Ukunukuo 20
20
Mëakha ighana ra njou rëmwedu
1Kangë nëgamwona malaëka umwedu ugutununta ufuma girunde ukwëtë ufunguo wa gwarungu nanë munyoo ne üküü u mukhono wakwe. 2Agamëkwata njokha ne nküü ëroo ijokha ra khae, unë Ibilisi mba Setani agarëtunga gwa itungo ra mëakha ighana ra njou rëmwedu. 3Agamëjughuta gwarungu, agagëutëa genyamwango ga gëëngëra kuuko na agagekhanda gwa ntufë rëtadahe kangë uyayaghaya ana arime faka afoo mëakha ighana ra njou rëmwedu ëkhonde. Në asee akëra inoneye arughurwe kangë, ëgweeso gwa itungo ëkufë gutufu.
4Kangë nëgaona matumbë a utëmi, na antu vikhee gunto a matumbë asaa; antu vasaa vëgafewa udaho wa uramua. Nëgaona noo nkhoo ya vasaa nënaa vanyomiywe gusoko usudangëi wamwa Yesu na gusoko a ukhani wa Muungu. Avaa vënarëkurya imwana ëroo nanë sanamu akwe, mbesa vinatëndeywa gë manyëko gakwe gunto a musyu awe, na gunto a mëkhono awe. Vëgahanga ufanga kangë, vigëbala itambëëmwe nanë Kiristo gwa itungo ra mëakha ighana ra njou rëmwedu. 5(Avoo vangëja nëna vakure vënahangaa ufanga faka mëakha ighana ra njou rëmwedu rëkhonde.) Uruu unë ufëtyo wa mwandyo. 6Babu na muntu në mweru, na uyoo në winaukhuvëi mu ufëtyo uruu wa mwandyo. Ikuya ra gavëë rëtëna nguu gunto awe; ëgweeso vëutenda akumbëki va Muungu nanë vamwa Kiristo, na vëgibala itambëëmwe vinakwe gwa mëakha ighana ranjou rëmwedu.
7Itungo në mëakha ighana ra njou rëmwedu rakhonda, Setani ugurughwërwa ufuma ugeresa rakwe. 8Uvii, ugudua gunji, ugwandya uvayayaghaya ana arime voong'e nëëfaghatyë ng'andë yoong'e muurëmi, unë Gogu na Magogu. Setani uguvahangwëya itambëëmwe gusoko a urughu; veesonoo vëutenda vingë mwino maharu a umpeo a irambo. 9Vëganatëa gunto a ughare wa ng'ë, vëgayifëmëya nkhambi ya antu va Muungu nanë muji wa Muungu nëuwuyanjëtë. Ëgweeso Moto ugatununta ufuma girunde ugavauragha. 10Na Ibilisi uyoo nënaa uguvayaghaya agaghumëwa mukhatë a irambo ra moto wa gëbirigitë, fana vërë imwana ëroo nanë munyagëdaghu uyoo wa wegheghe, veesonoo vëukhasiwa mumwë nanë utiku khae na khae.
Iramui ra umpeo
11Kangë nëgaona itumbë ra utemi iküü ryëru, na uyoo në wikhee gunto ayo. Unë ng'ë nanë irunde igatëja usonge a miho akwe, na itumbe rawe rinagigheaa kangë. 12Nëgaona akuyi antu aküü nanë anyughuu, vëmëkie usonge a itumbë ra utëmi, na vitabu vigakunukuwa. Na gëtabu gëngëja, gëgarughuwa unë gëtabu ga ufanga, gëgakunukuwa noo. Na akuyi vasaa vëgaramuwa muu ntendo yawe, mwino naëandëkiwe mukhatë a vitabu iyoo. 13Irambo rëgavaduya gunji akuyi nënaa vëmukhatë ayo; ikuya nanë gwarungu vigaduya gunji akuyi voong'e nënaa vëmukhatë ayo. Mu muntu agaramuwa gwa uhonga ntendo yakwe. 14Ikuya nanë gwarungu vigaghumëwa mukhatë a irambo ra moto. Ërëi unë ikuya ra gavëë rasëë unë irambo ra moto. 15Muntu woong'e në rina rakwe rinaandëkwa mu gëtabu ga ufanga, agaghumëwa mukhatë a irambo ra moto.
