Yoel Uram 3
3
Er Imtamnyi biryi sun yuk atei nang-yuk atei nang asi wenebkwande uram deyok
3:1-8
1Er Iya Erebdobnyi biryi ato ebmou,
“Diba ati, Ni Imtamnyi biryi karebkwan talak berekde.
Ba, Ni Imtamnyi biryi sun Yehuda mutuk kurandum nang ab, Yerusalem atei kurandum nang ab asi tamuboka teleb kubdeibkwansin.
Ara, minob talak aryi teleb kurandau to, aminda ababyi neiktoto teleb kubkwandum.
2Niryi yuk atei nang-yuk atei nang nirya asi boyandokabniryi,
Yosafat mutuk lu asi bulurdeiryurbinkwan.
Ura, Niryi a mutuk dam aryi a nang sun malyi kun dinyi liliboka wenebkwan.
Sun yuk atei nang-yuk atei nang aryi Niryi wibdeianse nang Israel nang asi
yuk mutuk-yuk mutuk bobindoka deiblobmai deyok aryi Niryi sunsi wenebkwan.
Tonda, sun yuk atei nang-yuk atei nang aryi Niryi wibdeianse mutuk Kanaan wengyanmaici,
tukwe bokoka talebmai deyok aryi Niryi sunsi wenebkwan.
3Tonda, sun ordana nang aryi yandoka sun Yehuda nang kankan aryi kam nang ab kam nerabwe ab talebmai asi Ni luba kum kubkwan.
Sirya talebmai ura, sunci, ‘Unanyi biryi a mi asi, a nebnyi asi talebdobkwande do?’ tenen keil im sukmai.
Ura, sunci, Yehuda kam nang ab kam nerabwe ab yuk nang asi dekeibmaici, sun dobdobmai co bok taleboka talyi yortamni nerabwe asi karebmai.
Tonda, sunci a co bok doboka walin talen me dekdobmaici, yibmai.
A deyok aryi Niryi a nang asi weik wenen dinyi karebkwan.
4We, sun Tirus atei kurandum nang ab, Sidon atei kurandum nang ab, sun Filistin mutuk kurandum nang ab kekebdarur. Unato ati sunci Ni mabwe nermabwe asi dobtaleboka yuk mutuk bobindoka dengbinmandau do? Nira Imtamnyi biryi sun urasintam aryi manmalin dinyi kum kunuranse. Ati, una deyok aryi sunci Niti, ‘Tamuboka dekeibkwayeb,’ tenen Ni wibdeianse nang asi malyi kiminingmandau do? Sunci Nira Imtamnyi biti, ‘Malyi kibminiktibyi,’ tenen Ni mabwe nermabwe asi dobtaleboka dekeibmunyi ba, Niryi uki weik bisina kum uca, ola nun aryi tamuboka sun damnyi ukubmamunyi dinyi aryi tamuboka deibkwansin. 5Sunda Ni dinyi asi araboka dobmandau ati ebman. Ara, Ni dama deirin ai umbura aryi dengna weik dinyi asi sunci arabde dobmandau e. Ara, dengna weik keil si perak ab, emas ab, yuk-yuk dinyi dengna weik dinyi ab, teleb-teleb dinyi ab, sunci araboka bobindauci, sun kwemdeina molon ai umbura deibdau. 6Ba, Ni mabwe Yehuda mutuk nang ab, Yerusalem atei nang ab ara, ‘Sun mutuk dam a kubingnyei,’ teneboka era mutuk nang Yunani nang asi dengbinmandauci, yuk mutuk yakdonokdau. A deyok aryi Niryi sunsi wenebkwansin. 7Diba ati, sunci Ni milin nang asi, era mutuk bobindoka dekmandau bok, Niryi sunsi taruk taleboka sun minob kuramnyi mutuk tamuboka boyankwan. Ba, sunci ukuamunyi dinyi ara Niryi tamubdeibnyi ba, sun ukuamunyi mambul don dinyi ara sun dam douryankwansir. 8Ati, Nira Imtamnyi biryi sun mabwe nermabwe dobtaleboka sun Yehuda mutuk nang taruk dam karebkwan. Ba, sun Yehuda nang aryi sun mabwe nermabwe dobtalebokabingiryi, sun era mutuk Syeba nang asi dekdobkwaming ati ebmasin. Ara, Ni Imtam Erebdobnyi biryi ato ebman,” ebmou.
