Habakuk Uram 2
2
Er Iya Erebdobnyi biryi, “Ni urasintam teleb dinyi kunun nang ara sun dib tenen dinyi biriman aryi kam kubkwaming,” ebmou uram deyok
2:1-4
1“Ni Habakuk bira ninyi iyangana dibde bun ai dub weletingbindoka ani, Er Iya Erebdobnyi biryi nisi erkarenin dinyi ati kekebde bunkwan. Ani, Erci ‘Ni mambul kirikoka uram don dinyi asi una kuboka dekeibkwanir do?’ tenen dibde bukwan,” ato eboka Habakuk biryi ebmou. 2Ura, Er Iya Erebdobnyi biryi nisi ato eboka uram dekeibmanou, “A kunumna eibmarim dinyi nirya ara keil ila deici asi kerek sekoka deibminyi ba, a deiaminyi bisik yibanmangnyi nang asing eiboka nukwaming ati, sekeibdum. 3A kunumna deib aryi eibmarim deyok nirya ara aminda diba kunubkwande ati kerek sekeibdum. A eibmarim kunumna kunun tum ara uki weik dibde kuraminyi ababyi, ur dibde burandum. A kunumna ara dangbisina kum kubkwande. Eda diba ati kunubkwande. 4Ati, diboka kekebdum. Sun Kasdim nang ara wingdan kanya boramingiryi, tingkwanin kanya akwe boraming ati lemdeirin dinyi kum dobdobkwaming. Bok, sun Er Imtamnyi urasintam aryi teleb dinyi kunuramingnyi nang ara sun dib tenen dinyi biriman aryi kam kubkwaming,” ato eboka Er Iya Erebdobnyi biryi Habakuk bisi ebkarebmou.
Sun Kasdim nang aryi yu dinyi kunuraming nang ara wenen dinyi dobdobkwaming uram deyok
2:5-20
5“Diba, sun Kasdim nang ara anggur me ilinto yibde banung uca, sunda walina talen nang ato kunungci, sun damnyi bowaningminingdanung. Sunda wingdana kanya boramingiryi, ‘Yuk atei-yuk atei nang nirya asi tabwe debkwayeb,’ tenen dikdik sengna kum kuraming. Ninyi din nang wengyurbaraming mutuk bakan ara bouna kum asa aryi si akeiboka burande ba, ninyi din nang ilinto tanglona kum uca wengyurbaraming. Ato kuboka sun Kasdim nang ababyi bouna kum asa aryi kangkang erkiringnung. Ara, ‘Im dangna tukwe dangna mutuk nirya yibarkirikoka yuk atei-yuk atei nang nirya asi bulubdeiboka tabwe debkwayeb,’ tenen yibinkiringnung.
6Sun Kasdim nang ara ato kuboka sun yuk atei-yuk atei nang bona bon dinyi nirya arabdobmangnyi bok, Er Imtamnyi biryi sunsi wenen dinyi karebkwande. A talak ara sun yuk atei-yuk atei nang aryi sun Kasdim nang asi moun-moun ati talak doboka ina ngilikwaming.
Ara, ato ebkwaming, ‘Sun dinyi kuma asi arabdobde miningnung nang ara wenen dinyi dobdobkwandum se.’ Sunci yuk nang asi, ‘Sun bona bon dinyi nirya nun taruk dam karebdeibdarur,’ eboka arungnandau bok, aminda ababyi tuba arukwandum do? Ato tenen kum. Sunbabyi weik wenen dinyi dobdobkwandum se. 7Uki tentok tum berekmaci ura, sunda Kasdim nang ara asing kubloanto lukdankwandumca. Ara, sunci bingna kum bok, sunci weneramunyi nang aryi tikokmangiryi, tamuboka sunbabyi si tobkwansing. Ati, sun yuk atei nang aryi sun Kasdim nang asi iyandoka, ‘Sunci nun bona bon dinyi arabdobdau dinyi ara nun damnyi tamubkarebsindarur,’ eboka arukwansing. Arukwansing ba, sunda Kasdim nang ara ilil weik asa kum kubkwansir darib? 8Sunda Kasdim nang ababyi sun yuk mutuk yuk mutuk atei nang dinyi araboka doamunyi deyok aryi sun takdongoamunyi atei nang ababyi neiktoto sun bona bon dinyi asi araboka dobkwansing. Sunci ninyi ilinto oramunyi ba, sun ining a sangdur deyok ati, sunbabyi wenen dinyi dobkwandum. Sunci sun yuk mutuk yuk mutuk nang sun atei ton sun wa in dam ton nirya kum danardeindarurci, ninyi ilinto orandum se. A deyok aryi sun yuk atei yuk atei nang aryi tamuboka sun bona bon dinyi nirya arabdobkwansing.
