Keluaran Uram 9
9
Liki amubaryi dinyi ara weik wenena bisam u yin dinyi karebmou deyok
9:1-7
1Er Iya Erebdobnyi biryi Musa bisi ato ebmou, “Mesir sienyi dam uram sisingbirum. Er dam biminyi ura, ato ebkwandum, ‘Sun Ibrani nang molonungnyi Iya Erebdobnyi biryi ato ebdeibmar, “Ni wibdeibse nang asi mundu lobmimba, Ni si moloryanunung,” ebmar,’ ebkwandum. 2-3‘Kanci mundu kum lobminci, iya talebdeibminyi ura, kan bisam yabwe kuda ab, keledai ab, unta ab, lembu ab, sapi ab, kambing ab, domba ab, asi Iya Erebdobnyi biryi weik wenena u karebkwamar. 4Ba, Er Iya Erebdobnyi biryi Mesir nang bisam yabwe yukto kibdeibci ura, Israel nang bisam yabwe ara yukto kibdeibkwamar. Ara, Israel nang bisam yabwe ara tentok ababyi u yina kum aryi ton kum dibkwande. Ba, Mesir bisam yabwe are dibsekwande,’ ” ebmou. 5Ato ebmou ura, Iya Erebdobnyi biryi uki wibmou ura, ato ebmou, “Ambutum ara Ni Iya Erebdobnyi biryi a weik wenena a mutuk dam asi kikniboka karebkwaman,” ebmou. 6Ba, ambutum sirya berekmou ura, Er Iya Erebdobnyi biryi a dinyi kunubmou. Ura, Mesir mutuk bisam winiramnyi tok nirya dibsekmai. Uca, Israel nang bisam ara tentok ababyi ton kum dibmou. 7Ura, Mesir sienyi biryi ninyi ton bokeibmou ba, Israel nang dam dirbinmai. Uca, diba, Israel nang bisam ton dina kum kubmou. Ato kubmou bok, Mesir sienyi er kanya iya kat biribokmouci, Israel nang asi, “Ur bindarur,” eboka mundu kum lobmou.
Liki nabaryi dinyi ara weik wenena torok karebmou deyok
9:8-12
8Er Iya Erebdobnyi biryi Musa ab, Harun ab asi ato ebmou, “Uk sengna ai dingdinga doboka kitin tentok langkarikci ura, Mesir sienyi urasin dam asi yandoka karintam asi yamubdonokdum! 9Ba, a dingdinga aryi borbota ato kuboka Mesir mutuk nirya oblibkwande. Oblibci ura, ninyi babyi, bisam yubwa babyi asi torok butukoka borkoba ato kubkwande,” ebmou. 10Ura, Musa ab, Harun ab aryi uk sengna ai bindoka dingdinga doboka, Mesir sienyi urasin dam boyandoka karintam asi yamubdonokmarei. Ura, torok butukoka borkoba ninyi babyi, bisam yubwa babyi Mesir mutuk nirya oblibmou. 11Ba, a mirei bingna nang ara Mesir ninyi nirya torok mounmou to sunbabyi torok moubmou deyok aryi, Musa urasin dam iya tikman kum kubmou. 12Ato ukubmou ababyi Iya Erebdobnyi biryi Musa bisi minob eamwe to kunuboka Mesir sienyi kanya kat biribdeibmou aryi, sun Israel nang asi, “Ur bindarur,” eboka kum lobdeibmou.
Liki tabaryi dinyi ara weik wenena lumtaia mo karebmou deyok
9:13-35
13Er Iya Erebdobnyi biryi Musa bisi ato ebmou, “Berentam kobdob bukoka, Mesir sienyi bisi bindoka dibde tikwamarum! Yaci ura, ersi Ibrani nang Molonubnyi biryi ato ebmar ebkwandum, ‘Ni wibdeibse ninyi asi mundu lobminci, “Ur bindarur,” ebminyi ba, Nisi molorbinkwaning. 14Ara, weik wenena kan ab, kan wa in nang ab, kan atei nang ab asi kum dandeibkwamasin. Ara, Nisi, “Erda Iya Erebdobnyi kurur ara tukwetam nirya ertoa ton da kum kunung,” tenen kan bikwamanirim. 15Minob ilil weik youn aryi, “Kan ab, kan wa in nang ab, kan atei nang ab asi tukwetam kuna ara kum dandeibkwansununa,” tenen Ni taruk aryi ibdenmasise. 16Bok, Ni Imtamnyi mikib asi diba teneboka tuba kum kurdeikunun. Ara, Ni mikib kansi lak amukunun. Ba, Ni si akwe tukwetam nirya si bikwaning teneboka takise. 17Kanda Ni wibdeibse nang asi, “Ur bindarur,” eboka mundu lona kum uca, tuba iya bisik sengdum. 18Niryi iya dib sirik aryi ebkun. Ambutum ara a kiting kuabde kiting kuci ura, ilila lumtaia mo dobkwetebkwaman. A mo cemna ara Mesir mutuk yuma kiknin talak aryi kuboka, ukubabyi ton ato kum cemdur mo cemna dobkwetebkwaman. 19A deyok aryi kan bisam yabwe nirya ab, kan keica wa dam kuranci dinyi ab ara, “Teleb dikum nun da bodeirbinindarur,” ebkwamarum! Kan bisam yabwe ab, ninyi ab wa dam aryi boboka atei kum bodongoaminyi ura, a nirya lumtaia mo aryi dibsekwaming,’ ” ebmou. 20Ura, Mesir sienyi er wa in nang aryi Iya Erebdobnyi uram asi, “Dib,” tenen ilil kanya boramnyi. A nang aryi sun wa in nang asi arukmai ba, sun bisam yabwe bobmaici minob cukoka atei bobinmai. 21Uca, Iya Erebdobnyi uram asi dib tenena kum kubmai nang ara sun wa in nang ab, sun bisam yabwe ab ara wa dam tuba a kunmai.
