Markos 1
1
O Juan gua kai kristil
Mt 3.1-12; Lk 3.1-9,15-17; Jn 1.19-28
1Gia si sar lleli angle e lachi viasta e Jesukristoki, e Devleko Chavo. 2Gia sar si pisime ando lil katar o profeta o Isaias:
Me vichalav me profeta angla tu,
te lacharel chuke o drom.#Mal 3.1.
3Iek lleno urkil po pusto:
Lacharen o drom e Gazdako,
putaren leke iek drom orta.#Is 40.3.
4Ande gola llivesa o Juan gua kai kristila, sikadilo po pusto ta phenela e llenenge kai saia te irinpe katar pe bilache droma ta te kristinpe, te sai avel prostime lengo bilachipe. 5Ta avena lete sa e llene katar e phuv e Judeaki ta katar o Jerusalem te asunen le, ta phenena sa po bilachipe, ta o Juan kristila len ando pai katar e len kai ikhardol Jordan.
6E Juaneke patave sea cherde katar e bal e devake, ta saia le iek kavisi morchako truial katar leke zea, ta jala langoste ta aullin kai malavela pe burdura.#2 R 1.8. 7Ta phenela:
Mapalal mandar avel iek kai si mai zuralo neko me, kai ni sem lacho ni te bangivav te putarav o kavisi katar leke sinele. 8Me kristisardem tumen e paiea, a vou ka kristil tumen e Santone Duoia.
O kristope e Jesuseko
Mt 3.13-17; Lk 3.21-22
9Ande gola llivesa, o Jesus avilo katar o Nazaret kai achela ande phuv katar e Galilea, ta o Juan kristisarda le ando Jordan. 10Ta kana likisto katar o pai, o Jesus dikhla sar putailo o miloso, ta dikhla kai o Duo fuliela upral pe lete sargo iek gulubo. 11Ta asundilo iek avazi katar o miloso kai phenela:
Tu san mo Chavo gole kai voliv, ande tu si man veselia.#Jen 22.2; Sal 2.7; Is 42.1; Mt 3.17; 12.18; Mk 9.7; Lk 3.22.
O Jesus po pusto
Mt 4.1-11; Lk 4.1-13
12Mapalal o Duo e Devleko inllarda e Jesuse po pusto. 13Kote achilo saranda llive, ta o Satanas zumavela le, ta o Jesus saia maskar e zivirinie dive, ta e suechura arakhena le.
O Jesus phenel e lachi viasta ande Galilea
Mt 4.12-17; Lk 4.14-15
14Kana phangle e Juane, o Jesus llelotar ande Galilea ta phenela e lachi viasta katar e Devleki charoina, 15ta phenela:
Avilo o vreme ta e charoina e Devleki si pase. Irin tumen karing o Del ta pachan ande lachi viasta.#Mt 3.2.
O Jesus pasa e mora katar e Galilea
Mt 4.18-22; Lk 5.1-11
16O Jesus nakhela pasa e mora katar e Galilea ta dikhla e Simono ta leke phlale e Andrese. Von sea macharia ta chudena e mreza ande mora. 17Ta o Jesus phenda lenge:
Aven pala ma ta ka cherav tumen macharia manusenge.
18Ondaka von mukle isto kote pe mreze, ta lleletar lea.
19O Jesus llelo mai angle ta dikhla e Santiago ta e Juane chave e Zebedeoke, von sea ande iek llimia ta lacharena pe mreze. 20Kana o Jesus ikharda len, von mukle ande llimia pe dade e llenenchar kai radina leke, ta llele pala le.
Iek lleno kai saia ande le iek duo bilacho
Lk 4.31-37
21O Jesus ta leke disipulura avile ando Kafarnaum, ta ando llive sabado o Jesus dia ande khanlliri e judionengi ta sikavela. 22E llene chudinape sar sikavela len, soke dela lenge orba gazdarimaia, a na sargo e kovacha e zakonoke.#Mt 7.28-29. 23Ande lengi khanlliri saia iek murus kai saia ande le iek duo bilacho kai urkila ta phenela:
24¡Ioi! ¿So si chuke amenchar Jesus katar o Nazaret? ¿Avilan te zatrisare amen? me llanav ko san, tu san o Santo e Devleko.
25A o Jesus silnosailo pe lete ta phenda leke:
¡Phande cho mui ta like letar!
26Ondaka o duo bilacho, dermosarda gole llene, ta urkisarda bare avazea, ta o duo bilacho likisto letar. 27Gia baro saia e llenengo chudo kai denape orba, ta phenena:
¿So si gava? ¿Savo nevipe sikavel kai gazdaril llik pe duura bilache, ta kanden le?
28Ta but oma cherdilo pinllardo ande sa e phuv katar e Galilea.
