Yosua Uram 11
11
Yosua biryi Yabin mutuk nang asi mar bobmou deyok
11:1-15
1Ura, Hazor atei sienyi si Yabin biryi, “Israel nang aryi mar boboka Kanaan mutuk me youkwetam nirya arabdobmang,” en uram kekebmou. Kekebmouci, sun Hazor atei dam-dam kuramnyi mutuk sien nang asi ninyi bokeibmou. Ara, Madon mutuk sienyi si Yobab ab, Simron mutuk sien nang ab, Akhsaf mutuk sien nang ab asi ninyi bokeibmou. 2Tonda, eitam mutuk konkon kuramnyi sien nang ab, Kinerot youkwetam Araba-Yordan dam kuramnyi sien nang ab, Kanaan mutuk kitingbantam mutuk konkon kuramnyi sien nang ab, Dor mutuk kon kitingbantam kuramnyi sien nang ab asi ninyi bokeibmou. 3Ani, Kanaan sien nang yaletam kuramnyi sien nang ab, kitingbantam kuramnyi sien nang ab, tonda Amori nang ab, Het nang ab, Feris nang ab, Yebus nang bok mutuk kon kuramnyi nang ab, Hewi nang ab, Hermon kon deyok dam Mizpa mutuk kuramnyi nang ab, a sien nang nirya asi, “ ‘Nun nirya bulubdobibiryi, mar bobinkwayeb,’ erbindarur,” eboka ninyi andakatei bokdonokmou. 4Ba, a uram kekebmaici, anda atei sien nang nirya ab, sun yin doun nang nirya neik dikum yin douboka bulubmai. A nirya bulubmai nang ara me wininga ato kubmou. Ani, ninyi bon kuda ab, kongkong eboka ninyi boban keica si kereta yubwa ab bulubdeibmaici, anabmai. 5A sien nang nirya ara Yabin mutuk sienyi ab antanibdamnyi. Antanibdamiryi, sun Israel nang asi mar bobkwamai ati, me si Merom u dam yandoka keis ol ai dobmaici mabmai.
6Ura, Er Iya Erebdobnyi biryi Yosua bisi ato ebmou, “Kanci sunsi ilil kuna mem! Ambutum ara a kuabde kiting akwe kurdongoci ura, Niryi sun Israel nang ati, sun mar ordan nang asi nirya obdeibkwamasin. Sun mar ordan nang bisam kuda asi sunci kususuk eboka bukeibkwandarur. Ani, sun ninyi boyiban keica si kereta ara Israel nang sunci uk dabkwandarur,” ebmou. 7Ba, Yosua ab, er yin doun nang ab aryi sun mar ordan nang kum bikmai talak aryi yin douboka anabmaici, me si Merom u dam asi sun Kanaan mutuk me youkwetam sien nang asi mar ibinmai. 8Ura, Er Iya Erebdobnyi biryi sun Israel yin doun nang asi sun mar ordana nang mabmai nang asi sun Israel nang taruk dam karebmou. Ara, Imtamnyi biryi, “Israel nang aryi obnung,” tenen kiknibdeibokmou. Ba, sun Kanaan mutuk ninyi asi dobkirikde banmai. Ara, ton nang ara Sidon mutuk tam ninyi dobkirikde orbinmai. Ba, ton nang ara Misrefot-Maim mutuk yaletam dobkirikde orbinmai. Ba, ton nang ara yaletam Mizpa mutuk tam ninyi dobkirikde orbinmai. Ato kuboka sun Kanaan ninyi asi obkiribmai ba, ninyi tentok ababyi ton bai bukoka barona kum kubmai. 9Ba, Er Iya Erebdobnyi biryi Yosua bisi ebmou to bisam kuda ikin-ikina biribdeibmai. Ba, sun kongkong eboka boyiban dinyi si kereta ara uk dabmai.
