1 Yohana 3
3
Vana va Muungu
1Raravi unë uyanjokë në Tata wendie uguyanja sese, uvii sese gwinjë utaanwa vana va Muungu. Ti gutufu gutaanwa, sese tutë gwë vana vakwe. Gusoko ëyëë urëmi utigumanyie sese, gusoko weeso noo utimumanyie mweeso. 2Ayanjwi, itungwee, sese gwë vana va Muungu; ëkëë ëtimanyëkie mwino sese gwinjë utendeka. Ëgweeso sese gumanyie mwino itungo në Kiristo wadwëëra sese gwinjë gikhwa na mweeso (Muungu), gusoko sese gwinjë umwona mweeso mwino urë. 3Na mu muntu unë uvëkie ighonje kunë mweeso ugyerya mughonjo mwino mweeso në mweru. 4Mu muntu unë ugutendaa mahutye ugumuhitaa Muungu. Mahutye në umuhita Muungu. 5Nyenye mumanyie mwino mweeso wadwëëre aheye mahutye, na mukhatë akwe gutie mahutye. 6Gutie muntu nëuguduvaa mukhatë akwe nëugutendaa mahutye. Gutie muntu nëugutendaa mahutye mbesa wamuune mweeso mba wamumanyie mweeso. 7Ang'ënya ne anyui, muntu woong'e atamukhongee. Mweeso unë ugutendaa tutë në wa tutë, mwino mweeso në wa tutë. 8Mweeso unë ugutendaa mahutye në wamwa Ibilisi. Gusoko Ibilisi wahutiye ufuma mwandyo. Soko nëamutendie Mwana wa Muungu adwëëre arë uruvanga mëëmo amwa Ibilisi. 9Gutie muntu nëwafafiwe na Muungu nëugetendaa mahutye, gusoko ntundo a Muungu ëgikhaa mukhatë akwe. Na mweeso atiutendaa mahutye gusoko mweeso wafafiwe na Muungu. 10Gwa ërëë ëdahëte umanyëka vaa anyu në vana va Muungu, na vaanyu në vana vamwa Ibilisi. Muntu woong'e nëatiutendaa në atutë ti wa Muungu, mbesa mweeso nëatimuyanjëte muunakwe.
Iyanji Mu Muntu na Muuyakwe
11Gusoko ëyë unë sayu në nyenye mwamëtegheeye ufuma mwandyo, mwino sese gufenjiwa gwiyanje mu muntu na muuyakwe. 12Na gutatendeke mwino Kaini unë arë wa muvë uyoo na agamuuragha muunaakwe. Na asikë mweeso agamuuragha muuna akwe? Gusoko ntendo yakwe arë mbë na ya muuna akwe arë ya tutë. 13Mutatake, aruna ane, në urëmi ugumuhura nyenye. 14Sese gumanyie mwino gwakëire ufuma mwikuya, gwingëe mung'ë a ufanga, gusoko sese guyanjëte aruna vitu. Mweeso nëatimuyanjëte muuna akwe uduvie mung'ë a kitë gaikuya. 15Muntu gëkaku nëatimuyanjëte muuna akwe në muuraghi, gusoko nyenye mumanyie mwino ufanga wa khae na khae utigikhaa mukhatë a muntu nëuguuraghaa. 16Gwa ërëë sese gumanyie uyanjo, gusoko mweeso agafunya ufanga wakwe gusoko itu. Na sese igunoneye gufunye ufanga witu gusoko a aruna vitu. 17Ëgweeso nësa muntu gëkaku ukweti ughwarë wa mu urëmi na wamwona muuna akwe ugufenja, kë mweeso atiumwonea uvavi, wurë, uyanjo wa Muungu winjë gikhaa mukhatë akwe? 18Ang'ënya në anyui, sese gutayanje gwa ukhani na gwa murighëëtyo ëgweeso mung'ë a ntendo nanë tutë.
Ukhamu Usonge a Muungu
19Gwa ërëë sese gumanyie mwino sese gwë va tutë, na nkhoo yitu yinjë ufefeheywa usonge akwe. 20Itungo në nkhoo yitu yinjë uguramwua sese mwino gwë avë; gusoko Muungu në müküü nanguu ukëra nkhoo yitu, na mweeso umanyie mu gëntu. 21Ayanjwi, nësa nkhoo yitu itinjë uguramwua sese mwino gwë avë, sese gukweti ukhamu usonge a Muungu. 22Na sese gughenyifa ufuma kunë mweeso intu roong'e në sese guromba gusoko sese gukwatëëre maraghëëyo akwe, na gutendaa asaa nëëgumuyanjisya mweeso. 23Na ërëë unë iraghëëyo rakwe, uvii sese gudahe urëhuvëa rina ra Mwanakwe Yesu Kiristo na giyanja mu muntu na muuyakwe, mwino mweeso waguraghëëye sese. 24Voong'e në vëkwatëëre maraghëëyo akwe vëgikhaa mukhatë akwe, na mweeso noo mukhatë awe. Na gwa ërëë sese gumanyie mwino mweeso ugikhaa mukhatë itu, gwa njëa a Mwahu Mweru në mweeso wagufee sese.
