2 Vakolindo 4
4
Ifikoongʼolo fya lilongo
1Lino, pakuva uNguluvi mu lupyana lwakwe átupeeliye uwulimila-vangi uwo, tusiidendewuka. 2Túkaanile ingʼaani dza kinyele idzinya nyoni, tusikuvadzanga avaanu, nambe kuhandza ilidzwi lya Nguluvi nu wudesi. Nda haamu, wugendela wa kulonga indakyene pa weelu, tukwidzumila mu lwikagulo lwa vaanu vonda, na pa miiho ga Nguluvi. 3Neke kangi, ngana iMola iNofu ye twidalika yígubiikwe, yígubiikwe ku avo aviiyaga. 4Vasikulufika, pakuva uSetano ye mwene ye ali mutemi va mwe naanyi, águbiike uluhala lwa avo avasikumufuuwa uYesu. Lwe lwene viilemwa ukuluwona ulumuli lwa Mola iNofu, kwe kutigila indolo dza Kilisiti ye ali ngita kye agenda uNguluvi. 5Pakuva uneefwe tusiidalika imola dzeesu, nda haamu, tukumudalika uYesu Kilisiti ukutigila, ye Mutwa na yuufwe tuli valimila-vangi veenyo wiimila wa Yesu. 6UNguluvi ye mwene ye aalongile ukutigila, “Ulumuli lumulikage mu kiisi,”#Wutalilo 1:3 ye mwene ye iimulika inumbula dzeesu, nu kutupeela ulumuli lwa kudzikagula indolo dzaakwe idziingʼalagadika ku miiho ga Yesu Kilisiti.
7Uneefwe ye tuli ngita fikoongʼolo fya lilongo,#4:7 Fikoongʼolo fya lilongo Kwe kutigila, nde vavedze avaanu vanya wulemwa, uNguluvi áviikile mugati umwawo ulumuli lwa lidzwi lyakwe iliimike. túpeeliilwe ulumuli ulo, neke kangi lukagulikage ukutigila, ingufu ingomi idza kulima amalimo ago, dziihuma kwa Nguluvi. 8Twihoyamiidzwa ni nalamu imbali dzonda, neke kangi tusiilemwa. Twinyengʼemala, neke kangi tusiidendewuka. 9Twipumuswa, neke kangi tusiilekwa veene, twibamidzwa paanyi, neke kangi tusiitipulwa. 10Wugendela wa kupumuka ifigono fyonda mu mivili gyesu, twihanga mu fuwa ya Yesu, ukuta uwuumi wa Yesu wusiikuke mu mivili gyesu. 11Pakuva uneefwe ye tuli vuumi, tuli mu lutalamu lwa kufuwa umusika gonda wiimila wa Yesu, ukuta uwuumi waakwe wusiikuke mu mivili gyesu igiifuwa. 12Lwe lwene, uneefwe tuli mu lutalamu lwa kufuwa, mu ulo unyeenye mwikwanukila uwuumi.
13Mu Wusimbe uWiimike gásimbiilwe amadzwi agiitigila, “Ndamufuuviilwe uNguluvi, lwe lwene ndaalongile.”#Ndzimbililo 116:10 Na yuufwe twifuuwa ndeeni, lwe lwene twilonga. 14Twilonga ulo, pakuva twidzeela ukutigila, uNguluvi ye amudzulubwise uMutwa Yesu, alatudzulubusa na yuufwe. Umwene alatuviika pamwinga naanye pa miiho gaakwe. 15Lino imumuko dzonda idzo we wiimila wa luwumbulilo lwenyo, ukuta ulusungu lwa Nguluvi luvafikile avaanu voloofu kulutila, kangi vaginage ukumuhongedza uNguluvi nu kumupeela indolo.
Ulufuuwo mu fiinu fye tusikufiwona
16Wiimila wa idzo, tusiidendewuka. Nde luvedze imivili gyesu giisakala, neke kangi uNguluvi akutuhambusa vapiya mu numbula dzeesu ikigono ni kigono. 17Pakuva imumuko dzeesu meefu, kangi dza musika mudebe hela. Imumuko idzo dzikutugelanidzila indolo dza mbeepali. Indolo idzo dzilaavedza ndzoloofu hiilo ukulutila imumuko. 18Lwe lwene tusiingʼanukila amiiho ifiinu ifiiwoneka, pakuva fya musika mudebe hela, nda haamu, twingʼanukila amiiho ifiinu ifisiiwoneka, pakuva fya mbeepali.
