2 Vakolindo 2
2
1Lwe lwene ndikaalamuwe mu numbula yangu ukutigila, nditane ukwadza kangi ukwenyo, ndivahuguvike inumbula dzeenyo. 2Pakuva, ngana ndikali ndivedze ndívahuguviike unyeenye, ngali sikwali umuunu ye akali akuunyaamadza uneene. 3Lwe lwene ndikavasimbiye ukutigila, wone ndaadze ukwenyo, mutane ukuunyuguvika mu numbula yangu na vaanu ávahwanile ukuunyambusa ndikeele. Ndiifuuwa ukutigila, wone ndivedze nu lukeelo, na yuunye muhadza mwivedza nu lukeelo. 4Ndikavasimbiye ihaate mu mumuko ingomi nu wuhuguvafu mu numbula, kangi na moohodzi. Uwugulume wangu siwukali wa kuvahuguvika, nda haamu, ndikiisakaga muludzeelage kye ndikuveenda mbandu.
Ulupyana kwa muhosi
5Lino, ngana kuli muunu ye ámuhuguviike uyungi mu numbula yaakwe, asiinyuguviike uneene hela, nda haamu, ávahuguviike padebe na yuunye nyivonda. Neke kangi lino, ndilema ukuluhambusa ulukaani ulo luvedze lukomi hiilo. 6Ulupedzo úlumuweene umuunu uyo ukuhuma mu voloofu veenyo, lúkwiliye ukwakwe. 7Lwe lwene ndiitigila, kiba mumupyanile nu kumukangadza inumbula umuunu uyo, ukuta alaaleka ahuguvikwe hiilo ukufikila pe iidendewuka. 8Neke lino, ndikuvagongoola mumuwoneesage ukutigila, mukumwenda. 9Uwugulume wangu wa kuvasimbila ihaate yila, waali wa kuvagela, ukuta ndidzeele ndakyene ngana mukuundzidika mu dzonda. 10Pe mukumupyanila umuunu, na yuune ndikumupyanila. Ngana pooluli lwe ndívagiye ukupyanila, ndiipyanila pa miiho ga Kilisiti wiimila weenyo, 11ukuta uSetano atane ukutulema, pakuva túwudzeeliye uwubanga waakwe.
UPawulo mu wudzenge wa Tolowa
12Suwe pe ndaaviye ndífikile mu wudzenge wa Tolowa kudalika iMola iNofu ya Kilisiti, uMutwa akuundindulilaga umulyango gwa kulima amalimo gaakwe. 13Neke kangi ndinyengʼemalage mu numbula yangu, pakuva uko sindamuweene umufuuwa muyangu uTito. Neke ndihegage kuhelela ku Makedoniya.
Ukudeludza mu ngufu dza Kilisiti
14Neke kangi tukumuhongedza uNguluvi, ye akutulongodza mwa Kilisiti umusika gonda ukuwoneesa uwudeludzi waakwe. Kangi akutuhambusa ukutagalidza uwuwuya ulwa Kilisiti imbali dzonda, ngita lunuusi ulunofu ulwitagalila konda. 15Pakuva uneefwe kwa Nguluvi tuli ngita lunuusi lunofu lwa Kilisiti ulukuvafikila vonda, aviipokwa na aviiyaga. 16Ku aviiyaga avo, ulunuusi ulo luviifu, lukuvapeela ifuwa. Neke kangi ku avo aviipokwa, ulunuusi ulo lunofu, lukuvapeela uwuumi. Lino ye ali kwi ye iivagila ukulima amalimo ago? 17Uneefwe tusiidalika ngita avangi aviidalika ilidzwi lya Nguluvi wiimila wa luwumbulilo lwawo. Nda haamu, twidalika ilidzwi lya Nguluvi mu ngufu dza Kilisiti, kangi mu wuhuuvilwa wonda pa miiho ga Nguluvi, pakuva umwene átutumile.
