Ayub Uram 4
4
AYUB AB ER KWIT YABWE AB URAM SISIKDANMAI DEYOK
PASAL 4-31
Ayub er kwit si Elifas biryi Ayub bisi wenebmou uram deyok
4:1-21
1Ura, Ayub er kwit Teman ateinyi si Elifas biryi uram dobdobmou ura, ato eboka uram dekeibmou.
2“We, Ayub a, niryi kan dirdekina ara uram ur kilikoka bukman ani, bindobman kum kubmanir.
Ani, niryi uram ton ebkwan ati, kanda ni enmanyi uram ara kekebkwamanirim do, kum do?
3Ayub a, kan minob kuramoumwe dinyi asi kanya teneibderum.
Ara, diba ati, kanci ninyi ilinto asi boukwe boboka, ‘Er Imtamnyi biryi nunsi milibkwansir,’ tenebkwandarur,” eboka etereramoumwe.
“Ba, taruk mitang nang ara kanci boukwe kiboka mikib kimdeiriramoumwe.
4Ba, sakoka tukwe ai marbaramnyi nang ara kan uram ena aryi burdeiriramoumwe.
Ba, kutam malyi nang ara kanci niningdeiriramoumwe.
5Minob ura kanci sun yuk nang asi, ‘Er Imtamnyi biryi nunsi milibkwansir,’ tenebkwandarur, eboka etereramoumwe.
Bok, ukuryok ara kan nong asi malyi kubkou ura, kanda yuk nang aryi yan memekin uram ena ara kan kekena li kukurur.
Ba, kanda ngalukde burona dem akwe kurum.
6We, Ayub a, kanda Er Imtamnyi bisi ilil tenenanyi kurum. Ati, kanci, ‘Er Imtamnyi bira ni kalingnururnyi kurur,’ tenen Ersi kanya deibdobkwandum.
Ani, kanda busul kuboka Er Imtamnyi bisi dib tenenanyi kurum. Ati, kanci, ‘Er Imtamnyi biryi nisi lebdeibkwanirarya,’ tenen iya dibde bunkwandum.
7Ayub a, ni a ebkwaman uram asi diboka kekenmarum:
Er Imtamnyi bira sun malyi kun dinyi ton kum kuramingnyi nang asi talyitam ton wenerur ena ton bingdum do?
Ani, tonda sun yuk nang urasintam ababyi teleb dinyi akwe kunuramingnyi nang asi talyitam ton orminingdur en uram ton kekerum do?
8Ni asing eirinun dinyi ara,
sun yu aryi yuk nang asi, ‘Obminikwayeb,’ tenen kuramingnyi nang ara tamuboka sun damnyi douryangarur asi ni asing ton eirinun.
Tonda, sun yuk nang asi, ‘Mambul dinyi bobdeibkwayeb,’ tenen kuramingnyi nang ara tamuboka sun damnyi mambul dinyi bordeirirdanung asi ni asing eirinun.
9Sun ato kuramingnyi nang asi Er Imtamnyi isin aryi urkarongdur.
Ani, Er isin ut erdonongna aryi kum danardeirirur asi ni asing eirinun!
10Bai kam si singa ara kamuboka ngururu erande.
Bok, Er Imtamnyi biryi kabunyi kam singa mer si kankanya moubtaleboka si bulangkarongdur.
11Ba, mi deianci kam singa ner ara yu kuranci ababyi yina kum aryi dirande.
Ba, er mabwe ara yuk-yuk bongwalwalardaraming.
Ato kuboka sun yu kanya bon nang ara sun yu aryi singa kuna ngururu enung.
Bok, Er Imtamnyi biryi sun mikib ara kum danabdeibci ura, dimnaming.
12-13Uki tentok tum lukunda ara ninyi uram atoa aryi ni amol dam murmurubdongobmanou asi kekebmase.
A tum lukunda ara ninyi nirya mablukmai bok,
nira ilil tenento lengdera mabmase ati, tuba kanya teneibde manmase.
Asi, ninyi yuk nang kekena kumkum,
dib uram asi mitik uram nun aryi ni amol dam asi ebdongobmou asi kekebmase.
14Ura, ni lukdandoka sirim asa bukokmase.
Uca, ni yok ara nirya sirim talebmanou.
15Eratoanun aryi ni urasintam asi kumwe kuna ubling eryibinmou.
Ba, ni nong uk daboka dinininto kubmanouci ying bututub eboka takmanou.
16Ura, a dinyi ara ni urasintam asi tiklobmou bok, niryi er nong ara diboka eirkatana kum kubmase.
Eda, ninyi kukumna atoanun ni urasintam tikmouci, mitik uram nun aryi murmurubdongobmou asi kekebmase.
