Rom 15
15
Itedidi Krais aitno
1Ite ka itodong dagar ke aitno lite ila dagar ma itolua osep ka aitno lisak dagar isuk boto vala. E aitno lite vri ke ite vala kovok. 2Ite kente kente ma itolua sudo ke elio ka due aitno lisak itau ine vala. Itodue langane ma tididi elio itau e ma aitno lisak ila dagar polou dagar lokono. 3Iteile Krais aitno vri ke iye vala kovok. Aurou. Ida Tapolngon ila pelengon wai langane ine.
“Krais wai ke Ida Tapol-ngon langane. ‘Osep ka tiwai soulu ke wom ma urok pelengon soulu vri ke ngong blang.’”#15.3 — Emritim pelengon langane ke Testamen Oglou Ina ke Buk Song 69.9.
4Pelengon ka pula keniye ka oglou osep tisogoe ke Ida Tapolngon ila pelengon tisogoe ma pelengon tonari parere ite. Pelengon ma due aitno lite dagar e ma due ite itevri dagar e itapara ke alo ka Ida Tapolngon ma due ite. 5Itodue udo arit ke Ida Tapolngon kene vala e iye kene vala ma due ite itevri dagar lokono ke aitno lite ila dagar. E Ida Tapolngon lua umu ma umakana Krais Yesus ila elio e ma aitno lumu mter ke elio kene vala. E ma aitno lumu kene pulu. 6Deka umu ka pula keniye ma umakakai Ida Tapolngon ka Ida Puda Yesus Krais timla angaine tito la egim.
7E aitno lumu itau ma umodue osep Kristen ina leklou tidong kap umu. Langka Krais aitno itau ke umu ma umodong kap iye. Ke elio langane ma umakakai Ida Tapol-ngon angaine. 8Ngawai langane. Krais polou langka gute bokongon ina ma iye lua osep Yuda ina. Iye due langane ma tile omur Ida Tapolngon ila elio didi ila promis ka oglou iye wai ke urok seia ine. 9Silang blang langane. Krais me ma iye lua osep leklou ka isak osep Yuda ina kovok. Deka ma tikakai Ida Tapolngon angaine kesua batne aitno due isak e iye lua isak. Ida Tapolngon ila pelengon wai lang-ane.
“Krais wai ke Ida Tapolngon langane. ‘Ma ngakakai angain wom airavu ke osep ka isak osep Yuda ina kovok. Ma ngadue sakul ka kakai angain wom.’”#15.9 — Emritim pelengon langane ke Testamen Oglou Ina ke 2 Samuel 22.50 e Buk Song 18.49.
10E Ida Tapolngon ila pelengon silang wai langane.
“Umu ka osep Yuda ina kovok aitno lumu neser kap Ida Tapolngon ila osep.”#15.10 — Emritim pelengon langane ke Testamen Oglou Ina ke Lo 32.43.
11E ke pelengon silang blang iye wai langane.
“Umu ka osep Yuda ina kovok umakakai Ida Puda angaine.”#15.11 — Emritim pelengon langane ke Testamen Oglou Ina ke Buk Song 117.1.
12E gute Aisaia sogo langane.
“Gute ka dong sep ke gute Jesi ila osua ma polou e vri mgo ke osep ka isak osep Yuda ina kovok. E ma tipara ke alo ka iye polou ma iye due elio itau ke isak.”#15.12 — Emritim pelengon langane ke Testamen Oglou Ina ke Aisaia 11.1 e Aisaia 11.10.
13Ida Tapolngon wai dagar ma iye kar wan ka pula keniye ka itau ke ite deka itapara ine. Aitno lumu dagar ke iye ma iye due aitno lumu itau lokono e due aitno lumu dong epen e ma aitno lumu neser omba lokono. E ke Ida Tapolngon Ano Itau ila arit elio ka umapara ke Ida Tapolngon ma iye kar wan itau ke umu ma polou omba ke umu.
Pol ila bokongon lua osep pula e aitno itau ine
14Sipmi. Ngaile omur lumu elio isuk isuk itau. E umeile omur ke Ida Tapolngon ila pelengon e umakaranga umaparere umu pulu ine. 15E pelengon leklou ka ngasogoe ke umu langka pelengon dagar. E aitno lungong kro ine kovok. Aurou. Ngawaiki ngasruk aitno lumu kesua batne ke ila makaingan ka dong ke ngong. 16Ma ngadong langka Krais Yesus ila gute bokongon ina gesa e ngaboko ke osep ka isak osep Yuda ina kovok. Ke bokongon tonari ka ngadue nganapapra Ida Tapolngon ila omon itau ke isak. Ngadong langka gute loulou ina gesa e ma ngapaur omon itau ke osep ka isak osep Yuda ina kovok. Ma tipolou langka Ida Tapolngon ila osep ka itau ka aitno itau ke isak. Deka Ida Tapolngon Ano Itau due isak tipolou langka Ida Tapolngon ila osep ka itau lokono.
