Hosea Uram 2
2
Sun Israel nang kun deyok ati, Hosea ner kiklibmou uram deyok
2:1-23
1Er Imtamnyi biryi sun Israel nang ati erdeinmouci, Hosea deici asi ato ebmou, “A mabwe nermabwe a,
sun kwin bira ukura Ni ner kuma.
Ba, Nira er akenyi kum ato kurdanunum.
Ati, sun kwin er kun dinyi diboka lilibdeibdarur.
Ba, talyi yortamnung dinyi ab, ukula yonung dinyi ab ara deiblobkwande ati, weneboka u dikum kibdeibdarur.
2Erci talyi yortamni ner iya kuranci ura, Niryi er ongon aling nirya kwiribkaboknyi ba, nong baning dem tikcei ati ebman.
Ani, Niryi ersi yuma er kwin deirinmou tum aryi nong baning deibmoua ato kibdeibnyei.
Ani, Niryi ersi me kum yibaranci ai tukwe aryi ilim sererande to kubdeibnyei ba, me atan aryi dibcei ati ebman.
3Ba, sunda erci deibsou mabwe nermabwe ara Niryi boukwe kum kibkwansin.
Ara, talyi yortamnamnyi uca deibsou deyok aryi Niryi sunsi boukwe kum kibkwansin.
4Ara, sun kwin bira talyi dortamnamnyi deyok aryi Niryi boukwe kum kibkwansin.
Ani, sun kwin sun mundu boboka deiansou ner ara teleb kum dinyi asi kuramwe deyok ab aryi Niryi sunsi boukwe kum kibkwansin.
Ani, sun kwin bira erci ato enurur, ‘Nira, sun nisi dibniliboka roti kwaning me yirkarenunung nang asi bindobkwan.
Ani, bisam domba otong ongon aling ab, nunungna aling kait aling ab kareraning nang asi bindobkwan.
Ani, nisi tong teleb co yung me ab, minmin en co yung me ab kareraning nang asi bindobkwan.
Nira sunci nisi ato kuraning nang asi ni kanya kunurur nang ati sunsi bindobkwan,’ enurur.
5Ati, diba aryi Niryi a ner bindobmanto bisik ara tiling-tiling dinyi deiboka bisik sekminikwan.
Ani, er, ‘Bindobkwaman,’ tenen kunmaci asi lika doboka noutam aknabdongobkwan.
Ba, er bindobmanto bisik kum aryi dukankanikdankwande.
6Ersi sun kanya kuranci nang ati domdorbanmaci bok, sun dam kum binkwande.
Erci sunsi ingkiringdonmaci bok, sunsi kum eibkwande.
Sunsi kum eibci ura, erci ato ebkwande,
‘Tamuboka yuma doanounyi bisi bindobkwan.
Minobnyi ab kuranoumwe ara telebto kuroranoumwe.
Bok, ukuryok talak kuramiba ara malyito kuramib, ati tamuboka bindobkwan,’ ebkwande.
7Ato kubkwande bok, erci kanya teneibdeboka,
Niryi kubdeianyi dinyi kanya kum teneibdenkwande.
Ara, Niryi erti gandum ab, anggur ab, to teleb en co yung ab, kareranyi dinyi kanya kum teneibdenkwande.
Ani, Niryi ersi kwemdeina molon dinyi Baal kiknin keica perak ab emas ilinto kimdeiranse dinyi kanya kum teneibdenkwande.
8A deyok aryi Niryi karenun dinyi ara tubto tamuboka dobdobkwan.
Ara, gandum du mourande talak dobdobkwan.
Ani, anggur du mourande li ara dobdobkwan.
Ani, Niryi sun nong liliron bisam domba otong aling ab, nunungna aling kait aling ab, kareanyi dinyi ara Ni damnyi tamuboka dobdobkwan.
9Ba, Niryi ersi kanya deiramingnyi nang urasin dam asi er ongon aling kwiribtalebkwan ba, alyi dobkwande.
Ba, er kanya kuranci nang ara ninyi tentok aryi ersi Ni taruk dam aryi ton leboka dordeirina kum kubkwande.
10Er kanya kilkil kuranci dinyi ara Niryi seksinibkwan.
Ara, er weik kwalin tum ab, ukuryok wala wengban tum ab, sun taruk louboka buraming tum ab,
er uki tum weik uki tum nirya ara seksinibkwan.
Ba, kilkil kanya boranci ara surukwande.
11Niryi Er co anggur babyi, er co si ara babyi kum daneibkwan.
Erci a co yala deyok ati, ‘A co anggur ab, a co ara ab a nirya ara niti nuknei.
