Mihiro ya Waondo 18
18
1Kutera kwa ama akafuma Atene, akaza Korinto. 2Akawona Myahudi izina lakwe Akula, ewoneke Ponto, ezie afuhi kufuma Italia, hamwe na Priskilla mche wakwe, amu Klaudio eaghanya Wayahudi wose wafume ghati ya Rumi; akawazia. 3Na amu ya kuoka na ndima mwe akaikaa nawo akahira: amu weokie na ndima ya kuareha hema. 4Akateta ghati ya sunagogi sabato yose, ekiwawonya Wayahudi na Wayonani.
5Sila na Timoteo wekinaze kufuma Makedonia, Paulo akasingirijwa ngoroni, akawang’olia mburi Wayahudi, ti Yesu niye Masihi. 6Wekinakuwike wanga yakwe, wakarigha, akakukunda suke yakwe, akawawurra, Sakame yenyu wanga ya mitwi yenyu; nazerra; too ingeriaha nawagharukia Mbare. 7Akavetia uko akaza nyumbeni ha mundu izina lakwe Yusto, mwondoki Izuwa, nyumba yakwe mhaka mwe na sunagogi. 8Krispo, mbaha wa sunagogi, akamwitikija Mzuri, na nyumba yakwe yose. Wakorinto wengi wekisikia wakabatizwa wakaitikija. 9Mzuri akamburra Paulo kio hena ndoto, Usiituke, teta tiki, usihuje; 10amu nimi nioho hamwe nawe, nete mundu tenekuzia akuwinye: amu nina wandu weingi ghati ya kiongo iki. 11Akaikaa mwaka na mieji mitandatu, ekilosha hawo kiteto kyakwe Izuwa.
12Gallio ekinaoke prokonsuli wa Akaya, Wayahudi wakamtorokia Paulo, wakamwete hena kiikaao kya wuchili, 13wekiteta, Uu ewaeleja wandu wamwombe Izuwa wanga ya sheria. 14Paulo ekinakunde kujughua itumbu lakwe, Gallio akawawurra Wayahudi, Kwakicha niyo mburi ya owiwi kana kuketa kisiwe, unywi Wayahudi, yaniwe kutikana na unywi; 15mekioka mawujanyo ma viteto na mazina na sheria yenyu, yoeni wenye; sikundiemi kuoka mchili wa vindu ivi. 16Akawakinya ghati ya kiikaao kya wuchili. 17Wose wakamgura Sostene, mbaha wa sunagogi, wakambigha msongorana wa kiikaao kya wuchili. Kake Gallio teyoaye vindu ivi.
18Paulo ekiikaa kutera kwa ama misi miingi, akaaghana na wasiri, akatweka kufuma uko kutonga Shami, na hamwe naye Priskilla na Akula; ekikuenja mtwi ghati ya Kenkrea: amu eokie na luraro. 19Akafika Efeso, akawashigha uko: akaingia mwenye ghati ya sunagogi, akatetana na Wayahudi. 20Wekinamwombe anete kuikaa, tekundieye; 21akaaghana nawo, ekiteta, Ninehundukawa henyu, Izuwa akakunda. Akatweka kufuma Efeso. 22Akafuma ghati ya Efeso, ekinafike Kaisariya, akakwea akawakezia kanisa, akasea mtano Antiokia. 23Ekiikaa uko kadongo akafuma, akavetia ghati ya isanga lose la Galatia na Frugia, ekiwagera ngoro waanalosha.
24Myahudi eitangwa Apollo, hena mbare Mwiskanderia, mundu mwenye kucha, akafika Efeso: eokie echee ghati ya matamo. 25Uu akaoka ekiloshwa nzia ya Mzuri; naye ekiaka ngoroni, akateta akalosha nezo mburi ya Yesu, ekitisiwa lubatizo lwa Yohana tiki. 26Akawoka kuteta na some ghati ya sunagogi, mtano Akula na Priskilla wekinamsikie, wakamwuha, wakamtindia nezo nzia ya Izuwa. 27Ekinakunde kuvetia mtano Akaya, wasiri wakamghenja, wakawatamia waanalosha wamwuhie; naye ekinafike akawaghenja muno wala weitikija hena mvono: 28amu elelana na Wayahudi na zinya, msongorana wa wandu wose, ekiwonya hena matamo ti Yesu niye Masihi.
