirya milibmarumci, bona-bona sirya daluboka bobdobmarum. Ani, sun bisam yabwe ababyi ilinto bobdobmarum. Ani, perak keil ab, emas keil ab, tembaga keil ab, besi keil ab, ongon aling ab ilinto talebmarum ati sun atei ur bindarur. Bok, sunci anda talebmarum bona ara sun kikwe bona mem! Eda, sun kwit yabwe ab tonkwa bokoka bokdobkwandarur,” ebmou.
Yordan kouboka otam kuramnyi yala nang aryi Imtamnyi bisi siltong en dinyi oboka yalin keil dungna kiknibmai deyok
22:9-34
9Ruben yala nang ab, Gad yala nang ab, Manasye yala dinatam nang ab, Israel nang ton nang ara Kanaan mutuk Silo dam takloboka Iya Erebdobnyi biryi Musa deici eamwe to kunuboka sun mutuk Gilead dam bindobmai. 10Ruben yala ab, Gad yala ab, Manasye yala dinatam nang ab ara Kanaan mutuk akwe Gelilot dam Yordan kin bindoka siltong en dinyi yalinkwamnyi ati, Er Iya Erebdobnyi biti ilila keil dungna laboka kiknibmai. 11Ura, Israel nang kekenmai uca, “Ruben yala nang ab, Gad yala nang ab, Manasye yala dinatam nang ab aryi siltong en dinyi uk dan keil dungna asi Kanaan mutuk Gelilot dam Yordan kin Israel nang kunung tam asi kiknibmang,” ebmai. 12Ato uram kekebmai ura, Israel nang nirya aryi, “Ibinkwayeb,” eboka Silo dam bulubmai.
13Ura, Israel nang aryi, Ruben yala nang ab, Gad yala nang ab, Manasye yala nang dinatam nang ab, Gilead mutuk dam kuramnyi dikum asi Imtamnyi biti dama deirin ai wa inanyi imam si Pinehas, Eleazar mi ab, 14weik nang takubaryi nang yala yuk-yuk tentok-tentok bokdonokmai. A bokdonokmai nang ara ai yuk-yuk takubaryi kuramnyi to kuboka ninyi tentok-tentok anaboka binmai.
15Sirya Gilead dam Ruben yala ab, Gad yala ab, Manasye yala dinatam nang ab asi binmai ura, ato ebmai, 16“Er Iya Erebdobnyi uram keken nang nirya deici aryi, Er Iya Erebdobnyi nun Israel nang molonanyi urasintam aryi kiknibman kum dinyi kikninmarum. Iya Erebdobnyi urasintam ara dong anibmarumci, siltong en dinyi uk dan keil dungna kiknibmarum. Ato kunmarum deyok aryi Er Iya Erebdobnyi bisi arub aryi malyi kibdeibmarum. 17Peor mutuk aryi Er Imtamnyi urasintam asi nunci malyi dinyi kunuramoubwe. Ba, a talak aryi Er Iya Erebdobnyi biryi nunsi ikin weik dinyi kareansou. A malyi kuramoubwe dinyi ara nunci kum me ilikabokoubwe eda, a tuba bobmab. 18Ato kuboka ukubabyi Erebdobnyi bisi dong aninmarum do? Arub aryi Iya Erebdobnyi bisi tatanmamunyi ura, ambutum ara erci Israel nang asi yu bobkwamasir. 19Bok, Yordan me yaletam ara, ‘Er Iya Erebdobnyi bisi moloboka si weik ebman kum beterdongonung tukwe,’ tenebmunyi ura, me kouboka kitingbantam nun kunub dikum asi yandarur. Ara, Er Iya Erebdobnyi Er mutuk babyi, Erti molon ai si Kemah Suci dobyi mutuk tam asi yandarur ba, nun ab tonkwa kubkwayeb. Bok, Er Iya Erebdobnyi biryi ebdeibsou uram asi nunci kununub to kuboka kunubkwandarur! Ara, sunci yuk-yuk kwemdeina ai doboka molona mem! Eda, Er Iya Erebdobnyi nun molonanyi molon ai akwe kubkwande. 20Zerah mi Akhan biryi Erebdobnyi biti yuk wibdeibmai bona asi dobmou ara nun Israel ninyi ababyi nirya malyi kibdongobsou. Ati, er a bona dobmounyi er kikwe manmalibdandobmou ba, obmaia kuma. Eda, a deyok aryi Israel ninyi nirya ababyi ikin dinyi karebmasou,” ebmai.
