Keluaran Uram 37
37
Er Imtamnyi biryi, “Ukubdarur-ukuna mem,” en uram deirin co sangkol kiknibmai deyok
37:1-9
1Bezaleel ab, er tonkwa wa irmilin nang ab aryi, “Ukubdarur-ukuna mem,” en uram deirin co sangkol kiknibmai ara co si penaga aryi kiknibmai. A co sangkol cangtam ara kiklina 110 sentimeter baryi kikliboka sekmai. Ba, dumdam tam kiklina 66 sentimeter baryi akwe kikliboka sekmai. Ani, im dubtam ababyi kiklina 66 sentimeter baryi kikliboka sekmai. 2Ura, tabtabingna kum emas aryi baitam babyi aitam babyi emas aryi denebmai. Ani, dina kubkub-dina kubkub ababyi emas aryi denebmai. 3Ura, emas toubna dumbaryi aryi a co sangkol kubkub eitam bitinyi outam bitinyi diribdongobnin yibinmai. 4Ani, a co sangkol maloua kolokoka boyiban co si penaga aryi kiknibmai ura, emas aryi denebmai. 5A co sangkol maloua caboka boyibana ati, toubna dina-dina diribdongobmai umbura asi kolokdongobmai.
6Ba, a co sangkol bublan ara tabtabingna kum emas aryi denebmai. Cangtam ara 110 sentimeter baryi kikliboka sekmai. Ba, dumdam tam ara kiklina 66 sentimeter baryi kiboka kiknibmai. 7Ba, a co sangkol alib ara emas aryi malaikat atoa si kerub ol kikniboka dina-dina bitinyi kiknibmai. 8Ton dinyi ara atam kubkub kiknibmai ura, ton dinyi ara otam kubkub kiknibmai. 9A malaikat atoa kerub bitinyi ara ol tengebdeiboka eitam dinyi outam dinyi urasin a co sangkol bublan noutumang asi wananubdeibkwandarur.
Roti deirin co lamna kiknibmai deyok
37:10-16
10A roti deirin co lamna kiknibmai ara co si penaga aryi kiknibmai. Cangtam meter kiklina 88 sentimeter baryi kikliboka sekmai. Ba, dumdam tam ara kiklina 44 sentimeter baryi kiknibmai. Ani, im dubtam kiklina 66 sentimeter baryi kikliboka kiknibmai. 11Ura, alib ara tabtabingna kum emas aryi kubkub dina-dina denebmai. Ba, a co lamna kubkub dina-dina ara emas aryi deneboka kinkanikmai. 12Ani, kubkub dina-dina biriman ara kiklina 7,5 sentimeter baryi deibmanto kubci ura, emas aryi liliboka denebmai. 13Ba, a co lamna kubkub dina-dina dumbaryi nirya emas toubna aryi yan asi diribdongobnin yibinmai. 14A co lamna barwetam asi diribdongobmai ba, a co bobde yibankungnyi ura, a toubna bisik asi co kolokdongoboka bobana ati ato kubmai. 15Ura, co maloua caboka boban co ara co si penaga aryi kiknibmai ura, emas aryi denebmai. 16Ba, a co lamna dub deirin keica ara roti kwaning yangardeirin suwa ab, me yin meyok ab, anggur me kwerdeirin meyok ab, uk ubna yabla ab nirya tabtabingna kum emas aryi kikniamnyi dinyi akwe dama deiboka dingdeirin me deibmai.
Uk ubna yabla si kandil kiknibmai deyok
37:17-24
17Tabtabingna kum emas aryi keil teikoka uk ubna yabla kiknibmai. A uk ubna yabla kiknina ara yabla babyi, yok babyi, bam babyi, du nong babyi, bama babyi, uk ubna yabla ukuboka kiknibmai. 18Ara, dinatam winiryi, dinatam winiryi te kwa lekeibmai. Ba, antaniboka nabaryi taruk kwa lekeibmai. 19Ani, a taruk nirya ara du tentok kikniboka bama winiryi kiknibmai. Ara, a taruk nabaryi nirya neiktoto akwe kiknibmai. 20A uk ubna yabla ara co keta bama atoanun kiknibmai. Du babyi, bama babyi kiknibmai. 21Ara, du yuma outam taruk kwalengna akiryi bitinyi dinyi taruk kwalengna ab, winiryi taruk kwalengna ab, dumbaryi taruk kwalengna ukubde welebmai ani, nabaryi nirya kiknibmai. 22Du nong ab, taruk kwalengna ab, a kiknibmaia nirya ara emas tabtabingna kum sekdoba tentok aryok keil teikoka kiknibmai. 23A uk ubna yabla kiknibmai ara uk ubna tabaryi ab, bama ab, barimna ab nirya ara tabtabingna kum emas aryi kiknibmai. 24A kiknibmai ara 35 kilogram baryi tabtabingna kum emas aryi kandil ab, yuk-yuk dinyi ab nirya kiknibmai.
