Ukunukuo 7
7
Urëghwa mutojo gwa antu 144,000 va Isiraeli
1Nënaa asaa akhonda nëgavaona vamalaëka vane vimëkie mumpembe ine ya urëmi vikwatëre mpefo ine ya urëmi uvii mpefo ëtakunkee mbanduvë; mbesa mung'ë, mbesa mwirambo, mbesa umëtë. 2Kangë nëgamwona malaëka ungëja ugunatëa gunto ufuma ukiya, wina mutojo wa Muungu në mufanga. Agaanga na uvakhanëa vamalaëka avoo në vane nëvafewe mwëmo wa umëruvanga ng'ë nanë irambo, 3“Mutaruvange ng'ë, mbesa irambo mbesa mëtë faka nëgwadaha uvarigha mutojo atumami va Muungu witu mu mpandasyu.” 4Kangë nëgatëgheeya isabu ra avoo nëvarëghwaa mutojo: Antu maghana a njou ighana rëmwedu na makumi ane na vane (144,000) va ndughu yoong'e ya antu va Isiraeli. 5Ndughu amwa Yuda, antu maghana a njou ikumi na vavëë; ndughu amwa Rubeni, antu maghana a njou ikumi na vavëë; ndughu amwa Gadi, antu maghana a njou ikumi na vavëë; 6ndughu amwa Aseri, maghana a njou ikumi na vavëë; ndughu amwa Nafutari, maghana a njou ikumi na vavëë; ndughu amwa Manase, maghana a njou ikumi na vavëë; 7ndughu amwa Simeoni, maghana a njou ikumi na vavëë; 8ndughu amwa Sabuloni, maghana a njou ikumi na vavëë; ndughu amwa Yosefu, maghana a njou ikumi na vavëë; nanë ndughu amwa Benjameni, maghana a njou ikumi na vavëë.
Iburi ra antu Mudughu.
9Kangë nëgararaava, nëgaona iburi iküü ra antu nëvëtëudaha uvarëka: antu va murëmi woong'e, mwaango, jamaa nanë murighëtyo. Veesonoo naa vimëkie usonge a itumbë ra utemi nanë usonge Mwankhoo, künu vërie masaa meru na vëkwatëre makhanja a mitende umëkhono awe. 10Vëgaanga, “Ukhomoi witu ufumie kunë Muungu witu në wikhee gunto a itumbë ra utemi, nanë ufuma kunë Mwankhoo!” 11Vamalaëka voong'e vigëmëka urëkungëya itumbë ra utemi, anyampaa nanë ntundo ëyoo në ine në yina ufanga. Vëgagwa uumbama usonge a itumbë ra utemi, vigamukurya Muungu, 12vëgahanya, “Amina!” ukumu, üküü, ihaa, irumbi, ikuryo, udaho nanë nguu yitendeke kunë Muungu witu khae na khae! “Amina!”
13Umwedu wa anyampaa avoo agambwëya, “Avaa në vërie masaa në meru në antukë? Na vëfumiefe?” 14Neenoo ngamusucha, “Müküü, veve umanyie!” Mweesonoo agankhanëa, “Avaa në avoo nëvinakwariwa na itu muvëë uroo në üküü. Vayahomboe masaa awe mu saghami amwa Mwankhoo, atëndeka meruchwi go. 15Gusoko ësëë vë usonge a itumbë ra utemi ra Muungu. Viumwitumea Muungu mumwë në utiku mu hekalu rakwe; mweesonoo në wikhee gunto a itumbë ra utemi ugwara iheme rakwe na uvaghoja. 16Vëtigoona kangë njaa mbesa nyweta: Yuva mbesa mututu në ufyu ino utiuvafësya kangë, 17gusoko Mwankhoo në wë mukhatëkhatë a itumbë ra utemi ugutënda mudëmi wawe, mweesonoo uguvatongeera mu mërihë a majë a ufanga. Muungu mweeso uguyëfyaghua ndigheëgho yoong'e umiho awe.”