17Ara, ato enmou asi kekebmase, ‘Ninyi tentok aryi Er Imtamnyi bisi, “Nira telebto kunun bok, Imtamnyi, Kanda malyito kurum,” ebkwamote ara kiknibkwamote do?
Tonda, ninyi tentok aryi Ninyi Kiknibmasounyi bisi, “Nira leknyi kunun bok, Kanda leknyi kuma,” ebkwamote ara kikiman do?
18Diba ati, sun Er Imtamnyi ai dam kobdob wa irmilin nang malaikat nang ababyi Er Iya Telebnyi kurur ato nang ton kum kunung.
Ani, tonda Er uram eryuryangan nang ababyi Er Imtamnyi biryi diboka dib tenebmanto dinyi kunurur ato kunubmanto nang ton kum kunung. Eda, sunbabyi Erci tatabdongobmanto nang kunung.
19Ati, iya weiktoto ara sun ninyi tukwe borbosa aryi ai dordeininto kubdeibmasou nang ara wanok, Er Imtamnyi bisi, “Malyi dinyi kununa ara nira ton kum kunun. Bok, Kansi ara malyi dinyi ukurum,” ebman kum.
Ani, sun ninyi ara tukwe borbosa aryi nunukeiboka kiknibmasou nang aryi Er Imtamnyi bisi, “Bisik iririkna dangyanina ara Kansi dangyanirum. Bok, nira ton kum dangyaninun,” ebman kum.
Sun ninyi tukwetam nang kundarur nirya ara kerbea mikib kum dinyi asi taruk du aryi tuluboka ninirloraming ato nang akwe kundarur. A deyok aryi sunda Ersi uram ebman kum nang akwe kundarur.
20Sun ninyi kundarur ara ukuryok kuronmamunyi bok asi, ola kum danaroransir.
Ara, belekuna deiabsingnyi ani, sintam ara dimdongnaming mabwe ato nang kundarur.
Ba, ola dibokmunyi ura, iya ati din nang wengbaraming mutuk ai wengdoryurbarandum.
Ba, yuk nang aryi sunsi tuba kanya teneirdena kum kusunung.
21Sun kam kun dinyi ara keis ol ai dakoka akubtaleboka tabwe kitirdeiriramingto kusurur.
Ba, sunda Er Imtamnyi bisi ara bingdona kum kuamuncok, dimdongnandum,’ enmou asi kekenmase,” ebmou.
Currently Selected:
Ayub Uram 4: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Ayub Uram 4
4
AYUB AB ER KWIT YABWE AB URAM SISIKDANMAI DEYOK
PASAL 4-31
Ayub er kwit si Elifas biryi Ayub bisi wenebmou uram deyok
4:1-21
1Ura, Ayub er kwit Teman ateinyi si Elifas biryi uram dobdobmou ura, ato eboka uram dekeibmou.
2“We, Ayub a, niryi kan dirdekina ara uram ur kilikoka bukman ani, bindobman kum kubmanir.
Ani, niryi uram ton ebkwan ati, kanda ni enmanyi uram ara kekebkwamanirim do, kum do?
3Ayub a, kan minob kuramoumwe dinyi asi kanya teneibderum.
Ara, diba ati, kanci ninyi ilinto asi boukwe boboka, ‘Er Imtamnyi biryi nunsi milibkwansir,’ tenebkwandarur,” eboka etereramoumwe.
“Ba, taruk mitang nang ara kanci boukwe kiboka mikib kimdeiriramoumwe.
4Ba, sakoka tukwe ai marbaramnyi nang ara kan uram ena aryi burdeiriramoumwe.
Ba, kutam malyi nang ara kanci niningdeiriramoumwe.
5Minob ura kanci sun yuk nang asi, ‘Er Imtamnyi biryi nunsi milibkwansir,’ tenebkwandarur, eboka etereramoumwe.
Bok, ukuryok ara kan nong asi malyi kubkou ura, kanda yuk nang aryi yan memekin uram ena ara kan kekena li kukurur.
Ba, kanda ngalukde burona dem akwe kurum.
6We, Ayub a, kanda Er Imtamnyi bisi ilil tenenanyi kurum. Ati, kanci, ‘Er Imtamnyi bira ni kalingnururnyi kurur,’ tenen Ersi kanya deibdobkwandum.
Ani, kanda busul kuboka Er Imtamnyi bisi dib tenenanyi kurum. Ati, kanci, ‘Er Imtamnyi biryi nisi lebdeibkwanirarya,’ tenen iya dibde bunkwandum.
7Ayub a, ni a ebkwaman uram asi diboka kekenmarum:
Er Imtamnyi bira sun malyi kun dinyi ton kum kuramingnyi nang asi talyitam ton wenerur ena ton bingdum do?
Ani, tonda sun yuk nang urasintam ababyi teleb dinyi akwe kunuramingnyi nang asi talyitam ton orminingdur en uram ton kekerum do?