Tong teleb co yung uk dan co lamna si mezbah ukupan kiknibmai deyok
37:25-28
25Siltong ena ati dama deiboka uk dan lamna ara co si penaga aryi kiknibmai. Ara, a co lamna ara cangtam kiklina babyi, dumdam tam kiklina babyi ara 45 sentimeter baryi kikliboka sekmai. Dangdang cang ara kiklina 90 sentimeter baryi kiknibmai. Ani, yang belebdeibnin yibinmai. 26Ura, a co lamna dub ara barwe dina-dina babyi, dumdam tam babyi nirya tabtabingna kum uca, emas dem aryok denebmai. 27Kubkub dina-dina asi emas toubna diribdongobnin yibinmai. Ba, a co lamna kolokoka boyibana ati ato kubmai. 28A co maloua caboka bobana ati, co si penaga kikniboka emas aryi denebmai.
Me lingdeirin co yung ab, siltong en dinyi uk dan co yung ab kiknibmai deyok
37:29
29Er Imtamnyi ai Kemah Suci ai wa in nang kisok likeiboka wa karena ati me lingdeirin me ton, siltong ena ati uk daraming co yung ton yuk dinyi aryi tabtabingna kum co yung ton ukuboka kiknibmai. A kiknibmai to ara sun minob tong teleb me ab, tong teleb co yung ab kiknin nang aryi kikniraming to kuboka kiknibmai.
Currently Selected:
Keluaran Uram 37: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Keluaran Uram 37
37
Er Imtamnyi biryi, “Ukubdarur-ukuna mem,” en uram deirin co sangkol kiknibmai deyok
37:1-9
1Bezaleel ab, er tonkwa wa irmilin nang ab aryi, “Ukubdarur-ukuna mem,” en uram deirin co sangkol kiknibmai ara co si penaga aryi kiknibmai. A co sangkol cangtam ara kiklina 110 sentimeter baryi kikliboka sekmai. Ba, dumdam tam kiklina 66 sentimeter baryi akwe kikliboka sekmai. Ani, im dubtam ababyi kiklina 66 sentimeter baryi kikliboka sekmai. 2Ura, tabtabingna kum emas aryi baitam babyi aitam babyi emas aryi denebmai. Ani, dina kubkub-dina kubkub ababyi emas aryi denebmai. 3Ura, emas toubna dumbaryi aryi a co sangkol kubkub eitam bitinyi outam bitinyi diribdongobnin yibinmai. 4Ani, a co sangkol maloua kolokoka boyiban co si penaga aryi kiknibmai ura, emas aryi denebmai. 5A co sangkol maloua caboka boyibana ati, toubna dina-dina diribdongobmai umbura asi kolokdongobmai.
6Ba, a co sangkol bublan ara tabtabingna kum emas aryi denebmai. Cangtam ara 110 sentimeter baryi kikliboka sekmai. Ba, dumdam tam ara kiklina 66 sentimeter baryi kiboka kiknibmai. 7Ba, a co sangkol alib ara emas aryi malaikat atoa si kerub ol kikniboka dina-dina bitinyi kiknibmai. 8Ton dinyi ara atam kubkub kiknibmai ura, ton dinyi ara otam kubkub kiknibmai. 9A malaikat atoa kerub bitinyi ara ol tengebdeiboka eitam dinyi outam dinyi urasin a co sangkol bublan noutumang asi wananubdeibkwandarur.
