Англунимос 17

Завето пала опшындимос

1Кала лэ Аврамости сас иняшэла иня бэрша, о РАЙ авиля лэстэ андо суно и пхэндя:

— Мэ сым о Дэл Саворэзорэско#17.1 Пэ пхур. евр. шыб «Эл Шаддай»., жув англа Мандэ и ав бидошако. 2Акэ тути Мэрно завето: Мэ дава тути фартэ бут бэятонэн.

3О Аврамо тэлиля лэ Дэвлэсти лэ муеса жы каринг э пхув, и о Дэл пхэндя лэсти:

4— Акэ тути Мэрно завето: ту авэса о дад бутэ народонэнди. 5Ту кала времятар на авэса тэ акхарэспэ Аврамо#17.5 Пэ пхур. евр. шыб «Аврамо» пэрэандрярэлпэ сар «пативало дад». , теро алав авэла Авраамо#17.5 Пэ пхур. евр. шыб «Авраамо» пэрэндярэлпэ сар «дад бутэнго». , пала кода со Мэ стердэм тут дадэса важ бут мануша. 6Мэ стерава кадя, со тутэ авэна фартэ бут бэятонэн. Мэ стерава кадя, со тутар авэна бут народуря, тай тутар авэна тхагара. 7Мэ дав тути завето, када кадя ж авэла завето андай екх порода авря породати пэ саворэ бэрша, сар вечно завето: Мэ авава терэ Дэвлэса тай Дэвлэса терэ бэяцэнди. 8Ся пхув лэ Ханааности, пэ сави ту екхатар жувэс, Мэ отдава тути и терэ бэяцэнди андо вечно хулаимос, тай Мэ авава лэнди Дэвлэса.

9О Дэл пхэндя лэ Авраамости:

— Ай ту трэбуй тэ жувэс па Мэрно завето, ту тай терэ бэяцэ, савэ авэна тутар, пэ ся время. 10Акэ Мэрно завето туса тай терэ бэяцэнца, савэ авэна тутар, па саво ту трэбуй тэ жувэс: кажно мурш трэбуй тэ авэл опшындо. 11Кажно тумэндар трэбуй тэ авэл опшындо, тай када авэла знако лэ заветоско машкара Мандэ и тумэндэ. 12Кажно тумаро муршоро трэбуй тэ авэл опшындо, кала лэсти авэла охто деса. Кадя трэбуй тэ терэл ся породуря. И колэсти, ко аракхадёла андэ теро чер, тай кодыва, саво най терэ бэяцэндар, ай савэс ту тиндян важ э ловэ кай найчяче манушэстар. 13И саво аракхадиляпэ андэ теро чер, тай савэс тиндян важ э ловэ, чячес трэбуй тэ авэл опшындо, и Мэрно завето пэ тумари тила авэла завето пэ ся вико. 14Найопшындо мануш авэла опшындо пэстерэ народостар: вов на кангля Мэрно завето.

15Инке о Дэл пхэндя лэ Авраамости:

— Ай ла Сара, теря ромня, ту кала времятар на лэса тэ акхарэс ла Сара, лако алав авэла Сарра. 16Мэ дава лати бахт и дава тути латар шавэс. Мэ дава кацави бахт, со вой терэлапэ дэй лэ народонэнди; латар аракхадёнапэ тхагара лэ народонэндерэ.

17О Авраамо тэлиля лэ Дэвлэсти жы каринг э пхув, розасаяпэ и погындосардя: «Аракхадёла ли шаво кай о мануш, савэсти шэл бэрша? Анэна ли бэятос э Сарра, савяти инядэша бэрша?» 18О Авраамо пхэндя лэ Дэвлэсти:

— Мишто б о Измаило тэ авэл жундо!

19О Дэл пхэндя:

— Чячес тери ромни э Сарра анэна тути шавэс, ай ту дэса лэсти алав Исаако. Мэ дава Мэрно завето лэсти тай лэстерэ породати, када авэла вечно завето. 20И пала Измаило Мэ ашундэм тут: Мэ йито дава лэсти бахт, Мэ стерава, со лэстэ авэна бут бэятонэн. Вов авэла дад дэшэдуендерэ барэдэрэн, тай Мэ стерава лэстар баро народо. 21Но Мэрно завето Мэ дава лэ Исаакости, савэс э Сарра анэна тути каринг кодыя время андэ авэр бэрш.

22О Дэл парашыля тэ дэл дума лэ Авраамоса и отжыля лэстар.

23Андэ кодыва жэ дес о Авраамо ля пэстерэ шавэс лэ Измаилос и саворэн, ко сас аракхадо лэстэ черэ, тай савэн, кас вов тиндя важ э ловэ, саворэ муршэн анда пэско чер, и опшындя лэн, сар пхэндя лэсти о Дэл. 24Кала Авраамо сас опшындо, лэсти сас инядэша иня бэрша, 25ай лэсти шавэсти лэ Измаилости, кала вов сас опшындо, сас дэшутрин бэрша. 26О Авраамо и лэско шаво о Измаило дуйжэнэ сас опшындэ андэ екх дес. 27Тай саворэ мурша, савэ аракхадилэпэ анда лэ Авраамоско чер, или тиндясас пала ловэ кай о найчяче манушэстар, саслэ опшындэ екхтанэ лэса.

Currently Selected:

Англунимос 17: СРБ

Highlight

Copy

Want to have your highlights saved across all your devices? Sign up or sign in

This work is licensed under the Creative Commons Attribution Non-commercial No-Derivatives 4.0 license. http://creativecommons.org/licenses/by-nc-nd/4.0/

Learn More About Библия пэ влахицко романи шыб