Er Iya Erebdobnyi biryi Er uram keken nang asi kisal dangna dinyi karebkwansir uram deyok
3:9-21
9Er Iya Erebdobnyi biryi ato ebmou,
“Sun yuk atei nang-yuk atei nang ara Nira Imtamnyi biti, ‘Nun li,’ tenen nang dam asi bindoka ato ebde yibindarur.
Sunci, ‘Er Imtamnyi ab mar obdankwayeb,’ tenen kiknibminikdarur.
Ani, sun atei dam kuramingnyi yin doun nang asi, ‘Yin dobdarur,’ eboka arukdarur.
Ani, yin doun sien nang amwetam kun nang nirya asi arukmunyi ba, tingyandoka mar bobnung.
10Mar ordana tum dam kubmar ati, sunci sun tukwe kurungna kama besi dinyi asi doboka unubdongobmunci, taing-taing eboka ninyi ordan ya tuna kiknibdarur.
Ba, gandum du yabla sengna ya douramunyi ara unubdongobmunci, ninyi ordan te balang kiknibdarur.
Ba, sun kankan aryi kuboka mikib kum nang ababyi,
‘Nibabyi ninyi mar bonanyi kunun,’ ebdandoka mar boyankwanung.
11We, sun yuk atei nang-yuk atei nang a.
Sun im dangna tukwe dangna mutuk yuk-yuk kundarur nang a.
Sunci minob biririb eryandoka o mutuk lu asi buluryandarur,” eboka Er Imtamnyi biryi ato ebmou.
“Yo Nai Iya Erebdobnyi, Kan milin nang aryi sun im dangna mutuk nang tukwe dangna mutuk nang mar ordana nang buluryanmang asi ibindokabingiryi, muna obdongobkwaming.
Ati, Kanci, Kan yin doun nang asi arukminyi ba, mar boyanung.”
12Er Iya Erebdobnyi biryi ato ebmou,
“Sun yuk atei nang-yuk atei nang nirya aryi biririb eboka
anabdobmunyi ura, Yosafat lu ai asi buluryandarur.
Ba, a mutuk lu aryi Niryi bukoka
sun Israel mutuk dam dina-dina mutuk atei kundarur nang nirya asi liliboka wenen dinyi karebkwansin.
13A yuk atei nang-yuk atei nang ara yu weik kunung deyok aryi
Kanci sunsi diboka kulaboka wenebdum.
Koubdoba sirya wisibmaci dinyi asi wala yang ya aryi donokoka sengnaming.
Ato kuboka Kanci a nang asi obsekdum.
Tonda, co anggur du yung urunmangiryi yan yanisitanmangnyi uca, langkarikoka dingsangnande.
Ato kuboka Kanda Imtamnyi biryi sunsi diboka yan yanibsitabdum.
14Ninyi wenen mutuk lu ara
ninyi yubwa-yubwa ilinto wekwaming.
Ya, Er Iya Erebdobnyi uki berekwande tum ara dam kubmar.
A mutuk dam lu akiryi Er Imtamnyi biryi sun yuk atei nang-yuk atei nang asi liliboka wenebkwande.
15A tum ara kiting ab, wala ab ara kunuk dakwande.
Ba, kurya tilil ararande dinyi ara kum dankwande.
16Ba, Er Imtam Erebdobnyi bira Sion mutuk dub ai aryi uram weik dobkwande.
Ara, bai kam singa aryi kamurande to, Erci kamubkwande.
Ani, Er uram lilim ara Yerusalem atei tam aryi kuboka liman demnande to ebkarebkwande.
Ba, Er uram aryi im deyok babyi tukwe deyok babyi nirya lontokwande.
Bok, Er Imtam Erebdobnyi bira sun Er uram keken nang Er boukwe dam wengdorbinkwamingnyi nang asi kalikwandanyi kubkwande.
Ara, Erda sun Israel nang ati lika mounanyi kubkwande,” ebmou.
17Ato ebmou cok, ton ato ebmou,
“Ba, sun Israel nang aryi ato teneboka bikwanindarur. Ni Iya Erebdobnyi bira sun Nai, sun Molonindarurnyi kunun.
Nira Sion mutuk dub ai ara iya ukutoto manmalyi dinyi ton kum kurur ai kununyi.
