Keluaran Uram 5
5
Musa biryi Mesir sienyi bisi, “Lobdeibsurum,” eboka moloramwe ba, Israel nang asi il tuba dimtabangnamwe deyok
5:1-24
1Ura, Musa ab, Harun ab Mesir sienyi bisi bindoka, “Lobdeibsurum,” eboka er urasin dam binmarei. Ura, ato ebmarei, “Israel nang sun Nai Er Iya Erebdobnyi biryi ato ebmar, ‘Nisi molonunung nang ara li doboka Nisi molorbinkwaning ati, lobdeibdum,’ ebmar,” ebmarei. 2Ato ebmarei uca, Mesir sienyi biryi ato ebmou, “Sun Nai Er Iya Erebdobnyi bira unanyi do? Ba, niryi Er uram kekeboka, diba teneboka Israel nang asi ur bindarur eboka mundu lobkwaman do? Anyi bira ni kum bingnunyi. Ani, niryi Israel nang asi ur bindarur kum ebkwamasin,” ebmou.
3Ba, sunci ato ebmai, “Nun Ibrani nang molonubyi Imtamnyi biryi nun ab ebdandoka, ‘Ato-ato kubdarur,’ ebdeibmasir ati, kanci nunsi mundu lobsiminci, Nun Nai Er Iya Erebdobnyi dama deiboka ur molorbindarur, ebsurum. Ba, Nun molonubnyi bisi yini mutuk bisik uki winiryi banmabyi ani, molorbinkwamab. Ba, nunci kum kunubibyi ura, Er Imtamnyi biryi wenen dinyi karebsici ba, ninyi dina youn ab, ninyi on ya ab nun kankan dam yasicei tenen ato ebmab,” ebmai. 4Bok, Mesir sienyi biryi ato ebmou, “Musa ab Harun ab sunda sun Israel nang asi borkiringdurum ba, sun il kum donung do? Sun wa il dorbirurum,” ebmou. 5Ani, Mesir sienyi biryi tubto ato ebmou, “Ukura sun Israel nang ara a mutuk tingyandau nang ara yaldakoka mitik kum kubde banmarum. Sunda il dimnung ba, il donung asi seksinibkwamarurum, see,” ebmou. 6A tum aryok Mesir sienyi biryi sun a mutuk il don nang dimnamnyi nang ab, il dona olong yuk-yuk kalikoka Israel nang mamun il tonkwa doramnyi nang ab asi arukmou. 7“Sunci Israel nang asi uk daboka kikniraming keil kiknibkwamangnyi ati, alingkweia yabla karena mem. Eda, uku talak ara sun yuk alingkweia yabla bulunkwanung.#5:7 Alingkweia ara ngat tukwe ab tabtabukoka uk dabingnyi ba, kat kuna ati ato kuramnyi. 8Bok, tukwe aryi uk daboka kikniraming keil uku talak kiknibkwamangnyi ara sun yuk deibmamunyi ba, sun yuk ilinto kikninkwamanung. Mitikanun kimdeina mem. Sunda busul asa il dona kum kunmangci, ato enmang. ‘Lobdeibsiminba, Nun Nai Imtamnyi bisi molorbinkwayeb,’ enmang ati. 9A nang wa ara ikin wa karebibyi ba, a wa akwe iya inkwaming. Tola ati enmangnyi uram ara dib ebmang tenena mem,” ebmou. 10-11Ba, a mutuk il don nang dimnamnyi nang ab, il dona olong yuk-yuk kalikoka il tonkwa doramnyi nang ab aryi bindoka ato ebmai, “Mesir sienyi bira ato ebmar, ‘Niryi ukura roti kiknin keica gandum yabla kum karenkwansin. Sun bi yuk gandum yabla ingkirikoka bororbankwandarur. Bok, sun wa indarur dinyi tanglona mem. Eda, minob ibde yangandarur to akwe ibde bankwandarur,’ ebmar,” eboka Mesir mutuk il dona kalingna nang ebmai.