10A talak aryi Yosua bira tamuboka Hazor atei mar ibinmou. Ibindoka akatei sienyi si Yabin obmouci, akatei arabdobmou. Ara, minob talak ara Hazor atei sienyi er uram ebman tok kuboka yuk atei sien nang nirya kekeboka kunuramnyi. 11Hazor atei dam kuramwe dinyi kamyoa nirya ab, ninyi ab asi ninyi on ya aryi obkiriboka atei nirya uk dabmai. 12Ukuboka Er Iya Erebdobnyi wa irmilinanyi si Musa biryi ebdeiamwe to kunuboka, Yosua biryi sun kubkwamnyi mutuk si Kanaan mutuk nirya asi dakbukoka, sien nang-sien nang ababyi nirya ninyi on ya aryi obsekmou. 13Bok, sun Israel nang aryi minob daklobdob ai dubdub asi doramnyi nang atei ara uk kum dabmai. Eda, Hazor atei tentok asi Yosua biryi uk dabmou. 14Ura, bona-bona ab, sun bisam yabwe ab nirya ara Israel nang aryi dalubdobmai. Ninyi nirya ara ninyi on ya aryi obsekmaici, ninyi tentok ababyi tanglona kum kubmai. 15Er Iya Erebdobnyi biryi er wa irmilinanyi si Musa biti ebdeiamwe to asi tubto Musa biryi kuboka Yosua bisi, “Ato ukubkwandum,” ebdeiamwe to kuboka nirya kunubmou.
Sun Israel nang aryi ninyi obkiriboka mutuk arabdobmai mutuk deyok
11:16-23
16Ato kuboka Yosua ab, er yin doun nang ab aryi Kanaan mutuk nirya ninyi obkiribmai. Ara, a mutuk konkon ab, Negeb mutuk nirya ab, Gosyen mutuk nirya ab, mitik-mitik mutuk kon kuramnyi atei nang ab, Araba-Yordan mutuk ab, aminda sun Israel nang kubdobkwamnyi ati mutuk kon ab, mutuk lu dam ab a kuramnyi nang nirya obkiribmaici, arabdobmai. 17Ara, me youkwetam mutuk si Gundul kon Seir mutuk bukwa aryi kuboka me utam Baal-Gad atei weik sien nang nirya asi obkiribmai. Baal-Gad atei ara Libanon mutuk lu asi Hermon kon bukamwe. 18Ara, er Yosua biryi weik sien nang nirya asi ukuboka iya obde baramwe. 19Ani, yuk-yuk atei nang aryi Israel nang tam kiboka mar dormilina kum kuramnyi. Eda, sun Hewi yala nang aryi Gibeon kuramnyi nang asi sun Israel nang tam kiboka sun mar dormiliramnyi. Ani, yuk atei nang ara nirya obkiriboka sun atei ab, mutuk ab nirya arabdobmai. 20Sun Kanaan mutuk kuramnyi nang ara Er Iya Erebdobnyi biryi, “Sun Israel ninyi asi mar boboka ordatibyi,” tenen kanya akwe kibdeiamwe. Ba, sunci Israel ninyi asi mar iyangangnyi ura, Israel nang aryi a mutuk nang asi boukwe kimna kum uca, obkaboka sun mutuk araroramnyi. Ara, sun abwe Musa deici asi Er Iya Erebdobnyi biryi ebdeiamwe to kunuramnyi.
21A talak aryi Yosua biryi sun ilila koukwe Enak yala ninyi nirya ababyi obkiribmou. Ara, mutuk kon kuramnyi Enak yala ninyi ab, Hebron atei kuramnyi Enak yala ninyi ab, Debir atei kuramnyi Enak yala ninyi ab asi obkiribmou. Ani, tonda Anab atei kuramnyi Enak yala ninyi ab, Yehuda mutuk kon dam kuramnyi Enak yala ninyi ab, Israel mutuk kon dam kuramnyi Enak yala ninyi ab nirya asi obkiribmou. 22Ba, Israel mutuk dam aryi sun Enak yala ninyi ara mitika ton tangdongona kum kubmaici, obkiribmai. Eda, Gaza atei ab, Gat atei ab, Asdod atei ab kuramnyi ninyi asi ton tuba kablobmai. 23Ato kuboka Er Iya Erebdobnyi biryi Musa biriman ebdeiamwe to kuboka Yosua biryi kunuboka, a mutuk kuramnyi ninyi nirya obkiribmou. Ura, Yosua biryi a mutuk araboka sun abwe Musa biriman ebdeiamwe to kuboka yala yuk-yuk bokeibmou ba, sun mutuk kibdobmai. Ura, a mutuk dam aryi ordana kum uca, iya mangkau asa akwe kuramnyi.