A deyok aryi Yerusalem atei ara beterdongona kum atei kibdeibnyi ura,
sun ninyi yuk atei nang aryi mar ton kum iyankwansing.
18A kubkwande talak aryi ato kuboka kunubkwande.
Mutuk kon dub aryi ukuryok anggur du kiboka langdiboka yamubkwetebkwansir.
Ba, mutuk yim aryi winin bisam yin sungsunga sul nyak-nyak eboka obdeibkwande.
Ba, Yehuda mutuk yibarur me ara cemna kum uca, iya yibinmurubkwande.
Me tentok anabkwande me ara Er Imtam Erebdobnyi biryi wiamwe mutuk kon dam aryi u doboka anabci uca,
yini mutuk si Sitim mutuk tubdeibnin yuryibinkwande.
19Mesir nang ab, Edom nang ab aryi sun Yehuda mutuk nang asi mar boboka iyanamnyi deyok aryi
Mesir mutuk ninyi nirya kum dandoka dimdeisingsong bukwande.
Ba, Edom nang mutuk ababyi neiktoto mutuk buta dem dilaklobkwande.
Ara, Yehuda nang aryi a bitinyi atei nang asi deyok ton kurdongona kum bok,
sun Mesir nang ab Edom nang ab mar iyandoka oryanamnyi deyok aryi
Nira Imtamnyi biryi sunsi wenen dinyi karebkwan.
Ba, Mesir mutuk ab, Edom mutuk ab ara ninyi nirya kum dandoka mutuk buta dem dilaklobkwande.
20Bok, sun Yehuda mutuk atei nang ara kum danana kum kubkwande.
Eda, Yehuda mutuk iya kubmurubkwaming.
Ba, Yerusalem atei nang ara ninyi yaldaktabakde binkwaming.
21Ara, Yehuda mutuk atei nang asi oamnyi deyok aryi sunsi kisok dakanse ani, aminda ababyi kisok dakwan.
Ni Iya Erebdobnyi bira Sion mutuk kon dub asi iya kubmurubkwan ati ebman.”
Ato eboka Er Imtamnyi biryi Er uram keken nang ati ebdeibmou.
Currently Selected:
Yoel Uram 3: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Yoel Uram 3
3
Er Imtamnyi biryi sun yuk atei nang-yuk atei nang asi wenebkwande uram deyok
3:1-8
1Er Iya Erebdobnyi biryi ato ebmou,
“Diba ati, Ni Imtamnyi biryi karebkwan talak berekde.
Ba, Ni Imtamnyi biryi sun Yehuda mutuk kurandum nang ab, Yerusalem atei kurandum nang ab asi tamuboka teleb kubdeibkwansin.
Ara, minob talak aryi teleb kurandau to, aminda ababyi neiktoto teleb kubkwandum.
2Niryi yuk atei nang-yuk atei nang nirya asi boyandokabniryi,
Yosafat mutuk lu asi bulurdeiryurbinkwan.
Ura, Niryi a mutuk dam aryi a nang sun malyi kun dinyi liliboka wenebkwan.
Sun yuk atei nang-yuk atei nang aryi Niryi wibdeianse nang Israel nang asi
yuk mutuk-yuk mutuk bobindoka deiblobmai deyok aryi Niryi sunsi wenebkwan.
Tonda, sun yuk atei nang-yuk atei nang aryi Niryi wibdeianse mutuk Kanaan wengyanmaici,
tukwe bokoka talebmai deyok aryi Niryi sunsi wenebkwan.
3Tonda, sun ordana nang aryi yandoka sun Yehuda nang kankan aryi kam nang ab kam nerabwe ab talebmai asi Ni luba kum kubkwan.
Sirya talebmai ura, sunci, ‘Unanyi biryi a mi asi, a nebnyi asi talebdobkwande do?’ tenen keil im sukmai.
Ura, sunci, Yehuda kam nang ab kam nerabwe ab yuk nang asi dekeibmaici, sun dobdobmai co bok taleboka talyi yortamni nerabwe asi karebmai.
Tonda, sunci a co bok doboka walin talen me dekdobmaici, yibmai.
A deyok aryi Niryi a nang asi weik wenen dinyi karebkwan.
