Англунимос 13
13
О Аврамо и о Лото розжанпэ
1О Аврамо ла ромняса и саворэ барвалимаса жылятар анда Египто андо Негево, и о Лото жыля лэса. 2Кай о Аврамо сас бут ското, руп и сомнак. 3Анда Негево вов жалас англэ, покэ на авиля андо Вефилё, каринг кода тхан, кай варикала тэрдёлас лэсти катуна, машкара Вефилё и Гаё, 4каринг кода тхан, кай вов данглал стердя о жэртвенико. Котэ о Аврамо тэлиля лэ РАЕСТИ.
5Кай о Лото, саво пхирэлас лэ Аврамоса, кадя ж сас гурто бузнэн, бакрэн и гурувэн и катунэ, 6и э пхув нащи пропараварэлас лэн дуен: лэндэ сас кадя бут ското, со лэндэ на вижалас тэ жувэн екхэтанэ. 7Машкара пастухуря лэ Аврамостерэ и лэ Лотостерэ тердяпэ чингар. Тунче котэ, пэ кодыя пхув, жувэнас э ханаанея и э перизея.
8О Аврамо пхэндя лэ Лотости:
— На трэбуй амэнди тай амарэ пастухонэнди тэ терэл чингар, амэ ж туса сам родуря. 9Дикх, ся пхув англа тутэ! Дэ розжампэ: сар ту жаса андэ екх риг, то мэ жава андэ авэр риг.
10О Лото подикхля и додикхля, со ся пхув паша Иордано жы каринг о Цоаро драго протиндёлас лэ брышындэндар, сар о садо лэ РАЕСКО, сар э пхув андо Египто. Када сас жы колэстэ, сар о РАЙ спхабардя о Содомо тай э Гомора. 11О Лото витидя пэсти ся пхув паша Иордано и жылятар по востоко. Вонэ розжылэпэ: 12о Аврамо жувэлас пэ пхув Ханаано, ай о Лото жувэлас машкара форуря пэ мал, стходя э катунэ найдур лэ Содомостар. 13Э мануша андо Содомо саслэ вырытэ и бут терэнас бэзэха англа РАЙ.
14Кала о Лото отжыля, о РАЙ пхэндя лэ Аврамости:
— Обдикхпэ ригатар колэ тханэстар, кай ту екхатар. Подик по северо и по юго, по востоко и по западо. 15Ся пхув, сави ту дикхэс, Мэ дава тути и терэ потомконэнди пэ ся время. 16Мэ стерава, со тутэ авэна бут бэяцэ, сар о чишай. Сар нащи тэ пэрэадиной о чишай, кадя и нащи авэла тэ пэрэадиной и терэ потомкуря. 17Жа, прожа пай кадыя пхув дэлунга и дэбугла. Мэ дава ла тути.
18О Аврамо стидя э катунэ и жыля тэ жувэл найдур ла тэрэбинторо вэшоро Мамрэ андо Хевроно. Вов стердя котэ жэртвенико лэ РАЕСТИ.
Currently Selected:
Англунимос 13: СРБ
Highlight
Share
Copy
Want to have your highlights saved across all your devices? Sign up or sign in
© 2021 Bible Translators of Ukraine
© 2021 Pioneer Bible Translators
This work is licensed under the Creative Commons Attribution Non-commercial No-Derivatives 4.0 license. http://creativecommons.org/licenses/by-nc-nd/4.0/
Videos for Англунимос 13
Ep 37. Genesis 13: How Do Famine and Wealth Both Test Faith?
The Bible Show
Ep 41. Genesis 17: What Does the Covenant of Circumcision Really Mean?
The Bible Show
Ep 42. Genesis 18 Part 1: Abraham Fails Again, and Sarah Laughs at God
The Bible Show
Ep. 45 Genesis 19 Part 2: Can God Redeem Even the Worst Family History?
The Bible Show