Ayub Uram 32
32
NINYI SI ELIHU BIRYI EBMOU URAM
PASAL 32–37
Ayub er kwit ton yuknyi si Elihu biryi, “Nibabyi ni tenen dinyi ton ebkwan,” tenebmou uram deyok
32:1-22
1Ayub biryi, “Ni kunun dinyi ara malyi kun dinyi ton kum kunun,” eramwe uram asi iya talebnurubdobmou. Ba, er kwit yabwe winiryi nang aryi ersi durungmaia ara taklobmai. 2Ura, aminda yanmounyi si Elihu bibabyi a uram nirya kekebmou. Elihu bira Ram yalanyi, Bus deibdobanyi si Barakheel mi asi aminda yanmouci, kekebmou ura, yu wekmou. Erci Ayub bisi yu bobmou deyok ara, “Ayub bira diboka kununanyi kibdandobmarci Er Imtamnyi bisi malyi kibmar,” tenebmou ura, yu bobmou. 3Ani, erci Ayub er kwit yabwe winiryi nang ababyi yu bobmou. Ara, sunci Ayub bisi, durukdongobmai cok sunci, “Ayub, kan malyi kun dinyi ara ato-ato kubumwe,” eboka lak kimna kum kubmai deyok aryi sunsi yu bobmou. 4Elihu bira kabirnyi kibmou. Ba, sun a wekmai winiryi nang ara du nang kibmou. A deyok aryi erci minob uram doboka Ayub bisi uram ena kum kubmou. 5Ani, erci dinmou uca, sun winiryi nang aryi uram doboka, “Ayub kan malyi kurum dinyi ara ato kurum,” eboka diboka lak ton kum ebmai. Eda, talyitam uram akwe enmai asi kekebmou ura, erci sunsi yu bobmou. 6Ura, Barakheel mi si Elihu, Bus deibdobanyi biryi uram dobdobmou ura ato ebmou,
“Sunda wise nang wekmaruma dam asi ni ukuryok mi aryi uram ebkwaman.
A deyok aryi niryi ni tenen dinyi sun urasin dam asi uram ena ara ni ilil ati ni kanya kankana kubmanir ba, uram kum enman cok ukuryok ara ni uram ton ebkwan.
7Nai yabwe, sunci uram endarur talak ara niryi ato tenesunun, ‘Sun wise nang aryi bukdob bingni uram ebkwamanga asi kikiman.
Ani, sun kwalina uki weik kubyi nang aryi sun bukdob bingna dinyi asi ur a donongmanunga,’ tenesunun.
8Bok, Er Imtamnyi Kanya nun ninyi kanya dam kusurur dinyi ab,
Er Iya Mikibnyi isin ab aryi nunsi etekum eboka kanya teneirden dinyi karesurur.
9Ati, ninyi bukdob bingna nang kimnung ara wise dangnyi atikwe bukdob bingna nang kum kimnung.
Ani, ninyi, ‘Teleb dinyi ara ato kurur,’ tenen dinyi ara ninyi dua kibingnyi atikwe kum bingnung.
10Ato deyok aryi niryi sun dam asi uram ton ebkwaman ati nisi kekenindarur.
Nibabyi ni tenen dinyi sun dam ton donokwaman.
11Sunci diboka bikdobkwandarur.
Sun uram endarura a nirya ara nira kekebde buna dem busunun.
Niryi sun kanya tenebmamunci uram enmamunyi ura nira kekebde buna dem busunun.
Uca, sunci Ayub dam asi ebkwamamunyi ati, ebman to uram ara ingkiringkaningdandarur asi kekesunun.
12Sun uram endarur dinyi nirya ara ni dibde bukmaniryi diboka kekesunun.
Uca, diba ati, sun uram endarur dinyi nirya ara, ‘Anyi biryi ebmar uram ara Ayub bisi muna durukdongobmar,’ tenen uram ara ton kum endarur asi kekesunun.
Tentoknyi biryi Ayub er malyi kun dinyi ton kum lak kimdur asi kekenun.
13Ati, ukuryok ara sunci ato erdana mem, ‘Ura, nunda sirya bukdob bingna nang kibdobmab,’ erdana mem.
Ayub bisi muna kirdongona ara nun ninyi mamun aryi ukubdanman kum. Eda, Er Imtamnyi tentok aryi muna kibdongobkwandur.
