Mihiro ya Waondo 6
6
1Magheri ma misi ii, waanalosha wekineta, heokie kununuwika kwa Wahelenisti wanga ya Waebrania, ti ngawiani wawo tewewonawo sa waghenji ghati ya luindo lwa misi yose. 2Wala ikumi na weri wakawaitanga siri ya waanalosha, wekiteta, Si kyedi uswi tushighe kiteto kya Izuwa tuinde mezeni. 3Huwo sawureni, wandwetu, wandu wa henyu wenye luisiso wafungate, tuwawike wanga ya ndima ii; 4na uswi tuneikaa ghati ya kuomba na luindo lwa kiteto. 5Kiteto iki kikaiseja matorano mose: wakasawura Stefano, mundu eizua luitikijo na Ngoma Mshenete, na Filipo, na Prokoro, na Nikanor, na Timoni, na Parmena, na Nikolao, mwongofu wa Antiokia; 6wakawawika msongorana wa waondo; wakaomba, wakawagera mikono.
7Kiteto kya Izuwa kikatorana; kutara kwa waanalosha ghati ya Yerusalemi kukaneta muno; siri mbaha ya wakohani wakaluratera luitikijo.
8Stefano ekiizua luitikijo na zinya akaareha maitalwo na maluwano mabaha ghati ya wandu. 9Wakawuka wandu wa sunagogi yaitangwa ya Walibertino, na Wakurene na Waiskanderia, na yawo wa Kilikia na Asia, wekiwujanyana na Stefano: 10Nete teweidima kulelana na kucha na ng’eno eitetia. 11Wakaingija wandu wetetie, Twamsikia uu ekiteta viteto vya kugolong’a wanga ya Musa na Izuwa. 12Wakawusha wandu, na waghosi, na watami. Wakamzia wakamgura, wakamwete ghati ya chila, 13wakaimusha wenye mburi ya maongo wetetie, Mundu uu teshighaye kuteta viteto wanga ya heshenete aha na torati. 14Amu twamsikia ekiteta, ti Yesu Mnazereti uu enenyamara handu aha, enekoranya mikayie tuiuhie hena Musa. 15Wekimng’olia meso mawo, wose weikee ghati ya chila, wakambona wusho wakwe sa wusho wa malaika.
Currently Selected:
Mihiro ya Waondo 6: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
Mihiro ya Waondo 6
6
1Magheri ma misi ii, waanalosha wekineta, heokie kununuwika kwa Wahelenisti wanga ya Waebrania, ti ngawiani wawo tewewonawo sa waghenji ghati ya luindo lwa misi yose. 2Wala ikumi na weri wakawaitanga siri ya waanalosha, wekiteta, Si kyedi uswi tushighe kiteto kya Izuwa tuinde mezeni. 3Huwo sawureni, wandwetu, wandu wa henyu wenye luisiso wafungate, tuwawike wanga ya ndima ii; 4na uswi tuneikaa ghati ya kuomba na luindo lwa kiteto. 5Kiteto iki kikaiseja matorano mose: wakasawura Stefano, mundu eizua luitikijo na Ngoma Mshenete, na Filipo, na Prokoro, na Nikanor, na Timoni, na Parmena, na Nikolao, mwongofu wa Antiokia; 6wakawawika msongorana wa waondo; wakaomba, wakawagera mikono.
7Kiteto kya Izuwa kikatorana; kutara kwa waanalosha ghati ya Yerusalemi kukaneta muno; siri mbaha ya wakohani wakaluratera luitikijo.
8Stefano ekiizua luitikijo na zinya akaareha maitalwo na maluwano mabaha ghati ya wandu. 9Wakawuka wandu wa sunagogi yaitangwa ya Walibertino, na Wakurene na Waiskanderia, na yawo wa Kilikia na Asia, wekiwujanyana na Stefano: 10Nete teweidima kulelana na kucha na ng’eno eitetia. 11Wakaingija wandu wetetie, Twamsikia uu ekiteta viteto vya kugolong’a wanga ya Musa na Izuwa. 12Wakawusha wandu, na waghosi, na watami. Wakamzia wakamgura, wakamwete ghati ya chila, 13wakaimusha wenye mburi ya maongo wetetie, Mundu uu teshighaye kuteta viteto wanga ya heshenete aha na torati. 14Amu twamsikia ekiteta, ti Yesu Mnazereti uu enenyamara handu aha, enekoranya mikayie tuiuhie hena Musa. 15Wekimng’olia meso mawo, wose weikee ghati ya chila, wakambona wusho wakwe sa wusho wa malaika.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.