Mihiro ya Waondo 3
3
1Na Petro na Yohana wakaoka wekitonga hamwe hekaluni hena saa ya kuomba, ya kenda. 2Mundu eokie kiwete too ndeni ha mee akatikwa, wembikie misi yose hena mbenge ya hekalu iitangwa Yedi, aombe lusario lwa wala weingie na hekalu; 3naye ekimbona Petro na Yohana wekikunda kuingia na hekalu, akaomba kuuhia lusario. 4Petro ekimng’olia meso hamwe na Yohana, akamburra, Utuyoe uswi. 5Naye akawasikija, ekigheshijia ti eneuhia kindu hawo. 6Kake Petro akateta, Fetha nete thahabu sinami; kake kila ninakyo nakuinga. Hena izina la Yesu Masihi wa Nazareti, Sela. 7Akamgura mkono wa kuume, akambushija: chwii mawato makwe na marungo ma maghu makwe makawona zinya. 8Naye ekitoroka akaimuka, akawoka kusela; akaingia nawo hekaluni, ekisela, na ekitoroka, na ekimwisisa Izuwa. 9Wandu wose wakambona ekisela na ekimwisisa Izuwa: 10wakamtwarija, ti niye eikee hena lusario hena Mbenge Yedi ya hekalu: wakaizua na kurighiwa na kuing’asiwa hena kila kyamzia.
11Naye ekioka ekimgura Petro na Yohana, wandu wose wakawunganyika na usara hawo hena lumungu lwaitangwa lwa Sulemani, wekirighiwa muno. 12Petro ekinakiwone, akatalwa akawawurra wandu, Wome Waisraeli, nini mwarighiwa hena mundu uo? kana nini mwatung’olia meso menyu sandu hena zinya yetu uswi kana uwedi twamwareha uu asele? 13Izuwa wa Ibrahimu, na wa Isaak, na wa Yakobo, Izuwa wa waapa wetu, emrumisha Mwana wakwe Yesu; mumng’olie, mukamkana msongorana wakwe Pilato, ekinang’ole kiteto kumshigha. 14Kake mumkanie Mshenete na mwenye ngalo, 15mukaomba mkomi ang’olwe henyu, mukamkoma Mfumwa wa moo; Izuwa embushie kufuma wefwie; tukiwonie uswi. 16Na hena luitikijo lwa izina lakwe izina lakwe lamwareha mundu uu kudinda, mumbonie na mumtisiwe: na luitikijo luoho ghati yakwe lumwingie wuzima uu msongorana wenyu wose. 17Na ingeriaha, wandwetu, natisiwa ti mukiketie hena kusatisiwa, sandu wabaha wenyu pia. 18Kake vindu eviwondjie Izuwa kuwoka hena itumbu la waroti wose, ti Masihi enewinywa, evifisha huwo. 19Amu iyo chweni‐muti, mugharukewa, nesa ng’oki jenyu jizerrijwe, magheri ma kudindijwa maze kufuma hakwe Mzuri; 20nesa amwingije Masihi esawurwa hena unywi, ye Yesu: 21yambe auhiwe wanga mtano magheri ma kuareha vindu vyose, sandu etetie Izuwa hena itumbu la waroti washenete wakwe weokie too kuwoka kwa masanga. 22Amu Musa etetie, Mroti Mzuri enembushijia ghati ya wandwenyu, sa mi; msikijeni ghati ya vyose evikundie kumburra. 23Na ineoka, mundu ose, esimsikie mroti ula eneteka deng’e ghati ya wandu. 24Na waroti wose too Samweli na wala wemratera nyuma, wose wetetie, nawo pia wakaitetia misi ii. 25Unywi waana wa waroti, na wa lutemiano elutemiane Izuwa na waapa wenyu, ekimburra Ibrahimu, Ghati ya waana wako mbare jose ja masanga jinetasiwa. 26Henyu kuwoka Izuwa, ekimbushija Mwana wakwe, akamwingija amutasie, ekimgharusha mundu ose wenyu ghati ya ng’oki jenyu.
