Ukunukuo 11
11
Asudangi vavëë
1Kangë nëgafewa ufito nënaa wë mwino gatë gaufimia, nëgakhanëwa, “Wuka urifiime hekalu ra Muungu, ikumbëkëo ra utunchëya urumba, na uvavarie antu nëvëukürya mukhatë a hekalu. 2Ëgweeso ureke mwango në wë gunji a hekalu; utafime gusoko wasuu vafewe antu va ndughu ingija, unë vëjie uwufanangëa muji në weru gwa itungo ra mëeri makumi ane na ëvëë. 3Nenoo nguvatuma asudangëi vane vavëë vëtanantye ukhani wa Muungu gwa itungo rësëë ra matiku ighana rëmwedu ra njou na maghana avëë na makumi mutandatu ësa vërëe masaa a magunëa.” 4Asudangëi vasaa në vavëë në mëtë ëvëë a mëseituni nanë vëemwe vivëë nëëvëumwëëkaa usonge a Müküü wa urëmi. 5Mbesa muntu asoye uvatumwua, moto ugudua umëomo awe na uvauragha arughu vawe; na mu muntu nëugusoya uvatumwua ugukuya nkuya ëyëëyo. 6Vasaa vina udaho wa umëtunga nto, mbura ëtanëe itungo nëvëutanantya ukhani wa Muungu. Kangë vina udaho wa ukhanëkëya mërihë oong'e a majë ëtënde saghami nanë gweeta ikuya ra muu gëntu muurëmi, muu fana vayanja.
7Ëgweeso nëvamarëya utanantya ukhani wasuu, imwana nëruudua gëkhombo gwarungu gëhoma inawe, rëuvahuma na uvauragha. 8Miimba awe ëgusigha mumafanda a muji në üküü kunë Müküü wawe wakhomiwe umutë; rina ra ughekeya ra muji wasuu unë Sodoma mba Misiri. 9Antu va muu ndughu, murighetyo, murimë woong'e nanë ikeru vëumërarava miimba asee gwa itungo ra matiku atatu na mumwe rumwedu, vëtiurekea ëvëkwe. 10Antu nëveuduvaa muurëmi vëuyanjisiwa na ikuya ra vasaa në vavëë. Vëutenda sambë a ula malëwa nanë gitoera dahwa gusoko anyagëdaghu vasaa në vavëë naa vëuvakhasya ino antu va muurëmi.
11Ëgweeso nënaa matiku asaa në atatu na mumwe rumwedu akëra mwahu wa ufanga ufuma kunë Muungu ugavingëa, veesonoo vëgimëka; voong'e nënaa vawoona vëgëngëwa na choghofi giküü. 12Kangë Anyagedughu vasaa në vavëë vëgategheeya ruri üküü ufuma girunde uguvakhanëa, “Nji afaa gunto!” Vesonoo vëganatya gunto girunde mwikuku, arughu vawe sa vëuvihenga. 13Itungo ërëroërëro, gëtëtëmo gikuu ga fang'ë gëgadwëëra, ëfëgha rëmwedu ra ikumi ramuji rëgaruvangwa. Antu maghana a njou ëmufungatë vëgaruvangwa gwa gëtëtëmo gasëë ga fang'ë. Antu nëvasigha vëgooghofa nanguu, vëgamukuta Muungu wa girunde.
14Makuya a gavëë akëraa; ëgweeso raarava! Hëhëhë a gatatu ëjie ruvë.
Ifëmbe ra mufungatë
15Kangë malaëka wa mufungatë agafemba ifëmbe rakwe. Na nduri nküü ëgategheeyeka girunde yiuhanya, “Itungwee wibali gunto a urëmi në wa Müküü witu nanë Kiristo wakwe. Mweesonoo ugibala khae na khae!” 16Kangë anyampaa avoo në vë makumi avëë na vane nëvikhee usonge a Muungu mu matumbë awe a utemi, vëgagwa uumbama, vëgamuwiiya Muungu, 17vëgahanya,
“Müküü Muungu munya udaho,
nëurëfo na nënaaurëfo!
Gwarumbaa,
gusoko watumëe nguu yako nküü
ugaandya gibala!
18Ana va murëmi woong'e vëgahumwa makuvo,
gusoko itungo ra makuvo ako rafikaa,
itungo ra uvaramwua akuyi.
Unë itungo ra uvatambëëya atumami vako anyagëdaghu,
antu vako nanë voong'e nëvëurëkutaa
rina rako, aküü gwa a nyughu.
Në itungo ra uvauragha
vasaa nëvëuwuragha urëmi.”
19Ihekalu ra Muungu girunde rëgarughuwa, nane isanduku ra iraghano rakwe rëgadwëëra mu hekalu rakwe; kangë ugadwëëra ufëto, ruri, murunkumo, gëtëtëmo ga fang'ë, nanë mbura nküü a magwe.