Currently Selected:
2 Vakolindo 4: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
2 Vakolindo 4
4
Ifikoongʼolo fya lilongo
1Lino, pakuva uNguluvi mu lupyana lwakwe átupeeliye uwulimila-vangi uwo, tusiidendewuka. 2Túkaanile ingʼaani dza kinyele idzinya nyoni, tusikuvadzanga avaanu, nambe kuhandza ilidzwi lya Nguluvi nu wudesi. Nda haamu, wugendela wa kulonga indakyene pa weelu, tukwidzumila mu lwikagulo lwa vaanu vonda, na pa miiho ga Nguluvi. 3Neke kangi, ngana iMola iNofu ye twidalika yígubiikwe, yígubiikwe ku avo aviiyaga. 4Vasikulufika, pakuva uSetano ye mwene ye ali mutemi va mwe naanyi, águbiike uluhala lwa avo avasikumufuuwa uYesu. Lwe lwene viilemwa ukuluwona ulumuli lwa Mola iNofu, kwe kutigila indolo dza Kilisiti ye ali ngita kye agenda uNguluvi. 5Pakuva uneefwe tusiidalika imola dzeesu, nda haamu, tukumudalika uYesu Kilisiti ukutigila, ye Mutwa na yuufwe tuli valimila-vangi veenyo wiimila wa Yesu. 6UNguluvi ye mwene ye aalongile ukutigila, “Ulumuli lumulikage mu kiisi,”#Wutalilo 1:3 ye mwene ye iimulika inumbula dzeesu, nu kutupeela ulumuli lwa kudzikagula indolo dzaakwe idziingʼalagadika ku miiho ga Yesu Kilisiti.
7Uneefwe ye tuli ngita fikoongʼolo fya lilongo,#4:7 Fikoongʼolo fya lilongo Kwe kutigila, nde vavedze avaanu vanya wulemwa, uNguluvi áviikile mugati umwawo ulumuli lwa lidzwi lyakwe iliimike. túpeeliilwe ulumuli ulo, neke kangi lukagulikage ukutigila, ingufu ingomi idza kulima amalimo ago, dziihuma kwa Nguluvi. 8Twihoyamiidzwa ni nalamu imbali dzonda, neke kangi tusiilemwa. Twinyengʼemala, neke kangi tusiidendewuka. 9Twipumuswa, neke kangi tusiilekwa veene, twibamidzwa paanyi, neke kangi tusiitipulwa. 10Wugendela wa kupumuka ifigono fyonda mu mivili gyesu, twihanga mu fuwa ya Yesu, ukuta uwuumi wa Yesu wusiikuke mu mivili gyesu. 11Pakuva uneefwe ye tuli vuumi, tuli mu lutalamu lwa kufuwa umusika gonda wiimila wa Yesu, ukuta uwuumi waakwe wusiikuke mu mivili gyesu igiifuwa. 12Lwe lwene, uneefwe tuli mu lutalamu lwa kufuwa, mu ulo unyeenye mwikwanukila uwuumi.
13Mu Wusimbe uWiimike gásimbiilwe amadzwi agiitigila, “Ndamufuuviilwe uNguluvi, lwe lwene ndaalongile.”#Ndzimbililo 116:10 Na yuufwe twifuuwa ndeeni, lwe lwene twilonga. 14Twilonga ulo, pakuva twidzeela ukutigila, uNguluvi ye amudzulubwise uMutwa Yesu, alatudzulubusa na yuufwe. Umwene alatuviika pamwinga naanye pa miiho gaakwe. 15Lino imumuko dzonda idzo we wiimila wa luwumbulilo lwenyo, ukuta ulusungu lwa Nguluvi luvafikile avaanu voloofu kulutila, kangi vaginage ukumuhongedza uNguluvi nu kumupeela indolo.
Ulufuuwo mu fiinu fye tusikufiwona
16Wiimila wa idzo, tusiidendewuka. Nde luvedze imivili gyesu giisakala, neke kangi uNguluvi akutuhambusa vapiya mu numbula dzeesu ikigono ni kigono. 17Pakuva imumuko dzeesu meefu, kangi dza musika mudebe hela. Imumuko idzo dzikutugelanidzila indolo dza mbeepali. Indolo idzo dzilaavedza ndzoloofu hiilo ukulutila imumuko. 18Lwe lwene tusiingʼanukila amiiho ifiinu ifiiwoneka, pakuva fya musika mudebe hela, nda haamu, twingʼanukila amiiho ifiinu ifisiiwoneka, pakuva fya mbeepali.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.