21Ebmai ura, Ruben yala nang ab, Gad yala nang ab, Manasye yala nang dinatam nang ab aryi sun Israel nang sun ai ninyi yuk-yuk sun nai yabwe binmai nang asi ato ebmai. 22“Yuk-yuk kwemdeina bisibkaboka, Er Iya Erebdobnyi, imtam kururnyi biryi Israel ninyi kununmabyi dinyi ara Er sirya bingsurur asi ton bikdarur. Ati, arub ara Er uram kum ebdeibwe to dinyi kununmab do? Er uram ebdeibwe to dinyi kununmab do? Nun kum bikmab. Malyito dinyi kununmabyi ura, Imtamnyi biryi kum lebdeibkwamasir. 23Akai donub ara Er Iya Erebdobnyi biryi, ‘Ukubdarur!’ ebdeibsou uram asi, ‘Yan yanibtibiryi, bisam domba oboka uk dan dinyi ab, lemdarona dama deirina ab, kouryina ab asi uk daboka molobtibyi,’ tenebuburyi, kum donub. Ato teneamibiryi akai doramibyi ura, Er Iya Erebdobnyi biryi nunsi sun taruk dam karebsici ba, teleb aryi da obsindarur. 24Bok, aminda kubde binkwaming talak ara sun mabwe aryi nun mabwe asi, ‘Sunda nun tam nang kuma ati, Er Iya Erebdobnyi nun Israel nang molonubnyi bira sunci molona mem ebingnyei. 25Tonda, sun Ruben yala nang ab, Gad yala nang ab e! Er Iya Erebdobnyi biryi me Yordan ara sun mutuk ab, nun mutuk ab wilibdeibsou ara bingdarur do? Sunda Er Iya Erebdobnyi mabwe kuna kum kuramunyi ura, aminda ara sun mabwe da kubkwaming to nun ebingnyei.’ Ara, sun mabwe aryi nun mabwe asi, Iya Erebdobnyi molona seksinibkwaming. 26Ato deyok aryi nunda bisam domba oboka uk dan dinyi ati, a keil dungna kiknibmaba kuma. 27Eda, nun tam nang ab, sun tam nang ab yuk-yuk wibdobkwayeb dinyi asing dina ati kiknibmab. Ba, nunda dib Er Iya Erebdobnyi Er molon ai si Kemah Suci akwe Erti si weik eboka, siltong en dinyi uk daboka dama deirirbinkwaming. Ba, sun mabwe aryi eiboka ato enkwaming, ‘Diba sun Nai Imtamnyi biti dama deiboka molonung,’ tenebkwaming. 28Ani, aminda sun mabwe aryi, nun mabwe asi sangkuna, ‘Sunci Er Iya Erebdobnyi bisi molona mem!’ Ebingnyi uca, nun mabwe aryi ato ebkwaming, ‘Nun abwe yabwe aryi kikniamnyi keil dungna a dibdendarur,’ eboka amubkwaming. Ani, nunda bisam domba oboka uk dan dinyi ati, kikninuba kuma. Eda, sunci nunsi, ‘Er Imtamnyi bisi diba molonung nang kunung,’ tenen eiboka bikwandarur ati kikninub. 29Er Iya Erebdobnyi bisi dama deiboka uk dan keil dungna minob Imtamnyi Er ai dam sirya a kikniamibiryok yuk tabakoka kiknina mem. Tubto yuk keil dungna tabakoka kiknibibiryi, bisam domba oboka uk dan dinyi ab, kouryina dama deirin dinyi ab asi dama deiboka uk dabkwayeb dinyi ton kum kubkwayeb,” ebmai.
30Ba, sun a binmai nang Imtamnyi biti dama deirin ai wa inanyi imam Pinehas ab, Israel nang weik nang ab bindoka kekenmai uca, Ruben yala nang ab, Gad yala nang ab, Manasye yala nang ab aryi, ato ebmai uram sirya kekebmai. Ura, sunci ato ebmai, “Ato ebmarum to ara teleb,” ebmai. 31Ato ebmai ura, Eleazar mi Pinehas Imtamnyi biti dama deirin ai wa inanyi imam biryi Ruben yala nang ab, Gad yala nang ab, Manasye yala nang ab asi ato ebmou, “Ukura nun sirya bikmasib, Er Iya Erebdobnyi bira nun kankan dam kurur ati, sunci Iya Erebdobnyi biryi ebwe to kum dakbisibmarumci, Er ebdeibwe to kunubmarum. Ato kubmarum deyok aryi Imtamnyi biryi Israel nang asi ikin dinyi karebkwamasou dinyi ara sirya lebdandobmarum,” ebmou.
