Galatia Uram 5
5
“Nun Du Kristus biryi nunsi lebdeibsou uca, nunda Musa Uram aryi tabwe debsou nang tuba kum kunub,” eboka eterebmou uram
5:1-15
1Nun Du Kristus biryi nunsi lebdeibsou ara Erci nunti, “Tabwe lobdeibdob nang ato kunung ati, mambul tuba kum kubkwanung,” tenen lebdeibsou. Nun Du biryi nunsi lebdeibsou ati, sunci katabum kanya bobmunci kalikdarur. Ati, ninyi aryi, “Musa Uram kunubmunci lebdandobdarur,” eboka mambul dinyi tubto takubdeibsingnyei ati sunci katabum kanya bobdobmunci, kalikdandobdarur.
2Kekenindarur, ni Paulus biryi sunsi ato ebkwinsin. Sun Galatia nang ara, “Nun Nai Imtamnyi biryi nunsi dobdobkwansir ati, den bama seksunung,” tenento dinyi ukubmunyi ura, nun Du Yesus Kristus biryi lebdeibmasou ara sunti talyi ati lebdeibmasou. 3Niryi sunsi tubto ebkwinsin ara, “Den bama sengna deici aryi nun Nai Imtamnyi biryi ninyi dororansir,” tenen nang ara Musa biryi takubdeibsou uram ara mitik dinyi ababyi sunglona kum uca a nirya kurur tok kunubkwanung. 4Musa Uram kununa deici aryi nun Nai Imtamnyi biryi nunti, “Ni dam kun nang kibdeibkwan,” tenen nunsi kum dobdobkwansir ati ebman. “Musa Uram kununa deici aryi nun Nai biryi nunsi dobdobkwansir,” tenebmunyi ura, sunci nun Du Yesus Kristus bisi sirya taklobmarum ati ebman. Tonda, sunci ato tenen kubmunyi ura, sunci, “Er Imtamnyi biryi teleb kurdeirisina deici aryi Erci nunsi lemsurur,” tenen dinyi ara sirya deiblobmamunci, kubmandarur. 5Nun dib tenen nang ara Er Imtamnyi Kanya Roh Kudus biriman aryi ato tenenub. “Nun Nai Imtamnyi bira dib tenena deici aryi nunsi dobdobkwansir,” tenen dibde bunub. 6Nunda nun Du Yesus Kristus dam kuramibyi nang ara, “Den bama sengna deici aryi nun Nai Imtamnyi biryi nunsi dobdobkwansir,” tenena kum kunub. Tonda, “Den bama sengna kum kuramib uca, nun Nai Imtamnyi biryi nunsi dobdobkwansir,” tenena ababyi kum kunub. Eda, nunci ato tenenub. “Nun Du Kristus bisi dib tenena deici aryi nun Nai biryi nunsi dororansir,” tenenub. Ba, nun Du Yesus bisi dib tenena aryi du moubci uca, nunda ninyi boukwe weik kiboka dirnilina deici aryi, nun Nai Imtamnyi biryi nunti, “Ni dam kun nang kibdeibkwan,” tenesurur.
