Mihiro ya Waondo 22
22
1Wome wandwetu na waapa, sikijeni nikimung’olie lurindo lwangu.
2Wekinasikie ti eteta nawo hena viteto vya Kiebrania, wakaneta kuhuja.
3Akaghamba, Nimi Myahudi, niwoneke ghati ya Tarso ya Kilikia, nikacheijwa ghati ya kiongo iki maghuni ha Gamaliel, nikaloshwa sheria ya waapa wetu deng’e, nikioka na luneng’o hena Izuwa, sa unywi wose yoo: 4nikawakinya wandu wa nzia ii mtano kifwa, nikachunga nikagera kichungoni na wome na wache. 5Naye mkohani mbaha etisiwa mburi yangu, nawo waghosi: nikiingwa nawo barua hena wandwawo, nikatonga Dameski niwaete wala weoho wechungwe mtano Yerusalemi waihijwe. 6Ikaoka nikizoka nikafika afuhi na Dameski sa kilungulungu, chwii kikang’aa kufuma wanga kiangaji kibaha wanga yangu. 7Nikagwa si, nikasikia ighonda likiniwurra, Saul, Saul, nikini wanikinya? 8Nikatalwa, Niani we, Mzuri? Akaniwurra, Nimi Yesu Mnazereti, unikinya. 9Wala weokie nami wakakiwona kiangaji wakaingiwa ni fole, kake tewesikiawo ighonda lateta nami. 10Nikaghamba, Nikete kini, Mzuri? Mzuri akaniwurra, Ukiwuka utonge Dameski, na unewurrwa uko vyose uneaghanyiwe uvikete. 11Na amu siidimami kuwona hena kuwaa kwa kiangaji kila, nititikwa na mkono wawo weokie hamwe nami, nizie Dameski. 12Ananiya akaza hangu, mundu wedi ghati ya sheria, erumishwa na Wayahudi wose weikee uko. 13Akaimuka, akaniwurra, Mundwetu Saul, uhia kuwona kwako. 14Na saa ilaila nikambona. Akaghamba, Izuwa wa waapa wetu akusawura utisiwe lukundo lwakwe, na uwone Mwenye ngalo, na usikie ighonda la kufuma itumbu lakwe. 15Amu unemng’olia mburi hena wandu wose ya vyose uviwonie na uvisikie. 16Na ingeriaha nikini washesha? wuka, ubatizwe, ukuoje ng’oki, umwitange izina. 17Ikaoka, ti nikihunduka Yerusalemi, nikiomba hekaluni, 18nikasokea, nikambona ekiniwurra, Sara, uwuke ghati ya Yerusalemi: amu teweneuhia hako mburi yangu. 19Nikaghamba, Mzuri, wetisiwe wenye ti ghati ya masunagogi mose niwachungie nikabigha wala wekuitikija: 20na sakame ya Mngoli‐mburi wako Stefano ikinaitike, niokie nikiimuka na nikikunda, na nikirinda suke jawo wemkomie. 21Akaniwurra, Wuka: amu ninekutuma hae kufuma uko hena Mbare.
22Wakamsikija mtano kiteto iki; wakawushija maghonda mawo, wakaghamba, Mbushijeni mundu sa uu ghati ya masanga: amu si kyedi akie. 23Nawo wekiiya, na weking’ola suke yawo, na wekiwirita purughushe wanga, 24Mbaha wa lweriri akaaghanya aetwe kichungoni, eking’ola kiteto wamgheshe hena kubighwa, nesa atisiwe hena kini weiya huwo wanga yakwe. 25Wekinaidiwe kumchunga na nzighe, Paulo akamburra amiri eimuke afuhi, Yambe kumbigha mundu Mrumi, asichiliwe? 26Amiri ekisikia, akatonga ha mbaha wa lweriri, ekiteta, Nikini iki ukiketie? amu mundu uu ni Mrumi. 27Mbaha wa lweriri akaza akamburra, Uniwurre, niwe Mrumi? Akaghamba, Ee. 28Mbaha wa lweriri akatalwa, Hena mali nyingi niwonie kuoka inoti huwo. Paulo akaghamba, Niwoneke mi. 29Chwii wala weokie wekundie kumghesha wakamshigha: naye mbaha wa lweriri akaituka ekitisiwa ti Mrumi, amu emchungie.
30Heyawo, ekikunda kutisiwa lukake lwa kididi, lwa kini elinganywe ni Wayahudi, akamchungua, akaaghanya wakohani wabaha na njama yose wawunganyike, akamtika Paulo si, akambika masongorana wawo.