32Sirya ato ebmai ura, Imtamnyi ai wa inanyi imam Pinehas Eleazar mi ab, Israel weik nang ab ara Ruben yala nang ab, Gad yala nang ab Gilead mutuk takloboka Kanaan dam bindobmai. Sirya binmai ura, Israel nang asi a ebmai uram bindoka, “Ato ebmang,” eboka nukmai. 33Ba, Israel nang aryi, “Ato ebmang ara teleb,” tenebmai. Ura, Imtamnyi bisi si weik ebmai. Ura, Ruben yala nang ab, Gad yala nang ab Gilead kuramnyi mutuk asi mar boboka orkana kum kubmai. 34Ba, Ruben yala ab, Gad yala ab aryi a siltong en dinyi uk dan keil dungna kiknibmai dinyi si ara, “Er Iya Erebdobnyi ninyi kikniansounyi dib kurur eboka lak kimna keil dungna,” eboka si dobmai.
Currently Selected:
Yosua Uram 22: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Yosua Uram 22
22
Me Yordan kouboka yaletam nang tamuboka otam binmai deyok
22:1-8
1Ura, sun Ruben yala nang ab, Gad yala nang ab, Manasye yala meici kukoka dinatam nang ab ati, Yosua biryi ato ebmou, 2“Sunda Er Iya Erebdobnyi wa irmilinanyi Musa ebdeiamwe to ab, niryi sunsi ebmasinyi to ab nirya kekeboka kunundarur. 3Ara, a talak ababyi sun du weit yabwe asi tanglordana kum kundarurci, Er Iya Erebdobnyi sun molondarurnyi uram ebdeibwe to nirya tuba kunundarur. 4Ato kuboka kunundarur deyok aryi ukuryok ara sun Nai Iya Erebdobnyi biryi sunsi minob ‘Mangkou asa kubkwandum,’ ebdeiansou to kuboka sun weit yabwe ab, sun du yabwe ab asi mangkau kibdeibmar. Ati, sun atei ab, sun mutuk ab, Iya Erebdobnyi wa irmilinanyi Musa biryi kareansou mutuk me Yordan kouboka otam tamuboka bindarur. 5Sirya bimunyi ura, Er Iya Erebdobnyi biryi, ‘Ukubdarur-ukuna mem,’ ebdeibsou uram Imtamnyi wa irmilinanyi Musa biryi ebmasou to akwe kunubde kunkwandarur. Ara, ato: Er Iya Erebdobnyi sun Molondarurnyi bisi boukwe kiboka, Er Imtamnyi biryi ebdeiansici to akwe kunuboka, Er si weik eboka kanya ab, sun sambal ab nirya Er kikwe kanyi deibkwandarur,” ebmou. 6Ura, Yosua biryi sunsi kisal dakmou ba, sun atei tamuboka binmai.
7Manasye yala dinatam nang ara Musa biryi me Yordan kouboka yaletam kuboka Basan mutuk eamwe. Ba, meici kukoka ton dinatam nang ababyi Yosua biryi sun kwit yabwe kankan Yordan kouboka kitingbantam eamwe. Sun Manasye yala ninyi dinatam nang ara me Yordan kouboka yaletam sun eamwe mutuk si Basan tamuboka bindobkwamnyi. Sun a bindobkwamnyi nang asi Yosua biryi kisal dakmouci, sunsi ato ebmou: 8“Sunci sun kwit yabwe asi sirya milibmarumci, bona-bona sirya daluboka bobdobmarum. Ani, sun bisam yabwe ababyi ilinto bobdobmarum. Ani, perak keil ab, emas keil ab, tembaga keil ab, besi keil ab, ongon aling ab ilinto talebmarum ati sun atei ur bindarur. Bok, sunci anda talebmarum bona ara sun kikwe bona mem! Eda, sun kwit yabwe ab tonkwa bokoka bokdobkwandarur,” ebmou.