14Ayub er erur uram ara niti ton kum enurur asi kekenun.
Ati, niryi ersi uram dekeibkwan ara sun endarur uram aryok muruboka ersi kum dekeibkwan.
15Ayub a, kan kwit yabwe ara ukura sun uram ena walwal kibmar ba, sunci kansi uram eboka ton kum tatab-tatab enmaking.
Sun uram ena kum danmar ba, uram ebman kum kubmar.
Ati, sunci kansi uram ton kum tamubkarebkwamaking.
16Kan kwit yabwe ara uram ton kum enmang bok, nibabyi ur dem tiklobkwaman do?
Sunci uram ena kum uca ur dem tiklobmang ati, nibabyi uram ena kumkum ur dem tiklobkwaman do?
17Ayub a, nibabyi Ayub kanti teneibmakin to kan dam lak ebkun.
Nibabyi ni tenen dinyi Ayub kan dam asi lak ebkwinkin.
18Nibabyi kan dam ebman to uram mitik kum langkarikmanir.
Ni uram en ibarya tikmanir ati ebman.
19Ni ton uram erdena kum kunmanyi asi, co anggur du yung uruboka kibdeiamingnyi ba,
ito ton anaboka yibarona kum aryi ukuryok aling bok tolorande to kubnicei.
20Ati, niryi kanti teneibmakin to kan dam ebkabokwan.
Nibabyi uram kan dam eboka ni mundu yokabokwan.
21Ni uram ebkwaman ara ton tam nang akwe makibdobniryi uram kum ebkarebkwaman.
Ani, niryi tentoknyi bitikwe si ererdeirina kum kubkwaman.
22Diba ati, nira tentoknyi bitikwe si ererdeirina ara kum biksinyi kunun.
Ati, niryi ebkwaman uram ara tentoknyi bitikwe si kum erebdeibkwaman.
Niryi ato kubnyi ura, ni Kwebdeibmanounyi biryi ni isin nebneb en dinyi ola dobdobnicei ati, niryi sun nirya ati ebkwamasin,” ebmou.
Currently Selected:
Ayub Uram 32: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Ayub Uram 32
32
NINYI SI ELIHU BIRYI EBMOU URAM
PASAL 32–37
Ayub er kwit ton yuknyi si Elihu biryi, “Nibabyi ni tenen dinyi ton ebkwan,” tenebmou uram deyok
32:1-22
1Ayub biryi, “Ni kunun dinyi ara malyi kun dinyi ton kum kunun,” eramwe uram asi iya talebnurubdobmou. Ba, er kwit yabwe winiryi nang aryi ersi durungmaia ara taklobmai. 2Ura, aminda yanmounyi si Elihu bibabyi a uram nirya kekebmou. Elihu bira Ram yalanyi, Bus deibdobanyi si Barakheel mi asi aminda yanmouci, kekebmou ura, yu wekmou. Erci Ayub bisi yu bobmou deyok ara, “Ayub bira diboka kununanyi kibdandobmarci Er Imtamnyi bisi malyi kibmar,” tenebmou ura, yu bobmou. 3Ani, erci Ayub er kwit yabwe winiryi nang ababyi yu bobmou. Ara, sunci Ayub bisi, durukdongobmai cok sunci, “Ayub, kan malyi kun dinyi ara ato-ato kubumwe,” eboka lak kimna kum kubmai deyok aryi sunsi yu bobmou. 4Elihu bira kabirnyi kibmou. Ba, sun a wekmai winiryi nang ara du nang kibmou. A deyok aryi erci minob uram doboka Ayub bisi uram ena kum kubmou. 5Ani, erci dinmou uca, sun winiryi nang aryi uram doboka, “Ayub kan malyi kurum dinyi ara ato kurum,” eboka diboka lak ton kum ebmai. Eda, talyitam uram akwe enmai asi kekebmou ura, erci sunsi yu bobmou. 6Ura, Barakheel mi si Elihu, Bus deibdobanyi biryi uram dobdobmou ura ato ebmou,
“Sunda wise nang wekmaruma dam asi ni ukuryok mi aryi uram ebkwaman.
A deyok aryi niryi ni tenen dinyi sun urasin dam asi uram ena ara ni ilil ati ni kanya kankana kubmanir ba, uram kum enman cok ukuryok ara ni uram ton ebkwan.