17E langane. Nganeklep ke Krais Yesus deka aitno lungong itau lokono kesua ngaboko ke Ida Tapolngon ila bokongon. 18E ma ngawai ke wan silang blang kovok. Aurou. Ma ngawai ke wan kene vala. Ngawai ke bokongon ka Krais lua ngong ine. Kesua lou bokongon e lou pelengon due osep ka isak osep Yuda ina kovok ma tini Ida Tapolngon ila pelengon. 19E Ida Tapolngon Ano Itau lua ngong blang deka ngadue elio arit ina ka nisngen ke osep. E langane. Oglou nganogrum ke armok Jerusalem e nganapapra Krais ila omon itau ke osep. E ngalila ngala ke omur omur la lama ngaiding ke omur Ilirikum. 20Ke bokongon tonari aitno lungong neser omba lokono ine ma nganapapra Krais ila omon itau ke armok armok ke osep ka dau tiklingen ke Krais kovok. Ngawaiki ngauri ninu napal munu ke kadangdanga ka gute silang sinsin isak kovok. 21Ngawaiki ngadue langka Ida Tapolngon ila pelengon wai langane ine.
“Osep ka oglou tiklingen ila omon kovok ma tivati iye. E osep ka dau tiklingen ila pelengon kovok ma tiklingen ine deka tile omur ine.”#15.21 — Emritim pelengon langane ke Testamen Oglou Ina ke Aisaia 52.15.
22E langane. Lama oglou nga-waiki ngapolou ke umu ngadue langane kovok kesua lou bokongon dangdang ngong ine.
Pol waiki vati osep Rom ina
23E eknikane lou bokongon ke omur ane yagos deka ngawaiki ngapolou ke umu. Kesua ke tobor pula kodong aitno lungong mter langka ngawaiki ngavati umu. 24Deka alo ka ngala ke omur Spen aitno lungong mter langka ngawaiki ngauti ngavati umu paide. Deka ma ngala. Aitno lungong itau lokono ma ngavati umu e ngawaiki ngadong sasi boto kap umu. Deka mase ngawaiki umolua ngong ma ngala ke omur Spen.
25E eknikane ngawaiki nga-la ke Jerusalem ma ngalua Ida Tapolngon ila osep ka tidong ke armok tonari. 26Kesua osep ka Ida Tapolngon ila osep ka tidong ke provins Masedonia e ke provins Akaia tituktuk urok mani ma tilua Ida Tapolngon ila osep ke omur are. E ma tivai mani tonari la ke Jerusalem ma tilua Ida Tapolngon ila osep ka urok wan isuk boto vala ine. 27Tididi aitno lisak vala e tituktuk mani tonari e tikare ke isak. Elio ka langane itau lokono kesua osep Israel ina tilua osep leklou mgo ke Ida Tapolngon ila pelengon. Deka elio ka osep leklou tilua osep Israel ina ke urok wan ane elio itau lokono.
28E ma ngapaur mani la ke Jerusalem. Deka alo ka ngakar isak mani tonari keniye ma ngasongon Jerusalem. E mase alo ka ngala ke omur Spen ngauti ngavati umu paide. 29E alo ka ngauti ke umu ma ngalua umu ke kerengen ka Krais lua ngong ine.
30Sipmi. Ngapmi umu ma umawai itau ke Ida Tapolngon ma iye lua ngong ke lou mosongon. Ngapmi umu ine kesua batne ke Ida Puda Yesus Krais dong. Ngapmi umu ine kesua ite lana ite pulu batne Ano Itau lua ite ine. 31Umepmi Ida Tapolngon ma iye lua ngong itau. Ma iye dangdang osep epmes ina ka tidong ke omur Judia lama tidue elio soulu ke ngong. E umepmi Ida Tapolngon ma iye due osep Jerusalem ina aitno lisak itau ke bokongon ka ngalua isak ine. 32E langka Ida Tapolngon waiki lua ngong langane ma aitno lungong itau lokono ine e ngauti ngavati umu. Deka ma ngamtong sasi boto kap umu e aitno lungong itau ine blang. 33Ngapmi Ida Tapolngon ma iye due aitno lite tidong epen pulu. E iye dong kap umu ka pula keniye. Lokono.
