Solomon Üzo 1
1
Yasapfü mu Jerusalem zeko
1Solomon-e zokeshü ütsali kro puo.
2Puo bu puo tie üse a meboshücie!
Kekreilamonyü n kekhrie-e khubezu ki rei vikuo.
3N kenhekecü tierko puore vi,
n zae tier lakeshü mhie,
süla rüü phouseko n ngu u neiya.
4A teshülie, rükrilie khe.
Kediu a ze puo kibouko nu vor.
Avu keze u nei mu n geinu thenoumvütuo;
avu khubezuko ki rei n kekhrieu rükrakuotuo;
kemezhümia n khrieyalie.
5A tei, derei zivi,
he-i Jerusalem nuopfüko,
kedar pfhekiko tuoi zo,
Solomon kinu keyapfheko tuoi zo.
6A mehoterü hie, ae a chü zeicü la,
kekreilamonyü niaki-e a phiekewa la.
A zuo nuonuokoe a ngu u nei mote;
uko a bu khubelieko kepfhepfü chü;
derei a thuo a khubelie we pfhelie mote.
7A ki pushüthie, a ruopfü puo neiyakezhau,
kirapuo nu n kuoko vachüya,
khinhieluo ki n kuoko bu kirapuo zhü rüleiya ga?
Kiüdi ae n kuokro nu rühou tuoketayo mhietatuo ga?
8Mhanuü noe thenumia donu
kezivithopfü silie mo üro,
tekuokro-u phisieko medzi volie,
sidi tekuokepfheu pfheki kinu
n kuonuoko vachüshülie.
Yasau mu Yasapfü
9A khriepfü, a n pie Faro kierbageiko donu kier thuüpfü ze kemejüshü ho.
10Cü puoma kereko n dzo va kezivi,
n vo gei suna pienyie kelie.
11Avu rakachü pie puo donu keshü suna pienyie chüpie n tsütuo.
12Kediu puo mizhü khie keba ki,
a nard-e puore thengukreishü.
13A kekhrieu sü a mhodzüki mür bou puo mhie zo,
süu a nunie donu zhü.
14A kekhrieu sü a mhodzüki Engedi lie nu,
henapfü poukeba khro puo kemhie zo.
15Harie, noe zivilie, a khriepfü,
harie, noe zivilie,
n mhi-e mekhru mhi zo.
16Harie, noe zivilie, a khriepfü,
u nei ketholie.
Avu yakouzhü sü pejo rükhri.
17Avu kitheko sedar se chü,
tsiu terhuko tehou se chü.
Currently Selected:
Solomon Üzo 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More