9Sunda Kasdim nang ara weik wenen dinyi dobdobkwandum, se. Sunci yuk atei nang bona bon dinyi arabdaboka bowengbinmarumci, sun mining atei iya teleb atei dobmarum se. Sunci sun ai dobmarum ara mutuk dub aryi dobmarum ati, sunci, ‘Yuk atei nang aryi iyanmasingnyi ababyi, nun atei ara kum daneibmanto kum kurur,’ tenerandum. 10Sun Kasdim nang aryi, ‘Yuk mutuk atei nang sun bona bon dinyi ilinto dinyi asi araboka dobdobkwayeb,’ tenen sun bona bon dinyi alarandau se. A deyok aryi sunci sun dam nang obdarandau uca, sun mining mabwe silib nang ara alyi weik kubkwaming. 11Sun Kasdim nang aryi dobmamunyi ai lika dukdandoka doamingnyi keil aryi uram eboka sunsi sumnansing. Tonda, sun dobmamunyi ai abyokomna ikoka doamingnyi dub ai ababyi uram eboka dorkankanurande. Ara, ‘Sunda weik wenen dinyi dobdobkwandum se,’ eboka sumnansing.
12Sunda Kasdim nang aryi, ‘Ukuryok ai asi dobkwayeb,’ tenen yuk atei nang asi yu dinyi karerandum se. Tonda, sunci, ‘Nun atei dobkwayeb,’ tenen yuk atei nang asi orandum se. A deyok aryi sunci weik wenen dinyi dobdobkwandum. 13Er Iya Erebdobnyi bira Iya Mikibnyi biryi tenesurur dinyi asi sun kum bingdarur darib? Erci ato tenen uram dobdeibmou, sun im dangna tukwe dangna kuboka ninyi yala nang ara, ‘Bona bon dinyi ilinto dobdobibiryi, nun atei teleb atei asi dobkwayeb,’ teneraming. Ato teneraming bok, ‘A dinyi nirya asi uk aryi yibkwande,’ tenerur. Ara, sun im dangna tukwe dangna nang nirya ara wa il weik kuboka wa iraming cok, sunda talyi akwe ati wa iraming. 14Ara, aminda talak aryi tukwetam nang sun bona bon dinyi nirya asi uk yibmaci ura, Er Iya Erebdobnyi milil ab Er milil bingna dinyi ab asi weik dinyi kubkwanding. Weik me kwan deirirande ai ara me dala nirya deirbisirande to, Er Iya Erebdobnyi milil bingna dinyi ara im dangna tukwe dangna mutuk deirbisibkwande.
15Sunda Kasdim nang ara weik wenen dinyi dobdobkwandum, se. Sunci sun ai dam kun nang asi walina talen me ilinto karerandum, se. Ara, ‘Nun ai dam kun nang ara walin talen me ilinto yibingnyi uca, sunci sun ongon aling taklobingnyi ba, sun alyi aia dinyi lak kibdate ba, nun diblilibtibyi,’ tenen sunci sunsi walina talen me yirkarerandum, se. 16Sunci, ‘Ninyi nirya aryi ererdeirisin dinyi dobdobkwayeb,’ tenerandum bok, Er Iya Erebdobyi biryi sunsi alyi kimdeirisin dinyi karebkwansir. Ati, ukuryok sunbabyi walin talen me ton yibdarur. Walin talen me diba dinyi ati kum ebman. Eda, Er Iya Erebdobnyi biryi sunsi wenebkwansir dinyi ati ato ebman. Er Iya Erebdobnyi taruk siriktam aryi yu dinyi karebkwansir moyok asi talerandiryok, sunsi karebkwansir. Ati sunci Er wenesin dinyi dobdobmunci, ererdeirisin dinyi dordona kum kubkwandum. Eda, alyi weik kimsin dinyi langdiboka dobdobkwandum. 17Sunda Kasdim nang ara Libanon mutuk yanmaici, a mutuk kon tingnamwe co ilinto asi talyi ati kwebmandau, se. Tonda, a mutuk kuramwe ninyi winin dinyi asi sunci oboka kum daneibmandau se. Sunci a mutuk kuramnyi nang asi obkiribmandauci, sun atei ab sun wa in dam ab nirya asi kum daneibmandau. A deyok aryi sunci weik wenen dinyi dobdobkwandum. 18Sunda Kasdim nang ara kwemdeina dinyi kikniboka molorandum se. Ara, co kum keil kum doboka sunci ya telem-telem eboka sun molon dinyi kiknirandum. Ara, ninyi atoa bisam atoa kiknirandum dinyi ara tola uram eteren dinyi akwe kurande bok, sunci a dinyi ati, ‘Nun molon dinyi,’ erandum se. Sunci kiknibmarum molon dinyi ara uram ton kum erur bok, sunci a molon dinyi ati dib tenerandum, se.