12Ba, sun Israel nang ara bisik yuk-yuk bindoka Mesir mutuk nirya gandum si jelai yabla ingkirikmai. 13Ani, il dona kalingna nang aryi titik-titik eboka ato ebmai, “Alingkweia yabla kuramwe talak aryi ukurandau to arub tum ababyi nirya ibkabokwamandarur,” ebmai. 14Mesir sienyi il don nang dimnamnyi nang aryi Israel nang il doramya olong yuk-yuk kalikoka il tonkwa doramnyi nang asi kulaboka obmai. Ura, ato ebmai, “Sunda unatoa ati ngat tukwe aryi uk daboka kiknina ara ambutum aryi yubwa kiknibmandau to arub neiktoto kum kiknibmarum do?” ebmai.
15Sirya ato ebmai ura, sun Israel nang kankan wa il dona kalingna nang ara Mesir sienyi bisi binmai ura, ato eboka uram talebmai. “Una deyok ati nun kan wa irmilikunub nang asi ato kubmasirim do? 16Alingkweia yabla ara nun kan wa irmilikin nang kum karesurum bok, eda kanci u ebdarur erum to kunuboka, ‘Ngat tukwe aryi uk daboka kiknibdarur,’ eboka dimsunung. Ara, nunci kum kubmabyi bok eda kan talebumwe nang aryi manmalibmang ati, nun kan wa irmilikin nang oransirim,” ebmai. 17Bok, Mesir weik sienyi biryi ato ebmou, “Wa diboka kum irandum nang se! Sulbalyi kanya boboka wa kum indarur aryi, sunci, ‘Mundu lobsiminba, Er Iya Erebdobnyi bisi dama deiboka molorbinkwayeb,’ endarur,” ebmou. 18“A deyok aryi ukuca wa il dorbindarur! Alingkweia yabla ara kum karebkwamasin, eda ngat aryi uk daboka kiknin keil asi neik keil yubwa akwe kikniboka karebkwamanurum,” ebmou. 19Ba, Israel nang wa il dona olong yuk-yuk kalikoka il tonkwa doramnyi nang ara ato ebmou deyok aryi, “Nun mambul asa il donub,” tenebmai. Ara, Mesir sienyi biryi, “Sunci ngat aryi kiknin keil ara minob tuba-tuba kiknindarur to yubwa akwe neiktoto kiknibkwandarur. Mitikanun kiknina mem,” ebmou deyok aryi, sun kanya mambul kubmou. 20Mesir sienyi ab sisingmai ani, takloboka binmai ura, Musa ab Harun ab dibde bukmarei asi binmai. 21Ura, sunci a bitinyi nang asi ato ebmai, “Er Iya Erebdobnyi biryi sun kuna sirya dinmasir. Ani, Erci sunsi ikin dinyi karebkwamasir. Ara, sunci, nun si asi Mesir sienyi dam bindoka malyi si kibdeibmasurum. Sunci Mesir sienyi bisi molorbinmarurum deyok aryi, er wa irmilin nang aryi, ‘Obkwayeb,’ tenen ninyi lungna but taleboka obkwasununga,” ebmai.
22Ura, Musa biryi tamuboka Er Iya Erebdobnyi bisi binmou ura, ato ebmou. “Nai Iya Erebdobnyi unato ati, Kanci Israel nang asi mambul kibdeibmarim do? Ani, una deyok ati, nisi bokdonokmanoumwe do? 23Ato deyok ati ebman, Mesir sienyi dam bindoka sisingmase ara Kan si deici aryi sisingmase. Yu asa aryi Kan mabwe asi il dimnungna asi diboka kum lebdeibumwe,” ebmou. 24Uca, Er Iya Erebdobnyi biryi Musa bisi ato ebmou, “Ukura kan asing dirum. Mesir sienyi bisi Ni kubkun to nun asing eibkwamarim. Ato deyok ati ebman. Ni mikib taruk aryi tataboka sunda Israel nang asi lobdeibsinyi ba, Mesir sienyi biryi, ‘Ni mutuk dam aryi bindobdarur,’ eboka yakdonokwansir,” ebmou.
