Thesaloniako Kerieu 1
1
Kelukeshü
1Paul, Silvana mu Timothi kinu khapie Ukepenuopfü u Puou mu Niepuu Jisu Khrista nu baketa Thesaloniako kehouu ki shü:
Ngukemezhie mu nouneu bu nieko ze baliecie.
Thesaloniako Kelhou mu Kepele
2Hie nie la cha kesieko nu nieko la Ukepenuopfü thezie sei baya, 3hie Ukepenuopfü siro u Puou mhodzünu nie kepele mhatho mu kekhrie mhatho tsiu Khrista gei nie siedzeu la shügeshühie zo keba rükra hie nou ki shü sei tuoya zo. 4Ukepenuopfü khriekepfü hie siezedzürieko, puo nie kedalieketa hie si, 5kekreilamonyü hie dieliekeviu pie nie ki zhapu chükeshüu dieu nunu rübei zomonyü kekuo mu Kemesa Ruopfü nu tsiu ketho tou di zo; hie nieko lanu kimhiecümia chü shiü nie donu thakeshü nie rei si ba ze. 6Siro nie hie tsiu Niepuu dorielielieta zo, kekreilamonyü nie pechüpenyü phicü nu rei Kemesa Ruopfü nunu nie nei di dieu lieliecü la, 7sidi nieko Makedonia nu mu Akaya nu kepeleko pete ki thakie puo chüshüte. 8Nieko kinu Niepuu dieu pu keyie prate mu süu Makedonia mu Akaya nu rübei zo mo, derei thechü lukihaki nie kepele Ukepenuopfü gei kebau pu keza vote, süla hie we mhapuorei pu zo morei vite. 9Thechü süki kelhouko thuo hie kimhie di nie ki volie shiü, tsiu nie rei kimhie di miarhi kerüsuoko nunu rürei Kepenuopfü kitsa volie shicü, mu rhei tuoyakezha siro ketho Kepenuopfü kitsa volie shicü pu tuote, 10sidi teigei nu tsurketuo puo Nuou, puoe kesiako donunu phoukelieu, Jisu, puoe vorketuo noupfhüu nunu u kelakeshüu pfhelienushü.
Currently Selected:
Thesaloniako Kerieu 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More