Malimo ga Vatume 12
12
UYakobo iikomwa, uPetulo iidindilwa mu ndinde
1Mu musika ugo, umutwa Helode#12:1 Helode Uyu ye Helode Agilipa va kutala, mwidzukuluve va Helode uMuvina, Luka 1:5. iibiite avaanu va lukombeso ku Yelusalemu uko, ukuta avapumuse. 2Aalagiidze ukutigila, vamukome na mapanga uYakobo,#12:2 UYakobo Uyu aali muswamuve va Sebedayo, kangi yumwinga mu vanyigendwa va Yesu vanyikyumi na vavili (12). umaamiye va Yohana. 3Pe aaweene ukutigila, ulo lúvakeeliidze aVayahudi, iilagidzaga ukutigila, vamwibate nayu Petulo. Ugu gwali musika gwa kyaka kya mikaate igingaya luhaafu.#12:3 Kyaka kya mikaate igingaya luhaafu Lole Ikyaka kya mikaate igingaya luhaafu ku Figanulo. 4Vaaviye vámwibiite uPetulo, uHelode akumudindilaga mu ndinde. Akumugotolaga ku fipuga fitayi, nakila kyali na vakolakyanda vatayi. Avakolakyanda avo, vaanuungʼanaga vatayi vatayi ukumuloleela. Aasakaga amuhige uPetulo pawutalo pa vaanu pe fiivedza fíhelaniidze ifyaka ifyo. 5Mu figono ifyo, fye aadindiilwe uPetulo mu ndinde, ulukombeso lwaginaga mbandu kumulapangilila kwa Nguluvi.
6Ikilo ya kulamukila ikigono ikya Helode ukumuhiga, uPetulo aali ágonile pagati pa vakolokolooni vavili mu ndinde. Avakolokolooni avo, vaali vámupingile ni minyololo givili ukuhuma mu mawoko gaawo, kangi paali na vakolokolooni avangi pa mulyango aviloleela umulyango gwa ndinde.
7Baaho iihumilaga umunyamwandza va Mutwa Nguluvi, nu lumuli lwimulikaga mu kiyumba kya ndinde. Akumuhwadzaga uPetulo pa lubafu nu kumulamusa iitigilaga, “Lamuke kisaatu!” Iminyololo gye vamupingiye uPetulo, giiguwaga paanyi. 8Umunyamwandza uyo, akumulongelaga iitigilaga, “Wiipinye umukova gwako, ufwale ni ndaatu.” UPetulo akululimaga ulo, umunyamwandza akumulongelaga iitigilaga, “Fwale ilikoote lyako, uuniniilage!” 9UPetulo akumuniniilaga, viihumaga kwivala ya ndinde. Neke kangi uPetulo asaadzeeliye ukutigila, idzo dze álimile umunyamwandza dza ndakyene. Aahoodziidze ukutigila, iilola fiwoneko. 10UPetulo nu munyamwandza uyo, viihelanidzaga pa vakolokolooni va kutala nava kavili, viifikaga pa lwidzi lwa kyuma ulwa kuhumila mu ndinde, kuhelela ku wudzenge. Ulwidzi lwidindukaga lwene, viihumaga kwivala. Vaaviye váhelaniidze ulugendo ulwa lugelele lumwinga, baaho na baaho umunyamwandza akumulekaga uPetulo mwene.
11Neke uPetulo lumwadzilage uluhala atigilage, “Lino ndídzeeliye ndakyene ukutigila, uMutwa Nguluvi ámutumile umunyamwandza vaakwe, ukuta aamoke ukuhuma mu wutawulilwe wa Helode, nu kuhuma mu mbiifu dzonda dze vakiihuuvilaga aVayahudi ukutigila, akuundimila.”
