Obadia 1
1
Kemiakokecü Edom Bie Kerünuowatuo
1Obadia ziemho.
Niepuu Jihovae Edom dze pucü:
Hie Jihova kinu dielie puo siliete,
mu seyieko ki dieliemia puo ketseshüte;
“Sieliecie! Úko sie terhü chü süu petsou khe!”
2A nieko pie seyieko donu kecütho-u chüwatuo;
mia nie ngumecü phi zotuo.
3N nou kemiakokecüu thuo n sewate,
nie tsiekrie#1:3 Moro Sela tsiepfüko. gei lhou kebako,
puo chü rükriekecü nu kebako.
Noe n melou nunu,
“Supuonie a pie ker kijü shülie ta?” ibaya.
4N thuo tsüüra tuoi thu rükrie khota zorei,
n kru chüpie themvü donu ba zorei,
sünunu a n teshü kerwatuo,
Jihovae siya.
Edom Zho Kesuo la Siazha
5Kerügumia n ki vor ro,
kepekamia theva vor ro,
kimhie di n pekawa shi!
uko lie kenyüko rübei rügu lho me?
Khubesi pfhü kenguyakezhamia n ki vor üro,
uko huoyo peshashü lho me?
6Kimhie di Esau vie vawa,
tsiu puo kinyiko pfhüwate shi?
7N ze kere kesierko pete n sewate,
uko n whuopie therie nu shüwate;
n ze kere kesieko n petsou di kuolietuo;
n niekhrüda cükelieko n la kebie pethoupie bate,
süu ca silieketuo ba mo.
8Jihovae puya, sünhiesü,
a Edom nu mhakesimiako,
tsiu Esau kijüthou gei kesikele pekawatuo.
9N terhümiaviko u ziekejü chütatuo, he-i Teman,
sidi Esau kijüthou geinu kevor mia pete dathewatuo.
Edom-e Puo Siezeu Pesekecü
10Noe n siezeu Jakob dukhri,
mu kemvü chükecüko la thenga thuo n zepfülietuo,
tsiu kechachie n kelhiwatuo.
11No rürei thaketa nhie,
sikemomiae puo kinyi chüseketa nhie,
tsiu chazoumia puo kharuko nu le di,
Jerusalem se dapekecü nhie,
sünhie no rei uko mhiete.
12Derei n siezeu puo ruosuokelie nhie n mepfhü rha puo kie mo tse vituomu ru;
Juda themiako kaketa nhie;
no n neikecü mese mo;
uko noukesuo nhie no kemelhakecü mese mo.
13Noe a themia kakezhü nhie puo kharu nu le zhü mo;
nie Juda kakezhü nhie vo puo keka kre kebako ze puo kre zhü mo;
puo kakezhü nhie puo nyaürako rügu zhü mo.
14Puo themia takelieko biewatuo üdi no chatietshü nu tha zhü mo;
kemezhie keba nhie puo themia lhiepie kebako tepie mia tsüwa zhü mo.
15Kekreilamonyü seyie pete petsoutuo ükecü Jihova teisozhau penuo bate.
No chükeshü tuoikecü chüpie n gei lashütuo;
n mhathoko n tsü gei la vortuo.
16Kekreilamonyü no a kemesa kijüthou geinu kriekelie tuoi,
seyie nie khie nie mhou keba pete rei krietuo;
uko krielie tsiu mezulietuo,
sidi uko mhakipuorei sümhieya kemo tuoitatuo.
Thela nu Israel Kuolietuo
17Derei takelieko Zion kijüthou gei batatuo,
tsiu süu mesatatuo;
sidi Jakob kiue mia uko vie peviekelieko we lalietuo.
18Jakob kiu mi tuoitatuo, Josef kiu miü mhietatuo,
tsiu Esau kiu mha do chütatuo;
ukoe süko thewatuo, sidi süko the pejüwatuo,
sidi Esau kiu nu lhiekelie puorei balie lho;
kekreilamonyü Jihovae pushüwate.
19Negebmiakoe Esau Kijüthou pevielietuo,
mu Shefela miakoe Filistinko kijü pevielietuo;
ukoe Efraim mu Samaria kijü pevielietuo,
mu Benjamin-e Gilid pevielietuo.
20Israel Hala#1:20 Cn: Ibri Rüpfhünuo hau nu.nu miadie chüketuoko Foinisia nunu vo Zarefat ketso pevielietuo,
tsiu Sefarad nu Jerusalem nu miadie chü ketuoko Negeb rünako pevielietuo.
21Kelalieketako#1:21 Moro kelakeliemiako. Zion kijüthou gei kho di;
Esau kijüthouko mho kekhatatuo;
sidi kedirüvieu Jihova vie chütatuo.
Currently Selected:
Obadia 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More