Currently Selected:
Yosua Uram 11: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Yosua Uram 11
11
Yosua biryi Yabin mutuk nang asi mar bobmou deyok
11:1-15
1Ura, Hazor atei sienyi si Yabin biryi, “Israel nang aryi mar boboka Kanaan mutuk me youkwetam nirya arabdobmang,” en uram kekebmou. Kekebmouci, sun Hazor atei dam-dam kuramnyi mutuk sien nang asi ninyi bokeibmou. Ara, Madon mutuk sienyi si Yobab ab, Simron mutuk sien nang ab, Akhsaf mutuk sien nang ab asi ninyi bokeibmou. 2Tonda, eitam mutuk konkon kuramnyi sien nang ab, Kinerot youkwetam Araba-Yordan dam kuramnyi sien nang ab, Kanaan mutuk kitingbantam mutuk konkon kuramnyi sien nang ab, Dor mutuk kon kitingbantam kuramnyi sien nang ab asi ninyi bokeibmou. 3Ani, Kanaan sien nang yaletam kuramnyi sien nang ab, kitingbantam kuramnyi sien nang ab, tonda Amori nang ab, Het nang ab, Feris nang ab, Yebus nang bok mutuk kon kuramnyi nang ab, Hewi nang ab, Hermon kon deyok dam Mizpa mutuk kuramnyi nang ab, a sien nang nirya asi, “ ‘Nun nirya bulubdobibiryi, mar bobinkwayeb,’ erbindarur,” eboka ninyi andakatei bokdonokmou. 4Ba, a uram kekebmaici, anda atei sien nang nirya ab, sun yin doun nang nirya neik dikum yin douboka bulubmai. A nirya bulubmai nang ara me wininga ato kubmou. Ani, ninyi bon kuda ab, kongkong eboka ninyi boban keica si kereta yubwa ab bulubdeibmaici, anabmai. 5A sien nang nirya ara Yabin mutuk sienyi ab antanibdamnyi. Antanibdamiryi, sun Israel nang asi mar bobkwamai ati, me si Merom u dam yandoka keis ol ai dobmaici mabmai.
6Ura, Er Iya Erebdobnyi biryi Yosua bisi ato ebmou, “Kanci sunsi ilil kuna mem! Ambutum ara a kuabde kiting akwe kurdongoci ura, Niryi sun Israel nang ati, sun mar ordan nang asi nirya obdeibkwamasin. Sun mar ordan nang bisam kuda asi sunci kususuk eboka bukeibkwandarur. Ani, sun ninyi boyiban keica si kereta ara Israel nang sunci uk dabkwandarur,” ebmou. 7Ba, Yosua ab, er yin doun nang ab aryi sun mar ordan nang kum bikmai talak aryi yin douboka anabmaici, me si Merom u dam asi sun Kanaan mutuk me youkwetam sien nang asi mar ibinmai. 8Ura, Er Iya Erebdobnyi biryi sun Israel yin doun nang asi sun mar ordana nang mabmai nang asi sun Israel nang taruk dam karebmou. Ara, Imtamnyi biryi, “Israel nang aryi obnung,” tenen kiknibdeibokmou. Ba, sun Kanaan mutuk ninyi asi dobkirikde banmai. Ara, ton nang ara Sidon mutuk tam ninyi dobkirikde orbinmai. Ba, ton nang ara Misrefot-Maim mutuk yaletam dobkirikde orbinmai. Ba, ton nang ara yaletam Mizpa mutuk tam ninyi dobkirikde orbinmai. Ato kuboka sun Kanaan ninyi asi obkiribmai ba, ninyi tentok ababyi ton bai bukoka barona kum kubmai. 9Ba, Er Iya Erebdobnyi biryi Yosua bisi ebmou to bisam kuda ikin-ikina biribdeibmai. Ba, sun kongkong eboka boyiban dinyi si kereta ara uk dabmai.