Currently Selected:
Mihiro ya Waondo 22: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
Mihiro ya Waondo 22
22
1Wome wandwetu na waapa, sikijeni nikimung’olie lurindo lwangu.
2Wekinasikie ti eteta nawo hena viteto vya Kiebrania, wakaneta kuhuja.
3Akaghamba, Nimi Myahudi, niwoneke ghati ya Tarso ya Kilikia, nikacheijwa ghati ya kiongo iki maghuni ha Gamaliel, nikaloshwa sheria ya waapa wetu deng’e, nikioka na luneng’o hena Izuwa, sa unywi wose yoo: 4nikawakinya wandu wa nzia ii mtano kifwa, nikachunga nikagera kichungoni na wome na wache. 5Naye mkohani mbaha etisiwa mburi yangu, nawo waghosi: nikiingwa nawo barua hena wandwawo, nikatonga Dameski niwaete wala weoho wechungwe mtano Yerusalemi waihijwe. 6Ikaoka nikizoka nikafika afuhi na Dameski sa kilungulungu, chwii kikang’aa kufuma wanga kiangaji kibaha wanga yangu. 7Nikagwa si, nikasikia ighonda likiniwurra, Saul, Saul, nikini wanikinya? 8Nikatalwa, Niani we, Mzuri? Akaniwurra, Nimi Yesu Mnazereti, unikinya. 9Wala weokie nami wakakiwona kiangaji wakaingiwa ni fole, kake tewesikiawo ighonda lateta nami. 10Nikaghamba, Nikete kini, Mzuri? Mzuri akaniwurra, Ukiwuka utonge Dameski, na unewurrwa uko vyose uneaghanyiwe uvikete. 11Na amu siidimami kuwona hena kuwaa kwa kiangaji kila, nititikwa na mkono wawo weokie hamwe nami, nizie Dameski. 12Ananiya akaza hangu, mundu wedi ghati ya sheria, erumishwa na Wayahudi wose weikee uko. 13Akaimuka, akaniwurra, Mundwetu Saul, uhia kuwona kwako. 14Na saa ilaila nikambona. Akaghamba, Izuwa wa waapa wetu akusawura utisiwe lukundo lwakwe, na uwone Mwenye ngalo, na usikie ighonda la kufuma itumbu lakwe. 15Amu unemng’olia mburi hena wandu wose ya vyose uviwonie na uvisikie. 16Na ingeriaha nikini washesha? wuka, ubatizwe, ukuoje ng’oki, umwitange izina. 17Ikaoka, ti nikihunduka Yerusalemi, nikiomba hekaluni, 18nikasokea, nikambona ekiniwurra, Sara, uwuke ghati ya Yerusalemi: amu teweneuhia hako mburi yangu. 19Nikaghamba, Mzuri, wetisiwe wenye ti ghati ya masunagogi mose niwachungie nikabigha wala wekuitikija: 20na sakame ya Mngoli‐mburi wako Stefano ikinaitike, niokie nikiimuka na nikikunda, na nikirinda suke jawo wemkomie. 21Akaniwurra, Wuka: amu ninekutuma hae kufuma uko hena Mbare.
22Wakamsikija mtano kiteto iki; wakawushija maghonda mawo, wakaghamba, Mbushijeni mundu sa uu ghati ya masanga: amu si kyedi akie. 23Nawo wekiiya, na weking’ola suke yawo, na wekiwirita purughushe wanga, 24Mbaha wa lweriri akaaghanya aetwe kichungoni, eking’ola kiteto wamgheshe hena kubighwa, nesa atisiwe hena kini weiya huwo wanga yakwe. 25Wekinaidiwe kumchunga na nzighe, Paulo akamburra amiri eimuke afuhi, Yambe kumbigha mundu Mrumi, asichiliwe? 26Amiri ekisikia, akatonga ha mbaha wa lweriri, ekiteta, Nikini iki ukiketie? amu mundu uu ni Mrumi. 27Mbaha wa lweriri akaza akamburra, Uniwurre, niwe Mrumi? Akaghamba, Ee. 28Mbaha wa lweriri akatalwa, Hena mali nyingi niwonie kuoka inoti huwo. Paulo akaghamba, Niwoneke mi. 29Chwii wala weokie wekundie kumghesha wakamshigha: naye mbaha wa lweriri akaituka ekitisiwa ti Mrumi, amu emchungie.
30Heyawo, ekikunda kutisiwa lukake lwa kididi, lwa kini elinganywe ni Wayahudi, akamchungua, akaaghanya wakohani wabaha na njama yose wawunganyike, akamtika Paulo si, akambika masongorana wawo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.