Malumbo 103
103
1Mtasie Mzuri, ee ngoma yangu: na kyose kioho ndeni hangu, litasie izina lakwe lishenete.
2Mtasie Mzuri, ee ngoma yangu: nete usiviiwae vyedi vyakwe vyose.
3Eye eshighia matekwa mako mose: eye ehodja ndwari jako jose.
4Eye ekombola moo wako ghati ya kunyamarwa: eye ekugera lumerisia lwa lukundo na lusario.
5Eye eighusha itumbu lako na vindu vyedi: mtano wudongo wako wuhunduka sa mbarambako.
6Mzuri eketa mibiro ya ngalo: na mawuchili hena wose weinyalwa.
7Emtisiwija Musa nzia jakwe: na waana wa Israeli mihiro yakwe.
8Mzuri eizua lusario na mvono: mhoo hena kureghija, na wa lusario lwingi.
9Tekadewereye misi yose: nete tekagureye kureghija kwakwe ndarasi.
10Tetuketiaye hena ng’oki jetu: nete tetuingaye hena matekwa metu.
11Amu sandu majumbi mekoiye wanga ya masanga: lubaha huwo lusario lwakwe hena wala wemwondoka.
12Hae sa kifuma‐nzano kufuma kigwa‐nzano: hae huwo emawushija mateshanyo metu kufuma hetu.
13Sandu wawee ewasaria waana wakwe: huwo Mzuri ewasaria wala wemwondoka.
14Amu eutisiwe muri wetu: ekumbuka ti uswi tu purughushe.
15Mundu, misi yakwe ni sa mani: sa kiwaro kya mbuweni, huwo eeha.
16Amu ngungu yavetia wanga yakwe, na kyateka: na handu hakwe tekakitisiwewa.
17Kake lusario lwakwe Mzuri ni lwa kufuma ndarasi wanga ya wala wemwondoka: na ngalo yakwe hena waana wa waana.
18Hena wala weligura aghanyo lakwe: na hena wala wemakumbuka malosho makwe wamakete.
19Mzuri ekiduwija kiikayo kyakwe majumbini: na wufumwa wakwe uitoria wanga ya vyose.
20Mtasieni Mzuri, unywi malaika wakwe: unywi wabaha hena zinya, muketa kiteto kyakwe, mukisikia ighonda la kiteto kyakwe.
21Mtasieni Mzuri, unywi wose malweriri makwe: unywi wahiri wakwe, muketa sandu ekundie.
22Mtasieni Mzuri, unywi wose ndima jakwe, ghati ya handu hose ha kuitoria kwakwe: umtasie Mzuri, ee ngoma yangu.
Currently Selected:
Malumbo 103: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
Malumbo 103
103
1Mtasie Mzuri, ee ngoma yangu: na kyose kioho ndeni hangu, litasie izina lakwe lishenete.
2Mtasie Mzuri, ee ngoma yangu: nete usiviiwae vyedi vyakwe vyose.
3Eye eshighia matekwa mako mose: eye ehodja ndwari jako jose.
4Eye ekombola moo wako ghati ya kunyamarwa: eye ekugera lumerisia lwa lukundo na lusario.
5Eye eighusha itumbu lako na vindu vyedi: mtano wudongo wako wuhunduka sa mbarambako.
6Mzuri eketa mibiro ya ngalo: na mawuchili hena wose weinyalwa.
7Emtisiwija Musa nzia jakwe: na waana wa Israeli mihiro yakwe.
8Mzuri eizua lusario na mvono: mhoo hena kureghija, na wa lusario lwingi.
9Tekadewereye misi yose: nete tekagureye kureghija kwakwe ndarasi.
10Tetuketiaye hena ng’oki jetu: nete tetuingaye hena matekwa metu.
11Amu sandu majumbi mekoiye wanga ya masanga: lubaha huwo lusario lwakwe hena wala wemwondoka.
12Hae sa kifuma‐nzano kufuma kigwa‐nzano: hae huwo emawushija mateshanyo metu kufuma hetu.
13Sandu wawee ewasaria waana wakwe: huwo Mzuri ewasaria wala wemwondoka.
14Amu eutisiwe muri wetu: ekumbuka ti uswi tu purughushe.
15Mundu, misi yakwe ni sa mani: sa kiwaro kya mbuweni, huwo eeha.
16Amu ngungu yavetia wanga yakwe, na kyateka: na handu hakwe tekakitisiwewa.
17Kake lusario lwakwe Mzuri ni lwa kufuma ndarasi wanga ya wala wemwondoka: na ngalo yakwe hena waana wa waana.
18Hena wala weligura aghanyo lakwe: na hena wala wemakumbuka malosho makwe wamakete.
19Mzuri ekiduwija kiikayo kyakwe majumbini: na wufumwa wakwe uitoria wanga ya vyose.
20Mtasieni Mzuri, unywi malaika wakwe: unywi wabaha hena zinya, muketa kiteto kyakwe, mukisikia ighonda la kiteto kyakwe.
21Mtasieni Mzuri, unywi wose malweriri makwe: unywi wahiri wakwe, muketa sandu ekundie.
22Mtasieni Mzuri, unywi wose ndima jakwe, ghati ya handu hose ha kuitoria kwakwe: umtasie Mzuri, ee ngoma yangu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.