4We, sun Tirus atei kurandum nang ab, Sidon atei kurandum nang ab, sun Filistin mutuk kurandum nang ab kekebdarur. Unato ati sunci Ni mabwe nermabwe asi dobtaleboka yuk mutuk bobindoka dengbinmandau do? Nira Imtamnyi biryi sun urasintam aryi manmalin dinyi kum kunuranse. Ati, una deyok aryi sunci Niti, ‘Tamuboka dekeibkwayeb,’ tenen Ni wibdeianse nang asi malyi kiminingmandau do? Sunci Nira Imtamnyi biti, ‘Malyi kibminiktibyi,’ tenen Ni mabwe nermabwe asi dobtaleboka dekeibmunyi ba, Niryi uki weik bisina kum uca, ola nun aryi tamuboka sun damnyi ukubmamunyi dinyi aryi tamuboka deibkwansin. 5Sunda Ni dinyi asi araboka dobmandau ati ebman. Ara, Ni dama deirin ai umbura aryi dengna weik dinyi asi sunci arabde dobmandau e. Ara, dengna weik keil si perak ab, emas ab, yuk-yuk dinyi dengna weik dinyi ab, teleb-teleb dinyi ab, sunci araboka bobindauci, sun kwemdeina molon ai umbura deibdau. 6Ba, Ni mabwe Yehuda mutuk nang ab, Yerusalem atei nang ab ara, ‘Sun mutuk dam a kubingnyei,’ teneboka era mutuk nang Yunani nang asi dengbinmandauci, yuk mutuk yakdonokdau. A deyok aryi Niryi sunsi wenebkwansin. 7Diba ati, sunci Ni milin nang asi, era mutuk bobindoka dekmandau bok, Niryi sunsi taruk taleboka sun minob kuramnyi mutuk tamuboka boyankwan. Ba, sunci ukuamunyi dinyi ara Niryi tamubdeibnyi ba, sun ukuamunyi mambul don dinyi ara sun dam douryankwansir. 8Ati, Nira Imtamnyi biryi sun mabwe nermabwe dobtaleboka sun Yehuda mutuk nang taruk dam karebkwan. Ba, sun Yehuda nang aryi sun mabwe nermabwe dobtalebokabingiryi, sun era mutuk Syeba nang asi dekdobkwaming ati ebmasin. Ara, Ni Imtam Erebdobnyi biryi ato ebman,” ebmou.
Er Iya Erebdobnyi biryi Er uram keken nang asi kisal dangna dinyi karebkwansir uram deyok
3:9-21
9Er Iya Erebdobnyi biryi ato ebmou,
“Sun yuk atei nang-yuk atei nang ara Nira Imtamnyi biti, ‘Nun li,’ tenen nang dam asi bindoka ato ebde yibindarur.
Sunci, ‘Er Imtamnyi ab mar obdankwayeb,’ tenen kiknibminikdarur.
Ani, sun atei dam kuramingnyi yin doun nang asi, ‘Yin dobdarur,’ eboka arukdarur.
Ani, yin doun sien nang amwetam kun nang nirya asi arukmunyi ba, tingyandoka mar bobnung.
10Mar ordana tum dam kubmar ati, sunci sun tukwe kurungna kama besi dinyi asi doboka unubdongobmunci, taing-taing eboka ninyi ordan ya tuna kiknibdarur.
Ba, gandum du yabla sengna ya douramunyi ara unubdongobmunci, ninyi ordan te balang kiknibdarur.
Ba, sun kankan aryi kuboka mikib kum nang ababyi,
‘Nibabyi ninyi mar bonanyi kunun,’ ebdandoka mar boyankwanung.
11We, sun yuk atei nang-yuk atei nang a.
Sun im dangna tukwe dangna mutuk yuk-yuk kundarur nang a.
Sunci minob biririb eryandoka o mutuk lu asi buluryandarur,” eboka Er Imtamnyi biryi ato ebmou.
“Yo Nai Iya Erebdobnyi, Kan milin nang aryi sun im dangna mutuk nang tukwe dangna mutuk nang mar ordana nang buluryanmang asi ibindokabingiryi, muna obdongobkwaming.
Ati, Kanci, Kan yin doun nang asi arukminyi ba, mar boyanung.”
12Er Iya Erebdobnyi biryi ato ebmou,
“Sun yuk atei nang-yuk atei nang nirya aryi biririb eboka
anabdobmunyi ura, Yosafat lu ai asi buluryandarur.