O Jesus ta e sasui e Simonoki
Mt 8.14-15; Lk 4.38-39
29Kana likiste katar e khanlliri e judionengi, o Jesus llelo e Santiagoia ta e Juanea kai o cher e Simonoko ta e Andreseko. 30Ta e sasui e Simonoki phabola ande postelia nasualimatar. Ta phende e Jesuseke so saia lake. 31Ondaka o Jesus avilo pasa la, istarda lako va, ta cherda la te ustel. Ta isto kote liape latar o nasualipe, ta voi thoda te radil lenge.
O Jesus sastarel bute llenen
Mt 8.16-17; Lk 4.40-41
32Kana peli e riat ande sa e nasualen kai o Jesus, ta i golen kai sea ande lende llavolura, 33ta sa o foro chidinailo po udar e chereko. 34Ta sastarda bute llenen kai sea nasuale katar but muke, ta ikanda but llavolura e llenendar, ta ni mukla len te den orba soke e duura pinllarena le.
O Jesus sikavel ande khanllira e judionenge
Lk 4.42-44
35Thiarinako rano, ande kale zore, o Jesus ustilo ta likisto katar o foro, ta llelo te molilpe korkorre pe iek than. 36O Simono ta e llene kai sea lea llele te roden le. 37Ta kana malade le phende leke:
Sa roden tut.
38Vou phenda lenge:
Aven kai aver forichura kai si pase te phenav i kote e lachi viasta, soke goleke avilem.
39Ta o Jesus phirda sa e Galilea, ta phenela e lachi viasta ande khanllira e judionenge pe suako rig, ta tradela e llavolonen.#Mt 4.23; 9.35.
O Jesus sastarel iekhe llene kai saia pe lete e lepra
Mt 8.1-4; Lk 5.12-16
40Avilo lete iek leproso ta thodape pe pe changa, ta phenda leke:
Te mangea, sai sastare man katar mo nasualipe.
41E Jesuseke avila but zalba letar, dodisarda le pe vastea, ta phenda leke:
Mangav. ¡Sastiv!
42Ta kana vou phenda gua, isto kote sastilo. 43Ondaka o Jesus phenda leke so te cherel, ta kana llalatar, o Jesus phenda leke:
44Na phen nikake so avilape tuia, lla ta sikado e popoke, ta de kurbano pala cho sastipe gia sar phenda o Moises te cheren, te sai dikhen e popura kai sastilan.#Lv 14.1-32.
45A samo llelotar, thoda te phenel saurrenge so vou nakhla, goleke o Jesus nasti dela ande forura, ta achela avri ande thana puste, ta avena lete llene katar suako rig.
Currently Selected:
Markos 1: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
Markos 1
1
O Juan gua kai kristil
Mt 3.1-12; Lk 3.1-9,15-17; Jn 1.19-28
1Gia si sar lleli angle e lachi viasta e Jesukristoki, e Devleko Chavo. 2Gia sar si pisime ando lil katar o profeta o Isaias:
Me vichalav me profeta angla tu,
te lacharel chuke o drom.#Mal 3.1.
3Iek lleno urkil po pusto:
Lacharen o drom e Gazdako,
putaren leke iek drom orta.#Is 40.3.
4Ande gola llivesa o Juan gua kai kristila, sikadilo po pusto ta phenela e llenenge kai saia te irinpe katar pe bilache droma ta te kristinpe, te sai avel prostime lengo bilachipe. 5Ta avena lete sa e llene katar e phuv e Judeaki ta katar o Jerusalem te asunen le, ta phenena sa po bilachipe, ta o Juan kristila len ando pai katar e len kai ikhardol Jordan.
6E Juaneke patave sea cherde katar e bal e devake, ta saia le iek kavisi morchako truial katar leke zea, ta jala langoste ta aullin kai malavela pe burdura.#2 R 1.8. 7Ta phenela:
Mapalal mandar avel iek kai si mai zuralo neko me, kai ni sem lacho ni te bangivav te putarav o kavisi katar leke sinele. 8Me kristisardem tumen e paiea, a vou ka kristil tumen e Santone Duoia.
O kristope e Jesuseko
Mt 3.13-17; Lk 3.21-22
9Ande gola llivesa, o Jesus avilo katar o Nazaret kai achela ande phuv katar e Galilea, ta o Juan kristisarda le ando Jordan. 10Ta kana likisto katar o pai, o Jesus dikhla sar putailo o miloso, ta dikhla kai o Duo fuliela upral pe lete sargo iek gulubo. 11Ta asundilo iek avazi katar o miloso kai phenela:
Tu san mo Chavo gole kai voliv, ande tu si man veselia.#Jen 22.2; Sal 2.7; Is 42.1; Mt 3.17; 12.18; Mk 9.7; Lk 3.22.
O Jesus po pusto
Mt 4.1-11; Lk 4.1-13
12Mapalal o Duo e Devleko inllarda e Jesuse po pusto. 13Kote achilo saranda llive, ta o Satanas zumavela le, ta o Jesus saia maskar e zivirinie dive, ta e suechura arakhena le.