22Er Iya Erebdobnyi biryi Musa bisi ato ebmou, “Kan taruk aryi imtam asi ukdongobdum! Ba, lumtaia mo aryi Mesir mutuk nirya cebkwamar ati. Cebci ura, ninyi ab, bisam yala nirya ab, wa dam arur keica nirya obukwamar,” ebmou. 23Ura, Musa biryi er kama imtam asi ukdongobmou ba, Iya Erebdobnyi biryi liman deboka lumtaia mo dobkwetebmou. Ba, tukwe ababyi bebe uk abninto kubmou. Ura, Iya Erebdobnyi biryi Mesir mutuk nirya lumtaia mo dobkwetebmou. 24Ura, lumtaia mo kankan bebe aryi uk buk lengkerengmou tok mo daki bukmou. Mesir nang mutuk yuma kuramnyi akiryi kuboka uku talak ababyi ato mo mitika ton kum cemnamwe to mo asi cebmou. 25Ura, lumtaia mo aryi Mesir mutuk nirya babyi, ninyi babyi, kamyoa babyi, wa dam babyi, bisam yala nirya babyi, wa dam aramwe keica babyi, co tingnamwa nirya sikliboka obukmou. 26Bok, Israel nang kuramnyi mutuk Gosyen dam asi lumtaia mo ton kum cebmou. 27Ura, Mesir sienyi biryi Musa ab, Harun ab asi, “Iniyandarur!” ebmou ba, iniboka yanmai ura, ato ebmou. “A kunun to ara iya malyi dinyi kununun. Iya Erebdobnyi bira dib kurur bok asi ni ab, ni atei nang ab ara malyito kunub. 28Ati, sun Nai Iya Erebdobnyi bisi, ‘Liman ab, lumtaia mo ab ara sirya kubdim,’ eboka molobdurum! Ato eboka molobdurumnyi ura, niryi sunsi, ‘Ur bindobdarur,’ eboka mundu lobkwansin. A mutuk uki kum kubkwamarum,” ebmou.
29Ba, Musa biryi Mesir sienyi bisi ato ebmou, “A mutuk weik atei dam aryi ni anaronyi talak ara Iya Erebdobnyi bisi taruk lakokwan. Langdongnyi ura, liman kum dandoka lumtaia mo doubdobkwamar. Ba, ‘Tukwetam ara Iya Erebdobnyi dinyi aca,’ tenen bikwamarim,” ebmou. 30Ucab, kan ab, kan wa in nang ab ara sunda Iya Erebdobnyi bisi ilil kum kusurur, ni bikmasin. 31Subla si rami ab, gandum si jelai ab asi obkabwe. Ara, ato deyok aryi, rami ara du murungmou. Ba, jelai ara keta onmou ati obkabwe. 32Bok, roti kikniraming keica si gandum ab, yuk gandum si sekoi ab ara kum obsekwe. Ara, du dangna talak kabul deyok aryi kum obsekwe. 33Ura, Musa a weik atei aryi anaboka barou ura, Musa er taruk Iya Erebdobnyi bisi langdongnamwe uca, liman ab, lumtaia mo ab, mo cemoua ab kum dandobmou.
34Ba, Mesir sienyi bira liman ab, lumtaia mo ab kum dandobmoua sirya er asing eibmou cok, tubto malyi dinyi kunubmou. Er kanya babyi, er wa in nang babyi sun tuba kat kanya bobmai. 35Ani, Er Iya Erebdobnyi biryi Musa bisi minob eamwe to kuboka, Mesir sienyi biryi Israel nang asi, “Ur bindobdarur,” eboka mundu kum lobmou. Eda er kanya kat biribokmou.