Currently Selected:
Keluaran Uram 5: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Keluaran Uram 5
5
Musa biryi Mesir sienyi bisi, “Lobdeibsurum,” eboka moloramwe ba, Israel nang asi il tuba dimtabangnamwe deyok
5:1-24
1Ura, Musa ab, Harun ab Mesir sienyi bisi bindoka, “Lobdeibsurum,” eboka er urasin dam binmarei. Ura, ato ebmarei, “Israel nang sun Nai Er Iya Erebdobnyi biryi ato ebmar, ‘Nisi molonunung nang ara li doboka Nisi molorbinkwaning ati, lobdeibdum,’ ebmar,” ebmarei. 2Ato ebmarei uca, Mesir sienyi biryi ato ebmou, “Sun Nai Er Iya Erebdobnyi bira unanyi do? Ba, niryi Er uram kekeboka, diba teneboka Israel nang asi ur bindarur eboka mundu lobkwaman do? Anyi bira ni kum bingnunyi. Ani, niryi Israel nang asi ur bindarur kum ebkwamasin,” ebmou.
3Ba, sunci ato ebmai, “Nun Ibrani nang molonubyi Imtamnyi biryi nun ab ebdandoka, ‘Ato-ato kubdarur,’ ebdeibmasir ati, kanci nunsi mundu lobsiminci, Nun Nai Er Iya Erebdobnyi dama deiboka ur molorbindarur, ebsurum. Ba, Nun molonubnyi bisi yini mutuk bisik uki winiryi banmabyi ani, molorbinkwamab. Ba, nunci kum kunubibyi ura, Er Imtamnyi biryi wenen dinyi karebsici ba, ninyi dina youn ab, ninyi on ya ab nun kankan dam yasicei tenen ato ebmab,” ebmai. 4Bok, Mesir sienyi biryi ato ebmou, “Musa ab Harun ab sunda sun Israel nang asi borkiringdurum ba, sun il kum donung do? Sun wa il dorbirurum,” ebmou. 5Ani, Mesir sienyi biryi tubto ato ebmou, “Ukura sun Israel nang ara a mutuk tingyandau nang ara yaldakoka mitik kum kubde banmarum. Sunda il dimnung ba, il donung asi seksinibkwamarurum, see,” ebmou. 6A tum aryok Mesir sienyi biryi sun a mutuk il don nang dimnamnyi nang ab, il dona olong yuk-yuk kalikoka Israel nang mamun il tonkwa doramnyi nang ab asi arukmou. 7“Sunci Israel nang asi uk daboka kikniraming keil kiknibkwamangnyi ati, alingkweia yabla karena mem. Eda, uku talak ara sun yuk alingkweia yabla bulunkwanung.#5:7 Alingkweia ara ngat tukwe ab tabtabukoka uk dabingnyi ba, kat kuna ati ato kuramnyi. 8Bok, tukwe aryi uk daboka kikniraming keil uku talak kiknibkwamangnyi ara sun yuk deibmamunyi ba, sun yuk ilinto kikninkwamanung. Mitikanun kimdeina mem. Sunda busul asa il dona kum kunmangci, ato enmang. ‘Lobdeibsiminba, Nun Nai Imtamnyi bisi molorbinkwayeb,’ enmang ati. 9A nang wa ara ikin wa karebibyi ba, a wa akwe iya inkwaming. Tola ati enmangnyi uram ara dib ebmang tenena mem,” ebmou. 10-11Ba, a mutuk il don nang dimnamnyi nang ab, il dona olong yuk-yuk kalikoka il tonkwa doramnyi nang ab aryi bindoka ato ebmai, “Mesir sienyi bira ato ebmar, ‘Niryi ukura roti kiknin keica gandum yabla kum karenkwansin. Sun bi yuk gandum yabla ingkirikoka bororbankwandarur. Bok, sun wa indarur dinyi tanglona mem. Eda, minob ibde yangandarur to akwe ibde bankwandarur,’ ebmar,” eboka Mesir mutuk il dona kalingna nang ebmai.