Currently Selected:
2 Vakolindo 2: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
2 Vakolindo 2
2
1Lwe lwene ndikaalamuwe mu numbula yangu ukutigila, nditane ukwadza kangi ukwenyo, ndivahuguvike inumbula dzeenyo. 2Pakuva, ngana ndikali ndivedze ndívahuguviike unyeenye, ngali sikwali umuunu ye akali akuunyaamadza uneene. 3Lwe lwene ndikavasimbiye ukutigila, wone ndaadze ukwenyo, mutane ukuunyuguvika mu numbula yangu na vaanu ávahwanile ukuunyambusa ndikeele. Ndiifuuwa ukutigila, wone ndivedze nu lukeelo, na yuunye muhadza mwivedza nu lukeelo. 4Ndikavasimbiye ihaate mu mumuko ingomi nu wuhuguvafu mu numbula, kangi na moohodzi. Uwugulume wangu siwukali wa kuvahuguvika, nda haamu, ndikiisakaga muludzeelage kye ndikuveenda mbandu.
Ulupyana kwa muhosi
5Lino, ngana kuli muunu ye ámuhuguviike uyungi mu numbula yaakwe, asiinyuguviike uneene hela, nda haamu, ávahuguviike padebe na yuunye nyivonda. Neke kangi lino, ndilema ukuluhambusa ulukaani ulo luvedze lukomi hiilo. 6Ulupedzo úlumuweene umuunu uyo ukuhuma mu voloofu veenyo, lúkwiliye ukwakwe. 7Lwe lwene ndiitigila, kiba mumupyanile nu kumukangadza inumbula umuunu uyo, ukuta alaaleka ahuguvikwe hiilo ukufikila pe iidendewuka. 8Neke lino, ndikuvagongoola mumuwoneesage ukutigila, mukumwenda. 9Uwugulume wangu wa kuvasimbila ihaate yila, waali wa kuvagela, ukuta ndidzeele ndakyene ngana mukuundzidika mu dzonda. 10Pe mukumupyanila umuunu, na yuune ndikumupyanila. Ngana pooluli lwe ndívagiye ukupyanila, ndiipyanila pa miiho ga Kilisiti wiimila weenyo, 11ukuta uSetano atane ukutulema, pakuva túwudzeeliye uwubanga waakwe.
UPawulo mu wudzenge wa Tolowa
12Suwe pe ndaaviye ndífikile mu wudzenge wa Tolowa kudalika iMola iNofu ya Kilisiti, uMutwa akuundindulilaga umulyango gwa kulima amalimo gaakwe. 13Neke kangi ndinyengʼemalage mu numbula yangu, pakuva uko sindamuweene umufuuwa muyangu uTito. Neke ndihegage kuhelela ku Makedoniya.
Ukudeludza mu ngufu dza Kilisiti
14Neke kangi tukumuhongedza uNguluvi, ye akutulongodza mwa Kilisiti umusika gonda ukuwoneesa uwudeludzi waakwe. Kangi akutuhambusa ukutagalidza uwuwuya ulwa Kilisiti imbali dzonda, ngita lunuusi ulunofu ulwitagalila konda. 15Pakuva uneefwe kwa Nguluvi tuli ngita lunuusi lunofu lwa Kilisiti ulukuvafikila vonda, aviipokwa na aviiyaga. 16Ku aviiyaga avo, ulunuusi ulo luviifu, lukuvapeela ifuwa. Neke kangi ku avo aviipokwa, ulunuusi ulo lunofu, lukuvapeela uwuumi. Lino ye ali kwi ye iivagila ukulima amalimo ago? 17Uneefwe tusiidalika ngita avangi aviidalika ilidzwi lya Nguluvi wiimila wa luwumbulilo lwawo. Nda haamu, twidalika ilidzwi lya Nguluvi mu ngufu dza Kilisiti, kangi mu wuhuuvilwa wonda pa miiho ga Nguluvi, pakuva umwene átutumile.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.