12Aaviye ádzeeliye ulo, iihelelaga ku nyumba ya Maliya, ungʼina va Yohana. UYohana uyo, ilitaawa ilingi aatambulwaga Maluko. Mu nyumba iyo, vaalundiine avaanu voloofu avaalapangilaga kwa Nguluvi. 13UPetulo iikongʼoonaga pa lwidzi lwa lipaala lya nyumba iyo. Umuhindza yumwinga umulimila-vangi, ilitaawa lyakwe Loda, iihelelaga pa mulyango kupulikidza ukutigila ye ani. 14Pe aadzeeliye ukutigila, sawuti ya Petulo, iikeelaga si kukeela, iiseemwaga ukumudindulila nalu lwidzi, iipilukaga ukuvalongela iitigilaga, “UPetulo íimile pa mulyango!”
15Avayagwe vakumulongelaga viitigilaga, “Úgulwike lukwale!” Neke kangi umuhindza uyo aginage ukukangadza ukutigila, ápuliike isawuti ya Petulo. Aveene vakumulongelaga viitigilaga, “Uyo ye munyamwandza vaakwe ye akumuloleela.” 16UPetulo iiginaga ukukongʼoona pa lwidzi. Viihelelaga kudindula ulwidzi, viiwonaga ye Petulo, viidzumaga. 17UPetulo akuvavingilaga iliwoko ukutigila vadzike. Akuvalongelaga ndawuli uMutwa Nguluvi kye ámuhumiidze mu ndinde. Kangi iitigilaga, “Ídzilimiike idzi, mumulongelage uYakobo#12:17 UYakobo Uyu ye munungʼuve va Yesu, kangi mulongodzi va lukombeso lwa Yelusalemu. na vafuuwa vayiisu.” UPetulo iihegaga apo, iihelelaga kungi.
18Kwaviye kúkiye, avakolokolooni avamuloleelaga uPetulo mu ndinde, viivedzaga mu lunyengʼemalo hiilo, pakuva vasaludzeeliye úluhumiye kwa Petulo. 19UHelode akuvalagidzaga avakolokolooni ukutigila, vamutemule hiilo uPetulo. Vaaviye válemiilwe ukumuwona, akuvawuudzaga avo avakamuloleeliige, viilemwaga ikya kulonga, neke avalagidzage avakolakyanda avangi vavakome. UHelode iihegaga ku Yudeya, iihelelaga ku Kayisalya kwe iikalaga.
Umutwa Helode iifuwa
20UHelode aaviifiidzwe mbandu na vaanu va wudzenge wa Tilo nu wa Sidoni. Neke avaanu va ndzenge idzo vavedzage wunyalumwinga, vavatumage avalongodzi-mola, ukuta vataangʼane nave. Vakumukoofyaga umuunu yumwinga ye aatambulwaga Bulasito, ye aali mukomi va kaaya ya mutwa, avedze lubali lwawo, viinyilikaga ikigono ikya kumuwona umutwa. Vamugulwime ukumunyilika ulutengamaso, pakuva vaahuuvilaga inyi ya mutwa ukuhemelela ifiliyo.
21Ikigono kye aahaaguwe umutwa Helode vataangʼane, kiifikaga. UHelode iifwalaga imyenda gya wutwa, akwikalaga pa kideego kyakwe kya wutwa, iilongaga na vaanu. 22Neke ililugu lya vaanu avo, lyovage litigilage, “Iyi ye sawuti ya nguluvi, si ya muunu!” 23Baaho umunyamwandza va Mutwa Nguluvi akumutovaga uHelode nu wutamwa wa kuliiwa na mayoka ga mu lileme, pakuva asamupeeliye uNguluvi indolo, suwe iifuwaga.
24Neke kangi ilidzwi lya Nguluvi lyaginaga ukutagalila na vafuuwa voongelelaga hiilo. 25UBalanaba nu Sawuli, pe vaaviye vámalile amalimo ga kusindika ipembe,#Malimo ga Vatume 11:30 viihegaga ku Yelusalemu, vakumunyamulaga uYohana ye aatambulwaga Maluko, viihelelaga ku Andyokya.
