2 Vakolindo 6
6
1Lino, pakuva twilimasa amalimo nu Nguluvi, tukuvagongoola ukutigila, ulusungu lwa Nguluvi lwe mwánukiye, mutane ukululeka luyage hela. 2Pakuva uNguluvi iitigila,
“Umusika ugwavagiye, ndakupuliike,
ikigono ikya wupoki, ndakutangile.”#Isaya 49:8
Lolage, umusika ugwivagila gwe ugu, ikigono ikya wupoki kye iki!
Ulwigugumidzo mu malimo ga Nguluvi
3Lino tusiilima luluvedzaga ulukuvakuvadza avangi, ukuta uwutovela-ligendwa weesu wutane ukugomehedzwa. 4Nda haamu, tukwidzumila ukuvedza vatovela-ligendwa va Nguluvi mu dzonda, pa kwigugumidza hiilo mu mumuko na mu nalamu ndzoloofu. 5Tútoviilwe, túdindiilwe mu ndinde, túyoveliidzwe na malugu ga vaanu, túpifukiye mu malimo matalamu, túhuwe ngaya tulo nu wukitaliya. 6Twikwiwoneesa ukuvedza vatovela-ligendwa va Nguluvi mu numbula ndzelu, mu wuwuya, mu wisamutima, mu wusandzi, wugendela wa kulongodzwa nu Mubepo uMwimike, mu wende uwungaya wukedusi. 7Kangi tukwiwoneesa ukuvedza vatovela-ligendwa va Nguluvi wugendela wa kudalika imola ya ndakyene, twilima dzonda idzo mu ngufu dza Nguluvi. Uwugolofu kye kyalukilo kyesu, ulubali ulwa kundiyo nu lwa kungʼigi. 8Uneefwe tukumutovela iligendwa uNguluvi, avaanu nde vatuginiye enewuli vatubede, vatulumbe enewuli vatulige. Twiwoneka ukutigila tuli vadesi, humbe twilonga indakyene. 9Twiwoneka ukutigila tusiidzeelanika, humbe twidzeelanika wunofu. Twiwoneka ukutigila túfuwe, humbe tuli vuumi. Tútoviilwe, humbe tusikomiilwe. 10Nde luvedze tuli nu wuhuguvafu, humbe tuli nu lukeelo mbeepali. Nde luvedze tuli vahangala, humbe tukuvamosehedza voloofu. Nde luvedze tungaya kikivedzaga, humbe tuli ni fiinu fyonda.
11Unyeenye Vakolindo, túlongile naanye kingaya kufiha kikivedzaga, kangi túvaanukiye mu wende wukomi. 12Uneefwe tusiileka ukuveenda unyeenye, nda haamu, ye nyeenye ye mwileka ukutwenda uneefwe. 13Lino ndiilonga naanye ngita udaada kye iilonga ku vaana vaakwe ukutigila, muvedzage nu wende wukomi ukwesu, ngita kye tugenda uneefwe ukwenyo.
Ulukenyelo lwa kuhanga na avasili vafuuwa
14Mutane ukuvedza ni mihanganile na avasiifuuwa. Ongo, uwugolofu nu wuhosi fili ni mihanganile? Kangi ulumuli ni kiisi fili ni mihanganile? 15Kangi uKilisiti nu Setano vali mipuliingʼanile? Enewuli umunya lufuuwo nu mungaya lufuuwo, vali mipuliingʼanile? 16Ongo, tembeli ya Nguluvi yili ni mipuliingʼanile ni minguluvi? Uneefwe ye tembeli ya Nguluvi umuumi! Ngita kye aalongile uNguluvi yumwene ukutigila,
“Ndiliikala umwawo nu kugendasa navo.
Ndilaavedza Nguluvi vaawo, navo valaavedza vaanu vangu.”#Valevi 26:12; Yelemya 32:38; Esekyeli 37:27
17Neke lino, uMutwa iitigila,
“Muhegage apaawo, mukiibaagulage ukuhuma umwawo.
