1 Petulo 1
1
Uluhungilo
1Ihaate iyi yíhumile ukwangu neene nde Petulo, ye ndili mutume va Yesu Kilisiti. Ndikuvasimbila unyeenye ye múhaaguliilwe nu Nguluvi, ye mútagaliye nu kuvedza vagendzi ku migoola gya Pondo, Galatya, Kapadokya, Asya ni Bitiniya. 2UNguluvi uDaada avahaaguwe ukuhuma kataali kulingʼaana ni mikeelelele gyakwe, wugendela wa malimo ga Mubepo uMwimike ukuvahambusa viimike. Idzo dzaalimiike ukuta mumwidikage uYesu Kilisiti, nu kuhaanyilwa idanda yaakwe.#1:2 Kuhaanyilwa idanda yaakwe Ngita idanda ya senga kye yaawoneesaga ulufingo lwa Nguluvi pe aviidikiye aVaisilaheli ukuvedza vaanu vaakwe, Kuhega 24:3-8, ndeeni idanda ya Yesu kye yiiwoneesa ulufingo lwa Nguluvi na vaanu vaakwe, Vaebulaniya 9:18-21. UNguluvi avoongelehedzage unyeenye ulusungu nu lutengamaso.
Ulufuuwo lwesu
3Alumbwage uNguluvi uDaada va Mutwa veesu uYesu Kilisiti. Mu lupyana lwakwe ulukomi atuhambwise ukuta tuholwe ulwa kavili, wugendela wa kumudzulubusa uYesu Kilisiti ukuhuma ku wulungu. Aalimile ewo, ukuta tuvedzage nu luhuuvilo ululi nu wuumi. 4Uluhuuvilo ulo lye lipwela ilyaviikiilwe nu Nguluvi kukyanya, kwe siliikwanangika, siliiwola nambe kusakala. 5Ilipwela ilyo lyenyo unyeenye, wugendela wa lufuuwo mwiloleelwa ni ngufu dza Nguluvi, ukuta mwanukile uwupoki we aagelaniidze uNguluvi ukuvilatula pa kigono ikya wusililo.
6Wiimila wa luhuuvilo ulo, mwikeela hiilo dzonda dze aagelaniidze uNguluvi, nde muvedze lino mwisakulwa ukupumuka mu ngemyo idzili poloofu mu musika mudebe. 7Ukwigugumidza mu ngemyo idzi, kwiwoneesa ukutigila, ulufuuwo lwenyo lwa ndakyene. Lwigelwa ngita kye yiigelwa isahabu ukunyaanywa mu mooto. Ukumufuuwa uNguluvi kunofu hiilo ukulutila isahabu, pakuva isahabu yiikwanangika. Neke lino, uYesu Kilisiti alavapeela amalumbo, indolo nu luginiyo, pe alaadza nu kwiwoneesa pa weelu. 8Nde luvedze musinaa mumuwona, neke kangi mukumwenda, kangi nde luvedze musinaa mumuwona lino, neke kangi mukumufuuwa. Ndeeni, múmemiidzwe ulukeelo ulunya ndolo ulusiilongeka, 9pakuva mwikwanukila uwupoki wa numbula dzeenyo. Uwupoki uwo, we wugulume wa lufuuwo lwenyo.
10Wiimila wa wupoki weenyo uwo, avavidzi vaakomandziidze hiilo ukuta valufike. Vaavilile ulwa lusungu lwa Nguluvi lwe aagulwime ukuvapeela unyeenye. 11Wugendela wa vavidzi avo, uMubepo va Kilisiti aavilile imumuko dza Kilisiti ni ndolo dzaakwe idziikwadza, lwe lwene vaasakile ukugafika amadzwi ago ukutigila, gahadza giihumila ndali na ndawuli. 12UNguluvi avavilatuliye avavidzi avo vadzeele ukutigila, amadzwi ge vaavilaga, sigaali ga kuvatanga aveene, nda haamu, unyeenye. Ago ge vaalongile, ge geene ge mwadalikiilwe na vaanu avaleetile iMola iNofu ya Yesu Kilisiti. Navo vavasimiye iMola iNofu iyo mu ngufu dza Mubepo uMwimike ye aatumiilwe ukuhuma kukyanya. Imola iyo, ye yeene ye viidoboka hiilo ukuyidzeela avanyamwandza navo.