12Ba, sun Israel nang ara bisik yuk-yuk bindoka Mesir mutuk nirya gandum si jelai yabla ingkirikmai. 13Ani, il dona kalingna nang aryi titik-titik eboka ato ebmai, “Alingkweia yabla kuramwe talak aryi ukurandau to arub tum ababyi nirya ibkabokwamandarur,” ebmai. 14Mesir sienyi il don nang dimnamnyi nang aryi Israel nang il doramya olong yuk-yuk kalikoka il tonkwa doramnyi nang asi kulaboka obmai. Ura, ato ebmai, “Sunda unatoa ati ngat tukwe aryi uk daboka kiknina ara ambutum aryi yubwa kiknibmandau to arub neiktoto kum kiknibmarum do?” ebmai.
15Sirya ato ebmai ura, sun Israel nang kankan wa il dona kalingna nang ara Mesir sienyi bisi binmai ura, ato eboka uram talebmai. “Una deyok ati nun kan wa irmilikunub nang asi ato kubmasirim do? 16Alingkweia yabla ara nun kan wa irmilikin nang kum karesurum bok, eda kanci u ebdarur erum to kunuboka, ‘Ngat tukwe aryi uk daboka kiknibdarur,’ eboka dimsunung. Ara, nunci kum kubmabyi bok eda kan talebumwe nang aryi manmalibmang ati, nun kan wa irmilikin nang oransirim,” ebmai. 17Bok, Mesir weik sienyi biryi ato ebmou, “Wa diboka kum irandum nang se! Sulbalyi kanya boboka wa kum indarur aryi, sunci, ‘Mundu lobsiminba, Er Iya Erebdobnyi bisi dama deiboka molorbinkwayeb,’ endarur,” ebmou. 18“A deyok aryi ukuca wa il dorbindarur! Alingkweia yabla ara kum karebkwamasin, eda ngat aryi uk daboka kiknin keil asi neik keil yubwa akwe kikniboka karebkwamanurum,” ebmou. 19Ba, Israel nang wa il dona olong yuk-yuk kalikoka il tonkwa doramnyi nang ara ato ebmou deyok aryi, “Nun mambul asa il donub,” tenebmai. Ara, Mesir sienyi biryi, “Sunci ngat aryi kiknin keil ara minob tuba-tuba kiknindarur to yubwa akwe neiktoto kiknibkwandarur. Mitikanun kiknina mem,” ebmou deyok aryi, sun kanya mambul kubmou. 20Mesir sienyi ab sisingmai ani, takloboka binmai ura, Musa ab Harun ab dibde bukmarei asi binmai. 21Ura, sunci a bitinyi nang asi ato ebmai, “Er Iya Erebdobnyi biryi sun kuna sirya dinmasir. Ani, Erci sunsi ikin dinyi karebkwamasir. Ara, sunci, nun si asi Mesir sienyi dam bindoka malyi si kibdeibmasurum. Sunci Mesir sienyi bisi molorbinmarurum deyok aryi, er wa irmilin nang aryi, ‘Obkwayeb,’ tenen ninyi lungna but taleboka obkwasununga,” ebmai.
22Ura, Musa biryi tamuboka Er Iya Erebdobnyi bisi binmou ura, ato ebmou. “Nai Iya Erebdobnyi unato ati, Kanci Israel nang asi mambul kibdeibmarim do? Ani, una deyok ati, nisi bokdonokmanoumwe do? 23Ato deyok ati ebman, Mesir sienyi dam bindoka sisingmase ara Kan si deici aryi sisingmase. Yu asa aryi Kan mabwe asi il dimnungna asi diboka kum lebdeibumwe,” ebmou. 24Uca, Er Iya Erebdobnyi biryi Musa bisi ato ebmou, “Ukura kan asing dirum. Mesir sienyi bisi Ni kubkun to nun asing eibkwamarim. Ato deyok ati ebman. Ni mikib taruk aryi tataboka sunda Israel nang asi lobdeibsinyi ba, Mesir sienyi biryi, ‘Ni mutuk dam aryi bindobdarur,’ eboka yakdonokwansir,” ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)