Job 1
1
Job mu Puo Kikru
1Thiedzü Uz rüna nu mia puo tuo, puo za Job. Themia süu vitsei mu mezhü, tsiu Ukepenuopfü khrüprei, siro mha kesuou rütseya. 2Siro thepfumia thenie mu thenumia se penuopie puo tsü. 3Puoe tekuo nyie thenie, ut nyie se, liecie thu dziese krie pengou, gadapfü krie pengou mu kituomia kekra nyi; süla puoe niathutsa themia pete donu kezhatho chü. 4Puo nuo thepfukoe vo huoniehuo kinu thehethehie chüchüya, ukoe teisozha pethopie mia puopuo tsüya; sidi uko mia ketsepie uko üpfünuo seko kie di uko bu vo uko ze hieya. 5Siro uko thehethehie kechü zhako tseita ro Job-e sielie di uko phou chü kemesaya, mu khise sie zilie di uko mia kedithede shikecüu medzi di puoe kethe ruosuo chüya; kekreilamonyü Job-e sie, “A nuonuoko kekrükedeiwa mu uko nou nu Ukepenuopfü rüsewa rei silie lhomu.” Hamhiekecü Job-e chü seiya.
Job Miatho Pu Pesuokecü
6Khunhie puo Ukepenuopfü nuonuoko u thuo u khapie Jihova mhodzü shütuoü vor, mu Satan#1:6 Moro mia Kepejo-u; Ibri Ha-satan. rei uko donu vor. 7Sitse Jihovae sie, Satan ki, “No kirapuo nu vor ga?” Satan Jihova die kela di sie, “Kijü nu rühou lukihaki vo mu sünunu tuo kho mu ke tuo di vorwe.” 8Sitse Jihovae sie Satan ki, “No a kituou Job dze leshüya nhie? Kijü nu themia puo mhiekecü puorei tuo mo zo, puo vitsei tsiu themia kemezhü puo, puoe Kepenuopfü khrüpreiya, mu mha kesuo rütseya.” 9Sitse Satan Jihova die kela di sie, “Job-e kemethuo nunu Kepenuopfü preiya üba me? 10No cakhapie puo khieümhou, puo kitiekinu mu puo mha keba pete houshü mo üme? No puo dzie mhatho gei theja khashü, süla puo kijü nu puo vienya kra miemieliete. 11Derei no tsie n dzie yhashücie, sidi puo vie peteko nyüshücie, sitse puoe n mhodzü nunu n rüpfhürüsetatuo.” 12Sitse Jihovae sie Satan ki, “harie, puo vie kedithedepuo ba shi pete n dzie nu shüya, puo gei zokecü we no n dzie yhashü hie.” Sitse Satan-e Jihova mhodzü nunu tuota.
Job-e Puo Kinyiko mu Puo Nuonuoko Pejükewa
13Süsie khunhie puo, puo nuonuo thepfuko mu thenuko uko dzürie phichütho-u ki nunu mhacü mu khubezu krie keba ki, 14dieliemia puo Job ki vor di sie, “Mhatho thuko liephie tuo, tsiu gadako uko khieki nha cütuo; 15ru Sabiako vor, di uko whuo zete, mu zhiecha pie kituoko dukhriwate, n ki rükhruotuoü a rübei lhiekeshü zo.” 16Puoe die pu keba nu themia kekreimia puo rei vor di sie, “Teigei nu Ukepenuopfü mi tetsur di tekuoko siro kituoko thewate, tsiu uko bie pejüwate, mu n ki rükhruoketuo la a rübei lhiekeshü zo.” 17Puo die pu ketha nu kekreimia puo rei vor di sie, “Chaldiako kro se chü vor di utko ba nu ler, sidi utko whuo zete, sidi zhiecha pie kituomiako dukhriwate; mu n ki rükhruoketuo la a rübei lhiekeshü zo.” 18Puo die pu ketha nu kekreimia puo rei vor di sie, “N nuonuo thepfuko mu thenuko phichütho-u ki nu mhacümhakrie ba, 19ru harie, nhatsa nunu teikhrie khriedi kemeriekecü puo vor di kiu mvüdzeko biemewa, sidi süu metsur u nuonuoko va di uko siate, tsiu n ki rükhruoketuo la a rübei lhiekeshü zo.”
20Sitse Job sie puo pfhenei cierhawa, sidi puo tsü thiewa, mu te kijü tsu di rüsuota. 21Sidi puoe sie, “A methuo di a zuo va nunu vor, ru a methuo di tuo latatuo; Jihovae khashü mu Jihova thuo zeliete; Jihova bu zapuzayie chüliecie.”
22Mha hako pete nu Job-e phouma morei kekrü di Ukepenuopfü pejota mo.
Currently Selected:
Job 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More