1Tesalonika Uram 3
3
“Timotius biryi sun Tesalonika nang ati, ‘Teleb akwe kunung,’ eboka nukmanou,” ebmou uram
3:1-5
1-2A deyok aryi, nunci, “Sun Tesalonika nang kuraming to kekebtibyi,” tenen “Una kubkwayeb do?” tenebde kuramoubwe ani, nunci uram ton dodeibmoubwe. Ara, nunci, “Paulus ab Silwanus ab ara weik atei si Atena tuba kubmanumuryi, nunci nun kwit Timotius bisi Tesalonika atei bokdonokwanim,” tenebmanoumwe. Ura, nunci nun kwit Timotius bisi sun dam bokdonoknoumwe. Timotius bira nun damnyi kurur. Erbabyi ara Er Imtamnyi wa irmilirurnyi kururci, erbabyi nun Du Yesus Kristus deyok Teleb Uram eterebde barur. Ati, nunci, “Nun kwit biryi sun Tesalonika nang kanya katabum erdeirbirur ba, sun Tesalonika nang ara tanglona kum uca Er Imtamnyi bisi dib tenebting,” tenen nun kwit bisi sun dam bokdonokmanoumwe. 3Ninyi aryi sunsi mambul kurdeiriransing ati, nunci, “Sun dib tenen nang kankan asi ninyi tentok ababyi kankana kubcei,” tenebmoubwe. Ato tenebmaburyi, nunci nun kwit Timotius bisi sun dam bokdonokmanoumwe. Ara, sunci, “Ninyi aryi nunda dib tenen nang asi malyi kubdeibmasin kum,” tenebmunyei. Eda, nun Nai Imtamnyi biryi minob teneibsou to ara, “Sun dib tenen nang asi malyi kubdeibting,” tenebsou to, ninyi aryi nun dib tenen nang asi malyi kurdeiriransing. Sunci a dinyi sirya bikmarum. 4Nun ab sun ab tonkwa kuramoubwe ura, ninyi aryi sunsi malyi kum kurdeiriransei bok, nunci sunsi a uram minob ebmoubwe. Ura, atonun minob ebmoubwe to, ninyi aryi sunsi malyi kubdeibkwansing eboka etereansoubwe to sirya kunubmar ara sunbabyi bikmarum. 5A deyok aryi, nira sunsi, “Tanglona kum uca dib teneraming do?” tenen nun kwit Timotius bisi sun dam bokdonokmasise. Ati, “Nun kwit yabwe kuraming to minola nunuksurur,” tenen niryi ersi sun dam bokdonokmase. Ati, niryi ilil kanya boboka sunti ato teneransise, “Isa sienyi si Iblis biryi sunsi sakeibmar darib?” Tonda, “Nunci busul kuboka kouamib dib tenena asi Isa sienyi biryi kum daneibmar darib?” teneransise.
Er Paulus biryi, “Sunci telebto ukurandum ati, ni kanya kilkil weik kuranir,” ebmou uram
3:6-13
6Ura, nun kwit Timotius bira sun ab tonkwa sirya ebdanmandau ura, ukuryok ara nun dam tamuryanmar. Ura, niryi ersi sun deyok ati asibdenmase uca, erci sunti, “Teleb akwe kuraming,” ebmanou. Ati, erci sunti ato ebmanou. “Sun Tesalonika nang ara tanglona kum uca dib teneraming. Tonda, sunci boukwe weik kibdandoka yuk nang ababyi boukwe weik kimnaming.” Tonda, sun tenen kanya ara, “Paulus ab Silwanus ab tonkwa ebdatibyi,” tenendarur dinyi asi erci nunsi nukmar. Ati, nunci sunti, “Tubto ebdatibyi,” tenenub to, sunbabyi neiktoto tenesindarur ati ebman. 7Ati, sunci tanglona kum uca dib tenerandum uram asi nunci kekebmanoumwe. A uram sirya kekebmanoumwe deyok aryi nun kanya katabum tubto ebmasir. Ara, ninyi aryi nunsi mambul kurdeiriransing bok, sun deyok kekebmasinim uca, nun kanya katabum ebmasir. 8A deyok aryi, nun kanya kilkil kusurur. Ara, sunci tanglona kum uca nun Nai Imtamnyi bisi dib tenebmarum ati, nun kanya kilkil akwe kusurur. 9Nunci nun Nai Imtamnyi bisi tanglona kum uca, “Ei nun Nai,” eramibiryi, Erci sunsi teleb kurdeiriransou to asi nunci liliboka kum nuktibyi. Tonda, nun kanya ara kilkil weik kuransir ati nunci liliboka kum nuktibyi. 10Tonda, nunda kitingtam lukunda nirya ara Er Imtamnyi bisi ebdarab eboka molonubci, “Sun Tesalonika nang ab ebdatibyi,” eboka, “Sun dib tenen dinyi bingsunglorbinmang to asi tabakoka eterebtibyi,” eboka molonub.