19Sun co bubum dakdoba asi, ‘Nun nai se, bukokdum e,’ eraming nang ara wenen dinyi dobdobkwaming. Tonda, sun ilila keil bukanci asi, ‘Nun kwin se, tikokderum e,’ eraming nang ababyi wenen dinyi dobdobkwaming. Lulungna kum dinyi aryi eterebkwamasir ara kiknibman kum. Ato molon dinyi ara ninyi taruk aryi kiknin dinyi akwe kurur. A dinyi ara dengna weik dinyi si emas ab perak ab aryi makdongoboka kikninung bok, a dinyi er nong umbura dam ara kanya ton kum kurur.
20Bok, Er Iya Erebdobnyi bira iya kam kururnyi kururci, Erda Erci wibmou ai ara Sion mutuk dub kurur ai umbura kurur. Sun im dangna tukwe dangna nang nirya aryi uram kilikmunci, Er Iya Erebdobnyi urasin dam aryi nurubdongoboka kurona teleb,” ebmou.
Currently Selected:
Habakuk Uram 2: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Habakuk Uram 2
2
Er Iya Erebdobnyi biryi, “Ni urasintam teleb dinyi kunun nang ara sun dib tenen dinyi biriman aryi kam kubkwaming,” ebmou uram deyok
2:1-4
1“Ni Habakuk bira ninyi iyangana dibde bun ai dub weletingbindoka ani, Er Iya Erebdobnyi biryi nisi erkarenin dinyi ati kekebde bunkwan. Ani, Erci ‘Ni mambul kirikoka uram don dinyi asi una kuboka dekeibkwanir do?’ tenen dibde bukwan,” ato eboka Habakuk biryi ebmou. 2Ura, Er Iya Erebdobnyi biryi nisi ato eboka uram dekeibmanou, “A kunumna eibmarim dinyi nirya ara keil ila deici asi kerek sekoka deibminyi ba, a deiaminyi bisik yibanmangnyi nang asing eiboka nukwaming ati, sekeibdum. 3A kunumna deib aryi eibmarim deyok nirya ara aminda diba kunubkwande ati kerek sekeibdum. A eibmarim kunumna kunun tum ara uki weik dibde kuraminyi ababyi, ur dibde burandum. A kunumna ara dangbisina kum kubkwande. Eda diba ati kunubkwande. 4Ati, diboka kekebdum. Sun Kasdim nang ara wingdan kanya boramingiryi, tingkwanin kanya akwe boraming ati lemdeirin dinyi kum dobdobkwaming. Bok, sun Er Imtamnyi urasintam aryi teleb dinyi kunuramingnyi nang ara sun dib tenen dinyi biriman aryi kam kubkwaming,” ato eboka Er Iya Erebdobnyi biryi Habakuk bisi ebkarebmou.