Imigendele imiimike
13Neke lino, muvedzage mwígelaniidze ukulima amalimo, kangi vanya kwiwopa. Muviikage uluhuuvilo lwenyo londa mu lusungu lwe mulaanukila, umusika gwe alaavilatukila uYesu Kilisiti. 14Muvedzage vaana va Nguluvi, avanya wiidisi, mutanage ukuniniila uwudobofu weenyo uwuviifu we mukali nawo, umusika pe musikiidzeelaga indakyene ya Nguluvi. 15Nda haamu, unyeenye muvedzage viimike mu migendele gyenyo gyonda gye mwilima, ngita uNguluvi ye avakemeeliye kye ali mwimike. 16Lwe lwene lúsimbiilwe mu Wusimbe uWiimike ukutigila, “Muvedzage viimike, pakuva uneene ndili mwimike.”#Valevi 11:44-45
17Muludzeelage ukutigila, uNguluvi ye mukumutambula Daada mu ndapangilo dzeenyo, asiikwimila lubali, kangi iihiga avaanu vonda kulingʼaana na malimo gaawo. Neke lino, mumuginiyage hiilo uNguluvi mu musika ugu gwe mukwikala mwe naanyi umu ngita vagendzi. 18Ndiilonga ewo, pakuva mwidzeela ukutigila, uNguluvi avakombuwe ukuhuma mu migendele igisiivagila gye mwanukiye ku vakuhwenyo. Asavakombuwe wugendela wa fiinu ifiikwanangika ngita magoobeli enewuli sahabu, 19nda haamu, mwakombwidzwe mu danda ya wutalamu iya Kilisiti ye aali ngita ndzanangʼolo iyingaya wutenda nambe nongwa. 20UKilisiti uyo aahaaguliilwe mu wugulume wa Nguluvi ukuhuma pe yisinaa yigawa inyi, neke kangi mu figono fya wusililo ifi, amuvilatuwe wiimila weenyo. 21Wiimila wa Kilisiti uyo, unyeenye mukumufuuwa uNguluvi, ye amudzulubwise ukuhuma ku wulungu nu kumupeela indolo. Lwe lwene lino mukumufuuwa nu kumuhuuvila uNguluvi.
22Wugendela wa kuyiidika indakyene, mwívaliidze inumbula dzeenyo, ukuta muveendage avafuuwa vayeenyo ulunya numbula ndzelu. Lino mwiyendage ni numbula yonda. 23Ndiilonga ulo, pakuva unyeenye múholiilwe ulwa kavili, si lwa muvili ugu ugwifuwa, nda haamu, múholiilwe mu lwa muvili ugusiifuwa wugendela wa lidzwi ilya Nguluvi, lyumi kangi lya mbeepali na mbeepali. 24Lwe lwene lúsimbiilwe mu Wusimbe uWiimike ukutigila,
“Avaanu vonda vali ngita lisoli,
nu lutogo lwawo luli ngita maluva ga mudaasi.
Ilisoli liiyongodoka, na maluva giilagala,
25neke kangi ilidzwi lya Mutwa Nguluvi liisigala mbeepali.”#Isaya 40:6-8
Ilidzwi ili ye Mola iNofu iyo ye mwadalikiilwe.
Currently Selected:
1 Petulo 1: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
1 Petulo 1
1
Uluhungilo
1Ihaate iyi yíhumile ukwangu neene nde Petulo, ye ndili mutume va Yesu Kilisiti. Ndikuvasimbila unyeenye ye múhaaguliilwe nu Nguluvi, ye mútagaliye nu kuvedza vagendzi ku migoola gya Pondo, Galatya, Kapadokya, Asya ni Bitiniya. 2UNguluvi uDaada avahaaguwe ukuhuma kataali kulingʼaana ni mikeelelele gyakwe, wugendela wa malimo ga Mubepo uMwimike ukuvahambusa viimike. Idzo dzaalimiike ukuta mumwidikage uYesu Kilisiti, nu kuhaanyilwa idanda yaakwe.#1:2 Kuhaanyilwa idanda yaakwe Ngita idanda ya senga kye yaawoneesaga ulufingo lwa Nguluvi pe aviidikiye aVaisilaheli ukuvedza vaanu vaakwe, Kuhega 24:3-8, ndeeni idanda ya Yesu kye yiiwoneesa ulufingo lwa Nguluvi na vaanu vaakwe, Vaebulaniya 9:18-21. UNguluvi avoongelehedzage unyeenye ulusungu nu lutengamaso.
Ulufuuwo lwesu
3Alumbwage uNguluvi uDaada va Mutwa veesu uYesu Kilisiti. Mu lupyana lwakwe ulukomi atuhambwise ukuta tuholwe ulwa kavili, wugendela wa kumudzulubusa uYesu Kilisiti ukuhuma ku wulungu. Aalimile ewo, ukuta tuvedzage nu luhuuvilo ululi nu wuumi. 4Uluhuuvilo ulo lye lipwela ilyaviikiilwe nu Nguluvi kukyanya, kwe siliikwanangika, siliiwola nambe kusakala. 5Ilipwela ilyo lyenyo unyeenye, wugendela wa lufuuwo mwiloleelwa ni ngufu dza Nguluvi, ukuta mwanukile uwupoki we aagelaniidze uNguluvi ukuvilatula pa kigono ikya wusililo.
