Galatia Uram 1
1
Paulus biryi sun Galatia nang asi, “Ni kwit yabwe,” ebmou uram
1:1-5
1-2Teleb ni kwit yabwe, ni Paulus ab ni ab tonkwa kuramib dib tenen nang ab aryi sun Galatia mutuk atei yuk-yuk bulurandum dib tenen nang asi, “Teleb,” ebmasib. Ni Paulus bira ninyi ilinto babyi ninyi tentok babyi aryi nisi kum bokdonoknei. Eda, nun Du Yesus Kristus ab nun Nai Imtamnyi bira nun Du Yesus bisi kam bukeibmounyi ab aryi, “Teleb Uram eterebde binkwandum,” eboka nisi bokdonokmanirei ati ebman.
3Nun Nai Imtamnyi ab nun Du Yesus Kristus ab aryi sunsi kisal dangsina teleb. Tonda, nun Nai ab nun Du Yesus ab aryi antanibdeiboka sun kanya namin kurdeirisina teleb. 4Nun Du Yesus Kristus bira Erdamnyi karebdanmouci, dibmou ara Erci nun malyi kun dinyi kilibkwansou ati, Erdamnyi karebdanmou. Ara, nun Du Yesus biryi nunti, “Malyi kun dinyi ara ninyi aryi ukuryok kuraming asi taklobkwaming ati, lebdeibkwan,” tenen Erci Erdamnyi karebdanmou. Ara, nun Nai Imtamnyi biryi, “Teleb,” teneramwe to kunuboka nun Du Yesus biryi Erdamnyi nunti karebdanmou. 5Ati, nun Nai Imtamnyi si weik ena teleb. Ara, ukuryok aryi kuboka nun aminda kubde bankwayeb talak nirya asi nunci tanglona kum uca Er si weik ena teleb. Amin.
“Teleb Uram tentok kurur. Dib en uram yuk uram ton kum kurur,” ebmou uram
1:6-10
6Ni kwit yabwe, sunda yuma ara Teleb Uram diboka dobdobmandau asi, ukuryok ara taklobmarum do? Ato tenen ni kanya kankana kuranir. Nun Nai Imtamnyi bira, “Ni Mi Kristus biriman aryi kisal dakwan,” tenen sunsi nabdobmasou bok, sunda unato ati Teleb Uram asi dokdonokoka yuk uram asi ola talebdobmarum do? 7Teleb Uram ara Er Imtamnyi Uram tentok a kurur ati ebman. Teleb Uram ara yuk uram ton kum kurur. Asi, ninyi ton nang ara, “Kristus uram Teleb Uram asi dangubminikoka eterebkwayeb,” tenen sun Galatia nang asi tola uram eteresunung. Tola uram eteresunung uca, a nang aryi sun dib tenen nang kanya yuk-yuk asi kankana kurdeiriransing. 8Yuk uram ara Teleb Uram ton kum kurur ati, nun tam nang kum, Er Imtamnyi Uram eryuryangan nang kum aryi yuryandoka, “Teleb Uram yuk uram eterebkwansin,” ebsingnyi ababyi, sunci diba tenebmunyei. Eda, sunci, a tola enanyi biti, “Nun Nai Imtamnyi biryi ersi iya wenena teleb,” tenebkwandarur. Nunci sunsi minob etereransoubwe Teleb Uram ara iya dib en uram kurur ati, yuk uram ara tola uram akwe kurur ati ebman. 9Tonda, minob sunsi ebmasoubwe to asi niryi tubto ebtabakwinsin. Ara, unanyi-unaner aryi nun Du Yesus Kristus deyok ati yuk uram eterebsingnyi ura, sunci a nang asi, “ ‘Nun Nai Imtamnyi biryi kansi iya wenebkwankir,’ ena teleb,” tenebdarur. Ara, sunci minob ura dobdobmandau uram ara Teleb Uram a kunum dobdobmandau ati ebman. Nunci sunsi minob eramoubwe to, niryi ukuryok tubto ebmasin. Ara, “Sunci a tola en nang uram asi dib tenen dorona mem,” ebman.
10Ni Paulus bira, “Ninyi kanya asi teleb-teleb kibdeibkwan,” tenenun do? Ato tenen kum. Eda, niryi, “Er Imtamnyi kanya asi teleb kubdeibkwan,” tenebde kunun. Nira Kristus wa irmilinanyi kunun ati ebman. Ati, niryi, “Ninyi kanya asi teleb-teleb kibdeibkwan,” tenerantinyi ura, nun Du Yesus Kristus wa irmilinanyi kurantinyi do? Ato tenen kum.