Sun Kasdim nang aryi yu dinyi kunuraming nang ara wenen dinyi dobdobkwaming uram deyok
2:5-20
5“Diba, sun Kasdim nang ara anggur me ilinto yibde banung uca, sunda walina talen nang ato kunungci, sun damnyi bowaningminingdanung. Sunda wingdana kanya boramingiryi, ‘Yuk atei-yuk atei nang nirya asi tabwe debkwayeb,’ tenen dikdik sengna kum kuraming. Ninyi din nang wengyurbaraming mutuk bakan ara bouna kum asa aryi si akeiboka burande ba, ninyi din nang ilinto tanglona kum uca wengyurbaraming. Ato kuboka sun Kasdim nang ababyi bouna kum asa aryi kangkang erkiringnung. Ara, ‘Im dangna tukwe dangna mutuk nirya yibarkirikoka yuk atei-yuk atei nang nirya asi bulubdeiboka tabwe debkwayeb,’ tenen yibinkiringnung.
6Sun Kasdim nang ara ato kuboka sun yuk atei-yuk atei nang bona bon dinyi nirya arabdobmangnyi bok, Er Imtamnyi biryi sunsi wenen dinyi karebkwande. A talak ara sun yuk atei-yuk atei nang aryi sun Kasdim nang asi moun-moun ati talak doboka ina ngilikwaming.
Ara, ato ebkwaming, ‘Sun dinyi kuma asi arabdobde miningnung nang ara wenen dinyi dobdobkwandum se.’ Sunci yuk nang asi, ‘Sun bona bon dinyi nirya nun taruk dam karebdeibdarur,’ eboka arungnandau bok, aminda ababyi tuba arukwandum do? Ato tenen kum. Sunbabyi weik wenen dinyi dobdobkwandum se. 7Uki tentok tum berekmaci ura, sunda Kasdim nang ara asing kubloanto lukdankwandumca. Ara, sunci bingna kum bok, sunci weneramunyi nang aryi tikokmangiryi, tamuboka sunbabyi si tobkwansing. Ati, sun yuk atei nang aryi sun Kasdim nang asi iyandoka, ‘Sunci nun bona bon dinyi arabdobdau dinyi ara nun damnyi tamubkarebsindarur,’ eboka arukwansing. Arukwansing ba, sunda Kasdim nang ara ilil weik asa kum kubkwansir darib? 8Sunda Kasdim nang ababyi sun yuk mutuk yuk mutuk atei nang dinyi araboka doamunyi deyok aryi sun takdongoamunyi atei nang ababyi neiktoto sun bona bon dinyi asi araboka dobkwansing. Sunci ninyi ilinto oramunyi ba, sun ining a sangdur deyok ati, sunbabyi wenen dinyi dobkwandum. Sunci sun yuk mutuk yuk mutuk nang sun atei ton sun wa in dam ton nirya kum danardeindarurci, ninyi ilinto orandum se. A deyok aryi sun yuk atei yuk atei nang aryi tamuboka sun bona bon dinyi nirya arabdobkwansing.
9Sunda Kasdim nang ara weik wenen dinyi dobdobkwandum, se. Sunci yuk atei nang bona bon dinyi arabdaboka bowengbinmarumci, sun mining atei iya teleb atei dobmarum se. Sunci sun ai dobmarum ara mutuk dub aryi dobmarum ati, sunci, ‘Yuk atei nang aryi iyanmasingnyi ababyi, nun atei ara kum daneibmanto kum kurur,’ tenerandum. 10Sun Kasdim nang aryi, ‘Yuk mutuk atei nang sun bona bon dinyi ilinto dinyi asi araboka dobdobkwayeb,’ tenen sun bona bon dinyi alarandau se. A deyok aryi sunci sun dam nang obdarandau uca, sun mining mabwe silib nang ara alyi weik kubkwaming. 11Sun Kasdim nang aryi dobmamunyi ai lika dukdandoka doamingnyi keil aryi uram eboka sunsi sumnansing. Tonda, sun dobmamunyi ai abyokomna ikoka doamingnyi dub ai ababyi uram eboka dorkankanurande. Ara, ‘Sunda weik wenen dinyi dobdobkwandum se,’ eboka sumnansing.
