Yakobo 3
3
Ingufu ya lulimi
1Vafuuwa vayangu, voloofu umwenyo mutanage ukuvedza vawulanidzi. Ndiweene mwidzeela ukutigila, pa kigono ikya luhigo, uneefwe twe vawulanidzi tulaanukila uluhigo lukali ukulutila avangi. 2Ndakyene uneefwe twivonda twikuvala mu ngʼaasi idzili poloofu. Ngana pwali umuunu ye asiilima imbiifu mu madzwi ge iilonga, uyo mukwilifu, iidzeela ukugukengela umuvili gwakwe gonda.
3Lolage, twifwalidza ifyuma mu milomo gya fwalasi#3:3 Fwalasi Iyi ye ndiimwa íyihwaniine ni mbunda. Avaanu viihova pa mugongo gwakwe pe viisaka ukuhelela kukuvedzaga. Ifwalasi iyo yiifwalidzwa ikyuma íkibidiime pa mulomo, ukuta yiidikage ukuhelela kwe iikeela ye iilongodza. ukuta dzitwidikage, apo tusiilemwa ukudzilodza umuvili gonda konda kwe twisaka. 4Luli ewo nadzi meli. Nde dzivedze ngomi wuhulo, dziisuungʼwa ni livelo likomi. Napo kangi dziipitulwa na kabawo akadoodo akiigendza imeli, ukuhelela konda kwe iikeela umugendzi-meli. 5Ndeeni ululimi, nde luvedze kapagwa kadoodo mu muvili, kakwilumbila ingʼaani ngomi. Muhoodzage ukutigila, akooto nde kavedze kadebe hiilo, kiinyaanya amakungu makomi. 6Ululimi nalo, luli ngita mooto. Mu fipagwa fyesu fya muvili, ulu luli ngita nyi kye yímemile uwuhosi. Lwilamya umuvili gonda, kangi lwikwananga imiikalile gyonda ngita kunyaanywa nu mooto, nalo lwikungwa mu lulambo lwa mooto ulwihuma kwa Setano.
7Ndiweene ifingʼooko ifili poloofu, nambe ifingʼooko ifya mudaasi ngita amadege, amayoka ni ifili mu nyandza fiidzooveledzwa, kangi fídzooveliidzwe na vaanu. 8Neke kangi sikwali umuunu ye iisunga adzooveledze ululimi lutane ukulonga imbiifu. Lúmemile uwuhosi, lwiyegaana, kangi lúmemile ikyambi ikya ndzoka ikiikoma.
9Wugendela wa lulimi, tukumulumba uDaada uMutwa veesu. Kangi, wugendela wa lulimi luulo, tukuvalekela indeko avaanu ve aagavile uNguluvi mu luhwano lwakwe.#Wutalilo 1:26-27 10Mu mulomo guugo, mwe mwene mwe giihuma amadzwi ga kulumba, na ga kulekela indeko. Vafuuwa vayangu, lutane ukuvedza ewo! 11Ongo, ikidwiwuli kimwinga kiihumya ululenga ulunyongʼonyafu nu lukali pamwinga? 12Vafuuwa vayangu, umudzombe gwisunga guveleke ifiveleko fya seyituni?#3:12 Seyituni Ifi fye fiveleko ifikali pa kuliya, kangi finofu pa kuhuudza amafuta ga kuliya na ga kusopa mu lumuli. Umusabibu#3:12 Umusabibu Ugu gwe mubiki ugwiveleka ifiveleko ifinyongʼonyafu ukunuuna, kangi finofu pa kuhuudza ululenga, apo ululenga ulo pe luhaatile lwitambulwa difwayi. ndeeni, gwisunga guveleke amadzombe? Nambe kidwiwuli kya lulenga lwa muunyo, sikiihumya ululenga ulunyongʼonyafu.
Uluhalawukagudzi ulwihuma kukyanya
13Ye ani umwenyo umunya luhalawukagudzi nu luhala? Suwe awoneesage idzo mu migendele gyakwe iminofu, nu kulima idzo mu lwiyiso ulwihuma mu luhalawukagudzi. 14Neke kangi, ngana muli ni giila ingʼali ni kyoyo mu numbula dzeenyo, apo mutanage ukubeedza ndakyene pa kwilumbila uluhalawukagudzi lwenyo. 15Uluhalawukagudzi ndawuli ulo, lwe si luhalawukagudzi lwa ndakyene, lusiihuma kwa Nguluvi. Ulo lwa nyi, ulwa wudobofu uwuviifu, kangi lwihuma kwa Setano. 16Ponda apali na vaanu avali ni giila ni kyoyo, apo kangi pali lyowo ni mbiifu dzonda.
17Neke kangi avali nu luhalawukagudzi ulwihuma kwa Nguluvi, avo viitala ukuvedza ni numbula ndzelu, viikeela ukuvedza nu lutengamaso na vaanu avangi, valeele, kangi vakuvapulikidza avangi wunofu, vámemile ulupyana, viilima amalimo manofu, vasikuvabaagula avaanu avangi, kangi vangaya wukedusi. 18Avaanu aviileeta ulutengamaso pagati pa vaanu, viivyala imbeyu mu lutengamaso. Apo viinyokola ifiveleko fya wugolofu.