Nun Nai Imtamnyi biryi ni Paulus bisi, “Teleb Uram eterebde binkwandim,” eboka nabnou uram
1:11-24
11Ura, ni kwit yabwe, Niryi sunsi ebkwinsin uram ara diboka bikdarur. Teleb Uram asi ninyi kanya dam aryi anarur uram asi kum eterebmasise. 12A deyok ara ato ati ebmasin. Ni yuma a uram deyok kouboka dobdobmase ara ninyi tentok ebkarebmanei ba, kum dobdobmase. Tonda, ninyi aryi nisi eterebmanei ba, kum kekebmase. Eda, nun Du Yesus Kristus biryi nisi lak kiboka eterebmanou ba, dobdobmase.
13Ni Paulus minob kuranse to ara sun nirya kekebmarum. Ara, sun Yahudi yala nang aryi kunuraming to asi kunuransiryi, niryi sun nun Du Yesus bisi dib tenen nang ati, “Obtinyi,” tenen domkiringnanse. Ara, sun nun Du Yesus bisi dib tenen nang ara nun Nai Imtamnyi bisi diboka miliramnyi nang kuramnyi bok, niryi tanglona kum uca, “Kum daneibkwan,” tenen sunsi domkiringnanse. 14Ba, nira sun Yahudi yala nang aryi kunuramnyi to kununa ara, busul weik kuranse uca, menekoka min yumanyi kibdobmase. Ni kwit yabwe sunbabyi busul weik kuramnyi bok, nira menekoka iya busul kuranse. Nun abwe yabwe aryi kunuramnyi to, nibabyi Musa biryi, “Ukubdarur-Ukuna mem,” eboka takubdeiansou uram ara nisi diboka taleranse. 15-16Nira atonyi kuranse bok, ni kwin biryi ni kum deibmanou talak aryi nun Nai Imtamnyi biryi nisi boukwe weik kiboka wianou deyok aryi Er Mi Yesus Kristus bisi ni dam lak kibdeibmanou. Ura, nun Nai Imtamnyi biryi wiamwe uki tum sirya berekmou ura, Erci nisi teleb kubdeiboka nabmanou. Nun Nai biryi nisi nabmanouci, Er Mi Yesus Kristus bisi ni dam lak kibdeibmanou. Ara, Erci niti, “Sun Yahudi yala kuma nang ilinto kuramingnyi mutuk asi bindoka Ni Mi deyok ati Teleb Uram lak eterebkwandur,” tenen Erci Er Mi asi ni dam lak kibdeibmanou. Nun Nai biryi sirya lak kibdeibmanou ura, niryi ninyi tentok ababyi, “Unato dinyi ukubkwan do?” eboka ton kum asibdenmase. 17Ba, tonda niryi, “Yerusalem atei bindoka sun Teleb Uram yuma deyok kouamnyi eterebde ban nang yuk nang asi asibdenkwan,” tenen ton kum ukuranse. Eda, akiryok anaboka Arab mutuk bindoka kuranse ani, akiryok anabdobse ura, tubto tamuboka Damsyik atei bindoka kuranse.
18A bindoka kuranse ani, kwalina winiryi sirya kwalibse ura, niryi, “Petrus ab tonkwa ebdatinimnyi,” tenen Yerusalem atei binanse. Ba, Petrus ab tonkwa ebdanmanoumwe ura, er ab tonkwa uki 15 baryi mabmanoumwe. 19A ebdanmanoumwe bok, a talak ara Teleb Uram deyok kouboka eteren nang yuk nang ara ton tonkwa erdana kum kubmoubwe. Eda, Petrus bikwe ebdanmanoumwe. Tonda, nun Du Yesus Er weit kobdoba Yakobus ab asi ebdanmoubwe. 20Niryi sunsi ukuryok kerek sekdeibmasin uram ara dib en uram kobdoba asi sekdeibmasin. Nun Nai Imtamnyi bingnanir ati, niryi tola uram kum ebmasin. A nirya ara Nun Nai Imtamnyi bingnurur. 21Ura, Yerusalem atei aryi anaboka, nira Siria mutuk ab Kilikia mutuk ab binmase. 22Bok, a tum ara sun Yudea mutuk kuboka nun Du Yesus Kristus bisi miliramnyi nang aryi ni urasin ara diboka kum bingdanei. 23A talak ara sunci niti uram dem akwe kekeramnyi. Ara, ninyi aryi sunsi ato ebmai. “Nai e, minob ura nunda dib tenen nang asi, ‘Oboka kum daneibkwan,’ tenen domkiringnangsounyi biryi dib tenenanyi kibmarci, ‘Nun Du Yesus bisi milibdarur,’ eboka Teleb Uram etererur,” ebmai asi kekebmai. 24Sun Yudea mutuk kuraming dib tenen nang aryi ni Paulus deyok ati ato eranei cok, ni deyok aryi sunci nun Nai Imtamnyi bisi si weik eramnyi.