Ara, ni kanya deirinunung nang aryi niti ur dem nuknei co aca,’ eranci asi kum daneibkwan.
Ba, a co tingnanci ai ara bai kankan kibdeibnyi uca,
baitam kuboka lulungnande dinyi aryi yibkiribkwaming.
12Erci er uki berengdura nirya ara er molon dinyi kwemdeina si Baal moloranci deyok aryi Niryi ersi wenebkwan.
Erci kweirya amol birimna biribdanmariryi, taram karakna karaklobmariryi,
er kanya deirin nang asi domkiringdonmaci ura,
Nira luba kimnurur ati wenebkwan,” eboka
Er Iya Erebdobnyi biryi sun Israel nang ati ato ebmou.
13Ura, Er Imtamnyi biryi tubto ton ato ebmou,
“A deyok aryi diba ati Niryi ersi arung-arung eboka onobnyi ura,
ninyi kum ai yini mutuk dam asi bobindoka kanya teleb kurdeirin uram ebkarebkwan.
14Ba, Niryi er anggur wa ara erdamnyi tubto tamubkarebkwan.
Ani, Akhor mutuk ara er teleb kubkwanci mutuk wengban bisik mutuk kibdeibkwan.
Ba, erci a mutuk dam aryi Nisi tubto kanya deibkwanir.
Ara, minob kabunyi neblobmou talak Mesir mutuk aryi anaboka yanganmou talak aryi
Nisi kanya deibmanou to tubto kanya tamuboka Nisi kanya deibkwanir.”
15Ba, Er Iya Erebdobnyi biryi a talak ati ato ebmou,
“Kanci Nisi, ‘Kanda ni molon kwemdeina si Baal,’ kum ebkwanurum.
Eda, kanci Nisi, ‘Ni akenyi,’ ebkwanurum,
16Ba, Niryi kan si bambul dam aryi kan molon kwemdeina si Baal si sin dinyi ara dobkabokwan.
Ba, sunci a kwemdeina mer si ton kum si sinkwandum.
17Ani, a talak aryi Niryi sunti uram talak ebokabniryi, baitam kuboka lulungnande dinyi asi uram eboka sekeibkwan ba, dumderyangana kum kunkwansing.
Ani, maka im dub langlang eryibarande dinyi ab, tukwetam mundu deib aryi yibarande dinyi ab asi uram eboka moubdeibkwan.
Ani, mar boraming dinyi ara antanibdeibkwan ani, a mutuk dam aryi ninyi ordan ya ab, ninyi ordan talak douraming dinyi nirya kum daneibkwan.
Ba, sun kubkwandum ai ara utotoa lilim ton erdena kum uca ur mangkau asa kubkwandum.
18Ba, Niryi sun Israel nang asi ner doraming to dobdobsinyi ura, iya ati tonkwa kubdobkwayeb.
Ani, Niryi sunsi Ni ner ato kuboka dobkwansin ara teleb dinyi ab, dib dinyi ab aryi dobdobkwansin.
Ani, tonda busul kuboka boukwe kibkwansin.
Ani, iya kanya deiboka boukwe kibkwansin.
19Niryi sunsi Ni ner ato kiboka dobkwansin ara iya busul kuboka dobkwansin.
Ba, Kanci Er Iya Erebdobnyi bisi diboka bikwandum ati dobkwansin.
20Ba, a talak aryi sunci Nisi molobningnyi ura, Niryi sun molona kekebkwan.
Kekebnyi ura, imtam aryi Niryi mo ceboka dobkwetebkwan.
21Ba, tukwetam aryi gandum anardeirin, co anggur anardeirin, tong teleb erande co zaitun anardeirin kibkwande.
Ba, gandum ab, anggur ab, zaitun ab aryi Yizreel mutuk nang ati yibkarebkwaming.
22Tukwetam akiryi Niryi Israel nang asi yala kwengnaming to kuboka Ni mabwe nermabwe ninyi weik kibdeibkwan.
Ura, Niryi sunsi, ‘Lo-Ruhama,’ esiniryok, ukuryok ara Niryi sunsi bico aryi boukwe kiboka, ‘Ruhama,’ enkwansin.
Ani, Niryi sunsi, ‘Lo-Ami,’ esiniryok, ukuryok ara tubto, ‘Niryi wibmasise atei nang kundarur,’ eboka, ‘Ami,’ eboka si namkwansin.
23Ba, sunci ato ebkwaning,
‘Kanda nun Nai nun Molokinanyi kurum,’ ebkwaning,”
eboka Er Imtamnyi biryi Hosea bisi ebdeibmou.
