Англунимос 10
10
Пистромос народонэнго
1Акэ э дума пала Ноёстерэ шавэ Симо, Хамо тай Яфето тай пала лэндерэ потомкуря. Сар прожыля о потопо, лэндэ аракхадилэпэ шавэ.
Лэ Яфетостерэ шавэ
2Шавэ лэ Яфетостерэ: о Гомеро, о Магого, о Мадаё, о Явано, о Тувало, о Мешэхо тай о Тирасо.
3Э шавэ лэ Гомерости: о Ашкеназо, о Рифато тай о Тогарма.
4Э шавэ лэ Яваности: о Элиша, о Таршышо, о Китимо тай о Доданимо. 5(Акалэндар аракхадилэпэ э народуря, савэ ашылэ тэ жувэл пэ пхув паша баро паи. Вонэ розжылэпэ па пэстерэ народуря, родуря тай шыба).
Лэ Хамостерэ шавэ
6Э шавэ лэ Хамости: о Кушо, о Мицраимо, о Путо тай о Ханаано.
7Э шавэ лэ Кушости: о Шэва, о Хавила, о Савта, о Раама тай о Савтеха.
Э шавэ лэ Раамасти: о Шэва тай о Дедано.
8О Кушо сас кадя жэ дад лэ Нимродости, саво ашыля англуно зорало мануш пэ пхув. 9Вов сас зорало астаримари англа РАЙ, пала кода и дэлпэ дума: «Баро астаримари англа РАЙ, сар о Нимродо». 10Англунэ форонэнца андэ лэско тхагаримос сас о Вавилоно, о Эрехо, о Акадо тай о Халне андо Шынаро. 11Кола пхуятар вов пэрэжыля андэ Ашуро, кай стердя э форуря э Ниневия, о Реховото-Иро, о Калахо 12тай о Ресэно, машкара э Ниневия и о Калахо, — баро форо.
13Кай о Мицраимо аракхадилэпэ э лудея, э анамея, э легавея, э нафтухея, 14э патрусея, э каслухея (савэндар аракхадилэпэ э филистимлянуря) тай э кафторея.
15О Ханаано сас дад лэ Сидоности (када лэско англуно шаво) тай лэ Хетости. 16Лэ Ханааностар аракхадилэпэ э евусея, э аморея, э гиргашэя, 17э хивея, э аркея, э синея, 18э арвадея, э цэмарея тай э хамафея. Прожыля время, и лэ ханааности породэ розлаглэпэ. 19Э брягуря лэ Ханааности процырдэнаспэ лэ Сидоностар каринг о Гераро жы каринг э Газа, ай котар каринг о Содомо, э Гомора, э Адма и о Цэвоимо жы каринг э Лаша. 20Акала аракхадилэпэ лэ Хамостар народуря па пэсти порода, пэстеря шыбаса, андэ пэстерэ пхуя.
Лэ Симостерэ шавэ
21Аракхадилэпэ шавэ и кай о Симо, кай о барэдэр пхрал лэ Яфетоско. О Симо сас пропапо саворэ шавэнго лэ Еверостерэнго.
22Э шавэ лэ Симости: о Еламо, о Ашуро, о Арпахшадо, о Лудо тай о Арамо.
23Э шавэ лэ Арамости: о Уцо, о Хуло, о Гетэро тай о Мешэхо.
24Кай о Арпахшадо аракхадиля о Шэлахо, кай о Шэлахо аракхадиля о Еверо. 25Кай о Еверо аракхадилэ дуй шавэ: екхэс акхарэнас о Пелего (пала кода со андэ лэстерэ время э пхув росшындиля), ай лэсти пхралэс акхарэнас Ёктано.
26Кай о Ёктано аракхадилэпэ о Алмодадо, о Шэлефо, о Хацармавето, о Ерахо, 27о Гадорама, о Узало, о Дикла, 28о Овало, о Авимаило, о Шэва, 29о Офиро, о Хавила тай о Ёваво.
Саворэ вонэ сас шавэ лэ Ёктаности.
30Э пхув, кай вонэ жувэнас, процырдэласпэ лэ Меша жы каринг о Сефаро, плаендери пхув пэ востоко.
31Када шавэ лэ Симостерэ па пэстерэ породуря, пэстеря шыбаса, пэ пэстерэ пхуя, пэ пэстерэ народуря.
32Кацавэ породуря лэ Ноёстерэ шавэндар, па лэндерэ еря тай па лэндерэ народуря, савэ вижылэ лэндар. Сар прожыля о потопо, лэндар вижылэ саворэ народуря пэ пхув.
Currently Selected:
Англунимос 10: СРБ
Highlight
Share
Copy
Want to have your highlights saved across all your devices? Sign up or sign in
© 2021 Bible Translators of Ukraine
© 2021 Pioneer Bible Translators
This work is licensed under the Creative Commons Attribution Non-commercial No-Derivatives 4.0 license. http://creativecommons.org/licenses/by-nc-nd/4.0/
