Daniel 1
1
Israel Khriesamia Dia Babilon Kediki nu Keba
1Juda kediu Jehoiakim dikelie cie se cie Babilon kediu Nebukadnezar Jerusalem nu vor di süu re. 2Siru Jihovae Juda kediu bu puo khro leta, süsie rei Ukepenuopfü ki nu mhabou huo rei sa. Puoe süko se Shinar#1:2 Ibri nu Puo rhuoko ki nu icüu sa. kijü nu vor, di mhabouko pie puo rhuoko kinyibou nu bawa.
3Süsie kediue puo ki kemeho kezhau Ashpenaz bu Israelmia kedi yie mu kevimia, 4khriesa ulheulhou tseikecümia, zivi, mhasi cha kehoupuo nu rei kesimia tsiu mhacamhala si siro mha kele, kediki nu puo lie chülie kevimia huo ze vornuta; Chaldiamia mhasi mu puo die se uko pethalieketuo la. 5Siro kediue teisonhie kediu kecüca mu zu nunu se uko ya chüshü. Cie se uko pethatuo, sidi süteiu tseilie tse uko bu kedikiu nu balie kevi chüketuo la. 6Süko donu Juda yiemia Daniel, Hanania, Mishael, mu Azaria sa. 7Siro kedikiu nu kezhau uko zathoshü: Puoe Daniel pie Belteshazar chü, Hanania pie Shadrak chü, Mishael pie Meshak chü, mu Azaria pie Abednego chü.
8Derei Daniel-e kedimia kecüca mu zu zakeshüko pie puo thuo puo perhuwa molieketuo leta; süla puo kedikiu nu kezhau ki puo bu puo perhuwa molieketuo la cha. 9Siro Ukepenuopfüe Daniel bu kediki nu kezhau nei chülie mu puo khriepfülie. 10Kediki nu kezhau Daniel ki, “A a niepuu kediu preilie; puoe nieko cüükrie morokesuoko kedashüte. Mhanuü puoe nie chüümoe nieko tshümiako ki thachüketa ngu ro, niekoe a tsüu pie kemichie nu shüwatie.” 11Sitse Daniel-e sie kediki nu kezhau puo pethopie Daniel, Hanania, Mishael, mu Azaria mehokebau ki, 12“N pezie rei zha ker n kituoko dojüshücie. Hieko bu cüketuo la ga mu krieketuo la dzü rübei khashücie. 13Sidi n thuo hieko rhi mu kediu kecüca zashü keba cükecüko kenguu mehoshücie, sidi nie kedipuo ngulietuo shi süu medzi di n kituoko gei chüshücie.” 14Süla puoe pukeshü hau puo medolie di zha ker uko mehoshü. 15Siru zha ker sie uko zieko kedimia kecüca cü kebako ki zivi mu ukoe luokuoketa ngulie. 16Süla uko kepfheu kediu zakeshü kecücako mu zuko khashü mota, sidi gako pie uko tsüta. 17Tsiu Ukepenuopfüe kesikele siro leshü mhasi kehoupuorei silieketuo do keviko se nuo dia hako tsüshü, mu Daniel bu ziemho tsiu u mho pete ca silie kevi pie tsüshü.
18Siro kediu ki uko ze voketuo la kediue puotei chiekeshüu tsolie tse, kedikiu nu kezhau uko ze Nebukadnezar ki vo, 19sitse kediu uko ze kerüchü. Siro uko peteko donu miapuorei Daniel, Hanania, Mishael mu Azaria mhielie mota, süla uko bu kedikiu nu bata. 20Siro mhasi mu mhacamhala sikelie cha kehoupuo nu rei kediu uko ketsokeshü ki, puo kedi khrükhro keba kemeduoko mu khrüthemvü dze kesiko, thuophiko, themouko pete ki va ker vikuokecü puoe nguta. 21Siro Daniel-e Sairos dikecü therie cie ketso rei sünu bata.
Currently Selected:
Daniel 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More