Mateo 6
6
Katar e esmola
1Na cheren o lachipe angla e manusa samo te sai dikhen pe tumende, soke te cherena gia, tumaro Dad kai si ando miloso ni ka del tumen te dobin niso.#Mt 23.5.
2Goleke kana ka pomozi e chorren, na phenle saurrenge gia sar cheren le e llene kai si kojamne kai cheren gala ezgode ande khanllira e judionenge ta pe droma te sai den orbe lache lendar e llene, chachimaia phenav tumenge kai gole ezgodaia kai cheren ia si len so te dobin. 3Goleke tu kana ka pomozi e chorren, na phenle nikake, 4cher le po chorial, ta cho Dad kai dikhel so chere po chorial, ka del tut so te dobi angla e llene.
O molipe
Lk 11.2-4
5Kana ka moli tut, na cher tut sargo e llene kojamne, soke lenge si drago te molinpe pe porrne ande khanllira e judionenge ta i pe droma te sai dikhen len e llene, chachimaia phenav tumenge kai gole ezgodaia kai cheren ia si len so te dobin.#Lk 18.10-14. 6A tu kana ka moli tut, de andre ande chi soba, phande o udar ta molisao che Dadeke po chorial, ta cho Dad kai dikhel so chere po chorial, ka del tut so te dobi angla e llene.
7Ta kana ka moli tut, na phen isto gola alava suako drom gia sar cheren le gola kai inai judiura, kai mislinpe kai pala pe but alava o Del ka asunel len. 8Na cheren tumen sargo von, soke tumaro Dad llanel save ezgode trubul tumen mai anglal te mangen len. 9Tumen ka molintumen gia:
Amaro Dad kai san ando miloso,
blagosime te avel cho anav.
10Te avel chi charoina,
te cherdol chi volia pe phuv
gia sar cherdol ando miloso.
11De amen allive o marrno kai trubul amen.#Pr 30.8-9.
12Ta prostisar o bilachipe kai chera,
gia sar prostisara i amen e llenen
kai cherde amenge o bilachipe.
13Na thov amen ando zumadipe,
mai lache braduisar amen katar o bilachipe.
Soke chiri si e charoina
e zor ta o baripe sa e bursenchar.
Gia te avelpe.
14Goleke, te prostina o bilachipe kai cheren tumenge e manusa, tumaro Dad kai si ando miloso ka prostil i tumaro bilachipe, 15a tumen te na prostina o bilachipe kai cheren tumenge e manusa, ni tumaro Dad ni ka prostil tumaro bilachipe.#Mk 11.25-26.
O Jesus del orba katar o alluno
Lk 6.27-28,32-36
16Kana tumen ka allunin na thoven iek mui zalbako sargo e llene kojamne kai triston pe muia te sai sikaven e manusenge kai von allunin, chachimaia phenav tumenge kai len ia si len so te dobin. 17Goleke tu kana ka alluni, chingar che bal ta jalau cho mui, 18te na sikave e manusenge kai alluni, samo cho Dad ka llanel le, ta cho Dad kai dikhel so chere po chorial ka del tut so si te dobi.
O barvalipe ando miloso
Lk 12.33-34
19Na cheren tumenge barvalipe pe phuv, kate kai e papuruga ta e pauzina zatrin ta kai e chor den ta vazden,#Stg 5.2-3. 20mai lache si te cheren tumenge barvalipe ando miloso, kote kai ni e papuruga ni e pauzina ni zatrin, ta kote kai e chor ni den te choren. 21Soke kote kai si cho barvalipe, i kote ka avel cho lio.
O villelo e esnagako
Lk 11.34-36
22E akha si o villelo e esnagako, goleke che akha te si lache, sa chi esnaga ka avel la villelo 23A te si che akha bilache, sa chi esnaga ka avel ando truniariko. Goleke, o villelo kai si ande tute te si truniariko, ¿sar avela isto o truniariko?