7Minob ura sun Galatia nang aryi nun Du Yesus Kristus bisi diboka dib tenerandau asi, ukuryok ara unanyi biryi sunsi bisik seksou do? Unato ati, sunci nun Du Yesus uram dib en uram asi takloboka tuba kum kunundarur do? 8Sunsi nabsounyi nun Nai Imtamnyi biryi sun dib tenen dinyi asi bisik seksinibsou do? Ato tenen kum. 9Tola uram mitiktonun ababyi ninyi kanya bowaningminingdur ati ebman. Tola uram ara ragi ato kurur. Roti kikninanyi biryi ragi mitiktonun doboka roti asi dongobmaci uca, roti nirya ara bungbung eboka weik kimnande. A ukurande to kuboka tola uram ababyi neiktoto kurur. Tola uram mitiktonun ababyi ninyi kanya asi diba ati bowaningminingdur. 10Ni kwit yabwe, niryi sunsi lak ebmasin to sunbabyi dib tenendarur ati tenebman. Nun Du biryi sunsi kalingsurur ati, ni kanya sunti kankana kum kubmanir. Ba, sunsi tola uram eteresin nang ara Er Imtamnyi biryi diba ati wenebkwande. Ati, unanyi-unaner aryi sun kanya asi kankana kurminingnandinyi bira nun Nai Imtamnyi biryi mambul dinyi takubdeiboka diba ati wenebkwande. 11Ura, ni kwit yabwe, ni Paulus biryi, “Den bama sekdandarur,” eboka takubdeibsitinyi ura, sun Yahudi yala nang aryi, “Obtibyi,” tenen nisi tuba dobkirikniting do? Ato kum kuranting. Tonda, nunci, “Den bama sekdandarur,” ebsitibyi ura, ninyi aryi ni eterena uram ati, “Kekena nun li,” tuba teneranting do? Ato tenen kum. Nunci eterenub to ara ato. “Nun Du bira co lase deici dibmou deyok aryi, nun Nai Imtamnyi biryi nun Ersi dib tenen nang asi dorosurur.” Ato eboka eterenub asi, ninyi ilinto aryi, “A eterena uram nun li,” teneraming. Eda, “Den bama sengna deici aryi lebdandobkwayeb,” tenen sunci Teleb Uram asi bisik sengminingdenung. 12Sun, “Den bama sekdandarur,” eboka eteren nang ara malyi uram eterenung ati ebman. A nang aryi diba ati sunsi kanya kankana kiminingdansing ati, sunbiramnyi den luru nirya sekdandobting ura, diba.
13Ni kwit yabwe dib tenen nang e, nun Nai Imtamnyi bira sunsi nabsou ara tabwe lobdeibdob nang ato kuboka mambul tuba kum kubkwayeb ati, Erci nunsi nabsou. Nun Nai biryi tabwe lobdeibsou ati, sunci, “Nun kanya dam aryi malyi tenenub to kunubkwayeb,” tenen kubmunyei. Eda, sun mamun boukwe kibdandoka diblilibdandarur. 14Musa Uram umbura aryi bikdob dinyi ara ato kurur.
“Kandamnyi boukwe kimdarandim to kuboka yuk nang asi neiktoto boukwe weik kimna teleb,” eboka eteresurur. (Imamat 19:18)
15Bok, sun mamun yu kanya bobdandoka uram wise karebdandoka kuramunyi ura, sunci, “Nun mamun obdabyei,” tenen kalikdandarur.
“Ninyi kanya aryi malyi tenen dinyi ara takloboka Er Imtamnyi Kanya Roh Kudus eterena asi kunubdarur,” eboka eterebmou uram
5:16-26
16Niryi ebmasin ara Er Imtamnyi Kanya Roh Kudus eteresurur to asi tuba-tuba kunubmunyi uca, ninyi kanya aryi malyi tenen dinyi ara kum kunubkwandarur. 17Ninyi kanya aryi malyi tenen dinyi ara Er Imtamnyi Kanya Roh Kudus eteresurur dinyi asi bisik sengminingdur. Ba, Er Imtamnyi Kanya Roh Kudus aryi ninyi kanya malyi tenen dinyi asi bisik sengminingdur. A deyok aryi a bitinyi dinyi ara bisik sengdana akwe kurdaranding. Ba, sun dib tenen nang ara sun malyi tenen dinyi tenebmamunyi to ara takloboka Er Imtamnyi Kanya Roh Kudus aryi eteresurur to asi kunurandum. 18Ba, sunda Er Imtamnyi Kanya Roh Kudus aryi sunsi eteresurur to kunubmunyi uca, Musa takubdeibsou uram aryi tabwe deansou nang tuba kum kubkwandarur.
19Ninyi kanya aryi malyi tenen dinyi yuk-yuk ara lak kimdur. A dinyi ara ner sal talyi yordana ab, “Talyi yobtinyi, talyi yobnute,” tenen kanya ab, alyi tenen dinyi kununa ab kurur. 20Tonda, kwemdeina molon dinyi ab, kir don dinyi ab, bimsa yarirdana ab, kererdana ab, matan yurdana ab, yu ola wengna ab, sun damnyi ererdeirdana ab, yu kuboka bongminingdana dinyi ab kurur. 21Tonda, “Yuk nang bona dobtinyi,” tenen kitungdana ab, luba talen me yina ab, moua deiboka talyi yordana ab. A dinyi nirya ara ninyi kanya aryi malyi tenen dinyi kurur. Unanyi-unaner aryi ato dinyi kubingnyi ura, a nang ara Er Iya Weik Sienyi amwetam kun nang kum kibkwaming. A dinyi ara niryi minob ebmasise to ukuryok tubto eterebtabakmasin.