Currently Selected:
Mihiro ya Waondo 18: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
Mihiro ya Waondo 18
18
1Kutera kwa ama akafuma Atene, akaza Korinto. 2Akawona Myahudi izina lakwe Akula, ewoneke Ponto, ezie afuhi kufuma Italia, hamwe na Priskilla mche wakwe, amu Klaudio eaghanya Wayahudi wose wafume ghati ya Rumi; akawazia. 3Na amu ya kuoka na ndima mwe akaikaa nawo akahira: amu weokie na ndima ya kuareha hema. 4Akateta ghati ya sunagogi sabato yose, ekiwawonya Wayahudi na Wayonani.
5Sila na Timoteo wekinaze kufuma Makedonia, Paulo akasingirijwa ngoroni, akawang’olia mburi Wayahudi, ti Yesu niye Masihi. 6Wekinakuwike wanga yakwe, wakarigha, akakukunda suke yakwe, akawawurra, Sakame yenyu wanga ya mitwi yenyu; nazerra; too ingeriaha nawagharukia Mbare. 7Akavetia uko akaza nyumbeni ha mundu izina lakwe Yusto, mwondoki Izuwa, nyumba yakwe mhaka mwe na sunagogi. 8Krispo, mbaha wa sunagogi, akamwitikija Mzuri, na nyumba yakwe yose. Wakorinto wengi wekisikia wakabatizwa wakaitikija. 9Mzuri akamburra Paulo kio hena ndoto, Usiituke, teta tiki, usihuje; 10amu nimi nioho hamwe nawe, nete mundu tenekuzia akuwinye: amu nina wandu weingi ghati ya kiongo iki. 11Akaikaa mwaka na mieji mitandatu, ekilosha hawo kiteto kyakwe Izuwa.
12Gallio ekinaoke prokonsuli wa Akaya, Wayahudi wakamtorokia Paulo, wakamwete hena kiikaao kya wuchili, 13wekiteta, Uu ewaeleja wandu wamwombe Izuwa wanga ya sheria. 14Paulo ekinakunde kujughua itumbu lakwe, Gallio akawawurra Wayahudi, Kwakicha niyo mburi ya owiwi kana kuketa kisiwe, unywi Wayahudi, yaniwe kutikana na unywi; 15mekioka mawujanyo ma viteto na mazina na sheria yenyu, yoeni wenye; sikundiemi kuoka mchili wa vindu ivi. 16Akawakinya ghati ya kiikaao kya wuchili. 17Wose wakamgura Sostene, mbaha wa sunagogi, wakambigha msongorana wa kiikaao kya wuchili. Kake Gallio teyoaye vindu ivi.
18Paulo ekiikaa kutera kwa ama misi miingi, akaaghana na wasiri, akatweka kufuma uko kutonga Shami, na hamwe naye Priskilla na Akula; ekikuenja mtwi ghati ya Kenkrea: amu eokie na luraro. 19Akafika Efeso, akawashigha uko: akaingia mwenye ghati ya sunagogi, akatetana na Wayahudi. 20Wekinamwombe anete kuikaa, tekundieye; 21akaaghana nawo, ekiteta, Ninehundukawa henyu, Izuwa akakunda. Akatweka kufuma Efeso. 22Akafuma ghati ya Efeso, ekinafike Kaisariya, akakwea akawakezia kanisa, akasea mtano Antiokia. 23Ekiikaa uko kadongo akafuma, akavetia ghati ya isanga lose la Galatia na Frugia, ekiwagera ngoro waanalosha.
24Myahudi eitangwa Apollo, hena mbare Mwiskanderia, mundu mwenye kucha, akafika Efeso: eokie echee ghati ya matamo. 25Uu akaoka ekiloshwa nzia ya Mzuri; naye ekiaka ngoroni, akateta akalosha nezo mburi ya Yesu, ekitisiwa lubatizo lwa Yohana tiki. 26Akawoka kuteta na some ghati ya sunagogi, mtano Akula na Priskilla wekinamsikie, wakamwuha, wakamtindia nezo nzia ya Izuwa. 27Ekinakunde kuvetia mtano Akaya, wasiri wakamghenja, wakawatamia waanalosha wamwuhie; naye ekinafike akawaghenja muno wala weitikija hena mvono: 28amu elelana na Wayahudi na zinya, msongorana wa wandu wose, ekiwonya hena matamo ti Yesu niye Masihi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.