Currently Selected:
Hosea Uram 2: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Hosea Uram 2
2
Sun Israel nang kun deyok ati, Hosea ner kiklibmou uram deyok
2:1-23
1Er Imtamnyi biryi sun Israel nang ati erdeinmouci, Hosea deici asi ato ebmou, “A mabwe nermabwe a,
sun kwin bira ukura Ni ner kuma.
Ba, Nira er akenyi kum ato kurdanunum.
Ati, sun kwin er kun dinyi diboka lilibdeibdarur.
Ba, talyi yortamnung dinyi ab, ukula yonung dinyi ab ara deiblobkwande ati, weneboka u dikum kibdeibdarur.
2Erci talyi yortamni ner iya kuranci ura, Niryi er ongon aling nirya kwiribkaboknyi ba, nong baning dem tikcei ati ebman.
Ani, Niryi ersi yuma er kwin deirinmou tum aryi nong baning deibmoua ato kibdeibnyei.
Ani, Niryi ersi me kum yibaranci ai tukwe aryi ilim sererande to kubdeibnyei ba, me atan aryi dibcei ati ebman.
3Ba, sunda erci deibsou mabwe nermabwe ara Niryi boukwe kum kibkwansin.
Ara, talyi yortamnamnyi uca deibsou deyok aryi Niryi sunsi boukwe kum kibkwansin.
4Ara, sun kwin bira talyi dortamnamnyi deyok aryi Niryi boukwe kum kibkwansin.
Ani, sun kwin sun mundu boboka deiansou ner ara teleb kum dinyi asi kuramwe deyok ab aryi Niryi sunsi boukwe kum kibkwansin.
Ani, sun kwin bira erci ato enurur, ‘Nira, sun nisi dibniliboka roti kwaning me yirkarenunung nang asi bindobkwan.
Ani, bisam domba otong ongon aling ab, nunungna aling kait aling ab kareraning nang asi bindobkwan.
Ani, nisi tong teleb co yung me ab, minmin en co yung me ab kareraning nang asi bindobkwan.
Nira sunci nisi ato kuraning nang asi ni kanya kunurur nang ati sunsi bindobkwan,’ enurur.
5Ati, diba aryi Niryi a ner bindobmanto bisik ara tiling-tiling dinyi deiboka bisik sekminikwan.
Ani, er, ‘Bindobkwaman,’ tenen kunmaci asi lika doboka noutam aknabdongobkwan.
Ba, er bindobmanto bisik kum aryi dukankanikdankwande.
6Ersi sun kanya kuranci nang ati domdorbanmaci bok, sun dam kum binkwande.
Erci sunsi ingkiringdonmaci bok, sunsi kum eibkwande.
Sunsi kum eibci ura, erci ato ebkwande,
‘Tamuboka yuma doanounyi bisi bindobkwan.
Minobnyi ab kuranoumwe ara telebto kuroranoumwe.
Bok, ukuryok talak kuramiba ara malyito kuramib, ati tamuboka bindobkwan,’ ebkwande.
7Ato kubkwande bok, erci kanya teneibdeboka,
Niryi kubdeianyi dinyi kanya kum teneibdenkwande.
Ara, Niryi erti gandum ab, anggur ab, to teleb en co yung ab, kareranyi dinyi kanya kum teneibdenkwande.
Ani, Niryi ersi kwemdeina molon dinyi Baal kiknin keica perak ab emas ilinto kimdeiranse dinyi kanya kum teneibdenkwande.
8A deyok aryi Niryi karenun dinyi ara tubto tamuboka dobdobkwan.
Ara, gandum du mourande talak dobdobkwan.
Ani, anggur du mourande li ara dobdobkwan.
Ani, Niryi sun nong liliron bisam domba otong aling ab, nunungna aling kait aling ab, kareanyi dinyi ara Ni damnyi tamuboka dobdobkwan.
9Ba, Niryi ersi kanya deiramingnyi nang urasin dam asi er ongon aling kwiribtalebkwan ba, alyi dobkwande.
Ba, er kanya kuranci nang ara ninyi tentok aryi ersi Ni taruk dam aryi ton leboka dordeirina kum kubkwande.
10Er kanya kilkil kuranci dinyi ara Niryi seksinibkwan.
Ara, er weik kwalin tum ab, ukuryok wala wengban tum ab, sun taruk louboka buraming tum ab,
er uki tum weik uki tum nirya ara seksinibkwan.
Ba, kilkil kanya boranci ara surukwande.
11Niryi Er co anggur babyi, er co si ara babyi kum daneibkwan.
Erci a co yala deyok ati, ‘A co anggur ab, a co ara ab a nirya ara niti nuknei.