Currently Selected:
Mihiro ya Waondo 3: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
Mihiro ya Waondo 3
3
1Na Petro na Yohana wakaoka wekitonga hamwe hekaluni hena saa ya kuomba, ya kenda. 2Mundu eokie kiwete too ndeni ha mee akatikwa, wembikie misi yose hena mbenge ya hekalu iitangwa Yedi, aombe lusario lwa wala weingie na hekalu; 3naye ekimbona Petro na Yohana wekikunda kuingia na hekalu, akaomba kuuhia lusario. 4Petro ekimng’olia meso hamwe na Yohana, akamburra, Utuyoe uswi. 5Naye akawasikija, ekigheshijia ti eneuhia kindu hawo. 6Kake Petro akateta, Fetha nete thahabu sinami; kake kila ninakyo nakuinga. Hena izina la Yesu Masihi wa Nazareti, Sela. 7Akamgura mkono wa kuume, akambushija: chwii mawato makwe na marungo ma maghu makwe makawona zinya. 8Naye ekitoroka akaimuka, akawoka kusela; akaingia nawo hekaluni, ekisela, na ekitoroka, na ekimwisisa Izuwa. 9Wandu wose wakambona ekisela na ekimwisisa Izuwa: 10wakamtwarija, ti niye eikee hena lusario hena Mbenge Yedi ya hekalu: wakaizua na kurighiwa na kuing’asiwa hena kila kyamzia.
11Naye ekioka ekimgura Petro na Yohana, wandu wose wakawunganyika na usara hawo hena lumungu lwaitangwa lwa Sulemani, wekirighiwa muno. 12Petro ekinakiwone, akatalwa akawawurra wandu, Wome Waisraeli, nini mwarighiwa hena mundu uo? kana nini mwatung’olia meso menyu sandu hena zinya yetu uswi kana uwedi twamwareha uu asele? 13Izuwa wa Ibrahimu, na wa Isaak, na wa Yakobo, Izuwa wa waapa wetu, emrumisha Mwana wakwe Yesu; mumng’olie, mukamkana msongorana wakwe Pilato, ekinang’ole kiteto kumshigha. 14Kake mumkanie Mshenete na mwenye ngalo, 15mukaomba mkomi ang’olwe henyu, mukamkoma Mfumwa wa moo; Izuwa embushie kufuma wefwie; tukiwonie uswi. 16Na hena luitikijo lwa izina lakwe izina lakwe lamwareha mundu uu kudinda, mumbonie na mumtisiwe: na luitikijo luoho ghati yakwe lumwingie wuzima uu msongorana wenyu wose. 17Na ingeriaha, wandwetu, natisiwa ti mukiketie hena kusatisiwa, sandu wabaha wenyu pia. 18Kake vindu eviwondjie Izuwa kuwoka hena itumbu la waroti wose, ti Masihi enewinywa, evifisha huwo. 19Amu iyo chweni‐muti, mugharukewa, nesa ng’oki jenyu jizerrijwe, magheri ma kudindijwa maze kufuma hakwe Mzuri; 20nesa amwingije Masihi esawurwa hena unywi, ye Yesu: 21yambe auhiwe wanga mtano magheri ma kuareha vindu vyose, sandu etetie Izuwa hena itumbu la waroti washenete wakwe weokie too kuwoka kwa masanga. 22Amu Musa etetie, Mroti Mzuri enembushijia ghati ya wandwenyu, sa mi; msikijeni ghati ya vyose evikundie kumburra. 23Na ineoka, mundu ose, esimsikie mroti ula eneteka deng’e ghati ya wandu. 24Na waroti wose too Samweli na wala wemratera nyuma, wose wetetie, nawo pia wakaitetia misi ii. 25Unywi waana wa waroti, na wa lutemiano elutemiane Izuwa na waapa wenyu, ekimburra Ibrahimu, Ghati ya waana wako mbare jose ja masanga jinetasiwa. 26Henyu kuwoka Izuwa, ekimbushija Mwana wakwe, akamwingija amutasie, ekimgharusha mundu ose wenyu ghati ya ng’oki jenyu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.