Ba, a mutuk lu aryi Niryi bukoka
sun Israel mutuk dam dina-dina mutuk atei kundarur nang nirya asi liliboka wenen dinyi karebkwansin.
13A yuk atei nang-yuk atei nang ara yu weik kunung deyok aryi
Kanci sunsi diboka kulaboka wenebdum.
Koubdoba sirya wisibmaci dinyi asi wala yang ya aryi donokoka sengnaming.
Ato kuboka Kanci a nang asi obsekdum.
Tonda, co anggur du yung urunmangiryi yan yanisitanmangnyi uca, langkarikoka dingsangnande.
Ato kuboka Kanda Imtamnyi biryi sunsi diboka yan yanibsitabdum.
14Ninyi wenen mutuk lu ara
ninyi yubwa-yubwa ilinto wekwaming.
Ya, Er Iya Erebdobnyi uki berekwande tum ara dam kubmar.
A mutuk dam lu akiryi Er Imtamnyi biryi sun yuk atei nang-yuk atei nang asi liliboka wenebkwande.
15A tum ara kiting ab, wala ab ara kunuk dakwande.
Ba, kurya tilil ararande dinyi ara kum dankwande.
16Ba, Er Imtam Erebdobnyi bira Sion mutuk dub ai aryi uram weik dobkwande.
Ara, bai kam singa aryi kamurande to, Erci kamubkwande.
Ani, Er uram lilim ara Yerusalem atei tam aryi kuboka liman demnande to ebkarebkwande.
Ba, Er uram aryi im deyok babyi tukwe deyok babyi nirya lontokwande.
Bok, Er Imtam Erebdobnyi bira sun Er uram keken nang Er boukwe dam wengdorbinkwamingnyi nang asi kalikwandanyi kubkwande.
Ara, Erda sun Israel nang ati lika mounanyi kubkwande,” ebmou.
17Ato ebmou cok, ton ato ebmou,
“Ba, sun Israel nang aryi ato teneboka bikwanindarur. Ni Iya Erebdobnyi bira sun Nai, sun Molonindarurnyi kunun.
Nira Sion mutuk dub ai ara iya ukutoto manmalyi dinyi ton kum kurur ai kununyi.
A deyok aryi Yerusalem atei ara beterdongona kum atei kibdeibnyi ura,
sun ninyi yuk atei nang aryi mar ton kum iyankwansing.
18A kubkwande talak aryi ato kuboka kunubkwande.
Mutuk kon dub aryi ukuryok anggur du kiboka langdiboka yamubkwetebkwansir.
Ba, mutuk yim aryi winin bisam yin sungsunga sul nyak-nyak eboka obdeibkwande.
Ba, Yehuda mutuk yibarur me ara cemna kum uca, iya yibinmurubkwande.
Me tentok anabkwande me ara Er Imtam Erebdobnyi biryi wiamwe mutuk kon dam aryi u doboka anabci uca,
yini mutuk si Sitim mutuk tubdeibnin yuryibinkwande.
19Mesir nang ab, Edom nang ab aryi sun Yehuda mutuk nang asi mar boboka iyanamnyi deyok aryi
Mesir mutuk ninyi nirya kum dandoka dimdeisingsong bukwande.
Ba, Edom nang mutuk ababyi neiktoto mutuk buta dem dilaklobkwande.
Ara, Yehuda nang aryi a bitinyi atei nang asi deyok ton kurdongona kum bok,
sun Mesir nang ab Edom nang ab mar iyandoka oryanamnyi deyok aryi
Nira Imtamnyi biryi sunsi wenen dinyi karebkwan.
Ba, Mesir mutuk ab, Edom mutuk ab ara ninyi nirya kum dandoka mutuk buta dem dilaklobkwande.
20Bok, sun Yehuda mutuk atei nang ara kum danana kum kubkwande.
Eda, Yehuda mutuk iya kubmurubkwaming.
Ba, Yerusalem atei nang ara ninyi yaldaktabakde binkwaming.
21Ara, Yehuda mutuk atei nang asi oamnyi deyok aryi sunsi kisok dakanse ani, aminda ababyi kisok dakwan.
Ni Iya Erebdobnyi bira Sion mutuk kon dub asi iya kubmurubkwan ati ebman.”
Ato eboka Er Imtamnyi biryi Er uram keken nang ati ebdeibmou.
@LAI 2007 (New Testament), @LAI2022 (Old and New Testament)