Ara, ni kanya deirinunung nang aryi niti ur dem nuknei co aca,’ eranci asi kum daneibkwan.
Ba, a co tingnanci ai ara bai kankan kibdeibnyi uca,
baitam kuboka lulungnande dinyi aryi yibkiribkwaming.
12Erci er uki berengdura nirya ara er molon dinyi kwemdeina si Baal moloranci deyok aryi Niryi ersi wenebkwan.
Erci kweirya amol birimna biribdanmariryi, taram karakna karaklobmariryi,
er kanya deirin nang asi domkiringdonmaci ura,
Nira luba kimnurur ati wenebkwan,” eboka
Er Iya Erebdobnyi biryi sun Israel nang ati ato ebmou.
13Ura, Er Imtamnyi biryi tubto ton ato ebmou,
“A deyok aryi diba ati Niryi ersi arung-arung eboka onobnyi ura,
ninyi kum ai yini mutuk dam asi bobindoka kanya teleb kurdeirin uram ebkarebkwan.
14Ba, Niryi er anggur wa ara erdamnyi tubto tamubkarebkwan.
Ani, Akhor mutuk ara er teleb kubkwanci mutuk wengban bisik mutuk kibdeibkwan.
Ba, erci a mutuk dam aryi Nisi tubto kanya deibkwanir.
Ara, minob kabunyi neblobmou talak Mesir mutuk aryi anaboka yanganmou talak aryi
Nisi kanya deibmanou to tubto kanya tamuboka Nisi kanya deibkwanir.”
15Ba, Er Iya Erebdobnyi biryi a talak ati ato ebmou,
“Kanci Nisi, ‘Kanda ni molon kwemdeina si Baal,’ kum ebkwanurum.
Eda, kanci Nisi, ‘Ni akenyi,’ ebkwanurum,
16Ba, Niryi kan si bambul dam aryi kan molon kwemdeina si Baal si sin dinyi ara dobkabokwan.
Ba, sunci a kwemdeina mer si ton kum si sinkwandum.
17Ani, a talak aryi Niryi sunti uram talak ebokabniryi, baitam kuboka lulungnande dinyi asi uram eboka sekeibkwan ba, dumderyangana kum kunkwansing.
Ani, maka im dub langlang eryibarande dinyi ab, tukwetam mundu deib aryi yibarande dinyi ab asi uram eboka moubdeibkwan.
Ani, mar boraming dinyi ara antanibdeibkwan ani, a mutuk dam aryi ninyi ordan ya ab, ninyi ordan talak douraming dinyi nirya kum daneibkwan.
Ba, sun kubkwandum ai ara utotoa lilim ton erdena kum uca ur mangkau asa kubkwandum.
18Ba, Niryi sun Israel nang asi ner doraming to dobdobsinyi ura, iya ati tonkwa kubdobkwayeb.
Ani, Niryi sunsi Ni ner ato kuboka dobkwansin ara teleb dinyi ab, dib dinyi ab aryi dobdobkwansin.
Ani, tonda busul kuboka boukwe kibkwansin.
Ani, iya kanya deiboka boukwe kibkwansin.
19Niryi sunsi Ni ner ato kiboka dobkwansin ara iya busul kuboka dobkwansin.
Ba, Kanci Er Iya Erebdobnyi bisi diboka bikwandum ati dobkwansin.
20Ba, a talak aryi sunci Nisi molobningnyi ura, Niryi sun molona kekebkwan.
Kekebnyi ura, imtam aryi Niryi mo ceboka dobkwetebkwan.
21Ba, tukwetam aryi gandum anardeirin, co anggur anardeirin, tong teleb erande co zaitun anardeirin kibkwande.
Ba, gandum ab, anggur ab, zaitun ab aryi Yizreel mutuk nang ati yibkarebkwaming.
22Tukwetam akiryi Niryi Israel nang asi yala kwengnaming to kuboka Ni mabwe nermabwe ninyi weik kibdeibkwan.
Ura, Niryi sunsi, ‘Lo-Ruhama,’ esiniryok, ukuryok ara Niryi sunsi bico aryi boukwe kiboka, ‘Ruhama,’ enkwansin.
Ani, Niryi sunsi, ‘Lo-Ami,’ esiniryok, ukuryok ara tubto, ‘Niryi wibmasise atei nang kundarur,’ eboka, ‘Ami,’ eboka si namkwansin.
23Ba, sunci ato ebkwaning,
‘Kanda nun Nai nun Molokinanyi kurum,’ ebkwaning,”
eboka Er Imtamnyi biryi Hosea bisi ebdeibmou.
@LAI 2007 (New Testament), @LAI2022 (Old and New Testament)