Vagalatya 1
1
Uluhungilo
1Ihaate iyi yíhumile ukwangu neene Pawulo, nde mutume. Uneene sindaatumiilwe na vaanu, nambe wugendela wa wutawulilwe wa muunu, nda haamu, ndaatumiilwe nu Yesu Kilisiti nu Nguluvi uDaada, ye amudzulubwise uYesu ukuhuma ku wulungu. 2Uneene na vafuuwa vonda avali pamwinga naane, tukuvahungila unyeenye va ngʼombeso dza Nguluvi idza mu mugoola gwa Galatya. 3Ulusungu nu lutengamaso ukuhuma kwa Nguluvi uDadiisu, nu kwa Mutwa Yesu Kilisiti, fivedzage naanye. 4UKilisiti awutawuwe uwuumi waakwe wiimila wa ndzanangifu dzeesu, kulingʼaana ni mikeelelele gya Nguluvi uDadiisu, ukuta atupoke ukuhuma mu musika ugu gwa wuhosi pe naanyi. 5UNguluvi apeelwage indolo mbeepali na mbeepali. Eena.
Sikooyili iMola iNofu iyingi
6Ndiidzuma hiilo ukutigila, umusika mudebe hela gúhelaniidze, múlekile ukumuniniila uNguluvi ye avakemeeliye wugendela wa lusungu lwa Kilisiti, kangi múpitukiye ukuniniila imola iyingi 7iyisili mola inofu nambe padebe. Ndakyene koovali avaanu avakuvatindasa unyeenye, kangi avo viisaka muyihene iMola iNofu ya Kilisiti. 8Nda haamu, nde luvedze yumwinga umwesu, enewuli munyamwandza ukuhuma kukyanya, aadze avadalikile imola inofu iyingi íyilekiine ni Mola iNofu ye twavadalikiye, uyo alekelwage ululeko! 9Ngita kye túvalongiye, neke lino ndikuvalongela unyeenye kangi ukutigila, ngana umuunu akuvadalikila imola inofu iyingi, íyilekiine ni Mola iNofu ye mwanukiye, uyo alekelwage ululeko!
10Neke lino, ongo, mwihoodza ukutigila, uneene ndiidalika wiimila wa kwidikwa na vaanu, enewuli ukuvakeeledza? Nambi, ndiisaka ukumukeeledza uNguluvi mwene! Ngana ndaasakaga ukuvakeeledza avaanu, ngali sindili mutovela-ligendwa va Kilisiti.
Ukukemeelwa kwa Pawulo ukuvedza mutume
11Lwe lwene vafuuwa vayiisu, ndiisaka muludzeelage ukutigila, iMola iNofu ye ndavadalikiye siyiihuma ku vaanu. 12Sindaanukiye ukuhuma ku vaanu, nambe kuwulanidzwa nu muunu ye avedzaga. Nda haamu, ndaanukiye ukuhuma kwa Yesu Kilisiti ye mwene ye aambilatuliye.
13Múpuliike ulwa migendele gyangu igya kataali gya kuniniila imigendzehedze gya Vayahudi wuli,#1:13 Vayahudi wuli Ava vaahumile mu kiwungu kya Vafwalisayo, avaali váviikile imigendzehedze gyawo gya kwinatila imilagililwe gya Mose. Vaabeedzaga ulufuuwo lwa vayaawo mwa Kilisiti. ngita kye ndavapumusaga hiilo avafuuwa va lukombeso#1:13 Lukombeso Lole Ulukombeso ku Figanulo. lwa Nguluvi, ukuta ndilwanange. 14Pa kuniniila imigendzehedze igyo, ndavalongolelaga voloofu va Vayahudi vayangu va lukulaso lwangu, kangi ndaapifukilaga mbandu ukugiinatila imivedzehedze gya vakuuhu.#Malimo ga Vatume 22:3; 23:6; 26:5; Vafilipi 3:5 15Neke kangi uNguluvi, wugendela wa lusungu lwakwe, aanyaaguwe umusika pe ndisinaa ndiholwa, nu kuungʼemeela ukumutovela iligendwa. 16Kangi lwamukeeliidze ukuumbilatulila uMuswamuve,#Malimo ga Vatume 9:3-6 ukuta ndidalikage imola yaakwe ku vaanu avasili Vayahudi. Umusika ugo, sindaadzoviine kiinu nu muunu ye avedzaga, 17nambe kuhelela ku Yelusalemu kuwonana na vala avaandonguwe ukuvedza vatume. Nda haamu, ndiihelelaga nyakamwinga ku nyi ya Alabya, pambele ndiipilukaga ku wudzenge wa Damesiki.