Currently Selected:
Ukunukuo 11: RIMRC
Highlight
Copy
Compare
Share
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
Ukunukuo 11
11
Asudangi vavëë
1Kangë nëgafewa ufito nënaa wë mwino gatë gaufimia, nëgakhanëwa, “Wuka urifiime hekalu ra Muungu, ikumbëkëo ra utunchëya urumba, na uvavarie antu nëvëukürya mukhatë a hekalu. 2Ëgweeso ureke mwango në wë gunji a hekalu; utafime gusoko wasuu vafewe antu va ndughu ingija, unë vëjie uwufanangëa muji në weru gwa itungo ra mëeri makumi ane na ëvëë. 3Nenoo nguvatuma asudangëi vane vavëë vëtanantye ukhani wa Muungu gwa itungo rësëë ra matiku ighana rëmwedu ra njou na maghana avëë na makumi mutandatu ësa vërëe masaa a magunëa.” 4Asudangëi vasaa në vavëë në mëtë ëvëë a mëseituni nanë vëemwe vivëë nëëvëumwëëkaa usonge a Müküü wa urëmi. 5Mbesa muntu asoye uvatumwua, moto ugudua umëomo awe na uvauragha arughu vawe; na mu muntu nëugusoya uvatumwua ugukuya nkuya ëyëëyo. 6Vasaa vina udaho wa umëtunga nto, mbura ëtanëe itungo nëvëutanantya ukhani wa Muungu. Kangë vina udaho wa ukhanëkëya mërihë oong'e a majë ëtënde saghami nanë gweeta ikuya ra muu gëntu muurëmi, muu fana vayanja.
7Ëgweeso nëvamarëya utanantya ukhani wasuu, imwana nëruudua gëkhombo gwarungu gëhoma inawe, rëuvahuma na uvauragha. 8Miimba awe ëgusigha mumafanda a muji në üküü kunë Müküü wawe wakhomiwe umutë; rina ra ughekeya ra muji wasuu unë Sodoma mba Misiri. 9Antu va muu ndughu, murighetyo, murimë woong'e nanë ikeru vëumërarava miimba asee gwa itungo ra matiku atatu na mumwe rumwedu, vëtiurekea ëvëkwe. 10Antu nëveuduvaa muurëmi vëuyanjisiwa na ikuya ra vasaa në vavëë. Vëutenda sambë a ula malëwa nanë gitoera dahwa gusoko anyagëdaghu vasaa në vavëë naa vëuvakhasya ino antu va muurëmi.
11Ëgweeso nënaa matiku asaa në atatu na mumwe rumwedu akëra mwahu wa ufanga ufuma kunë Muungu ugavingëa, veesonoo vëgimëka; voong'e nënaa vawoona vëgëngëwa na choghofi giküü. 12Kangë Anyagedughu vasaa në vavëë vëgategheeya ruri üküü ufuma girunde uguvakhanëa, “Nji afaa gunto!” Vesonoo vëganatya gunto girunde mwikuku, arughu vawe sa vëuvihenga. 13Itungo ërëroërëro, gëtëtëmo gikuu ga fang'ë gëgadwëëra, ëfëgha rëmwedu ra ikumi ramuji rëgaruvangwa. Antu maghana a njou ëmufungatë vëgaruvangwa gwa gëtëtëmo gasëë ga fang'ë. Antu nëvasigha vëgooghofa nanguu, vëgamukuta Muungu wa girunde.
14Makuya a gavëë akëraa; ëgweeso raarava! Hëhëhë a gatatu ëjie ruvë.
Ifëmbe ra mufungatë
15Kangë malaëka wa mufungatë agafemba ifëmbe rakwe. Na nduri nküü ëgategheeyeka girunde yiuhanya, “Itungwee wibali gunto a urëmi në wa Müküü witu nanë Kiristo wakwe. Mweesonoo ugibala khae na khae!” 16Kangë anyampaa avoo në vë makumi avëë na vane nëvikhee usonge a Muungu mu matumbë awe a utemi, vëgagwa uumbama, vëgamuwiiya Muungu, 17vëgahanya,
“Müküü Muungu munya udaho,
nëurëfo na nënaaurëfo!
Gwarumbaa,
gusoko watumëe nguu yako nküü
ugaandya gibala!
18Ana va murëmi woong'e vëgahumwa makuvo,
gusoko itungo ra makuvo ako rafikaa,
itungo ra uvaramwua akuyi.
Unë itungo ra uvatambëëya atumami vako anyagëdaghu,
antu vako nanë voong'e nëvëurëkutaa
rina rako, aküü gwa a nyughu.
Në itungo ra uvauragha
vasaa nëvëuwuragha urëmi.”
19Ihekalu ra Muungu girunde rëgarughuwa, nane isanduku ra iraghano rakwe rëgadwëëra mu hekalu rakwe; kangë ugadwëëra ufëto, ruri, murunkumo, gëtëtëmo ga fang'ë, nanë mbura nküü a magwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.