Currently Selected:
Rom 15: ANT
Highlight
Copy
Compare
Share
Want to have your highlights saved across all your devices? Sign up or sign in
copyright 2003 New Tribes Mission, Sanford, FL 32771
Rom 15
15
Itedidi Krais aitno
1Ite ka itodong dagar ke aitno lite ila dagar ma itolua osep ka aitno lisak dagar isuk boto vala. E aitno lite vri ke ite vala kovok. 2Ite kente kente ma itolua sudo ke elio ka due aitno lisak itau ine vala. Itodue langane ma tididi elio itau e ma aitno lisak ila dagar polou dagar lokono. 3Iteile Krais aitno vri ke iye vala kovok. Aurou. Ida Tapolngon ila pelengon wai langane ine.
“Krais wai ke Ida Tapol-ngon langane. ‘Osep ka tiwai soulu ke wom ma urok pelengon soulu vri ke ngong blang.’”#15.3 — Emritim pelengon langane ke Testamen Oglou Ina ke Buk Song 69.9.
4Pelengon ka pula keniye ka oglou osep tisogoe ke Ida Tapolngon ila pelengon tisogoe ma pelengon tonari parere ite. Pelengon ma due aitno lite dagar e ma due ite itevri dagar e itapara ke alo ka Ida Tapolngon ma due ite. 5Itodue udo arit ke Ida Tapolngon kene vala e iye kene vala ma due ite itevri dagar lokono ke aitno lite ila dagar. E Ida Tapolngon lua umu ma umakana Krais Yesus ila elio e ma aitno lumu mter ke elio kene vala. E ma aitno lumu kene pulu. 6Deka umu ka pula keniye ma umakakai Ida Tapolngon ka Ida Puda Yesus Krais timla angaine tito la egim.
7E aitno lumu itau ma umodue osep Kristen ina leklou tidong kap umu. Langka Krais aitno itau ke umu ma umodong kap iye. Ke elio langane ma umakakai Ida Tapol-ngon angaine. 8Ngawai langane. Krais polou langka gute bokongon ina ma iye lua osep Yuda ina. Iye due langane ma tile omur Ida Tapolngon ila elio didi ila promis ka oglou iye wai ke urok seia ine. 9Silang blang langane. Krais me ma iye lua osep leklou ka isak osep Yuda ina kovok. Deka ma tikakai Ida Tapolngon angaine kesua batne aitno due isak e iye lua isak. Ida Tapolngon ila pelengon wai lang-ane.
“Krais wai ke Ida Tapolngon langane. ‘Ma ngakakai angain wom airavu ke osep ka isak osep Yuda ina kovok. Ma ngadue sakul ka kakai angain wom.’”#15.9 — Emritim pelengon langane ke Testamen Oglou Ina ke 2 Samuel 22.50 e Buk Song 18.49.
10E Ida Tapolngon ila pelengon silang wai langane.
“Umu ka osep Yuda ina kovok aitno lumu neser kap Ida Tapolngon ila osep.”#15.10 — Emritim pelengon langane ke Testamen Oglou Ina ke Lo 32.43.
11E ke pelengon silang blang iye wai langane.
“Umu ka osep Yuda ina kovok umakakai Ida Puda angaine.”#15.11 — Emritim pelengon langane ke Testamen Oglou Ina ke Buk Song 117.1.
12E gute Aisaia sogo langane.
“Gute ka dong sep ke gute Jesi ila osua ma polou e vri mgo ke osep ka isak osep Yuda ina kovok. E ma tipara ke alo ka iye polou ma iye due elio itau ke isak.”#15.12 — Emritim pelengon langane ke Testamen Oglou Ina ke Aisaia 11.1 e Aisaia 11.10.
13Ida Tapolngon wai dagar ma iye kar wan ka pula keniye ka itau ke ite deka itapara ine. Aitno lumu dagar ke iye ma iye due aitno lumu itau lokono e due aitno lumu dong epen e ma aitno lumu neser omba lokono. E ke Ida Tapolngon Ano Itau ila arit elio ka umapara ke Ida Tapolngon ma iye kar wan itau ke umu ma polou omba ke umu.
Pol ila bokongon lua osep pula e aitno itau ine
14Sipmi. Ngaile omur lumu elio isuk isuk itau. E umeile omur ke Ida Tapolngon ila pelengon e umakaranga umaparere umu pulu ine. 15E pelengon leklou ka ngasogoe ke umu langka pelengon dagar. E aitno lungong kro ine kovok. Aurou. Ngawaiki ngasruk aitno lumu kesua batne ke ila makaingan ka dong ke ngong. 16Ma ngadong langka Krais Yesus ila gute bokongon ina gesa e ngaboko ke osep ka isak osep Yuda ina kovok. Ke bokongon tonari ka ngadue nganapapra Ida Tapolngon ila omon itau ke isak. Ngadong langka gute loulou ina gesa e ma ngapaur omon itau ke osep ka isak osep Yuda ina kovok. Ma tipolou langka Ida Tapolngon ila osep ka itau ka aitno itau ke isak. Deka Ida Tapolngon Ano Itau due isak tipolou langka Ida Tapolngon ila osep ka itau lokono.