Mutanage ukupamya ikiinu ikili lupumba,
apo na yuune ndilavaanukila.”#Isaya 52:11; Esekyeli 20:34, 41
18Kangi, “UMutwa Nguluvi uMunya Ngufu Dzonda iitigila, ‘Ndilaavedza Dadiinyo,
na yuunye mulaavedza vaswamu-vangu na vaali-vangu.’ ”#2 Samweli 7:8, 14
Currently Selected:
2 Vakolindo 6: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
2 Vakolindo 6
6
1Lino, pakuva twilimasa amalimo nu Nguluvi, tukuvagongoola ukutigila, ulusungu lwa Nguluvi lwe mwánukiye, mutane ukululeka luyage hela. 2Pakuva uNguluvi iitigila,
“Umusika ugwavagiye, ndakupuliike,
ikigono ikya wupoki, ndakutangile.”#Isaya 49:8
Lolage, umusika ugwivagila gwe ugu, ikigono ikya wupoki kye iki!
Ulwigugumidzo mu malimo ga Nguluvi
3Lino tusiilima luluvedzaga ulukuvakuvadza avangi, ukuta uwutovela-ligendwa weesu wutane ukugomehedzwa. 4Nda haamu, tukwidzumila ukuvedza vatovela-ligendwa va Nguluvi mu dzonda, pa kwigugumidza hiilo mu mumuko na mu nalamu ndzoloofu. 5Tútoviilwe, túdindiilwe mu ndinde, túyoveliidzwe na malugu ga vaanu, túpifukiye mu malimo matalamu, túhuwe ngaya tulo nu wukitaliya. 6Twikwiwoneesa ukuvedza vatovela-ligendwa va Nguluvi mu numbula ndzelu, mu wuwuya, mu wisamutima, mu wusandzi, wugendela wa kulongodzwa nu Mubepo uMwimike, mu wende uwungaya wukedusi. 7Kangi tukwiwoneesa ukuvedza vatovela-ligendwa va Nguluvi wugendela wa kudalika imola ya ndakyene, twilima dzonda idzo mu ngufu dza Nguluvi. Uwugolofu kye kyalukilo kyesu, ulubali ulwa kundiyo nu lwa kungʼigi. 8Uneefwe tukumutovela iligendwa uNguluvi, avaanu nde vatuginiye enewuli vatubede, vatulumbe enewuli vatulige. Twiwoneka ukutigila tuli vadesi, humbe twilonga indakyene. 9Twiwoneka ukutigila tusiidzeelanika, humbe twidzeelanika wunofu. Twiwoneka ukutigila túfuwe, humbe tuli vuumi. Tútoviilwe, humbe tusikomiilwe. 10Nde luvedze tuli nu wuhuguvafu, humbe tuli nu lukeelo mbeepali. Nde luvedze tuli vahangala, humbe tukuvamosehedza voloofu. Nde luvedze tungaya kikivedzaga, humbe tuli ni fiinu fyonda.
11Unyeenye Vakolindo, túlongile naanye kingaya kufiha kikivedzaga, kangi túvaanukiye mu wende wukomi. 12Uneefwe tusiileka ukuveenda unyeenye, nda haamu, ye nyeenye ye mwileka ukutwenda uneefwe. 13Lino ndiilonga naanye ngita udaada kye iilonga ku vaana vaakwe ukutigila, muvedzage nu wende wukomi ukwesu, ngita kye tugenda uneefwe ukwenyo.
Ulukenyelo lwa kuhanga na avasili vafuuwa
14Mutane ukuvedza ni mihanganile na avasiifuuwa. Ongo, uwugolofu nu wuhosi fili ni mihanganile? Kangi ulumuli ni kiisi fili ni mihanganile? 15Kangi uKilisiti nu Setano vali mipuliingʼanile? Enewuli umunya lufuuwo nu mungaya lufuuwo, vali mipuliingʼanile? 16Ongo, tembeli ya Nguluvi yili ni mipuliingʼanile ni minguluvi? Uneefwe ye tembeli ya Nguluvi umuumi! Ngita kye aalongile uNguluvi yumwene ukutigila,
“Ndiliikala umwawo nu kugendasa navo.
Ndilaavedza Nguluvi vaawo, navo valaavedza vaanu vangu.”#Valevi 26:12; Yelemya 32:38; Esekyeli 37:27
17Neke lino, uMutwa iitigila,
“Muhegage apaawo, mukiibaagulage ukuhuma umwawo.
Mutanage ukupamya ikiinu ikili lupumba,
apo na yuune ndilavaanukila.”#Isaya 52:11; Esekyeli 20:34, 41
18Kangi, “UMutwa Nguluvi uMunya Ngufu Dzonda iitigila, ‘Ndilaavedza Dadiinyo,
na yuunye mulaavedza vaswamu-vangu na vaali-vangu.’ ”#2 Samweli 7:8, 14
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.