Currently Selected:
1 Yohana 3: RIMRC
Highlight
Copy
Compare
Share
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
1 Yohana 3
3
Vana va Muungu
1Raravi unë uyanjokë në Tata wendie uguyanja sese, uvii sese gwinjë utaanwa vana va Muungu. Ti gutufu gutaanwa, sese tutë gwë vana vakwe. Gusoko ëyëë urëmi utigumanyie sese, gusoko weeso noo utimumanyie mweeso. 2Ayanjwi, itungwee, sese gwë vana va Muungu; ëkëë ëtimanyëkie mwino sese gwinjë utendeka. Ëgweeso sese gumanyie mwino itungo në Kiristo wadwëëra sese gwinjë gikhwa na mweeso (Muungu), gusoko sese gwinjë umwona mweeso mwino urë. 3Na mu muntu unë uvëkie ighonje kunë mweeso ugyerya mughonjo mwino mweeso në mweru. 4Mu muntu unë ugutendaa mahutye ugumuhitaa Muungu. Mahutye në umuhita Muungu. 5Nyenye mumanyie mwino mweeso wadwëëre aheye mahutye, na mukhatë akwe gutie mahutye. 6Gutie muntu nëuguduvaa mukhatë akwe nëugutendaa mahutye. Gutie muntu nëugutendaa mahutye mbesa wamuune mweeso mba wamumanyie mweeso. 7Ang'ënya ne anyui, muntu woong'e atamukhongee. Mweeso unë ugutendaa tutë në wa tutë, mwino mweeso në wa tutë. 8Mweeso unë ugutendaa mahutye në wamwa Ibilisi. Gusoko Ibilisi wahutiye ufuma mwandyo. Soko nëamutendie Mwana wa Muungu adwëëre arë uruvanga mëëmo amwa Ibilisi. 9Gutie muntu nëwafafiwe na Muungu nëugetendaa mahutye, gusoko ntundo a Muungu ëgikhaa mukhatë akwe. Na mweeso atiutendaa mahutye gusoko mweeso wafafiwe na Muungu. 10Gwa ërëë ëdahëte umanyëka vaa anyu në vana va Muungu, na vaanyu në vana vamwa Ibilisi. Muntu woong'e nëatiutendaa në atutë ti wa Muungu, mbesa mweeso nëatimuyanjëte muunakwe.
Iyanji Mu Muntu na Muuyakwe
11Gusoko ëyë unë sayu në nyenye mwamëtegheeye ufuma mwandyo, mwino sese gufenjiwa gwiyanje mu muntu na muuyakwe. 12Na gutatendeke mwino Kaini unë arë wa muvë uyoo na agamuuragha muunaakwe. Na asikë mweeso agamuuragha muuna akwe? Gusoko ntendo yakwe arë mbë na ya muuna akwe arë ya tutë. 13Mutatake, aruna ane, në urëmi ugumuhura nyenye. 14Sese gumanyie mwino gwakëire ufuma mwikuya, gwingëe mung'ë a ufanga, gusoko sese guyanjëte aruna vitu. Mweeso nëatimuyanjëte muuna akwe uduvie mung'ë a kitë gaikuya. 15Muntu gëkaku nëatimuyanjëte muuna akwe në muuraghi, gusoko nyenye mumanyie mwino ufanga wa khae na khae utigikhaa mukhatë a muntu nëuguuraghaa. 16Gwa ërëë sese gumanyie uyanjo, gusoko mweeso agafunya ufanga wakwe gusoko itu. Na sese igunoneye gufunye ufanga witu gusoko a aruna vitu. 17Ëgweeso nësa muntu gëkaku ukweti ughwarë wa mu urëmi na wamwona muuna akwe ugufenja, kë mweeso atiumwonea uvavi, wurë, uyanjo wa Muungu winjë gikhaa mukhatë akwe? 18Ang'ënya në anyui, sese gutayanje gwa ukhani na gwa murighëëtyo ëgweeso mung'ë a ntendo nanë tutë.
Ukhamu Usonge a Muungu
19Gwa ërëë sese gumanyie mwino sese gwë va tutë, na nkhoo yitu yinjë ufefeheywa usonge akwe. 20Itungo në nkhoo yitu yinjë uguramwua sese mwino gwë avë; gusoko Muungu në müküü nanguu ukëra nkhoo yitu, na mweeso umanyie mu gëntu. 21Ayanjwi, nësa nkhoo yitu itinjë uguramwua sese mwino gwë avë, sese gukweti ukhamu usonge a Muungu. 22Na sese gughenyifa ufuma kunë mweeso intu roong'e në sese guromba gusoko sese gukwatëëre maraghëëyo akwe, na gutendaa asaa nëëgumuyanjisya mweeso. 23Na ërëë unë iraghëëyo rakwe, uvii sese gudahe urëhuvëa rina ra Mwanakwe Yesu Kiristo na giyanja mu muntu na muuyakwe, mwino mweeso waguraghëëye sese. 24Voong'e në vëkwatëëre maraghëëyo akwe vëgikhaa mukhatë akwe, na mweeso noo mukhatë awe. Na gwa ërëë sese gumanyie mwino mweeso ugikhaa mukhatë itu, gwa njëa a Mwahu Mweru në mweeso wagufee sese.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.