Currently Selected:
Keluaran Uram 9: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Keluaran Uram 9
9
Liki amubaryi dinyi ara weik wenena bisam u yin dinyi karebmou deyok
9:1-7
1Er Iya Erebdobnyi biryi Musa bisi ato ebmou, “Mesir sienyi dam uram sisingbirum. Er dam biminyi ura, ato ebkwandum, ‘Sun Ibrani nang molonungnyi Iya Erebdobnyi biryi ato ebdeibmar, “Ni wibdeibse nang asi mundu lobmimba, Ni si moloryanunung,” ebmar,’ ebkwandum. 2-3‘Kanci mundu kum lobminci, iya talebdeibminyi ura, kan bisam yabwe kuda ab, keledai ab, unta ab, lembu ab, sapi ab, kambing ab, domba ab, asi Iya Erebdobnyi biryi weik wenena u karebkwamar. 4Ba, Er Iya Erebdobnyi biryi Mesir nang bisam yabwe yukto kibdeibci ura, Israel nang bisam yabwe ara yukto kibdeibkwamar. Ara, Israel nang bisam yabwe ara tentok ababyi u yina kum aryi ton kum dibkwande. Ba, Mesir bisam yabwe are dibsekwande,’ ” ebmou. 5Ato ebmou ura, Iya Erebdobnyi biryi uki wibmou ura, ato ebmou, “Ambutum ara Ni Iya Erebdobnyi biryi a weik wenena a mutuk dam asi kikniboka karebkwaman,” ebmou. 6Ba, ambutum sirya berekmou ura, Er Iya Erebdobnyi biryi a dinyi kunubmou. Ura, Mesir mutuk bisam winiramnyi tok nirya dibsekmai. Uca, Israel nang bisam ara tentok ababyi ton kum dibmou. 7Ura, Mesir sienyi biryi ninyi ton bokeibmou ba, Israel nang dam dirbinmai. Uca, diba, Israel nang bisam ton dina kum kubmou. Ato kubmou bok, Mesir sienyi er kanya iya kat biribokmouci, Israel nang asi, “Ur bindarur,” eboka mundu kum lobmou.
Liki nabaryi dinyi ara weik wenena torok karebmou deyok
9:8-12
8Er Iya Erebdobnyi biryi Musa ab, Harun ab asi ato ebmou, “Uk sengna ai dingdinga doboka kitin tentok langkarikci ura, Mesir sienyi urasin dam asi yandoka karintam asi yamubdonokdum! 9Ba, a dingdinga aryi borbota ato kuboka Mesir mutuk nirya oblibkwande. Oblibci ura, ninyi babyi, bisam yubwa babyi asi torok butukoka borkoba ato kubkwande,” ebmou. 10Ura, Musa ab, Harun ab aryi uk sengna ai bindoka dingdinga doboka, Mesir sienyi urasin dam boyandoka karintam asi yamubdonokmarei. Ura, torok butukoka borkoba ninyi babyi, bisam yubwa babyi Mesir mutuk nirya oblibmou. 11Ba, a mirei bingna nang ara Mesir ninyi nirya torok mounmou to sunbabyi torok moubmou deyok aryi, Musa urasin dam iya tikman kum kubmou. 12Ato ukubmou ababyi Iya Erebdobnyi biryi Musa bisi minob eamwe to kunuboka Mesir sienyi kanya kat biribdeibmou aryi, sun Israel nang asi, “Ur bindarur,” eboka kum lobdeibmou.
Liki tabaryi dinyi ara weik wenena lumtaia mo karebmou deyok
9:13-35
13Er Iya Erebdobnyi biryi Musa bisi ato ebmou, “Berentam kobdob bukoka, Mesir sienyi bisi bindoka dibde tikwamarum! Yaci ura, ersi Ibrani nang Molonubnyi biryi ato ebmar ebkwandum, ‘Ni wibdeibse ninyi asi mundu lobminci, “Ur bindarur,” ebminyi ba, Nisi molorbinkwaning. 14Ara, weik wenena kan ab, kan wa in nang ab, kan atei nang ab asi kum dandeibkwamasin. Ara, Nisi, “Erda Iya Erebdobnyi kurur ara tukwetam nirya ertoa ton da kum kunung,” tenen kan bikwamanirim. 15Minob ilil weik youn aryi, “Kan ab, kan wa in nang ab, kan atei nang ab asi tukwetam kuna ara kum dandeibkwansununa,” tenen Ni taruk aryi ibdenmasise. 16Bok, Ni Imtamnyi mikib asi diba teneboka tuba kum kurdeikunun. Ara, Ni mikib kansi lak amukunun. Ba, Ni si akwe tukwetam nirya si bikwaning teneboka takise. 17Kanda Ni wibdeibse nang asi, “Ur bindarur,” eboka mundu lona kum uca, tuba iya bisik sengdum. 18Niryi iya dib sirik aryi ebkun. Ambutum ara a kiting kuabde kiting kuci ura, ilila lumtaia mo dobkwetebkwaman. A mo cemna ara Mesir mutuk yuma kiknin talak aryi kuboka, ukubabyi ton ato kum cemdur mo cemna dobkwetebkwaman. 19A deyok aryi kan bisam yabwe nirya ab, kan keica wa dam kuranci dinyi ab ara, “Teleb dikum nun da bodeirbinindarur,” ebkwamarum! Kan bisam yabwe ab, ninyi ab wa dam aryi boboka atei kum bodongoaminyi ura, a nirya lumtaia mo aryi dibsekwaming,’ ” ebmou. 20Ura, Mesir sienyi er wa in nang aryi Iya Erebdobnyi uram asi, “Dib,” tenen ilil kanya boramnyi. A nang aryi sun wa in nang asi arukmai ba, sun bisam yabwe bobmaici minob cukoka atei bobinmai. 21Uca, Iya Erebdobnyi uram asi dib tenena kum kubmai nang ara sun wa in nang ab, sun bisam yabwe ab ara wa dam tuba a kunmai.