11Ati, nun Nai Imtamnyi ab nun Du Yesus ab aryi miliboka bisik sengsina dinyi asi dobkabokdingnyi ura, nun ab sun ab erdana teleb. 12Nun Du Yesus biryi karebsici uca, sunci tabakdongo-tabakdongo boukwe weik kimdana teleb. Tonda, sunci yuk nang ababyi tabakdongo-tabakdongo boukwe weik kimna teleb. Ara, nunci sunsi boukwe weik kusunub to, sunci yuk nang asi boukwe weik kimna teleb. 13Nun Du biryi sun kanya yuk-yuk asi katabum erdeirisina teleb. Ara, sun, “Teleb dinyi akwe ukubkwayeb,” tenen kanya asi Erci katabum erdeirisina teleb. Sunci ato kubmunyi uca, Nun Du Yesus imtam aryi kuboka tamuryankwande uki tum berekmaci ura, nun Nai Imtamnyi biryi sunti ato esina teleb, “Ni urasintam aryi telebto kerebman kum kunung,” esina teleb. Tonda, Erci sunti, “Niryi wibmase nang kunung aryi teleb dinyi akwe kuraming,” esina teleb. Nun Du Yesus ab sun Er uram eryuryangan nang ab tonkwa imtam aryi kuboka tamuryankwaming ba, Erci sun Tesalonika nang ati ato ebkwansir.
Currently Selected:
1Tesalonika Uram 3: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
1Tesalonika Uram 3
3
“Timotius biryi sun Tesalonika nang ati, ‘Teleb akwe kunung,’ eboka nukmanou,” ebmou uram
3:1-5
1-2A deyok aryi, nunci, “Sun Tesalonika nang kuraming to kekebtibyi,” tenen “Una kubkwayeb do?” tenebde kuramoubwe ani, nunci uram ton dodeibmoubwe. Ara, nunci, “Paulus ab Silwanus ab ara weik atei si Atena tuba kubmanumuryi, nunci nun kwit Timotius bisi Tesalonika atei bokdonokwanim,” tenebmanoumwe. Ura, nunci nun kwit Timotius bisi sun dam bokdonoknoumwe. Timotius bira nun damnyi kurur. Erbabyi ara Er Imtamnyi wa irmilirurnyi kururci, erbabyi nun Du Yesus Kristus deyok Teleb Uram eterebde barur. Ati, nunci, “Nun kwit biryi sun Tesalonika nang kanya katabum erdeirbirur ba, sun Tesalonika nang ara tanglona kum uca Er Imtamnyi bisi dib tenebting,” tenen nun kwit bisi sun dam bokdonokmanoumwe. 3Ninyi aryi sunsi mambul kurdeiriransing ati, nunci, “Sun dib tenen nang kankan asi ninyi tentok ababyi kankana kubcei,” tenebmoubwe. Ato tenebmaburyi, nunci nun kwit Timotius bisi sun dam bokdonokmanoumwe. Ara, sunci, “Ninyi aryi nunda dib tenen nang asi malyi kubdeibmasin kum,” tenebmunyei. Eda, nun Nai Imtamnyi biryi minob teneibsou to ara, “Sun dib tenen nang asi malyi kubdeibting,” tenebsou to, ninyi aryi nun dib tenen nang asi malyi kurdeiriransing. Sunci a dinyi sirya bikmarum. 4Nun ab sun ab tonkwa kuramoubwe ura, ninyi aryi sunsi malyi kum kurdeiriransei bok, nunci sunsi a uram minob ebmoubwe. Ura, atonun minob ebmoubwe to, ninyi aryi sunsi malyi kubdeibkwansing eboka etereansoubwe to sirya kunubmar ara sunbabyi bikmarum. 5A deyok aryi, nira sunsi, “Tanglona kum uca dib teneraming do?” tenen nun kwit Timotius bisi sun dam bokdonokmasise. Ati, “Nun kwit yabwe kuraming to minola nunuksurur,” tenen niryi ersi sun dam bokdonokmase. Ati, niryi ilil kanya boboka sunti ato teneransise, “Isa sienyi si Iblis biryi sunsi sakeibmar darib?” Tonda, “Nunci busul kuboka kouamib dib tenena asi Isa sienyi biryi kum daneibmar darib?” teneransise.