8Ni asing eirinun dinyi ara,
sun yu aryi yuk nang asi, ‘Obminikwayeb,’ tenen kuramingnyi nang ara tamuboka sun damnyi douryangarur asi ni asing ton eirinun.
Tonda, sun yuk nang asi, ‘Mambul dinyi bobdeibkwayeb,’ tenen kuramingnyi nang ara tamuboka sun damnyi mambul dinyi bordeirirdanung asi ni asing eirinun.
9Sun ato kuramingnyi nang asi Er Imtamnyi isin aryi urkarongdur.
Ani, Er isin ut erdonongna aryi kum danardeirirur asi ni asing eirinun!
10Bai kam si singa ara kamuboka ngururu erande.
Bok, Er Imtamnyi biryi kabunyi kam singa mer si kankanya moubtaleboka si bulangkarongdur.
11Ba, mi deianci kam singa ner ara yu kuranci ababyi yina kum aryi dirande.
Ba, er mabwe ara yuk-yuk bongwalwalardaraming.
Ato kuboka sun yu kanya bon nang ara sun yu aryi singa kuna ngururu enung.
Bok, Er Imtamnyi biryi sun mikib ara kum danabdeibci ura, dimnaming.
12-13Uki tentok tum lukunda ara ninyi uram atoa aryi ni amol dam murmurubdongobmanou asi kekebmase.
A tum lukunda ara ninyi nirya mablukmai bok,
nira ilil tenento lengdera mabmase ati, tuba kanya teneibde manmase.
Asi, ninyi yuk nang kekena kumkum,
dib uram asi mitik uram nun aryi ni amol dam asi ebdongobmou asi kekebmase.
14Ura, ni lukdandoka sirim asa bukokmase.
Uca, ni yok ara nirya sirim talebmanou.
15Eratoanun aryi ni urasintam asi kumwe kuna ubling eryibinmou.
Ba, ni nong uk daboka dinininto kubmanouci ying bututub eboka takmanou.
16Ura, a dinyi ara ni urasintam asi tiklobmou bok, niryi er nong ara diboka eirkatana kum kubmase.
Eda, ninyi kukumna atoanun ni urasintam tikmouci, mitik uram nun aryi murmurubdongobmou asi kekebmase.
17Ara, ato enmou asi kekebmase, ‘Ninyi tentok aryi Er Imtamnyi bisi, “Nira telebto kunun bok, Imtamnyi, Kanda malyito kurum,” ebkwamote ara kiknibkwamote do?
Tonda, ninyi tentok aryi Ninyi Kiknibmasounyi bisi, “Nira leknyi kunun bok, Kanda leknyi kuma,” ebkwamote ara kikiman do?
18Diba ati, sun Er Imtamnyi ai dam kobdob wa irmilin nang malaikat nang ababyi Er Iya Telebnyi kurur ato nang ton kum kunung.
Ani, tonda Er uram eryuryangan nang ababyi Er Imtamnyi biryi diboka dib tenebmanto dinyi kunurur ato kunubmanto nang ton kum kunung. Eda, sunbabyi Erci tatabdongobmanto nang kunung.
19Ati, iya weiktoto ara sun ninyi tukwe borbosa aryi ai dordeininto kubdeibmasou nang ara wanok, Er Imtamnyi bisi, “Malyi dinyi kununa ara nira ton kum kunun. Bok, Kansi ara malyi dinyi ukurum,” ebman kum.
Ani, sun ninyi ara tukwe borbosa aryi nunukeiboka kiknibmasou nang aryi Er Imtamnyi bisi, “Bisik iririkna dangyanina ara Kansi dangyanirum. Bok, nira ton kum dangyaninun,” ebman kum.
Sun ninyi tukwetam nang kundarur nirya ara kerbea mikib kum dinyi asi taruk du aryi tuluboka ninirloraming ato nang akwe kundarur. A deyok aryi sunda Ersi uram ebman kum nang akwe kundarur.
20Sun ninyi kundarur ara ukuryok kuronmamunyi bok asi, ola kum danaroransir.
Ara, belekuna deiabsingnyi ani, sintam ara dimdongnaming mabwe ato nang kundarur.
Ba, ola dibokmunyi ura, iya ati din nang wengbaraming mutuk ai wengdoryurbarandum.
Ba, yuk nang aryi sunsi tuba kanya teneirdena kum kusunung.
21Sun kam kun dinyi ara keis ol ai dakoka akubtaleboka tabwe kitirdeiriramingto kusurur.
Ba, sunda Er Imtamnyi bisi ara bingdona kum kuamuncok, dimdongnandum,’ enmou asi kekenmase,” ebmou.
@LAI 2007 (New Testament), @LAI2022 (Old and New Testament)