18Pe gyaviye gíhelaniidze imyaka gidatu, ndaaheliye ku Yelusalemu kutaangʼana nu Kefwa,#1:18 Kefwa Ili lye litaawa ilingi lya mutume Petulo mu ndongele ya Kialamayo. Ikiganulo kya mataawa gavili ago lwe lutalaawe, Matayo 16:18. ndikwikalaga ukwakwe figono finyikyumi ni fihaanu (15). 19Neke kangi sindavaweene avatume avangi, yu Yakobo umunungʼuve va Mutwa Yesu swe. 20Dze ndikuvasimbila, uNguluvi iidzeela ukutigila, sindiilonga dza wudesi.
21Pambele ndiihelelaga ku mugoola gwa Silya ni Kilikya.#Malimo ga Vatume 9:30 22Neke kangi umusika ugo, ndaali ndisinaa nditaangʼana na vafuuwa va Kilisiti mu ngʼombeso dza mu mugoola gwa Yudeya. 23Avafuuwa avo vaapulikaga imola dzangu swe ukutigila, umuunu ye atupumusaga pa kutala, lino iidalika idza lufuuwo luulula lwe aagelaga ukulutipula. 24Navo vamupeelaga indolo uNguluvi wiimila wangu.
Currently Selected:
Vagalatya 1: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
Vagalatya 1
1
Uluhungilo
1Ihaate iyi yíhumile ukwangu neene Pawulo, nde mutume. Uneene sindaatumiilwe na vaanu, nambe wugendela wa wutawulilwe wa muunu, nda haamu, ndaatumiilwe nu Yesu Kilisiti nu Nguluvi uDaada, ye amudzulubwise uYesu ukuhuma ku wulungu. 2Uneene na vafuuwa vonda avali pamwinga naane, tukuvahungila unyeenye va ngʼombeso dza Nguluvi idza mu mugoola gwa Galatya. 3Ulusungu nu lutengamaso ukuhuma kwa Nguluvi uDadiisu, nu kwa Mutwa Yesu Kilisiti, fivedzage naanye. 4UKilisiti awutawuwe uwuumi waakwe wiimila wa ndzanangifu dzeesu, kulingʼaana ni mikeelelele gya Nguluvi uDadiisu, ukuta atupoke ukuhuma mu musika ugu gwa wuhosi pe naanyi. 5UNguluvi apeelwage indolo mbeepali na mbeepali. Eena.
Sikooyili iMola iNofu iyingi
6Ndiidzuma hiilo ukutigila, umusika mudebe hela gúhelaniidze, múlekile ukumuniniila uNguluvi ye avakemeeliye wugendela wa lusungu lwa Kilisiti, kangi múpitukiye ukuniniila imola iyingi 7iyisili mola inofu nambe padebe. Ndakyene koovali avaanu avakuvatindasa unyeenye, kangi avo viisaka muyihene iMola iNofu ya Kilisiti. 8Nda haamu, nde luvedze yumwinga umwesu, enewuli munyamwandza ukuhuma kukyanya, aadze avadalikile imola inofu iyingi íyilekiine ni Mola iNofu ye twavadalikiye, uyo alekelwage ululeko! 9Ngita kye túvalongiye, neke lino ndikuvalongela unyeenye kangi ukutigila, ngana umuunu akuvadalikila imola inofu iyingi, íyilekiine ni Mola iNofu ye mwanukiye, uyo alekelwage ululeko!
