Mihiro ya Waondo 9
9
1Naye Saul, eking’ola kuitusha na kukoma kwa waanalosha wa Mzuri, akamtongia mkohani mbaha, 2akakunda hakwe barua hena Dameski, hena masunagogi, ekiwona mundu wa nzia ii, kwakicha ni wa kiume kana wa kiche, amwete Yerusalemi echungwa. 3Na ghati ya kyaro kyakwe akasongeria Dameski: chwii kyangaji kikambaiya kufuma wanga: 4Akasikia ighonda likimburra, Saul, Saul, nini wanikinya? Akaghamba, Niani we, Mzuri? 5Mzuri akaghamba, Nimi Yesu, umkinyie. 6Wuka, uingie na kiongo; na unewurrwa uneketaze. 7Wandu wezoka naye wakaimuka wekihuja, wekisikia ighonda, wasimbone mundu. 8Saul akawuka akaimuka; meso makwe mekiawija tewonaye mundu: wakamgura mkono wakamwete ghati ya Dameski. 9Akaoka nisi mitatu tewonaye, nete telaye, nete tenywaye.
10Heokie na mwanalosha ha Dameski, izina lakwe Ananiya. Akamburra Mzuri ghati ya ndoto, Ananiya! Akaghamba, Yoa, nimi, Mzuri. 11Mzuri akamburra, Wuka, utonge na nzia yaitangwa Irongeke, uende nyumbeni hakwe Yuda mundu eitangwe Saul wa Tarso: 12amu yoa, eomba, na ewona ghati ya ndoto mundu eitangwa Ananiya ekiingia ekimgera mkono, nesa aingwe kuwona. 13Niho Ananiya akatalwa, Mzuri, nasikia hena weingi mburi ya mundu uo, viwiwi ani ewaketie washenete wako ghati ya Yerusalemi: 14na kunuwa ena zinya hena wakohani wabaha kuchunga wose weomba hena izina lako. 15Mzuri akamburra, Tonga, amu niye kiya kyasawurwa hangu, alitike izina langu hena mbare, na wafumwa, na waana wa Israeli. 16Amu ninembonya vindu ani vibaha vinemgura hena lwa izina langu. 17Ananiya akatonga, akaingia nyumbeni; akamgera mikono yakwe, akateta, Mundwetu Saul, Mzuri Yesu, ekufumirie nzieni ukiza, anituma, nesa uingwe kuwona, na uizue na Ngoma Mshenete. 18Chwii makagwa mesoni sa makangara; chwii akaingwa kuwona, akawuka, akabatizwa. 19Ekinaingwe kidjo akawona zinya.
Saul akaikaa misi na waanalosha weoho Dameski. 20Chwii akamtinda Masihi ghati ya masunagogi, ti niye Mwana wa Izuwa. 21Wose wesikie wakarighiwa wekiteta, Siye uu enyamara wala weomba hena izina ili ghati ya Yerusalemi, akaza uko na tiri, nesa awaete wechungwa hena wakohani wabaha? 22Saul akanetijiwa zinya, akawahujija Wayahudi weikee Dameski, ekiwonya ti niye Masihi kididi.
23Na misi iiingi ikiidiwika Wayahudi wakala ngiliwata wamkome. 24Kake ngiliwata yawo ikatisiwika na Saul. Wakayoia mbengeni hemusi na kio wamkome. 25Waanalosha wakamuha kio wakamseja lusarighoni ghati ya mbinda.
26Saul ekinafike Yerusalemi, akakunda kukulunga na waanalosha: wose wakamwituka, wasiitikije ti niye mwanalosha. 27Barnabas akamwuha akamwete hena waondo, akawatindia ti embonie Mzuri nzieni, naye akateta naye, na ti etindie some ghati ya Dameski hena izina lakwe Yesu. 28Akaoka nawo ekiingia na ekifuma ghati ya Yerusalemi. 29Akateta na raa hena izina lakwe Mzuri Yesu, akalelana na Wahelenisti: nawo wakakunda kumkoma. 30Wandwawo wekitisiwa wakamwete mtano Kaisaria, wakamwingija Tarso.