Currently Selected:
Malimo ga Vatume 12: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
Malimo ga Vatume 12
12
UYakobo iikomwa, uPetulo iidindilwa mu ndinde
1Mu musika ugo, umutwa Helode#12:1 Helode Uyu ye Helode Agilipa va kutala, mwidzukuluve va Helode uMuvina, Luka 1:5. iibiite avaanu va lukombeso ku Yelusalemu uko, ukuta avapumuse. 2Aalagiidze ukutigila, vamukome na mapanga uYakobo,#12:2 UYakobo Uyu aali muswamuve va Sebedayo, kangi yumwinga mu vanyigendwa va Yesu vanyikyumi na vavili (12). umaamiye va Yohana. 3Pe aaweene ukutigila, ulo lúvakeeliidze aVayahudi, iilagidzaga ukutigila, vamwibate nayu Petulo. Ugu gwali musika gwa kyaka kya mikaate igingaya luhaafu.#12:3 Kyaka kya mikaate igingaya luhaafu Lole Ikyaka kya mikaate igingaya luhaafu ku Figanulo. 4Vaaviye vámwibiite uPetulo, uHelode akumudindilaga mu ndinde. Akumugotolaga ku fipuga fitayi, nakila kyali na vakolakyanda vatayi. Avakolakyanda avo, vaanuungʼanaga vatayi vatayi ukumuloleela. Aasakaga amuhige uPetulo pawutalo pa vaanu pe fiivedza fíhelaniidze ifyaka ifyo. 5Mu figono ifyo, fye aadindiilwe uPetulo mu ndinde, ulukombeso lwaginaga mbandu kumulapangilila kwa Nguluvi.
6Ikilo ya kulamukila ikigono ikya Helode ukumuhiga, uPetulo aali ágonile pagati pa vakolokolooni vavili mu ndinde. Avakolokolooni avo, vaali vámupingile ni minyololo givili ukuhuma mu mawoko gaawo, kangi paali na vakolokolooni avangi pa mulyango aviloleela umulyango gwa ndinde.
7Baaho iihumilaga umunyamwandza va Mutwa Nguluvi, nu lumuli lwimulikaga mu kiyumba kya ndinde. Akumuhwadzaga uPetulo pa lubafu nu kumulamusa iitigilaga, “Lamuke kisaatu!” Iminyololo gye vamupingiye uPetulo, giiguwaga paanyi. 8Umunyamwandza uyo, akumulongelaga iitigilaga, “Wiipinye umukova gwako, ufwale ni ndaatu.” UPetulo akululimaga ulo, umunyamwandza akumulongelaga iitigilaga, “Fwale ilikoote lyako, uuniniilage!” 9UPetulo akumuniniilaga, viihumaga kwivala ya ndinde. Neke kangi uPetulo asaadzeeliye ukutigila, idzo dze álimile umunyamwandza dza ndakyene. Aahoodziidze ukutigila, iilola fiwoneko. 10UPetulo nu munyamwandza uyo, viihelanidzaga pa vakolokolooni va kutala nava kavili, viifikaga pa lwidzi lwa kyuma ulwa kuhumila mu ndinde, kuhelela ku wudzenge. Ulwidzi lwidindukaga lwene, viihumaga kwivala. Vaaviye váhelaniidze ulugendo ulwa lugelele lumwinga, baaho na baaho umunyamwandza akumulekaga uPetulo mwene.
11Neke uPetulo lumwadzilage uluhala atigilage, “Lino ndídzeeliye ndakyene ukutigila, uMutwa Nguluvi ámutumile umunyamwandza vaakwe, ukuta aamoke ukuhuma mu wutawulilwe wa Helode, nu kuhuma mu mbiifu dzonda dze vakiihuuvilaga aVayahudi ukutigila, akuundimila.”