6Wiimila wa luhuuvilo ulo, mwikeela hiilo dzonda dze aagelaniidze uNguluvi, nde muvedze lino mwisakulwa ukupumuka mu ngemyo idzili poloofu mu musika mudebe. 7Ukwigugumidza mu ngemyo idzi, kwiwoneesa ukutigila, ulufuuwo lwenyo lwa ndakyene. Lwigelwa ngita kye yiigelwa isahabu ukunyaanywa mu mooto. Ukumufuuwa uNguluvi kunofu hiilo ukulutila isahabu, pakuva isahabu yiikwanangika. Neke lino, uYesu Kilisiti alavapeela amalumbo, indolo nu luginiyo, pe alaadza nu kwiwoneesa pa weelu. 8Nde luvedze musinaa mumuwona, neke kangi mukumwenda, kangi nde luvedze musinaa mumuwona lino, neke kangi mukumufuuwa. Ndeeni, múmemiidzwe ulukeelo ulunya ndolo ulusiilongeka, 9pakuva mwikwanukila uwupoki wa numbula dzeenyo. Uwupoki uwo, we wugulume wa lufuuwo lwenyo.
10Wiimila wa wupoki weenyo uwo, avavidzi vaakomandziidze hiilo ukuta valufike. Vaavilile ulwa lusungu lwa Nguluvi lwe aagulwime ukuvapeela unyeenye. 11Wugendela wa vavidzi avo, uMubepo va Kilisiti aavilile imumuko dza Kilisiti ni ndolo dzaakwe idziikwadza, lwe lwene vaasakile ukugafika amadzwi ago ukutigila, gahadza giihumila ndali na ndawuli. 12UNguluvi avavilatuliye avavidzi avo vadzeele ukutigila, amadzwi ge vaavilaga, sigaali ga kuvatanga aveene, nda haamu, unyeenye. Ago ge vaalongile, ge geene ge mwadalikiilwe na vaanu avaleetile iMola iNofu ya Yesu Kilisiti. Navo vavasimiye iMola iNofu iyo mu ngufu dza Mubepo uMwimike ye aatumiilwe ukuhuma kukyanya. Imola iyo, ye yeene ye viidoboka hiilo ukuyidzeela avanyamwandza navo.
Imigendele imiimike
13Neke lino, muvedzage mwígelaniidze ukulima amalimo, kangi vanya kwiwopa. Muviikage uluhuuvilo lwenyo londa mu lusungu lwe mulaanukila, umusika gwe alaavilatukila uYesu Kilisiti. 14Muvedzage vaana va Nguluvi, avanya wiidisi, mutanage ukuniniila uwudobofu weenyo uwuviifu we mukali nawo, umusika pe musikiidzeelaga indakyene ya Nguluvi. 15Nda haamu, unyeenye muvedzage viimike mu migendele gyenyo gyonda gye mwilima, ngita uNguluvi ye avakemeeliye kye ali mwimike. 16Lwe lwene lúsimbiilwe mu Wusimbe uWiimike ukutigila, “Muvedzage viimike, pakuva uneene ndili mwimike.”#Valevi 11:44-45
17Muludzeelage ukutigila, uNguluvi ye mukumutambula Daada mu ndapangilo dzeenyo, asiikwimila lubali, kangi iihiga avaanu vonda kulingʼaana na malimo gaawo. Neke lino, mumuginiyage hiilo uNguluvi mu musika ugu gwe mukwikala mwe naanyi umu ngita vagendzi. 18Ndiilonga ewo, pakuva mwidzeela ukutigila, uNguluvi avakombuwe ukuhuma mu migendele igisiivagila gye mwanukiye ku vakuhwenyo. Asavakombuwe wugendela wa fiinu ifiikwanangika ngita magoobeli enewuli sahabu, 19nda haamu, mwakombwidzwe mu danda ya wutalamu iya Kilisiti ye aali ngita ndzanangʼolo iyingaya wutenda nambe nongwa. 20UKilisiti uyo aahaaguliilwe mu wugulume wa Nguluvi ukuhuma pe yisinaa yigawa inyi, neke kangi mu figono fya wusililo ifi, amuvilatuwe wiimila weenyo. 21Wiimila wa Kilisiti uyo, unyeenye mukumufuuwa uNguluvi, ye amudzulubwise ukuhuma ku wulungu nu kumupeela indolo. Lwe lwene lino mukumufuuwa nu kumuhuuvila uNguluvi.
22Wugendela wa kuyiidika indakyene, mwívaliidze inumbula dzeenyo, ukuta muveendage avafuuwa vayeenyo ulunya numbula ndzelu. Lino mwiyendage ni numbula yonda. 23Ndiilonga ulo, pakuva unyeenye múholiilwe ulwa kavili, si lwa muvili ugu ugwifuwa, nda haamu, múholiilwe mu lwa muvili ugusiifuwa wugendela wa lidzwi ilya Nguluvi, lyumi kangi lya mbeepali na mbeepali. 24Lwe lwene lúsimbiilwe mu Wusimbe uWiimike ukutigila,
“Avaanu vonda vali ngita lisoli,
nu lutogo lwawo luli ngita maluva ga mudaasi.
Ilisoli liiyongodoka, na maluva giilagala,
25neke kangi ilidzwi lya Mutwa Nguluvi liisigala mbeepali.”#Isaya 40:6-8
Ilidzwi ili ye Mola iNofu iyo ye mwadalikiilwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.