17E langane. Nganeklep ke Krais Yesus deka aitno lungong itau lokono kesua ngaboko ke Ida Tapolngon ila bokongon. 18E ma ngawai ke wan silang blang kovok. Aurou. Ma ngawai ke wan kene vala. Ngawai ke bokongon ka Krais lua ngong ine. Kesua lou bokongon e lou pelengon due osep ka isak osep Yuda ina kovok ma tini Ida Tapolngon ila pelengon. 19E Ida Tapolngon Ano Itau lua ngong blang deka ngadue elio arit ina ka nisngen ke osep. E langane. Oglou nganogrum ke armok Jerusalem e nganapapra Krais ila omon itau ke osep. E ngalila ngala ke omur omur la lama ngaiding ke omur Ilirikum. 20Ke bokongon tonari aitno lungong neser omba lokono ine ma nganapapra Krais ila omon itau ke armok armok ke osep ka dau tiklingen ke Krais kovok. Ngawaiki ngauri ninu napal munu ke kadangdanga ka gute silang sinsin isak kovok. 21Ngawaiki ngadue langka Ida Tapolngon ila pelengon wai langane ine.
“Osep ka oglou tiklingen ila omon kovok ma tivati iye. E osep ka dau tiklingen ila pelengon kovok ma tiklingen ine deka tile omur ine.”#15.21 — Emritim pelengon langane ke Testamen Oglou Ina ke Aisaia 52.15.
22E langane. Lama oglou nga-waiki ngapolou ke umu ngadue langane kovok kesua lou bokongon dangdang ngong ine.
Pol waiki vati osep Rom ina
23E eknikane lou bokongon ke omur ane yagos deka ngawaiki ngapolou ke umu. Kesua ke tobor pula kodong aitno lungong mter langka ngawaiki ngavati umu. 24Deka alo ka ngala ke omur Spen aitno lungong mter langka ngawaiki ngauti ngavati umu paide. Deka ma ngala. Aitno lungong itau lokono ma ngavati umu e ngawaiki ngadong sasi boto kap umu. Deka mase ngawaiki umolua ngong ma ngala ke omur Spen.
25E eknikane ngawaiki nga-la ke Jerusalem ma ngalua Ida Tapolngon ila osep ka tidong ke armok tonari. 26Kesua osep ka Ida Tapolngon ila osep ka tidong ke provins Masedonia e ke provins Akaia tituktuk urok mani ma tilua Ida Tapolngon ila osep ke omur are. E ma tivai mani tonari la ke Jerusalem ma tilua Ida Tapolngon ila osep ka urok wan isuk boto vala ine. 27Tididi aitno lisak vala e tituktuk mani tonari e tikare ke isak. Elio ka langane itau lokono kesua osep Israel ina tilua osep leklou mgo ke Ida Tapolngon ila pelengon. Deka elio ka osep leklou tilua osep Israel ina ke urok wan ane elio itau lokono.
28E ma ngapaur mani la ke Jerusalem. Deka alo ka ngakar isak mani tonari keniye ma ngasongon Jerusalem. E mase alo ka ngala ke omur Spen ngauti ngavati umu paide. 29E alo ka ngauti ke umu ma ngalua umu ke kerengen ka Krais lua ngong ine.
30Sipmi. Ngapmi umu ma umawai itau ke Ida Tapolngon ma iye lua ngong ke lou mosongon. Ngapmi umu ine kesua batne ke Ida Puda Yesus Krais dong. Ngapmi umu ine kesua ite lana ite pulu batne Ano Itau lua ite ine. 31Umepmi Ida Tapolngon ma iye lua ngong itau. Ma iye dangdang osep epmes ina ka tidong ke omur Judia lama tidue elio soulu ke ngong. E umepmi Ida Tapolngon ma iye due osep Jerusalem ina aitno lisak itau ke bokongon ka ngalua isak ine. 32E langka Ida Tapolngon waiki lua ngong langane ma aitno lungong itau lokono ine e ngauti ngavati umu. Deka ma ngamtong sasi boto kap umu e aitno lungong itau ine blang. 33Ngapmi Ida Tapolngon ma iye due aitno lite tidong epen pulu. E iye dong kap umu ka pula keniye. Lokono.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
copyright 2003 New Tribes Mission, Sanford, FL 32771