31Makanisa wakasowoka ghati ya Uyahudi wose na Galilaya na Usamaria, wakaarehiwa wakatonga ghati ya kumwondoka Izuwa na ludindijo lwa Ngoma Mshenete.
32Ikaoka Petro ekivetia handu hose, akawaseiya washenete weokie Ludda. 33Uko akawona mundo eitangwa Ainea, eyejwe wuini miaka minane, ekiwadjua kuwia. 34Petro akamburra, Ainea, Yesu Masihi akuhodja: wukika ureareha wui. Chwii akawukika. 35Wose weikee ghati ya Ludda na Saron wakambona, wakamgharukia Mzuri.
36Heokie ghati ya Yoppa mwanalosha, izina lakwe Tabitha, nikyo Suni: mche uu akaizua na ndima jedi na masario emaarehie. 37Ikaoka misi ila, ti ewadjua akafwa: na wekinamwoje wakamyeja ghuuni. 38Ludda ikaoka afuhi na Yoppa, nawo waanalosha wekisikia ti Petro eoho, wakamwingijia wandu weri, wekiomba asisheshe kuza hawo. 39Petro akawukika akaraterana nawo. Ekinaze wakamwete ghuuni: ngawiani wose wakaimuka naye wekiiya, wakawonya makanzu na nguo emaarehie Suni, ekinaoke nawo. 40Petro akawang’ola wose, akadung’uta, akaomba, akaugharukia mning’a akaghamba, Tabitha, wukika! Akajughua meso, akambona Petro, akaikaa si. 41Akamwinga mkono akambushija; na ekinawaitange washenete na ngawiani, akambonya mwenye moo. 42Ikatisiwika ghati ya Yoppa yose; weingi wakamwitikija Mzuri. 43Ikaoka eikee misi miingi ghati ya Yoppa, nyumbeni ha Siman mwareha ngingo.
Currently Selected:
Mihiro ya Waondo 9: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
Mihiro ya Waondo 9
9
1Naye Saul, eking’ola kuitusha na kukoma kwa waanalosha wa Mzuri, akamtongia mkohani mbaha, 2akakunda hakwe barua hena Dameski, hena masunagogi, ekiwona mundu wa nzia ii, kwakicha ni wa kiume kana wa kiche, amwete Yerusalemi echungwa. 3Na ghati ya kyaro kyakwe akasongeria Dameski: chwii kyangaji kikambaiya kufuma wanga: 4Akasikia ighonda likimburra, Saul, Saul, nini wanikinya? Akaghamba, Niani we, Mzuri? 5Mzuri akaghamba, Nimi Yesu, umkinyie. 6Wuka, uingie na kiongo; na unewurrwa uneketaze. 7Wandu wezoka naye wakaimuka wekihuja, wekisikia ighonda, wasimbone mundu. 8Saul akawuka akaimuka; meso makwe mekiawija tewonaye mundu: wakamgura mkono wakamwete ghati ya Dameski. 9Akaoka nisi mitatu tewonaye, nete telaye, nete tenywaye.
10Heokie na mwanalosha ha Dameski, izina lakwe Ananiya. Akamburra Mzuri ghati ya ndoto, Ananiya! Akaghamba, Yoa, nimi, Mzuri. 11Mzuri akamburra, Wuka, utonge na nzia yaitangwa Irongeke, uende nyumbeni hakwe Yuda mundu eitangwe Saul wa Tarso: 12amu yoa, eomba, na ewona ghati ya ndoto mundu eitangwa Ananiya ekiingia ekimgera mkono, nesa aingwe kuwona. 13Niho Ananiya akatalwa, Mzuri, nasikia hena weingi mburi ya mundu uo, viwiwi ani ewaketie washenete wako ghati ya Yerusalemi: 14na kunuwa ena zinya hena wakohani wabaha kuchunga wose weomba hena izina lako. 15Mzuri akamburra, Tonga, amu niye kiya kyasawurwa hangu, alitike izina langu hena mbare, na wafumwa, na waana wa Israeli. 16Amu ninembonya vindu ani vibaha vinemgura hena lwa izina langu. 17Ananiya akatonga, akaingia nyumbeni; akamgera mikono yakwe, akateta, Mundwetu Saul, Mzuri Yesu, ekufumirie nzieni ukiza, anituma, nesa uingwe kuwona, na uizue na Ngoma Mshenete. 18Chwii makagwa mesoni sa makangara; chwii akaingwa kuwona, akawuka, akabatizwa. 19Ekinaingwe kidjo akawona zinya.