22Bok, Er Imtamnyi Kanya Roh Kudus aryi nun kanya dam wa isurur dinyi ara yukto kurur. Er Imtamnyi bisi du mousurur dinyi ara ato kurur. Nun mamun boukwe weik kimdana ab, kilkil kanya bona ab, ninyi yuk nang ab antaniboka teleb akwe kuron dinyi ab, yu ola wengna kum ab, ninyi teleb kimdeirina ab, nun minob ebdeibmoubwe to kununa dinyi ab kurur. 23Tonda, namin kanya bona ab, “Malyi kubibyei,” tenen nun kanya kalingdordana ab. A dinyi ara Er Imtamnyi Kanya Roh Kudus aryi nun kanya dam wa isurur dinyi kurur. Sun a dinyi kunuramingnyi nang ara Musa biryi takubdeibsou uram aryi kum wenesurur. 24Sun nun Du Yesus Kristus bisi milin nang ara sun kanya aryi malyi tenen dinyi asi bisik sekoka bai donokmai. Ara, ninyi aryi nun Du Yesus bisi co lase laboka bing dakmai ba, nun Du Yesus biryi nun malyi kun dinyi kum dandeibsou. Nun malyi kun dinyi asi co lase deici laboka bing dakmai biriman kum daneibsou aryi nun Er milin nang nun malyi tenen dinyi nirya asi bai donongnub. 25Nunda Er Imtamnyi Kanya Roh Kudus amwetam bun nang kunub ati, nunda Erci eteresurur to tuba-tuba kunubkwanub. 26Ati, nunci, “Ninyi aryi nun si weik esina teleb,” tenebibyei. Tonda, nun mamun uram wise ebdabyei. Tonda, nun mamun kerebdabibyei.
Currently Selected:
Galatia Uram 5: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Galatia Uram 5
5
“Nun Du Kristus biryi nunsi lebdeibsou uca, nunda Musa Uram aryi tabwe debsou nang tuba kum kunub,” eboka eterebmou uram
5:1-15
1Nun Du Kristus biryi nunsi lebdeibsou ara Erci nunti, “Tabwe lobdeibdob nang ato kunung ati, mambul tuba kum kubkwanung,” tenen lebdeibsou. Nun Du biryi nunsi lebdeibsou ati, sunci katabum kanya bobmunci kalikdarur. Ati, ninyi aryi, “Musa Uram kunubmunci lebdandobdarur,” eboka mambul dinyi tubto takubdeibsingnyei ati sunci katabum kanya bobdobmunci, kalikdandobdarur.
2Kekenindarur, ni Paulus biryi sunsi ato ebkwinsin. Sun Galatia nang ara, “Nun Nai Imtamnyi biryi nunsi dobdobkwansir ati, den bama seksunung,” tenento dinyi ukubmunyi ura, nun Du Yesus Kristus biryi lebdeibmasou ara sunti talyi ati lebdeibmasou. 3Niryi sunsi tubto ebkwinsin ara, “Den bama sengna deici aryi nun Nai Imtamnyi biryi ninyi dororansir,” tenen nang ara Musa biryi takubdeibsou uram ara mitik dinyi ababyi sunglona kum uca a nirya kurur tok kunubkwanung. 4Musa Uram kununa deici aryi nun Nai Imtamnyi biryi nunti, “Ni dam kun nang kibdeibkwan,” tenen nunsi kum dobdobkwansir ati ebman. “Musa Uram kununa deici aryi nun Nai biryi nunsi dobdobkwansir,” tenebmunyi ura, sunci nun Du Yesus Kristus bisi sirya taklobmarum ati ebman. Tonda, sunci ato tenen kubmunyi ura, sunci, “Er Imtamnyi biryi teleb kurdeirisina deici aryi Erci nunsi lemsurur,” tenen dinyi ara sirya deiblobmamunci, kubmandarur. 5Nun dib tenen nang ara Er Imtamnyi Kanya Roh Kudus biriman aryi ato tenenub. “Nun Nai Imtamnyi bira dib tenena deici aryi nunsi dobdobkwansir,” tenen dibde bunub. 6Nunda nun Du Yesus Kristus dam kuramibyi nang ara, “Den bama sengna deici aryi nun Nai Imtamnyi biryi nunsi dobdobkwansir,” tenena kum kunub. Tonda, “Den bama sengna kum kuramib uca, nun Nai Imtamnyi biryi nunsi dobdobkwansir,” tenena ababyi kum kunub. Eda, nunci ato tenenub. “Nun Du Kristus bisi dib tenena deici aryi nun Nai biryi nunsi dororansir,” tenenub. Ba, nun Du Yesus bisi dib tenena aryi du moubci uca, nunda ninyi boukwe weik kiboka dirnilina deici aryi, nun Nai Imtamnyi biryi nunti, “Ni dam kun nang kibdeibkwan,” tenesurur.