Currently Selected:
Galatia Uram 1: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Galatia Uram 1
1
Paulus biryi sun Galatia nang asi, “Ni kwit yabwe,” ebmou uram
1:1-5
1-2Teleb ni kwit yabwe, ni Paulus ab ni ab tonkwa kuramib dib tenen nang ab aryi sun Galatia mutuk atei yuk-yuk bulurandum dib tenen nang asi, “Teleb,” ebmasib. Ni Paulus bira ninyi ilinto babyi ninyi tentok babyi aryi nisi kum bokdonoknei. Eda, nun Du Yesus Kristus ab nun Nai Imtamnyi bira nun Du Yesus bisi kam bukeibmounyi ab aryi, “Teleb Uram eterebde binkwandum,” eboka nisi bokdonokmanirei ati ebman.
3Nun Nai Imtamnyi ab nun Du Yesus Kristus ab aryi sunsi kisal dangsina teleb. Tonda, nun Nai ab nun Du Yesus ab aryi antanibdeiboka sun kanya namin kurdeirisina teleb. 4Nun Du Yesus Kristus bira Erdamnyi karebdanmouci, dibmou ara Erci nun malyi kun dinyi kilibkwansou ati, Erdamnyi karebdanmou. Ara, nun Du Yesus biryi nunti, “Malyi kun dinyi ara ninyi aryi ukuryok kuraming asi taklobkwaming ati, lebdeibkwan,” tenen Erci Erdamnyi karebdanmou. Ara, nun Nai Imtamnyi biryi, “Teleb,” teneramwe to kunuboka nun Du Yesus biryi Erdamnyi nunti karebdanmou. 5Ati, nun Nai Imtamnyi si weik ena teleb. Ara, ukuryok aryi kuboka nun aminda kubde bankwayeb talak nirya asi nunci tanglona kum uca Er si weik ena teleb. Amin.
“Teleb Uram tentok kurur. Dib en uram yuk uram ton kum kurur,” ebmou uram
1:6-10
6Ni kwit yabwe, sunda yuma ara Teleb Uram diboka dobdobmandau asi, ukuryok ara taklobmarum do? Ato tenen ni kanya kankana kuranir. Nun Nai Imtamnyi bira, “Ni Mi Kristus biriman aryi kisal dakwan,” tenen sunsi nabdobmasou bok, sunda unato ati Teleb Uram asi dokdonokoka yuk uram asi ola talebdobmarum do? 7Teleb Uram ara Er Imtamnyi Uram tentok a kurur ati ebman. Teleb Uram ara yuk uram ton kum kurur. Asi, ninyi ton nang ara, “Kristus uram Teleb Uram asi dangubminikoka eterebkwayeb,” tenen sun Galatia nang asi tola uram eteresunung. Tola uram eteresunung uca, a nang aryi sun dib tenen nang kanya yuk-yuk asi kankana kurdeiriransing. 8Yuk uram ara Teleb Uram ton kum kurur ati, nun tam nang kum, Er Imtamnyi Uram eryuryangan nang kum aryi yuryandoka, “Teleb Uram yuk uram eterebkwansin,” ebsingnyi ababyi, sunci diba tenebmunyei. Eda, sunci, a tola enanyi biti, “Nun Nai Imtamnyi biryi ersi iya wenena teleb,” tenebkwandarur. Nunci sunsi minob etereransoubwe Teleb Uram ara iya dib en uram kurur ati, yuk uram ara tola uram akwe kurur ati ebman. 9Tonda, minob sunsi ebmasoubwe to asi niryi tubto ebtabakwinsin. Ara, unanyi-unaner aryi nun Du Yesus Kristus deyok ati yuk uram eterebsingnyi ura, sunci a nang asi, “ ‘Nun Nai Imtamnyi biryi kansi iya wenebkwankir,’ ena teleb,” tenebdarur. Ara, sunci minob ura dobdobmandau uram ara Teleb Uram a kunum dobdobmandau ati ebman. Nunci sunsi minob eramoubwe to, niryi ukuryok tubto ebmasin. Ara, “Sunci a tola en nang uram asi dib tenen dorona mem,” ebman.
10Ni Paulus bira, “Ninyi kanya asi teleb-teleb kibdeibkwan,” tenenun do? Ato tenen kum. Eda, niryi, “Er Imtamnyi kanya asi teleb kubdeibkwan,” tenebde kunun. Nira Kristus wa irmilinanyi kunun ati ebman. Ati, niryi, “Ninyi kanya asi teleb-teleb kibdeibkwan,” tenerantinyi ura, nun Du Yesus Kristus wa irmilinanyi kurantinyi do? Ato tenen kum.
