Hena Waefeso 1
1
1Paulo, mwondo wa Kristo Yesu hena lu kundo lwa Izuwa, hena weshenete weoho Efeso, na waitikiji ghati ya Kristo Yesu: 2Mvono henyu na luworo kufuma Izuwa Apa wetu na Mzuri Yesu Kristo.
3Atasiwe Izuwa na Wawee Mzuri wetu Yesu Kristo, etutasie na lutasio lose lwa Ngoma ghati ya handu ha wanga ghati ya Kristo: 4sandu etusaghurie ghati yakwe kuwoka kwa luwoko lwa masanga, nesa tuoke weshenete na wesina kirema msongorana wakwe ghati ya lukundo: 5ekituwika kuwoka hena kuoshwa waana hakwe hena Yesu Kristo, hena luisejo lwa lukundo lwakwe, 6hena luisiso lwa kirumi kya mvono wakwe, etuingijie huwo ghati ya Mkundwa: 7na ghati yakwe tuna lukombolo lwetu hena sakame yakwe, lushighio lwa matekwa metu, hena wumazi wa mvono wakwe, 8eunetija hetu ghati ya kucha kwose na ng’eno, 9ekitutisiwija mbiso ya lukundo lwakwe, hena luisejo lwakwe 10eluluie hakwe hena kuarehia kufika kwa magheri, awunganye vindu vyose ghati ya Kristo, vindu vioho wanga na vindu vioho masengeni: 11ghati ya ula, naghamba, na ghati yakwe uswi pia tuoshwe uhoja, tukiwikwa kuwoka hena kulula kwakwe ula evihira vyose hena mburi ya lukundo lwakwe: 12nesa tuoke hena luisiso lwa kirumi kyakwe, uswi tuokie kuwoka tukimwing’idaki Kristo: 13na ghati yakwe unywi pia, mukiidiwa kusikia kiteto kya kididi, anjili ya lukio lwenyu, — na ghati yakwe, mukiidiwa kuitikija, muwikwe muhuri ya Ngoma Mshenete ya lutemiano, 14niyo marongojo ma uhoja wetu, hena lukombolo lwa kindu kyakwe mwenye, hena luisiso lwa kirumi kyakwe.
15Hena kindu iki mi pia, nikisikia mburi ya luitikijo lwa Mzuri Yesu luoho ghati yenyu, na lukundo mulutete hena weshenete wose, 16sishighami kuanjela hena lwenyu, nikimuranga ghati ya maluombo lwangu; 17Izuwa wa Mzuri wetu Yesu Kristo, Apa wa kirumi, amuinge ngoma ya kucha na ujughuo ghati ya kumtisiwa; 18Mukioka na meso ma ngoro yenyu meangajwa, nesa mutisiwe nikini luing’idaki lwa kuitanga kwakwe, nikini wumazi wa kirumi kya uhoja wakwe ghati ya weshenete, 19na nikini ubaha ukelie wa zinya yakwe hetu uswi tuitikija, hena kuhira kula kwa zinya ya luidimo lwakwe, 20eluketie ghati ya Kristo, ekinamrushe kufuma wefwie, akamwikaja hena mkono wakwe wa kuume ghati ya handu ha wanga, 21wanga muno kukela kuitoria kwose, na luidimo, na zinya, na ufumwa, na izina lose larangwa, si ghati ya masanga ama tiki, nde ghati ya mala meneza: 22akavigera vyose si ya maghu makwe, akamwinga kuoka mtwi wanga ya vyose hena kanisa, 23nilo muri wakwe, kuizua kwakwe ula eviizuja vyose ghati ya vyose.
Currently Selected:
Hena Waefeso 1: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
Hena Waefeso 1
1
1Paulo, mwondo wa Kristo Yesu hena lu kundo lwa Izuwa, hena weshenete weoho Efeso, na waitikiji ghati ya Kristo Yesu: 2Mvono henyu na luworo kufuma Izuwa Apa wetu na Mzuri Yesu Kristo.
3Atasiwe Izuwa na Wawee Mzuri wetu Yesu Kristo, etutasie na lutasio lose lwa Ngoma ghati ya handu ha wanga ghati ya Kristo: 4sandu etusaghurie ghati yakwe kuwoka kwa luwoko lwa masanga, nesa tuoke weshenete na wesina kirema msongorana wakwe ghati ya lukundo: 5ekituwika kuwoka hena kuoshwa waana hakwe hena Yesu Kristo, hena luisejo lwa lukundo lwakwe, 6hena luisiso lwa kirumi kya mvono wakwe, etuingijie huwo ghati ya Mkundwa: 7na ghati yakwe tuna lukombolo lwetu hena sakame yakwe, lushighio lwa matekwa metu, hena wumazi wa mvono wakwe, 8eunetija hetu ghati ya kucha kwose na ng’eno, 9ekitutisiwija mbiso ya lukundo lwakwe, hena luisejo lwakwe 10eluluie hakwe hena kuarehia kufika kwa magheri, awunganye vindu vyose ghati ya Kristo, vindu vioho wanga na vindu vioho masengeni: 11ghati ya ula, naghamba, na ghati yakwe uswi pia tuoshwe uhoja, tukiwikwa kuwoka hena kulula kwakwe ula evihira vyose hena mburi ya lukundo lwakwe: 12nesa tuoke hena luisiso lwa kirumi kyakwe, uswi tuokie kuwoka tukimwing’idaki Kristo: 13na ghati yakwe unywi pia, mukiidiwa kusikia kiteto kya kididi, anjili ya lukio lwenyu, — na ghati yakwe, mukiidiwa kuitikija, muwikwe muhuri ya Ngoma Mshenete ya lutemiano, 14niyo marongojo ma uhoja wetu, hena lukombolo lwa kindu kyakwe mwenye, hena luisiso lwa kirumi kyakwe.
15Hena kindu iki mi pia, nikisikia mburi ya luitikijo lwa Mzuri Yesu luoho ghati yenyu, na lukundo mulutete hena weshenete wose, 16sishighami kuanjela hena lwenyu, nikimuranga ghati ya maluombo lwangu; 17Izuwa wa Mzuri wetu Yesu Kristo, Apa wa kirumi, amuinge ngoma ya kucha na ujughuo ghati ya kumtisiwa; 18Mukioka na meso ma ngoro yenyu meangajwa, nesa mutisiwe nikini luing’idaki lwa kuitanga kwakwe, nikini wumazi wa kirumi kya uhoja wakwe ghati ya weshenete, 19na nikini ubaha ukelie wa zinya yakwe hetu uswi tuitikija, hena kuhira kula kwa zinya ya luidimo lwakwe, 20eluketie ghati ya Kristo, ekinamrushe kufuma wefwie, akamwikaja hena mkono wakwe wa kuume ghati ya handu ha wanga, 21wanga muno kukela kuitoria kwose, na luidimo, na zinya, na ufumwa, na izina lose larangwa, si ghati ya masanga ama tiki, nde ghati ya mala meneza: 22akavigera vyose si ya maghu makwe, akamwinga kuoka mtwi wanga ya vyose hena kanisa, 23nilo muri wakwe, kuizua kwakwe ula eviizuja vyose ghati ya vyose.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.