Currently Selected:
Yakobo 3: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
Yakobo 3
3
Ingufu ya lulimi
1Vafuuwa vayangu, voloofu umwenyo mutanage ukuvedza vawulanidzi. Ndiweene mwidzeela ukutigila, pa kigono ikya luhigo, uneefwe twe vawulanidzi tulaanukila uluhigo lukali ukulutila avangi. 2Ndakyene uneefwe twivonda twikuvala mu ngʼaasi idzili poloofu. Ngana pwali umuunu ye asiilima imbiifu mu madzwi ge iilonga, uyo mukwilifu, iidzeela ukugukengela umuvili gwakwe gonda.
3Lolage, twifwalidza ifyuma mu milomo gya fwalasi#3:3 Fwalasi Iyi ye ndiimwa íyihwaniine ni mbunda. Avaanu viihova pa mugongo gwakwe pe viisaka ukuhelela kukuvedzaga. Ifwalasi iyo yiifwalidzwa ikyuma íkibidiime pa mulomo, ukuta yiidikage ukuhelela kwe iikeela ye iilongodza. ukuta dzitwidikage, apo tusiilemwa ukudzilodza umuvili gonda konda kwe twisaka. 4Luli ewo nadzi meli. Nde dzivedze ngomi wuhulo, dziisuungʼwa ni livelo likomi. Napo kangi dziipitulwa na kabawo akadoodo akiigendza imeli, ukuhelela konda kwe iikeela umugendzi-meli. 5Ndeeni ululimi, nde luvedze kapagwa kadoodo mu muvili, kakwilumbila ingʼaani ngomi. Muhoodzage ukutigila, akooto nde kavedze kadebe hiilo, kiinyaanya amakungu makomi. 6Ululimi nalo, luli ngita mooto. Mu fipagwa fyesu fya muvili, ulu luli ngita nyi kye yímemile uwuhosi. Lwilamya umuvili gonda, kangi lwikwananga imiikalile gyonda ngita kunyaanywa nu mooto, nalo lwikungwa mu lulambo lwa mooto ulwihuma kwa Setano.
7Ndiweene ifingʼooko ifili poloofu, nambe ifingʼooko ifya mudaasi ngita amadege, amayoka ni ifili mu nyandza fiidzooveledzwa, kangi fídzooveliidzwe na vaanu. 8Neke kangi sikwali umuunu ye iisunga adzooveledze ululimi lutane ukulonga imbiifu. Lúmemile uwuhosi, lwiyegaana, kangi lúmemile ikyambi ikya ndzoka ikiikoma.
9Wugendela wa lulimi, tukumulumba uDaada uMutwa veesu. Kangi, wugendela wa lulimi luulo, tukuvalekela indeko avaanu ve aagavile uNguluvi mu luhwano lwakwe.#Wutalilo 1:26-27 10Mu mulomo guugo, mwe mwene mwe giihuma amadzwi ga kulumba, na ga kulekela indeko. Vafuuwa vayangu, lutane ukuvedza ewo! 11Ongo, ikidwiwuli kimwinga kiihumya ululenga ulunyongʼonyafu nu lukali pamwinga? 12Vafuuwa vayangu, umudzombe gwisunga guveleke ifiveleko fya seyituni?#3:12 Seyituni Ifi fye fiveleko ifikali pa kuliya, kangi finofu pa kuhuudza amafuta ga kuliya na ga kusopa mu lumuli. Umusabibu#3:12 Umusabibu Ugu gwe mubiki ugwiveleka ifiveleko ifinyongʼonyafu ukunuuna, kangi finofu pa kuhuudza ululenga, apo ululenga ulo pe luhaatile lwitambulwa difwayi. ndeeni, gwisunga guveleke amadzombe? Nambe kidwiwuli kya lulenga lwa muunyo, sikiihumya ululenga ulunyongʼonyafu.
Uluhalawukagudzi ulwihuma kukyanya
13Ye ani umwenyo umunya luhalawukagudzi nu luhala? Suwe awoneesage idzo mu migendele gyakwe iminofu, nu kulima idzo mu lwiyiso ulwihuma mu luhalawukagudzi. 14Neke kangi, ngana muli ni giila ingʼali ni kyoyo mu numbula dzeenyo, apo mutanage ukubeedza ndakyene pa kwilumbila uluhalawukagudzi lwenyo. 15Uluhalawukagudzi ndawuli ulo, lwe si luhalawukagudzi lwa ndakyene, lusiihuma kwa Nguluvi. Ulo lwa nyi, ulwa wudobofu uwuviifu, kangi lwihuma kwa Setano. 16Ponda apali na vaanu avali ni giila ni kyoyo, apo kangi pali lyowo ni mbiifu dzonda.
17Neke kangi avali nu luhalawukagudzi ulwihuma kwa Nguluvi, avo viitala ukuvedza ni numbula ndzelu, viikeela ukuvedza nu lutengamaso na vaanu avangi, valeele, kangi vakuvapulikidza avangi wunofu, vámemile ulupyana, viilima amalimo manofu, vasikuvabaagula avaanu avangi, kangi vangaya wukedusi. 18Avaanu aviileeta ulutengamaso pagati pa vaanu, viivyala imbeyu mu lutengamaso. Apo viinyokola ifiveleko fya wugolofu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.