O Del ta o barvalipe
Lk 16.13
24Niko nasti radil duie gazdenge, soke ka murzil pe iek ta ka volil ogole, o ka kandel iekhe a ogoleke ni ka thovel sama. Nasti radilpe e Devleke ta i e barvalimake.
E vera ando Del
Lk 12.22-31
25Goleke me phenav tumenge: Na brigin tumen pala so ka jan te zivin ni pala e patave soia ka premenin tumen, ¿Ni mol o zivoto mai but neko o jape ta e esnaga mai mol neko e patave? 26Dikhen pe chiriklia kai furian, ni thoven e simiche ande phuv ta ni chiden len ande sobe ta isto gia tumaro Dad kai si ando miloso del len te jan. ¿Ni mol tumen mai but neko e chiriklia? 27A vareko i mai te brigilpe, ¿sar ka cherel te zivil iek saiato mai but?
28Ta katar e patave, ¿soke triston tumen? Thoven sama sar barion e lulunlla katar o vos kai ni radin ta ni cheren peke patave, 29a phenav tumenge kai ni o charo o Salomon sa pe barimaia ni furiadilo sargo iek lulunllin.#1 R 10.4-7; 2 Kr 9.3-6. 30A o Del te furiavel gia o zelelenipe kai allive si ando vos ta thiara phabardol ande furnava, ¿ni ka furiavel mai but tumen, manusalen kai inai tumen pachape? 31Goleke na triston tumen, ta na phenen: ¿So ka ja, o so ka pia, o so ka thova pe amende? 32Sa gala si e ezgode kai brigin e llenen kai ni pachan ando Del, a tumen si tumen iek Dad ando miloso kai llanel sa so trubul tumen. 33Goleke, roden mai anglal e charoina e Devleki ta leko chachipe, ta i sa gala ezgode ka aven tumenge dine. 34Goleke na triston tumen katar o llive kai si te avel, soke o llive kai si te avel ka anel e brige. Dosta suako lliveseke leko bilachipe.#Sal 55.22; 1 P 5.7.
Currently Selected:
Mateo 6: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
Mateo 6
6
Katar e esmola
1Na cheren o lachipe angla e manusa samo te sai dikhen pe tumende, soke te cherena gia, tumaro Dad kai si ando miloso ni ka del tumen te dobin niso.#Mt 23.5.
2Goleke kana ka pomozi e chorren, na phenle saurrenge gia sar cheren le e llene kai si kojamne kai cheren gala ezgode ande khanllira e judionenge ta pe droma te sai den orbe lache lendar e llene, chachimaia phenav tumenge kai gole ezgodaia kai cheren ia si len so te dobin. 3Goleke tu kana ka pomozi e chorren, na phenle nikake, 4cher le po chorial, ta cho Dad kai dikhel so chere po chorial, ka del tut so te dobi angla e llene.
O molipe
Lk 11.2-4
5Kana ka moli tut, na cher tut sargo e llene kojamne, soke lenge si drago te molinpe pe porrne ande khanllira e judionenge ta i pe droma te sai dikhen len e llene, chachimaia phenav tumenge kai gole ezgodaia kai cheren ia si len so te dobin.#Lk 18.10-14. 6A tu kana ka moli tut, de andre ande chi soba, phande o udar ta molisao che Dadeke po chorial, ta cho Dad kai dikhel so chere po chorial, ka del tut so te dobi angla e llene.
7Ta kana ka moli tut, na phen isto gola alava suako drom gia sar cheren le gola kai inai judiura, kai mislinpe kai pala pe but alava o Del ka asunel len. 8Na cheren tumen sargo von, soke tumaro Dad llanel save ezgode trubul tumen mai anglal te mangen len. 9Tumen ka molintumen gia:
Amaro Dad kai san ando miloso,
blagosime te avel cho anav.
10Te avel chi charoina,
te cherdol chi volia pe phuv
gia sar cherdol ando miloso.
11De amen allive o marrno kai trubul amen.#Pr 30.8-9.