O Jesus phenel e lachi viasta ande Galilea
Mt 4.12-17; Lk 4.14-15
14Kana phangle e Juane, o Jesus llelotar ande Galilea ta phenela e lachi viasta katar e Devleki charoina, 15ta phenela:
Avilo o vreme ta e charoina e Devleki si pase. Irin tumen karing o Del ta pachan ande lachi viasta.#Mt 3.2.
O Jesus pasa e mora katar e Galilea
Mt 4.18-22; Lk 5.1-11
16O Jesus nakhela pasa e mora katar e Galilea ta dikhla e Simono ta leke phlale e Andrese. Von sea macharia ta chudena e mreza ande mora. 17Ta o Jesus phenda lenge:
Aven pala ma ta ka cherav tumen macharia manusenge.
18Ondaka von mukle isto kote pe mreze, ta lleletar lea.
19O Jesus llelo mai angle ta dikhla e Santiago ta e Juane chave e Zebedeoke, von sea ande iek llimia ta lacharena pe mreze. 20Kana o Jesus ikharda len, von mukle ande llimia pe dade e llenenchar kai radina leke, ta llele pala le.
Iek lleno kai saia ande le iek duo bilacho
Lk 4.31-37
21O Jesus ta leke disipulura avile ando Kafarnaum, ta ando llive sabado o Jesus dia ande khanlliri e judionengi ta sikavela. 22E llene chudinape sar sikavela len, soke dela lenge orba gazdarimaia, a na sargo e kovacha e zakonoke.#Mt 7.28-29. 23Ande lengi khanlliri saia iek murus kai saia ande le iek duo bilacho kai urkila ta phenela:
24¡Ioi! ¿So si chuke amenchar Jesus katar o Nazaret? ¿Avilan te zatrisare amen? me llanav ko san, tu san o Santo e Devleko.
25A o Jesus silnosailo pe lete ta phenda leke:
¡Phande cho mui ta like letar!
26Ondaka o duo bilacho, dermosarda gole llene, ta urkisarda bare avazea, ta o duo bilacho likisto letar. 27Gia baro saia e llenengo chudo kai denape orba, ta phenena:
¿So si gava? ¿Savo nevipe sikavel kai gazdaril llik pe duura bilache, ta kanden le?
28Ta but oma cherdilo pinllardo ande sa e phuv katar e Galilea.
O Jesus ta e sasui e Simonoki
Mt 8.14-15; Lk 4.38-39
29Kana likiste katar e khanlliri e judionengi, o Jesus llelo e Santiagoia ta e Juanea kai o cher e Simonoko ta e Andreseko. 30Ta e sasui e Simonoki phabola ande postelia nasualimatar. Ta phende e Jesuseke so saia lake. 31Ondaka o Jesus avilo pasa la, istarda lako va, ta cherda la te ustel. Ta isto kote liape latar o nasualipe, ta voi thoda te radil lenge.
O Jesus sastarel bute llenen
Mt 8.16-17; Lk 4.40-41
32Kana peli e riat ande sa e nasualen kai o Jesus, ta i golen kai sea ande lende llavolura, 33ta sa o foro chidinailo po udar e chereko. 34Ta sastarda bute llenen kai sea nasuale katar but muke, ta ikanda but llavolura e llenendar, ta ni mukla len te den orba soke e duura pinllarena le.
O Jesus sikavel ande khanllira e judionenge
Lk 4.42-44
35Thiarinako rano, ande kale zore, o Jesus ustilo ta likisto katar o foro, ta llelo te molilpe korkorre pe iek than. 36O Simono ta e llene kai sea lea llele te roden le. 37Ta kana malade le phende leke:
Sa roden tut.
38Vou phenda lenge:
Aven kai aver forichura kai si pase te phenav i kote e lachi viasta, soke goleke avilem.
39Ta o Jesus phirda sa e Galilea, ta phenela e lachi viasta ande khanllira e judionenge pe suako rig, ta tradela e llavolonen.#Mt 4.23; 9.35.
O Jesus sastarel iekhe llene kai saia pe lete e lepra
Mt 8.1-4; Lk 5.12-16
40Avilo lete iek leproso ta thodape pe pe changa, ta phenda leke:
Te mangea, sai sastare man katar mo nasualipe.
41E Jesuseke avila but zalba letar, dodisarda le pe vastea, ta phenda leke:
Mangav. ¡Sastiv!
42Ta kana vou phenda gua, isto kote sastilo. 43Ondaka o Jesus phenda leke so te cherel, ta kana llalatar, o Jesus phenda leke:
44Na phen nikake so avilape tuia, lla ta sikado e popoke, ta de kurbano pala cho sastipe gia sar phenda o Moises te cheren, te sai dikhen e popura kai sastilan.#Lv 14.1-32.
45A samo llelotar, thoda te phenel saurrenge so vou nakhla, goleke o Jesus nasti dela ande forura, ta achela avri ande thana puste, ta avena lete llene katar suako rig.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.