7Nai yabwe, sunci uram endarur talak ara niryi ato tenesunun, ‘Sun wise nang aryi bukdob bingni uram ebkwamanga asi kikiman.
Ani, sun kwalina uki weik kubyi nang aryi sun bukdob bingna dinyi asi ur a donongmanunga,’ tenesunun.
8Bok, Er Imtamnyi Kanya nun ninyi kanya dam kusurur dinyi ab,
Er Iya Mikibnyi isin ab aryi nunsi etekum eboka kanya teneirden dinyi karesurur.
9Ati, ninyi bukdob bingna nang kimnung ara wise dangnyi atikwe bukdob bingna nang kum kimnung.
Ani, ninyi, ‘Teleb dinyi ara ato kurur,’ tenen dinyi ara ninyi dua kibingnyi atikwe kum bingnung.
10Ato deyok aryi niryi sun dam asi uram ton ebkwaman ati nisi kekenindarur.
Nibabyi ni tenen dinyi sun dam ton donokwaman.
11Sunci diboka bikdobkwandarur.
Sun uram endarura a nirya ara nira kekebde buna dem busunun.
Niryi sun kanya tenebmamunci uram enmamunyi ura nira kekebde buna dem busunun.
Uca, sunci Ayub dam asi ebkwamamunyi ati, ebman to uram ara ingkiringkaningdandarur asi kekesunun.
12Sun uram endarur dinyi nirya ara ni dibde bukmaniryi diboka kekesunun.
Uca, diba ati, sun uram endarur dinyi nirya ara, ‘Anyi biryi ebmar uram ara Ayub bisi muna durukdongobmar,’ tenen uram ara ton kum endarur asi kekesunun.
Tentoknyi biryi Ayub er malyi kun dinyi ton kum lak kimdur asi kekenun.
13Ati, ukuryok ara sunci ato erdana mem, ‘Ura, nunda sirya bukdob bingna nang kibdobmab,’ erdana mem.
Ayub bisi muna kirdongona ara nun ninyi mamun aryi ukubdanman kum. Eda, Er Imtamnyi tentok aryi muna kibdongobkwandur.
14Ayub er erur uram ara niti ton kum enurur asi kekenun.
Ati, niryi ersi uram dekeibkwan ara sun endarur uram aryok muruboka ersi kum dekeibkwan.
15Ayub a, kan kwit yabwe ara ukura sun uram ena walwal kibmar ba, sunci kansi uram eboka ton kum tatab-tatab enmaking.
Sun uram ena kum danmar ba, uram ebman kum kubmar.
Ati, sunci kansi uram ton kum tamubkarebkwamaking.
16Kan kwit yabwe ara uram ton kum enmang bok, nibabyi ur dem tiklobkwaman do?
Sunci uram ena kum uca ur dem tiklobmang ati, nibabyi uram ena kumkum ur dem tiklobkwaman do?
17Ayub a, nibabyi Ayub kanti teneibmakin to kan dam lak ebkun.
Nibabyi ni tenen dinyi Ayub kan dam asi lak ebkwinkin.
18Nibabyi kan dam ebman to uram mitik kum langkarikmanir.
Ni uram en ibarya tikmanir ati ebman.
19Ni ton uram erdena kum kunmanyi asi, co anggur du yung uruboka kibdeiamingnyi ba,
ito ton anaboka yibarona kum aryi ukuryok aling bok tolorande to kubnicei.
20Ati, niryi kanti teneibmakin to kan dam ebkabokwan.
Nibabyi uram kan dam eboka ni mundu yokabokwan.
21Ni uram ebkwaman ara ton tam nang akwe makibdobniryi uram kum ebkarebkwaman.
Ani, niryi tentoknyi bitikwe si ererdeirina kum kubkwaman.
22Diba ati, nira tentoknyi bitikwe si ererdeirina ara kum biksinyi kunun.
Ati, niryi ebkwaman uram ara tentoknyi bitikwe si kum erebdeibkwaman.
Niryi ato kubnyi ura, ni Kwebdeibmanounyi biryi ni isin nebneb en dinyi ola dobdobnicei ati, niryi sun nirya ati ebkwamasin,” ebmou.
@LAI 2007 (New Testament), @LAI2022 (Old and New Testament)