Mattayo 2
2
1Ekinawonwe Yesu ghati ya Betlehemu ya Uyahudi, magheri ma Herode mfumwa, Mamajusi wa ngaghenya wakafika Yerusalemi,
2Wekiteta, Eohohi ye ewoneke mfumwa wa Wayahudi? amu twaiwona ndondo yakwe ngaghenya, na twaza kumwomba.
3Ekinasikie ivi Herode mfumwa akaitalwa, na Yerusalemi pia naye.
4Akawunganya wakohani wabaha wose na watama wa wandu, akawawujanya Masihi awonekahi.
5Wakamburra, Ghati ya Betlehemu ya Uyahudi, amu huwo itamiwe ni mroti,
6Nawe Betlehemu, isanga la Uyahudi, si mdongo ghati ya wafumwa wa Yuda, amu ghati yako enefuma mchili enewaitoria wandu wangu Israeli.
7Na Herode, ekinawaitange mamajusi hena mbiso, akawawujanya muno magheri ani ndondo iwoneke.
8Akawaingija Betlehemu, akawawurra, Tongeni, muviende muno vindu vya mwana; mtano mkimbona, munietie mburi, nami nize nimwombe.
9Wekinamsikie mfumwa wakatonga; nayo ndondo weiwonie ghati ya ngaghenya, ikawarongoria, mtano ikaza ikaimuka wanga ya handu eoho mwana.
10Wekinaiwone ndondo wakaizihirwa luizihirwo lubaha.
11Wakaingia nyumbeni, wakambona mwana na Maryamu mee, wakagwa wakamwomba, na wekinaidiwe kuchungua vindu vyawo, wakamng’olia suli, thahabu, na uvumba, na manemane.
12Na wekinawondjwe hena ndoto wasimhundukie Herode, wakatonga hawo hena nzia ingi.
13Wekinaidiwe kutonga malaika wa Mzuri akamfumia Yusuf ndotoni, akamburra, Wuka, umuhe mwana na mee, umatuke na Misri, uikae uko mtano ninekuwurra; amu Herode enemwenda mwana nesa amteshe.
14Ekinawuke akamuha mwana na mee kio, akatonga na Misri.
15Akaoka uko mtano ekinafwe Herode, nesa kifike kitetiwe ni Mzuri hena mroti, ekiteta, Kufuma Misri nimwitange mwana wangu.
16Naye Herode ekinawone ti akengwa ni mamajusi akaregija muno, akaingija wandu akawakoma waana wose weoho Betlehemu na mihaka yakwe yose, too miaka miri na weduhuke, hena magheri ewurrirwe ni mamajusi.
17Niho kikafika kila kitetiwe ni Yeremiya mroti, ekiteta,
18Ighonda lasikiwa ghati ya Rama, ngunga, na kiiyo na wukiwa wingi, Rahel ekiwaiya waana wakwe, asikunde kudindijwa, amu tehenaho.
19Ekinafwe Herode, malaika wa Mzuri akamfumia Yusuf ndotoni ghati ya Misri,
20Ekiteta, Wuka, uha mwana na mee, utonge isanga la Israeli; amu wala wafwa wewendie moo wa mwana.
21Akawuka akamuha mwana na mee, akaza isanga la Israeli.
22Kake ekinasikie ti Arkelao eitoria ghati ya Uyahudi handu ha Herode wawee, akaondoka kutonga na uko: na ekiwondjwa ndotoni, akatonga na isanga la Galilaya.
23Akaza akaikaa ghati ya kiongo chaitangwa Nazareti; nesa kifike kila kitetiwe niwo waroti, Eneitangwa Mnazarayo.
Currently Selected:
Mattayo 2: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
Mattayo 2
2
1Ekinawonwe Yesu ghati ya Betlehemu ya Uyahudi, magheri ma Herode mfumwa, Mamajusi wa ngaghenya wakafika Yerusalemi,
2Wekiteta, Eohohi ye ewoneke mfumwa wa Wayahudi? amu twaiwona ndondo yakwe ngaghenya, na twaza kumwomba.
3Ekinasikie ivi Herode mfumwa akaitalwa, na Yerusalemi pia naye.
4Akawunganya wakohani wabaha wose na watama wa wandu, akawawujanya Masihi awonekahi.
5Wakamburra, Ghati ya Betlehemu ya Uyahudi, amu huwo itamiwe ni mroti,
6Nawe Betlehemu, isanga la Uyahudi, si mdongo ghati ya wafumwa wa Yuda, amu ghati yako enefuma mchili enewaitoria wandu wangu Israeli.
7Na Herode, ekinawaitange mamajusi hena mbiso, akawawujanya muno magheri ani ndondo iwoneke.
8Akawaingija Betlehemu, akawawurra, Tongeni, muviende muno vindu vya mwana; mtano mkimbona, munietie mburi, nami nize nimwombe.
9Wekinamsikie mfumwa wakatonga; nayo ndondo weiwonie ghati ya ngaghenya, ikawarongoria, mtano ikaza ikaimuka wanga ya handu eoho mwana.
10Wekinaiwone ndondo wakaizihirwa luizihirwo lubaha.
11Wakaingia nyumbeni, wakambona mwana na Maryamu mee, wakagwa wakamwomba, na wekinaidiwe kuchungua vindu vyawo, wakamng’olia suli, thahabu, na uvumba, na manemane.
12Na wekinawondjwe hena ndoto wasimhundukie Herode, wakatonga hawo hena nzia ingi.
13Wekinaidiwe kutonga malaika wa Mzuri akamfumia Yusuf ndotoni, akamburra, Wuka, umuhe mwana na mee, umatuke na Misri, uikae uko mtano ninekuwurra; amu Herode enemwenda mwana nesa amteshe.
14Ekinawuke akamuha mwana na mee kio, akatonga na Misri.
15Akaoka uko mtano ekinafwe Herode, nesa kifike kitetiwe ni Mzuri hena mroti, ekiteta, Kufuma Misri nimwitange mwana wangu.
16Naye Herode ekinawone ti akengwa ni mamajusi akaregija muno, akaingija wandu akawakoma waana wose weoho Betlehemu na mihaka yakwe yose, too miaka miri na weduhuke, hena magheri ewurrirwe ni mamajusi.
17Niho kikafika kila kitetiwe ni Yeremiya mroti, ekiteta,
18Ighonda lasikiwa ghati ya Rama, ngunga, na kiiyo na wukiwa wingi, Rahel ekiwaiya waana wakwe, asikunde kudindijwa, amu tehenaho.
19Ekinafwe Herode, malaika wa Mzuri akamfumia Yusuf ndotoni ghati ya Misri,
20Ekiteta, Wuka, uha mwana na mee, utonge isanga la Israeli; amu wala wafwa wewendie moo wa mwana.
21Akawuka akamuha mwana na mee, akaza isanga la Israeli.
22Kake ekinasikie ti Arkelao eitoria ghati ya Uyahudi handu ha Herode wawee, akaondoka kutonga na uko: na ekiwondjwa ndotoni, akatonga na isanga la Galilaya.
23Akaza akaikaa ghati ya kiongo chaitangwa Nazareti; nesa kifike kila kitetiwe niwo waroti, Eneitangwa Mnazarayo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.