10Neke lino, ongo, mwihoodza ukutigila, uneene ndiidalika wiimila wa kwidikwa na vaanu, enewuli ukuvakeeledza? Nambi, ndiisaka ukumukeeledza uNguluvi mwene! Ngana ndaasakaga ukuvakeeledza avaanu, ngali sindili mutovela-ligendwa va Kilisiti.
Ukukemeelwa kwa Pawulo ukuvedza mutume
11Lwe lwene vafuuwa vayiisu, ndiisaka muludzeelage ukutigila, iMola iNofu ye ndavadalikiye siyiihuma ku vaanu. 12Sindaanukiye ukuhuma ku vaanu, nambe kuwulanidzwa nu muunu ye avedzaga. Nda haamu, ndaanukiye ukuhuma kwa Yesu Kilisiti ye mwene ye aambilatuliye.
13Múpuliike ulwa migendele gyangu igya kataali gya kuniniila imigendzehedze gya Vayahudi wuli,#1:13 Vayahudi wuli Ava vaahumile mu kiwungu kya Vafwalisayo, avaali váviikile imigendzehedze gyawo gya kwinatila imilagililwe gya Mose. Vaabeedzaga ulufuuwo lwa vayaawo mwa Kilisiti. ngita kye ndavapumusaga hiilo avafuuwa va lukombeso#1:13 Lukombeso Lole Ulukombeso ku Figanulo. lwa Nguluvi, ukuta ndilwanange. 14Pa kuniniila imigendzehedze igyo, ndavalongolelaga voloofu va Vayahudi vayangu va lukulaso lwangu, kangi ndaapifukilaga mbandu ukugiinatila imivedzehedze gya vakuuhu.#Malimo ga Vatume 22:3; 23:6; 26:5; Vafilipi 3:5 15Neke kangi uNguluvi, wugendela wa lusungu lwakwe, aanyaaguwe umusika pe ndisinaa ndiholwa, nu kuungʼemeela ukumutovela iligendwa. 16Kangi lwamukeeliidze ukuumbilatulila uMuswamuve,#Malimo ga Vatume 9:3-6 ukuta ndidalikage imola yaakwe ku vaanu avasili Vayahudi. Umusika ugo, sindaadzoviine kiinu nu muunu ye avedzaga, 17nambe kuhelela ku Yelusalemu kuwonana na vala avaandonguwe ukuvedza vatume. Nda haamu, ndiihelelaga nyakamwinga ku nyi ya Alabya, pambele ndiipilukaga ku wudzenge wa Damesiki.
18Pe gyaviye gíhelaniidze imyaka gidatu, ndaaheliye ku Yelusalemu kutaangʼana nu Kefwa,#1:18 Kefwa Ili lye litaawa ilingi lya mutume Petulo mu ndongele ya Kialamayo. Ikiganulo kya mataawa gavili ago lwe lutalaawe, Matayo 16:18. ndikwikalaga ukwakwe figono finyikyumi ni fihaanu (15). 19Neke kangi sindavaweene avatume avangi, yu Yakobo umunungʼuve va Mutwa Yesu swe. 20Dze ndikuvasimbila, uNguluvi iidzeela ukutigila, sindiilonga dza wudesi.
21Pambele ndiihelelaga ku mugoola gwa Silya ni Kilikya.#Malimo ga Vatume 9:30 22Neke kangi umusika ugo, ndaali ndisinaa nditaangʼana na vafuuwa va Kilisiti mu ngʼombeso dza mu mugoola gwa Yudeya. 23Avafuuwa avo vaapulikaga imola dzangu swe ukutigila, umuunu ye atupumusaga pa kutala, lino iidalika idza lufuuwo luulula lwe aagelaga ukulutipula. 24Navo vamupeelaga indolo uNguluvi wiimila wangu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.