Currently Selected:
Ukunukuo 7: RIMRC
Highlight
Copy
Compare
Share
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
Ukunukuo 7
7
Urëghwa mutojo gwa antu 144,000 va Isiraeli
1Nënaa asaa akhonda nëgavaona vamalaëka vane vimëkie mumpembe ine ya urëmi vikwatëre mpefo ine ya urëmi uvii mpefo ëtakunkee mbanduvë; mbesa mung'ë, mbesa mwirambo, mbesa umëtë. 2Kangë nëgamwona malaëka ungëja ugunatëa gunto ufuma ukiya, wina mutojo wa Muungu në mufanga. Agaanga na uvakhanëa vamalaëka avoo në vane nëvafewe mwëmo wa umëruvanga ng'ë nanë irambo, 3“Mutaruvange ng'ë, mbesa irambo mbesa mëtë faka nëgwadaha uvarigha mutojo atumami va Muungu witu mu mpandasyu.” 4Kangë nëgatëgheeya isabu ra avoo nëvarëghwaa mutojo: Antu maghana a njou ighana rëmwedu na makumi ane na vane (144,000) va ndughu yoong'e ya antu va Isiraeli. 5Ndughu amwa Yuda, antu maghana a njou ikumi na vavëë; ndughu amwa Rubeni, antu maghana a njou ikumi na vavëë; ndughu amwa Gadi, antu maghana a njou ikumi na vavëë; 6ndughu amwa Aseri, maghana a njou ikumi na vavëë; ndughu amwa Nafutari, maghana a njou ikumi na vavëë; ndughu amwa Manase, maghana a njou ikumi na vavëë; 7ndughu amwa Simeoni, maghana a njou ikumi na vavëë; 8ndughu amwa Sabuloni, maghana a njou ikumi na vavëë; ndughu amwa Yosefu, maghana a njou ikumi na vavëë; nanë ndughu amwa Benjameni, maghana a njou ikumi na vavëë.
Iburi ra antu Mudughu.
9Kangë nëgararaava, nëgaona iburi iküü ra antu nëvëtëudaha uvarëka: antu va murëmi woong'e, mwaango, jamaa nanë murighëtyo. Veesonoo naa vimëkie usonge a itumbë ra utemi nanë usonge Mwankhoo, künu vërie masaa meru na vëkwatëre makhanja a mitende umëkhono awe. 10Vëgaanga, “Ukhomoi witu ufumie kunë Muungu witu në wikhee gunto a itumbë ra utemi, nanë ufuma kunë Mwankhoo!” 11Vamalaëka voong'e vigëmëka urëkungëya itumbë ra utemi, anyampaa nanë ntundo ëyoo në ine në yina ufanga. Vëgagwa uumbama usonge a itumbë ra utemi, vigamukurya Muungu, 12vëgahanya, “Amina!” ukumu, üküü, ihaa, irumbi, ikuryo, udaho nanë nguu yitendeke kunë Muungu witu khae na khae! “Amina!”
13Umwedu wa anyampaa avoo agambwëya, “Avaa në vërie masaa në meru në antukë? Na vëfumiefe?” 14Neenoo ngamusucha, “Müküü, veve umanyie!” Mweesonoo agankhanëa, “Avaa në avoo nëvinakwariwa na itu muvëë uroo në üküü. Vayahomboe masaa awe mu saghami amwa Mwankhoo, atëndeka meruchwi go. 15Gusoko ësëë vë usonge a itumbë ra utemi ra Muungu. Viumwitumea Muungu mumwë në utiku mu hekalu rakwe; mweesonoo në wikhee gunto a itumbë ra utemi ugwara iheme rakwe na uvaghoja. 16Vëtigoona kangë njaa mbesa nyweta: Yuva mbesa mututu në ufyu ino utiuvafësya kangë, 17gusoko Mwankhoo në wë mukhatëkhatë a itumbë ra utemi ugutënda mudëmi wawe, mweesonoo uguvatongeera mu mërihë a majë a ufanga. Muungu mweeso uguyëfyaghua ndigheëgho yoong'e umiho awe.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.