7Minob ura sun Galatia nang aryi nun Du Yesus Kristus bisi diboka dib tenerandau asi, ukuryok ara unanyi biryi sunsi bisik seksou do? Unato ati, sunci nun Du Yesus uram dib en uram asi takloboka tuba kum kunundarur do? 8Sunsi nabsounyi nun Nai Imtamnyi biryi sun dib tenen dinyi asi bisik seksinibsou do? Ato tenen kum. 9Tola uram mitiktonun ababyi ninyi kanya bowaningminingdur ati ebman. Tola uram ara ragi ato kurur. Roti kikninanyi biryi ragi mitiktonun doboka roti asi dongobmaci uca, roti nirya ara bungbung eboka weik kimnande. A ukurande to kuboka tola uram ababyi neiktoto kurur. Tola uram mitiktonun ababyi ninyi kanya asi diba ati bowaningminingdur. 10Ni kwit yabwe, niryi sunsi lak ebmasin to sunbabyi dib tenendarur ati tenebman. Nun Du biryi sunsi kalingsurur ati, ni kanya sunti kankana kum kubmanir. Ba, sunsi tola uram eteresin nang ara Er Imtamnyi biryi diba ati wenebkwande. Ati, unanyi-unaner aryi sun kanya asi kankana kurminingnandinyi bira nun Nai Imtamnyi biryi mambul dinyi takubdeiboka diba ati wenebkwande. 11Ura, ni kwit yabwe, ni Paulus biryi, “Den bama sekdandarur,” eboka takubdeibsitinyi ura, sun Yahudi yala nang aryi, “Obtibyi,” tenen nisi tuba dobkirikniting do? Ato kum kuranting. Tonda, nunci, “Den bama sekdandarur,” ebsitibyi ura, ninyi aryi ni eterena uram ati, “Kekena nun li,” tuba teneranting do? Ato tenen kum. Nunci eterenub to ara ato. “Nun Du bira co lase deici dibmou deyok aryi, nun Nai Imtamnyi biryi nun Ersi dib tenen nang asi dorosurur.” Ato eboka eterenub asi, ninyi ilinto aryi, “A eterena uram nun li,” teneraming. Eda, “Den bama sengna deici aryi lebdandobkwayeb,” tenen sunci Teleb Uram asi bisik sengminingdenung. 12Sun, “Den bama sekdandarur,” eboka eteren nang ara malyi uram eterenung ati ebman. A nang aryi diba ati sunsi kanya kankana kiminingdansing ati, sunbiramnyi den luru nirya sekdandobting ura, diba.
13Ni kwit yabwe dib tenen nang e, nun Nai Imtamnyi bira sunsi nabsou ara tabwe lobdeibdob nang ato kuboka mambul tuba kum kubkwayeb ati, Erci nunsi nabsou. Nun Nai biryi tabwe lobdeibsou ati, sunci, “Nun kanya dam aryi malyi tenenub to kunubkwayeb,” tenen kubmunyei. Eda, sun mamun boukwe kibdandoka diblilibdandarur. 14Musa Uram umbura aryi bikdob dinyi ara ato kurur.