12Aaviye ádzeeliye ulo, iihelelaga ku nyumba ya Maliya, ungʼina va Yohana. UYohana uyo, ilitaawa ilingi aatambulwaga Maluko. Mu nyumba iyo, vaalundiine avaanu voloofu avaalapangilaga kwa Nguluvi. 13UPetulo iikongʼoonaga pa lwidzi lwa lipaala lya nyumba iyo. Umuhindza yumwinga umulimila-vangi, ilitaawa lyakwe Loda, iihelelaga pa mulyango kupulikidza ukutigila ye ani. 14Pe aadzeeliye ukutigila, sawuti ya Petulo, iikeelaga si kukeela, iiseemwaga ukumudindulila nalu lwidzi, iipilukaga ukuvalongela iitigilaga, “UPetulo íimile pa mulyango!”
15Avayagwe vakumulongelaga viitigilaga, “Úgulwike lukwale!” Neke kangi umuhindza uyo aginage ukukangadza ukutigila, ápuliike isawuti ya Petulo. Aveene vakumulongelaga viitigilaga, “Uyo ye munyamwandza vaakwe ye akumuloleela.” 16UPetulo iiginaga ukukongʼoona pa lwidzi. Viihelelaga kudindula ulwidzi, viiwonaga ye Petulo, viidzumaga. 17UPetulo akuvavingilaga iliwoko ukutigila vadzike. Akuvalongelaga ndawuli uMutwa Nguluvi kye ámuhumiidze mu ndinde. Kangi iitigilaga, “Ídzilimiike idzi, mumulongelage uYakobo#12:17 UYakobo Uyu ye munungʼuve va Yesu, kangi mulongodzi va lukombeso lwa Yelusalemu. na vafuuwa vayiisu.” UPetulo iihegaga apo, iihelelaga kungi.
18Kwaviye kúkiye, avakolokolooni avamuloleelaga uPetulo mu ndinde, viivedzaga mu lunyengʼemalo hiilo, pakuva vasaludzeeliye úluhumiye kwa Petulo. 19UHelode akuvalagidzaga avakolokolooni ukutigila, vamutemule hiilo uPetulo. Vaaviye válemiilwe ukumuwona, akuvawuudzaga avo avakamuloleeliige, viilemwaga ikya kulonga, neke avalagidzage avakolakyanda avangi vavakome. UHelode iihegaga ku Yudeya, iihelelaga ku Kayisalya kwe iikalaga.
Umutwa Helode iifuwa
20UHelode aaviifiidzwe mbandu na vaanu va wudzenge wa Tilo nu wa Sidoni. Neke avaanu va ndzenge idzo vavedzage wunyalumwinga, vavatumage avalongodzi-mola, ukuta vataangʼane nave. Vakumukoofyaga umuunu yumwinga ye aatambulwaga Bulasito, ye aali mukomi va kaaya ya mutwa, avedze lubali lwawo, viinyilikaga ikigono ikya kumuwona umutwa. Vamugulwime ukumunyilika ulutengamaso, pakuva vaahuuvilaga inyi ya mutwa ukuhemelela ifiliyo.
21Ikigono kye aahaaguwe umutwa Helode vataangʼane, kiifikaga. UHelode iifwalaga imyenda gya wutwa, akwikalaga pa kideego kyakwe kya wutwa, iilongaga na vaanu. 22Neke ililugu lya vaanu avo, lyovage litigilage, “Iyi ye sawuti ya nguluvi, si ya muunu!” 23Baaho umunyamwandza va Mutwa Nguluvi akumutovaga uHelode nu wutamwa wa kuliiwa na mayoka ga mu lileme, pakuva asamupeeliye uNguluvi indolo, suwe iifuwaga.
24Neke kangi ilidzwi lya Nguluvi lyaginaga ukutagalila na vafuuwa voongelelaga hiilo. 25UBalanaba nu Sawuli, pe vaaviye vámalile amalimo ga kusindika ipembe,#Malimo ga Vatume 11:30 viihegaga ku Yelusalemu, vakumunyamulaga uYohana ye aatambulwaga Maluko, viihelelaga ku Andyokya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.