Currently Selected:
Ukunukuo 20: RIMRC
Highlight
Copy
Compare
Share
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
Ukunukuo 20
20
Mëakha ighana ra njou rëmwedu
1Kangë nëgamwona malaëka umwedu ugutununta ufuma girunde ukwëtë ufunguo wa gwarungu nanë munyoo ne üküü u mukhono wakwe. 2Agamëkwata njokha ne nküü ëroo ijokha ra khae, unë Ibilisi mba Setani agarëtunga gwa itungo ra mëakha ighana ra njou rëmwedu. 3Agamëjughuta gwarungu, agagëutëa genyamwango ga gëëngëra kuuko na agagekhanda gwa ntufë rëtadahe kangë uyayaghaya ana arime faka afoo mëakha ighana ra njou rëmwedu ëkhonde. Në asee akëra inoneye arughurwe kangë, ëgweeso gwa itungo ëkufë gutufu.
4Kangë nëgaona matumbë a utëmi, na antu vikhee gunto a matumbë asaa; antu vasaa vëgafewa udaho wa uramua. Nëgaona noo nkhoo ya vasaa nënaa vanyomiywe gusoko usudangëi wamwa Yesu na gusoko a ukhani wa Muungu. Avaa vënarëkurya imwana ëroo nanë sanamu akwe, mbesa vinatëndeywa gë manyëko gakwe gunto a musyu awe, na gunto a mëkhono awe. Vëgahanga ufanga kangë, vigëbala itambëëmwe nanë Kiristo gwa itungo ra mëakha ighana ra njou rëmwedu. 5(Avoo vangëja nëna vakure vënahangaa ufanga faka mëakha ighana ra njou rëmwedu rëkhonde.) Uruu unë ufëtyo wa mwandyo. 6Babu na muntu në mweru, na uyoo në winaukhuvëi mu ufëtyo uruu wa mwandyo. Ikuya ra gavëë rëtëna nguu gunto awe; ëgweeso vëutenda akumbëki va Muungu nanë vamwa Kiristo, na vëgibala itambëëmwe vinakwe gwa mëakha ighana ranjou rëmwedu.
7Itungo në mëakha ighana ra njou rëmwedu rakhonda, Setani ugurughwërwa ufuma ugeresa rakwe. 8Uvii, ugudua gunji, ugwandya uvayayaghaya ana arime voong'e nëëfaghatyë ng'andë yoong'e muurëmi, unë Gogu na Magogu. Setani uguvahangwëya itambëëmwe gusoko a urughu; veesonoo vëutenda vingë mwino maharu a umpeo a irambo. 9Vëganatëa gunto a ughare wa ng'ë, vëgayifëmëya nkhambi ya antu va Muungu nanë muji wa Muungu nëuwuyanjëtë. Ëgweeso Moto ugatununta ufuma girunde ugavauragha. 10Na Ibilisi uyoo nënaa uguvayaghaya agaghumëwa mukhatë a irambo ra moto wa gëbirigitë, fana vërë imwana ëroo nanë munyagëdaghu uyoo wa wegheghe, veesonoo vëukhasiwa mumwë nanë utiku khae na khae.
Iramui ra umpeo
11Kangë nëgaona itumbë ra utemi iküü ryëru, na uyoo në wikhee gunto ayo. Unë ng'ë nanë irunde igatëja usonge a miho akwe, na itumbe rawe rinagigheaa kangë. 12Nëgaona akuyi antu aküü nanë anyughuu, vëmëkie usonge a itumbë ra utëmi, na vitabu vigakunukuwa. Na gëtabu gëngëja, gëgarughuwa unë gëtabu ga ufanga, gëgakunukuwa noo. Na akuyi vasaa vëgaramuwa muu ntendo yawe, mwino naëandëkiwe mukhatë a vitabu iyoo. 13Irambo rëgavaduya gunji akuyi nënaa vëmukhatë ayo; ikuya nanë gwarungu vigaduya gunji akuyi voong'e nënaa vëmukhatë ayo. Mu muntu agaramuwa gwa uhonga ntendo yakwe. 14Ikuya nanë gwarungu vigaghumëwa mukhatë a irambo ra moto. Ërëi unë ikuya ra gavëë rasëë unë irambo ra moto. 15Muntu woong'e në rina rakwe rinaandëkwa mu gëtabu ga ufanga, agaghumëwa mukhatë a irambo ra moto.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.