22Er Iya Erebdobnyi biryi Musa bisi ato ebmou, “Kan taruk aryi imtam asi ukdongobdum! Ba, lumtaia mo aryi Mesir mutuk nirya cebkwamar ati. Cebci ura, ninyi ab, bisam yala nirya ab, wa dam arur keica nirya obukwamar,” ebmou. 23Ura, Musa biryi er kama imtam asi ukdongobmou ba, Iya Erebdobnyi biryi liman deboka lumtaia mo dobkwetebmou. Ba, tukwe ababyi bebe uk abninto kubmou. Ura, Iya Erebdobnyi biryi Mesir mutuk nirya lumtaia mo dobkwetebmou. 24Ura, lumtaia mo kankan bebe aryi uk buk lengkerengmou tok mo daki bukmou. Mesir nang mutuk yuma kuramnyi akiryi kuboka uku talak ababyi ato mo mitika ton kum cemnamwe to mo asi cebmou. 25Ura, lumtaia mo aryi Mesir mutuk nirya babyi, ninyi babyi, kamyoa babyi, wa dam babyi, bisam yala nirya babyi, wa dam aramwe keica babyi, co tingnamwa nirya sikliboka obukmou. 26Bok, Israel nang kuramnyi mutuk Gosyen dam asi lumtaia mo ton kum cebmou. 27Ura, Mesir sienyi biryi Musa ab, Harun ab asi, “Iniyandarur!” ebmou ba, iniboka yanmai ura, ato ebmou. “A kunun to ara iya malyi dinyi kununun. Iya Erebdobnyi bira dib kurur bok asi ni ab, ni atei nang ab ara malyito kunub. 28Ati, sun Nai Iya Erebdobnyi bisi, ‘Liman ab, lumtaia mo ab ara sirya kubdim,’ eboka molobdurum! Ato eboka molobdurumnyi ura, niryi sunsi, ‘Ur bindobdarur,’ eboka mundu lobkwansin. A mutuk uki kum kubkwamarum,” ebmou.
29Ba, Musa biryi Mesir sienyi bisi ato ebmou, “A mutuk weik atei dam aryi ni anaronyi talak ara Iya Erebdobnyi bisi taruk lakokwan. Langdongnyi ura, liman kum dandoka lumtaia mo doubdobkwamar. Ba, ‘Tukwetam ara Iya Erebdobnyi dinyi aca,’ tenen bikwamarim,” ebmou. 30Ucab, kan ab, kan wa in nang ab ara sunda Iya Erebdobnyi bisi ilil kum kusurur, ni bikmasin. 31Subla si rami ab, gandum si jelai ab asi obkabwe. Ara, ato deyok aryi, rami ara du murungmou. Ba, jelai ara keta onmou ati obkabwe. 32Bok, roti kikniraming keica si gandum ab, yuk gandum si sekoi ab ara kum obsekwe. Ara, du dangna talak kabul deyok aryi kum obsekwe. 33Ura, Musa a weik atei aryi anaboka barou ura, Musa er taruk Iya Erebdobnyi bisi langdongnamwe uca, liman ab, lumtaia mo ab, mo cemoua ab kum dandobmou.
34Ba, Mesir sienyi bira liman ab, lumtaia mo ab kum dandobmoua sirya er asing eibmou cok, tubto malyi dinyi kunubmou. Er kanya babyi, er wa in nang babyi sun tuba kat kanya bobmai. 35Ani, Er Iya Erebdobnyi biryi Musa bisi minob eamwe to kuboka, Mesir sienyi biryi Israel nang asi, “Ur bindobdarur,” eboka mundu kum lobmou. Eda er kanya kat biribokmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)