Saul akaikaa misi na waanalosha weoho Dameski. 20Chwii akamtinda Masihi ghati ya masunagogi, ti niye Mwana wa Izuwa. 21Wose wesikie wakarighiwa wekiteta, Siye uu enyamara wala weomba hena izina ili ghati ya Yerusalemi, akaza uko na tiri, nesa awaete wechungwa hena wakohani wabaha? 22Saul akanetijiwa zinya, akawahujija Wayahudi weikee Dameski, ekiwonya ti niye Masihi kididi.
23Na misi iiingi ikiidiwika Wayahudi wakala ngiliwata wamkome. 24Kake ngiliwata yawo ikatisiwika na Saul. Wakayoia mbengeni hemusi na kio wamkome. 25Waanalosha wakamuha kio wakamseja lusarighoni ghati ya mbinda.
26Saul ekinafike Yerusalemi, akakunda kukulunga na waanalosha: wose wakamwituka, wasiitikije ti niye mwanalosha. 27Barnabas akamwuha akamwete hena waondo, akawatindia ti embonie Mzuri nzieni, naye akateta naye, na ti etindie some ghati ya Dameski hena izina lakwe Yesu. 28Akaoka nawo ekiingia na ekifuma ghati ya Yerusalemi. 29Akateta na raa hena izina lakwe Mzuri Yesu, akalelana na Wahelenisti: nawo wakakunda kumkoma. 30Wandwawo wekitisiwa wakamwete mtano Kaisaria, wakamwingija Tarso.
31Makanisa wakasowoka ghati ya Uyahudi wose na Galilaya na Usamaria, wakaarehiwa wakatonga ghati ya kumwondoka Izuwa na ludindijo lwa Ngoma Mshenete.
32Ikaoka Petro ekivetia handu hose, akawaseiya washenete weokie Ludda. 33Uko akawona mundo eitangwa Ainea, eyejwe wuini miaka minane, ekiwadjua kuwia. 34Petro akamburra, Ainea, Yesu Masihi akuhodja: wukika ureareha wui. Chwii akawukika. 35Wose weikee ghati ya Ludda na Saron wakambona, wakamgharukia Mzuri.
36Heokie ghati ya Yoppa mwanalosha, izina lakwe Tabitha, nikyo Suni: mche uu akaizua na ndima jedi na masario emaarehie. 37Ikaoka misi ila, ti ewadjua akafwa: na wekinamwoje wakamyeja ghuuni. 38Ludda ikaoka afuhi na Yoppa, nawo waanalosha wekisikia ti Petro eoho, wakamwingijia wandu weri, wekiomba asisheshe kuza hawo. 39Petro akawukika akaraterana nawo. Ekinaze wakamwete ghuuni: ngawiani wose wakaimuka naye wekiiya, wakawonya makanzu na nguo emaarehie Suni, ekinaoke nawo. 40Petro akawang’ola wose, akadung’uta, akaomba, akaugharukia mning’a akaghamba, Tabitha, wukika! Akajughua meso, akambona Petro, akaikaa si. 41Akamwinga mkono akambushija; na ekinawaitange washenete na ngawiani, akambonya mwenye moo. 42Ikatisiwika ghati ya Yoppa yose; weingi wakamwitikija Mzuri. 43Ikaoka eikee misi miingi ghati ya Yoppa, nyumbeni ha Siman mwareha ngingo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.