Roti deirin co lamna kiknibmai deyok
37:10-16
10A roti deirin co lamna kiknibmai ara co si penaga aryi kiknibmai. Cangtam meter kiklina 88 sentimeter baryi kikliboka sekmai. Ba, dumdam tam ara kiklina 44 sentimeter baryi kiknibmai. Ani, im dubtam kiklina 66 sentimeter baryi kikliboka kiknibmai. 11Ura, alib ara tabtabingna kum emas aryi kubkub dina-dina denebmai. Ba, a co lamna kubkub dina-dina ara emas aryi deneboka kinkanikmai. 12Ani, kubkub dina-dina biriman ara kiklina 7,5 sentimeter baryi deibmanto kubci ura, emas aryi liliboka denebmai. 13Ba, a co lamna kubkub dina-dina dumbaryi nirya emas toubna aryi yan asi diribdongobnin yibinmai. 14A co lamna barwetam asi diribdongobmai ba, a co bobde yibankungnyi ura, a toubna bisik asi co kolokdongoboka bobana ati ato kubmai. 15Ura, co maloua caboka boban co ara co si penaga aryi kiknibmai ura, emas aryi denebmai. 16Ba, a co lamna dub deirin keica ara roti kwaning yangardeirin suwa ab, me yin meyok ab, anggur me kwerdeirin meyok ab, uk ubna yabla ab nirya tabtabingna kum emas aryi kikniamnyi dinyi akwe dama deiboka dingdeirin me deibmai.
Uk ubna yabla si kandil kiknibmai deyok
37:17-24
17Tabtabingna kum emas aryi keil teikoka uk ubna yabla kiknibmai. A uk ubna yabla kiknina ara yabla babyi, yok babyi, bam babyi, du nong babyi, bama babyi, uk ubna yabla ukuboka kiknibmai. 18Ara, dinatam winiryi, dinatam winiryi te kwa lekeibmai. Ba, antaniboka nabaryi taruk kwa lekeibmai. 19Ani, a taruk nirya ara du tentok kikniboka bama winiryi kiknibmai. Ara, a taruk nabaryi nirya neiktoto akwe kiknibmai. 20A uk ubna yabla ara co keta bama atoanun kiknibmai. Du babyi, bama babyi kiknibmai. 21Ara, du yuma outam taruk kwalengna akiryi bitinyi dinyi taruk kwalengna ab, winiryi taruk kwalengna ab, dumbaryi taruk kwalengna ukubde welebmai ani, nabaryi nirya kiknibmai. 22Du nong ab, taruk kwalengna ab, a kiknibmaia nirya ara emas tabtabingna kum sekdoba tentok aryok keil teikoka kiknibmai. 23A uk ubna yabla kiknibmai ara uk ubna tabaryi ab, bama ab, barimna ab nirya ara tabtabingna kum emas aryi kiknibmai. 24A kiknibmai ara 35 kilogram baryi tabtabingna kum emas aryi kandil ab, yuk-yuk dinyi ab nirya kiknibmai.
Tong teleb co yung uk dan co lamna si mezbah ukupan kiknibmai deyok
37:25-28
25Siltong ena ati dama deiboka uk dan lamna ara co si penaga aryi kiknibmai. Ara, a co lamna ara cangtam kiklina babyi, dumdam tam kiklina babyi ara 45 sentimeter baryi kikliboka sekmai. Dangdang cang ara kiklina 90 sentimeter baryi kiknibmai. Ani, yang belebdeibnin yibinmai. 26Ura, a co lamna dub ara barwe dina-dina babyi, dumdam tam babyi nirya tabtabingna kum uca, emas dem aryok denebmai. 27Kubkub dina-dina asi emas toubna diribdongobnin yibinmai. Ba, a co lamna kolokoka boyibana ati ato kubmai. 28A co maloua caboka bobana ati, co si penaga kikniboka emas aryi denebmai.
Me lingdeirin co yung ab, siltong en dinyi uk dan co yung ab kiknibmai deyok
37:29
29Er Imtamnyi ai Kemah Suci ai wa in nang kisok likeiboka wa karena ati me lingdeirin me ton, siltong ena ati uk daraming co yung ton yuk dinyi aryi tabtabingna kum co yung ton ukuboka kiknibmai. A kiknibmai to ara sun minob tong teleb me ab, tong teleb co yung ab kiknin nang aryi kikniraming to kuboka kiknibmai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)