Er Paulus biryi, “Sunci telebto ukurandum ati, ni kanya kilkil weik kuranir,” ebmou uram
3:6-13
6Ura, nun kwit Timotius bira sun ab tonkwa sirya ebdanmandau ura, ukuryok ara nun dam tamuryanmar. Ura, niryi ersi sun deyok ati asibdenmase uca, erci sunti, “Teleb akwe kuraming,” ebmanou. Ati, erci sunti ato ebmanou. “Sun Tesalonika nang ara tanglona kum uca dib teneraming. Tonda, sunci boukwe weik kibdandoka yuk nang ababyi boukwe weik kimnaming.” Tonda, sun tenen kanya ara, “Paulus ab Silwanus ab tonkwa ebdatibyi,” tenendarur dinyi asi erci nunsi nukmar. Ati, nunci sunti, “Tubto ebdatibyi,” tenenub to, sunbabyi neiktoto tenesindarur ati ebman. 7Ati, sunci tanglona kum uca dib tenerandum uram asi nunci kekebmanoumwe. A uram sirya kekebmanoumwe deyok aryi nun kanya katabum tubto ebmasir. Ara, ninyi aryi nunsi mambul kurdeiriransing bok, sun deyok kekebmasinim uca, nun kanya katabum ebmasir. 8A deyok aryi, nun kanya kilkil kusurur. Ara, sunci tanglona kum uca nun Nai Imtamnyi bisi dib tenebmarum ati, nun kanya kilkil akwe kusurur. 9Nunci nun Nai Imtamnyi bisi tanglona kum uca, “Ei nun Nai,” eramibiryi, Erci sunsi teleb kurdeiriransou to asi nunci liliboka kum nuktibyi. Tonda, nun kanya ara kilkil weik kuransir ati nunci liliboka kum nuktibyi. 10Tonda, nunda kitingtam lukunda nirya ara Er Imtamnyi bisi ebdarab eboka molonubci, “Sun Tesalonika nang ab ebdatibyi,” eboka, “Sun dib tenen dinyi bingsunglorbinmang to asi tabakoka eterebtibyi,” eboka molonub.
11Ati, nun Nai Imtamnyi ab nun Du Yesus ab aryi miliboka bisik sengsina dinyi asi dobkabokdingnyi ura, nun ab sun ab erdana teleb. 12Nun Du Yesus biryi karebsici uca, sunci tabakdongo-tabakdongo boukwe weik kimdana teleb. Tonda, sunci yuk nang ababyi tabakdongo-tabakdongo boukwe weik kimna teleb. Ara, nunci sunsi boukwe weik kusunub to, sunci yuk nang asi boukwe weik kimna teleb. 13Nun Du biryi sun kanya yuk-yuk asi katabum erdeirisina teleb. Ara, sun, “Teleb dinyi akwe ukubkwayeb,” tenen kanya asi Erci katabum erdeirisina teleb. Sunci ato kubmunyi uca, Nun Du Yesus imtam aryi kuboka tamuryankwande uki tum berekmaci ura, nun Nai Imtamnyi biryi sunti ato esina teleb, “Ni urasintam aryi telebto kerebman kum kunung,” esina teleb. Tonda, Erci sunti, “Niryi wibmase nang kunung aryi teleb dinyi akwe kuraming,” esina teleb. Nun Du Yesus ab sun Er uram eryuryangan nang ab tonkwa imtam aryi kuboka tamuryankwaming ba, Erci sun Tesalonika nang ati ato ebkwansir.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)