Nun Nai Imtamnyi biryi ni Paulus bisi, “Teleb Uram eterebde binkwandim,” eboka nabnou uram
1:11-24
11Ura, ni kwit yabwe, Niryi sunsi ebkwinsin uram ara diboka bikdarur. Teleb Uram asi ninyi kanya dam aryi anarur uram asi kum eterebmasise. 12A deyok ara ato ati ebmasin. Ni yuma a uram deyok kouboka dobdobmase ara ninyi tentok ebkarebmanei ba, kum dobdobmase. Tonda, ninyi aryi nisi eterebmanei ba, kum kekebmase. Eda, nun Du Yesus Kristus biryi nisi lak kiboka eterebmanou ba, dobdobmase.
13Ni Paulus minob kuranse to ara sun nirya kekebmarum. Ara, sun Yahudi yala nang aryi kunuraming to asi kunuransiryi, niryi sun nun Du Yesus bisi dib tenen nang ati, “Obtinyi,” tenen domkiringnanse. Ara, sun nun Du Yesus bisi dib tenen nang ara nun Nai Imtamnyi bisi diboka miliramnyi nang kuramnyi bok, niryi tanglona kum uca, “Kum daneibkwan,” tenen sunsi domkiringnanse. 14Ba, nira sun Yahudi yala nang aryi kunuramnyi to kununa ara, busul weik kuranse uca, menekoka min yumanyi kibdobmase. Ni kwit yabwe sunbabyi busul weik kuramnyi bok, nira menekoka iya busul kuranse. Nun abwe yabwe aryi kunuramnyi to, nibabyi Musa biryi, “Ukubdarur-Ukuna mem,” eboka takubdeiansou uram ara nisi diboka taleranse. 15-16Nira atonyi kuranse bok, ni kwin biryi ni kum deibmanou talak aryi nun Nai Imtamnyi biryi nisi boukwe weik kiboka wianou deyok aryi Er Mi Yesus Kristus bisi ni dam lak kibdeibmanou. Ura, nun Nai Imtamnyi biryi wiamwe uki tum sirya berekmou ura, Erci nisi teleb kubdeiboka nabmanou. Nun Nai biryi nisi nabmanouci, Er Mi Yesus Kristus bisi ni dam lak kibdeibmanou. Ara, Erci niti, “Sun Yahudi yala kuma nang ilinto kuramingnyi mutuk asi bindoka Ni Mi deyok ati Teleb Uram lak eterebkwandur,” tenen Erci Er Mi asi ni dam lak kibdeibmanou. Nun Nai biryi sirya lak kibdeibmanou ura, niryi ninyi tentok ababyi, “Unato dinyi ukubkwan do?” eboka ton kum asibdenmase. 17Ba, tonda niryi, “Yerusalem atei bindoka sun Teleb Uram yuma deyok kouamnyi eterebde ban nang yuk nang asi asibdenkwan,” tenen ton kum ukuranse. Eda, akiryok anaboka Arab mutuk bindoka kuranse ani, akiryok anabdobse ura, tubto tamuboka Damsyik atei bindoka kuranse.
18A bindoka kuranse ani, kwalina winiryi sirya kwalibse ura, niryi, “Petrus ab tonkwa ebdatinimnyi,” tenen Yerusalem atei binanse. Ba, Petrus ab tonkwa ebdanmanoumwe ura, er ab tonkwa uki 15 baryi mabmanoumwe. 19A ebdanmanoumwe bok, a talak ara Teleb Uram deyok kouboka eteren nang yuk nang ara ton tonkwa erdana kum kubmoubwe. Eda, Petrus bikwe ebdanmanoumwe. Tonda, nun Du Yesus Er weit kobdoba Yakobus ab asi ebdanmoubwe. 20Niryi sunsi ukuryok kerek sekdeibmasin uram ara dib en uram kobdoba asi sekdeibmasin. Nun Nai Imtamnyi bingnanir ati, niryi tola uram kum ebmasin. A nirya ara Nun Nai Imtamnyi bingnurur. 21Ura, Yerusalem atei aryi anaboka, nira Siria mutuk ab Kilikia mutuk ab binmase. 22Bok, a tum ara sun Yudea mutuk kuboka nun Du Yesus Kristus bisi miliramnyi nang aryi ni urasin ara diboka kum bingdanei. 23A talak ara sunci niti uram dem akwe kekeramnyi. Ara, ninyi aryi sunsi ato ebmai. “Nai e, minob ura nunda dib tenen nang asi, ‘Oboka kum daneibkwan,’ tenen domkiringnangsounyi biryi dib tenenanyi kibmarci, ‘Nun Du Yesus bisi milibdarur,’ eboka Teleb Uram etererur,” ebmai asi kekebmai. 24Sun Yudea mutuk kuraming dib tenen nang aryi ni Paulus deyok ati ato eranei cok, ni deyok aryi sunci nun Nai Imtamnyi bisi si weik eramnyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)