12Sunda Kasdim nang aryi, ‘Ukuryok ai asi dobkwayeb,’ tenen yuk atei nang asi yu dinyi karerandum se. Tonda, sunci, ‘Nun atei dobkwayeb,’ tenen yuk atei nang asi orandum se. A deyok aryi sunci weik wenen dinyi dobdobkwandum. 13Er Iya Erebdobnyi bira Iya Mikibnyi biryi tenesurur dinyi asi sun kum bingdarur darib? Erci ato tenen uram dobdeibmou, sun im dangna tukwe dangna kuboka ninyi yala nang ara, ‘Bona bon dinyi ilinto dobdobibiryi, nun atei teleb atei asi dobkwayeb,’ teneraming. Ato teneraming bok, ‘A dinyi nirya asi uk aryi yibkwande,’ tenerur. Ara, sun im dangna tukwe dangna nang nirya ara wa il weik kuboka wa iraming cok, sunda talyi akwe ati wa iraming. 14Ara, aminda talak aryi tukwetam nang sun bona bon dinyi nirya asi uk yibmaci ura, Er Iya Erebdobnyi milil ab Er milil bingna dinyi ab asi weik dinyi kubkwanding. Weik me kwan deirirande ai ara me dala nirya deirbisirande to, Er Iya Erebdobnyi milil bingna dinyi ara im dangna tukwe dangna mutuk deirbisibkwande.
15Sunda Kasdim nang ara weik wenen dinyi dobdobkwandum, se. Sunci sun ai dam kun nang asi walina talen me ilinto karerandum, se. Ara, ‘Nun ai dam kun nang ara walin talen me ilinto yibingnyi uca, sunci sun ongon aling taklobingnyi ba, sun alyi aia dinyi lak kibdate ba, nun diblilibtibyi,’ tenen sunci sunsi walina talen me yirkarerandum, se. 16Sunci, ‘Ninyi nirya aryi ererdeirisin dinyi dobdobkwayeb,’ tenerandum bok, Er Iya Erebdobyi biryi sunsi alyi kimdeirisin dinyi karebkwansir. Ati, ukuryok sunbabyi walin talen me ton yibdarur. Walin talen me diba dinyi ati kum ebman. Eda, Er Iya Erebdobnyi biryi sunsi wenebkwansir dinyi ati ato ebman. Er Iya Erebdobnyi taruk siriktam aryi yu dinyi karebkwansir moyok asi talerandiryok, sunsi karebkwansir. Ati sunci Er wenesin dinyi dobdobmunci, ererdeirisin dinyi dordona kum kubkwandum. Eda, alyi weik kimsin dinyi langdiboka dobdobkwandum. 17Sunda Kasdim nang ara Libanon mutuk yanmaici, a mutuk kon tingnamwe co ilinto asi talyi ati kwebmandau, se. Tonda, a mutuk kuramwe ninyi winin dinyi asi sunci oboka kum daneibmandau se. Sunci a mutuk kuramnyi nang asi obkiribmandauci, sun atei ab sun wa in dam ab nirya asi kum daneibmandau. A deyok aryi sunci weik wenen dinyi dobdobkwandum. 18Sunda Kasdim nang ara kwemdeina dinyi kikniboka molorandum se. Ara, co kum keil kum doboka sunci ya telem-telem eboka sun molon dinyi kiknirandum. Ara, ninyi atoa bisam atoa kiknirandum dinyi ara tola uram eteren dinyi akwe kurande bok, sunci a dinyi ati, ‘Nun molon dinyi,’ erandum se. Sunci kiknibmarum molon dinyi ara uram ton kum erur bok, sunci a molon dinyi ati dib tenerandum, se.
19Sun co bubum dakdoba asi, ‘Nun nai se, bukokdum e,’ eraming nang ara wenen dinyi dobdobkwaming. Tonda, sun ilila keil bukanci asi, ‘Nun kwin se, tikokderum e,’ eraming nang ababyi wenen dinyi dobdobkwaming. Lulungna kum dinyi aryi eterebkwamasir ara kiknibman kum. Ato molon dinyi ara ninyi taruk aryi kiknin dinyi akwe kurur. A dinyi ara dengna weik dinyi si emas ab perak ab aryi makdongoboka kikninung bok, a dinyi er nong umbura dam ara kanya ton kum kurur.
20Bok, Er Iya Erebdobnyi bira iya kam kururnyi kururci, Erda Erci wibmou ai ara Sion mutuk dub kurur ai umbura kurur. Sun im dangna tukwe dangna nang nirya aryi uram kilikmunci, Er Iya Erebdobnyi urasin dam aryi nurubdongoboka kurona teleb,” ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)