Yordan kouboka otam kuramnyi yala nang aryi Imtamnyi bisi siltong en dinyi oboka yalin keil dungna kiknibmai deyok
22:9-34
9Ruben yala nang ab, Gad yala nang ab, Manasye yala dinatam nang ab, Israel nang ton nang ara Kanaan mutuk Silo dam takloboka Iya Erebdobnyi biryi Musa deici eamwe to kunuboka sun mutuk Gilead dam bindobmai. 10Ruben yala ab, Gad yala ab, Manasye yala dinatam nang ab ara Kanaan mutuk akwe Gelilot dam Yordan kin bindoka siltong en dinyi yalinkwamnyi ati, Er Iya Erebdobnyi biti ilila keil dungna laboka kiknibmai. 11Ura, Israel nang kekenmai uca, “Ruben yala nang ab, Gad yala nang ab, Manasye yala dinatam nang ab aryi siltong en dinyi uk dan keil dungna asi Kanaan mutuk Gelilot dam Yordan kin Israel nang kunung tam asi kiknibmang,” ebmai. 12Ato uram kekebmai ura, Israel nang nirya aryi, “Ibinkwayeb,” eboka Silo dam bulubmai.
13Ura, Israel nang aryi, Ruben yala nang ab, Gad yala nang ab, Manasye yala nang dinatam nang ab, Gilead mutuk dam kuramnyi dikum asi Imtamnyi biti dama deirin ai wa inanyi imam si Pinehas, Eleazar mi ab, 14weik nang takubaryi nang yala yuk-yuk tentok-tentok bokdonokmai. A bokdonokmai nang ara ai yuk-yuk takubaryi kuramnyi to kuboka ninyi tentok-tentok anaboka binmai.
15Sirya Gilead dam Ruben yala ab, Gad yala ab, Manasye yala dinatam nang ab asi binmai ura, ato ebmai, 16“Er Iya Erebdobnyi uram keken nang nirya deici aryi, Er Iya Erebdobnyi nun Israel nang molonanyi urasintam aryi kiknibman kum dinyi kikninmarum. Iya Erebdobnyi urasintam ara dong anibmarumci, siltong en dinyi uk dan keil dungna kiknibmarum. Ato kunmarum deyok aryi Er Iya Erebdobnyi bisi arub aryi malyi kibdeibmarum. 17Peor mutuk aryi Er Imtamnyi urasintam asi nunci malyi dinyi kunuramoubwe. Ba, a talak aryi Er Iya Erebdobnyi biryi nunsi ikin weik dinyi kareansou. A malyi kuramoubwe dinyi ara nunci kum me ilikabokoubwe eda, a tuba bobmab. 18Ato kuboka ukubabyi Erebdobnyi bisi dong aninmarum do? Arub aryi Iya Erebdobnyi bisi tatanmamunyi ura, ambutum ara erci Israel nang asi yu bobkwamasir. 19Bok, Yordan me yaletam ara, ‘Er Iya Erebdobnyi bisi moloboka si weik ebman kum beterdongonung tukwe,’ tenebmunyi ura, me kouboka kitingbantam nun kunub dikum asi yandarur. Ara, Er Iya Erebdobnyi Er mutuk babyi, Erti molon ai si Kemah Suci dobyi mutuk tam asi yandarur ba, nun ab tonkwa kubkwayeb. Bok, Er Iya Erebdobnyi biryi ebdeibsou uram asi nunci kununub to kuboka kunubkwandarur! Ara, sunci yuk-yuk kwemdeina ai doboka molona mem! Eda, Er Iya Erebdobnyi nun molonanyi molon ai akwe kubkwande. 20Zerah mi Akhan biryi Erebdobnyi biti yuk wibdeibmai bona asi dobmou ara nun Israel ninyi ababyi nirya malyi kibdongobsou. Ati, er a bona dobmounyi er kikwe manmalibdandobmou ba, obmaia kuma. Eda, a deyok aryi Israel ninyi nirya ababyi ikin dinyi karebmasou,” ebmai.