“Kandamnyi boukwe kimdarandim to kuboka yuk nang asi neiktoto boukwe weik kimna teleb,” eboka eteresurur. (Imamat 19:18)
15Bok, sun mamun yu kanya bobdandoka uram wise karebdandoka kuramunyi ura, sunci, “Nun mamun obdabyei,” tenen kalikdandarur.
“Ninyi kanya aryi malyi tenen dinyi ara takloboka Er Imtamnyi Kanya Roh Kudus eterena asi kunubdarur,” eboka eterebmou uram
5:16-26
16Niryi ebmasin ara Er Imtamnyi Kanya Roh Kudus eteresurur to asi tuba-tuba kunubmunyi uca, ninyi kanya aryi malyi tenen dinyi ara kum kunubkwandarur. 17Ninyi kanya aryi malyi tenen dinyi ara Er Imtamnyi Kanya Roh Kudus eteresurur dinyi asi bisik sengminingdur. Ba, Er Imtamnyi Kanya Roh Kudus aryi ninyi kanya malyi tenen dinyi asi bisik sengminingdur. A deyok aryi a bitinyi dinyi ara bisik sengdana akwe kurdaranding. Ba, sun dib tenen nang ara sun malyi tenen dinyi tenebmamunyi to ara takloboka Er Imtamnyi Kanya Roh Kudus aryi eteresurur to asi kunurandum. 18Ba, sunda Er Imtamnyi Kanya Roh Kudus aryi sunsi eteresurur to kunubmunyi uca, Musa takubdeibsou uram aryi tabwe deansou nang tuba kum kubkwandarur.
19Ninyi kanya aryi malyi tenen dinyi yuk-yuk ara lak kimdur. A dinyi ara ner sal talyi yordana ab, “Talyi yobtinyi, talyi yobnute,” tenen kanya ab, alyi tenen dinyi kununa ab kurur. 20Tonda, kwemdeina molon dinyi ab, kir don dinyi ab, bimsa yarirdana ab, kererdana ab, matan yurdana ab, yu ola wengna ab, sun damnyi ererdeirdana ab, yu kuboka bongminingdana dinyi ab kurur. 21Tonda, “Yuk nang bona dobtinyi,” tenen kitungdana ab, luba talen me yina ab, moua deiboka talyi yordana ab. A dinyi nirya ara ninyi kanya aryi malyi tenen dinyi kurur. Unanyi-unaner aryi ato dinyi kubingnyi ura, a nang ara Er Iya Weik Sienyi amwetam kun nang kum kibkwaming. A dinyi ara niryi minob ebmasise to ukuryok tubto eterebtabakmasin.
22Bok, Er Imtamnyi Kanya Roh Kudus aryi nun kanya dam wa isurur dinyi ara yukto kurur. Er Imtamnyi bisi du mousurur dinyi ara ato kurur. Nun mamun boukwe weik kimdana ab, kilkil kanya bona ab, ninyi yuk nang ab antaniboka teleb akwe kuron dinyi ab, yu ola wengna kum ab, ninyi teleb kimdeirina ab, nun minob ebdeibmoubwe to kununa dinyi ab kurur. 23Tonda, namin kanya bona ab, “Malyi kubibyei,” tenen nun kanya kalingdordana ab. A dinyi ara Er Imtamnyi Kanya Roh Kudus aryi nun kanya dam wa isurur dinyi kurur. Sun a dinyi kunuramingnyi nang ara Musa biryi takubdeibsou uram aryi kum wenesurur. 24Sun nun Du Yesus Kristus bisi milin nang ara sun kanya aryi malyi tenen dinyi asi bisik sekoka bai donokmai. Ara, ninyi aryi nun Du Yesus bisi co lase laboka bing dakmai ba, nun Du Yesus biryi nun malyi kun dinyi kum dandeibsou. Nun malyi kun dinyi asi co lase deici laboka bing dakmai biriman kum daneibsou aryi nun Er milin nang nun malyi tenen dinyi nirya asi bai donongnub. 25Nunda Er Imtamnyi Kanya Roh Kudus amwetam bun nang kunub ati, nunda Erci eteresurur to tuba-tuba kunubkwanub. 26Ati, nunci, “Ninyi aryi nun si weik esina teleb,” tenebibyei. Tonda, nun mamun uram wise ebdabyei. Tonda, nun mamun kerebdabibyei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)