12Ta prostisar o bilachipe kai chera,
gia sar prostisara i amen e llenen
kai cherde amenge o bilachipe.
13Na thov amen ando zumadipe,
mai lache braduisar amen katar o bilachipe.
Soke chiri si e charoina
e zor ta o baripe sa e bursenchar.
Gia te avelpe.
14Goleke, te prostina o bilachipe kai cheren tumenge e manusa, tumaro Dad kai si ando miloso ka prostil i tumaro bilachipe, 15a tumen te na prostina o bilachipe kai cheren tumenge e manusa, ni tumaro Dad ni ka prostil tumaro bilachipe.#Mk 11.25-26.
O Jesus del orba katar o alluno
Lk 6.27-28,32-36
16Kana tumen ka allunin na thoven iek mui zalbako sargo e llene kojamne kai triston pe muia te sai sikaven e manusenge kai von allunin, chachimaia phenav tumenge kai len ia si len so te dobin. 17Goleke tu kana ka alluni, chingar che bal ta jalau cho mui, 18te na sikave e manusenge kai alluni, samo cho Dad ka llanel le, ta cho Dad kai dikhel so chere po chorial ka del tut so si te dobi.
O barvalipe ando miloso
Lk 12.33-34
19Na cheren tumenge barvalipe pe phuv, kate kai e papuruga ta e pauzina zatrin ta kai e chor den ta vazden,#Stg 5.2-3. 20mai lache si te cheren tumenge barvalipe ando miloso, kote kai ni e papuruga ni e pauzina ni zatrin, ta kote kai e chor ni den te choren. 21Soke kote kai si cho barvalipe, i kote ka avel cho lio.
O villelo e esnagako
Lk 11.34-36
22E akha si o villelo e esnagako, goleke che akha te si lache, sa chi esnaga ka avel la villelo 23A te si che akha bilache, sa chi esnaga ka avel ando truniariko. Goleke, o villelo kai si ande tute te si truniariko, ¿sar avela isto o truniariko?
O Del ta o barvalipe
Lk 16.13
24Niko nasti radil duie gazdenge, soke ka murzil pe iek ta ka volil ogole, o ka kandel iekhe a ogoleke ni ka thovel sama. Nasti radilpe e Devleke ta i e barvalimake.
E vera ando Del
Lk 12.22-31
25Goleke me phenav tumenge: Na brigin tumen pala so ka jan te zivin ni pala e patave soia ka premenin tumen, ¿Ni mol o zivoto mai but neko o jape ta e esnaga mai mol neko e patave? 26Dikhen pe chiriklia kai furian, ni thoven e simiche ande phuv ta ni chiden len ande sobe ta isto gia tumaro Dad kai si ando miloso del len te jan. ¿Ni mol tumen mai but neko e chiriklia? 27A vareko i mai te brigilpe, ¿sar ka cherel te zivil iek saiato mai but?
28Ta katar e patave, ¿soke triston tumen? Thoven sama sar barion e lulunlla katar o vos kai ni radin ta ni cheren peke patave, 29a phenav tumenge kai ni o charo o Salomon sa pe barimaia ni furiadilo sargo iek lulunllin.#1 R 10.4-7; 2 Kr 9.3-6. 30A o Del te furiavel gia o zelelenipe kai allive si ando vos ta thiara phabardol ande furnava, ¿ni ka furiavel mai but tumen, manusalen kai inai tumen pachape? 31Goleke na triston tumen, ta na phenen: ¿So ka ja, o so ka pia, o so ka thova pe amende? 32Sa gala si e ezgode kai brigin e llenen kai ni pachan ando Del, a tumen si tumen iek Dad ando miloso kai llanel sa so trubul tumen. 33Goleke, roden mai anglal e charoina e Devleki ta leko chachipe, ta i sa gala ezgode ka aven tumenge dine. 34Goleke na triston tumen katar o llive kai si te avel, soke o llive kai si te avel ka anel e brige. Dosta suako lliveseke leko bilachipe.#Sal 55.22; 1 P 5.7.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.