21Ebmai ura, Ruben yala nang ab, Gad yala nang ab, Manasye yala nang dinatam nang ab aryi sun Israel nang sun ai ninyi yuk-yuk sun nai yabwe binmai nang asi ato ebmai. 22“Yuk-yuk kwemdeina bisibkaboka, Er Iya Erebdobnyi, imtam kururnyi biryi Israel ninyi kununmabyi dinyi ara Er sirya bingsurur asi ton bikdarur. Ati, arub ara Er uram kum ebdeibwe to dinyi kununmab do? Er uram ebdeibwe to dinyi kununmab do? Nun kum bikmab. Malyito dinyi kununmabyi ura, Imtamnyi biryi kum lebdeibkwamasir. 23Akai donub ara Er Iya Erebdobnyi biryi, ‘Ukubdarur!’ ebdeibsou uram asi, ‘Yan yanibtibiryi, bisam domba oboka uk dan dinyi ab, lemdarona dama deirina ab, kouryina ab asi uk daboka molobtibyi,’ tenebuburyi, kum donub. Ato teneamibiryi akai doramibyi ura, Er Iya Erebdobnyi biryi nunsi sun taruk dam karebsici ba, teleb aryi da obsindarur. 24Bok, aminda kubde binkwaming talak ara sun mabwe aryi nun mabwe asi, ‘Sunda nun tam nang kuma ati, Er Iya Erebdobnyi nun Israel nang molonubnyi bira sunci molona mem ebingnyei. 25Tonda, sun Ruben yala nang ab, Gad yala nang ab e! Er Iya Erebdobnyi biryi me Yordan ara sun mutuk ab, nun mutuk ab wilibdeibsou ara bingdarur do? Sunda Er Iya Erebdobnyi mabwe kuna kum kuramunyi ura, aminda ara sun mabwe da kubkwaming to nun ebingnyei.’ Ara, sun mabwe aryi nun mabwe asi, Iya Erebdobnyi molona seksinibkwaming. 26Ato deyok aryi nunda bisam domba oboka uk dan dinyi ati, a keil dungna kiknibmaba kuma. 27Eda, nun tam nang ab, sun tam nang ab yuk-yuk wibdobkwayeb dinyi asing dina ati kiknibmab. Ba, nunda dib Er Iya Erebdobnyi Er molon ai si Kemah Suci akwe Erti si weik eboka, siltong en dinyi uk daboka dama deirirbinkwaming. Ba, sun mabwe aryi eiboka ato enkwaming, ‘Diba sun Nai Imtamnyi biti dama deiboka molonung,’ tenebkwaming. 28Ani, aminda sun mabwe aryi, nun mabwe asi sangkuna, ‘Sunci Er Iya Erebdobnyi bisi molona mem!’ Ebingnyi uca, nun mabwe aryi ato ebkwaming, ‘Nun abwe yabwe aryi kikniamnyi keil dungna a dibdendarur,’ eboka amubkwaming. Ani, nunda bisam domba oboka uk dan dinyi ati, kikninuba kuma. Eda, sunci nunsi, ‘Er Imtamnyi bisi diba molonung nang kunung,’ tenen eiboka bikwandarur ati kikninub. 29Er Iya Erebdobnyi bisi dama deiboka uk dan keil dungna minob Imtamnyi Er ai dam sirya a kikniamibiryok yuk tabakoka kiknina mem. Tubto yuk keil dungna tabakoka kiknibibiryi, bisam domba oboka uk dan dinyi ab, kouryina dama deirin dinyi ab asi dama deiboka uk dabkwayeb dinyi ton kum kubkwayeb,” ebmai.
30Ba, sun a binmai nang Imtamnyi biti dama deirin ai wa inanyi imam Pinehas ab, Israel nang weik nang ab bindoka kekenmai uca, Ruben yala nang ab, Gad yala nang ab, Manasye yala nang ab aryi, ato ebmai uram sirya kekebmai. Ura, sunci ato ebmai, “Ato ebmarum to ara teleb,” ebmai. 31Ato ebmai ura, Eleazar mi Pinehas Imtamnyi biti dama deirin ai wa inanyi imam biryi Ruben yala nang ab, Gad yala nang ab, Manasye yala nang ab asi ato ebmou, “Ukura nun sirya bikmasib, Er Iya Erebdobnyi bira nun kankan dam kurur ati, sunci Iya Erebdobnyi biryi ebwe to kum dakbisibmarumci, Er ebdeibwe to kunubmarum. Ato kubmarum deyok aryi Imtamnyi biryi Israel nang asi ikin dinyi karebkwamasou dinyi ara sirya lebdandobmarum,” ebmou.
32Sirya ato ebmai ura, Imtamnyi ai wa inanyi imam Pinehas Eleazar mi ab, Israel weik nang ab ara Ruben yala nang ab, Gad yala nang ab Gilead mutuk takloboka Kanaan dam bindobmai. Sirya binmai ura, Israel nang asi a ebmai uram bindoka, “Ato ebmang,” eboka nukmai. 33Ba, Israel nang aryi, “Ato ebmang ara teleb,” tenebmai. Ura, Imtamnyi bisi si weik ebmai. Ura, Ruben yala nang ab, Gad yala nang ab Gilead kuramnyi mutuk asi mar boboka orkana kum kubmai. 34Ba, Ruben yala ab, Gad yala ab aryi a siltong en dinyi uk dan keil dungna kiknibmai dinyi si ara, “Er Iya Erebdobnyi ninyi kikniansounyi dib kurur eboka lak kimna keil dungna,” eboka si dobmai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)