10A talak aryi Yosua bira tamuboka Hazor atei mar ibinmou. Ibindoka akatei sienyi si Yabin obmouci, akatei arabdobmou. Ara, minob talak ara Hazor atei sienyi er uram ebman tok kuboka yuk atei sien nang nirya kekeboka kunuramnyi. 11Hazor atei dam kuramwe dinyi kamyoa nirya ab, ninyi ab asi ninyi on ya aryi obkiriboka atei nirya uk dabmai. 12Ukuboka Er Iya Erebdobnyi wa irmilinanyi si Musa biryi ebdeiamwe to kunuboka, Yosua biryi sun kubkwamnyi mutuk si Kanaan mutuk nirya asi dakbukoka, sien nang-sien nang ababyi nirya ninyi on ya aryi obsekmou. 13Bok, sun Israel nang aryi minob daklobdob ai dubdub asi doramnyi nang atei ara uk kum dabmai. Eda, Hazor atei tentok asi Yosua biryi uk dabmou. 14Ura, bona-bona ab, sun bisam yabwe ab nirya ara Israel nang aryi dalubdobmai. Ninyi nirya ara ninyi on ya aryi obsekmaici, ninyi tentok ababyi tanglona kum kubmai. 15Er Iya Erebdobnyi biryi er wa irmilinanyi si Musa biti ebdeiamwe to asi tubto Musa biryi kuboka Yosua bisi, “Ato ukubkwandum,” ebdeiamwe to kuboka nirya kunubmou.
Sun Israel nang aryi ninyi obkiriboka mutuk arabdobmai mutuk deyok
11:16-23
16Ato kuboka Yosua ab, er yin doun nang ab aryi Kanaan mutuk nirya ninyi obkiribmai. Ara, a mutuk konkon ab, Negeb mutuk nirya ab, Gosyen mutuk nirya ab, mitik-mitik mutuk kon kuramnyi atei nang ab, Araba-Yordan mutuk ab, aminda sun Israel nang kubdobkwamnyi ati mutuk kon ab, mutuk lu dam ab a kuramnyi nang nirya obkiribmaici, arabdobmai. 17Ara, me youkwetam mutuk si Gundul kon Seir mutuk bukwa aryi kuboka me utam Baal-Gad atei weik sien nang nirya asi obkiribmai. Baal-Gad atei ara Libanon mutuk lu asi Hermon kon bukamwe. 18Ara, er Yosua biryi weik sien nang nirya asi ukuboka iya obde baramwe. 19Ani, yuk-yuk atei nang aryi Israel nang tam kiboka mar dormilina kum kuramnyi. Eda, sun Hewi yala nang aryi Gibeon kuramnyi nang asi sun Israel nang tam kiboka sun mar dormiliramnyi. Ani, yuk atei nang ara nirya obkiriboka sun atei ab, mutuk ab nirya arabdobmai. 20Sun Kanaan mutuk kuramnyi nang ara Er Iya Erebdobnyi biryi, “Sun Israel ninyi asi mar boboka ordatibyi,” tenen kanya akwe kibdeiamwe. Ba, sunci Israel ninyi asi mar iyangangnyi ura, Israel nang aryi a mutuk nang asi boukwe kimna kum uca, obkaboka sun mutuk araroramnyi. Ara, sun abwe Musa deici asi Er Iya Erebdobnyi biryi ebdeiamwe to kunuramnyi.
21A talak aryi Yosua biryi sun ilila koukwe Enak yala ninyi nirya ababyi obkiribmou. Ara, mutuk kon kuramnyi Enak yala ninyi ab, Hebron atei kuramnyi Enak yala ninyi ab, Debir atei kuramnyi Enak yala ninyi ab asi obkiribmou. Ani, tonda Anab atei kuramnyi Enak yala ninyi ab, Yehuda mutuk kon dam kuramnyi Enak yala ninyi ab, Israel mutuk kon dam kuramnyi Enak yala ninyi ab nirya asi obkiribmou. 22Ba, Israel mutuk dam aryi sun Enak yala ninyi ara mitika ton tangdongona kum kubmaici, obkiribmai. Eda, Gaza atei ab, Gat atei ab, Asdod atei ab kuramnyi ninyi asi ton tuba kablobmai. 23Ato kuboka Er Iya Erebdobnyi biryi Musa biriman ebdeiamwe to kuboka Yosua biryi kunuboka, a mutuk kuramnyi ninyi nirya obkiribmou. Ura, Yosua biryi a mutuk araboka sun abwe Musa biriman ebdeiamwe to kuboka yala yuk-yuk bokeibmou ba, sun mutuk kibdobmai. Ura, a mutuk dam aryi ordana kum uca, iya mangkau asa akwe kuramnyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)