Zacarías 12
12
Ta xich' pojel coltael ti jteclum Jerusalene
1Ti li'e, ja' sc'oplal Israel ti scaj'aloj ti Diose. Ti Dios ti Buch'u laj yac' ayanuc ti vinajele, ti laj yac'be yictac ti banomile, ti yac'ojbe xcuxlej ti jnaclejetique, xi ta xale: 2“Ti jteclum Jerusalene ta xc'ot ta pasel cu'un ti ta xc'ot ta jun bis ti ta xtun ta yuch'obil ti vinoe yo' jech ta xyacubic scotol ti muc'tiquil jteclumetic ti joyol ta spat ta xocone. C'alal sjoyobtaojic ta stsaquel ta leto ti Jerusalene, jech ti yan jteclumetic ti joyol ta steclumal ti Judae, ta xich' stsaquel ta leto. 3Ti jech yorail taje, scotol ti jteclumetique ta joybinbeic ta jun muc' ta alal ton yu'unic ti jteclum Jerusalene. Buch'uuc no'ox ti ta sc'an ta stots ya'ie, ta xyayijes o sba xchi'uquic. Scotol ti muc'tiquil lumetique ta xtal svol sbaic ta scontrainel ti jteclum Jerusalene. 4Jech ti vu'un ec une ta jsibtas batel ya'iic scotol ti ca'etique, ta jtic'be xchuvajil sjolic ti jcajlejetic ta ca'e. Ta jchabi snitilultac ti Judae. Ta jtubbe sat scotol ti ca'etic yu'un ti muc'tiquil lume. 5Ti jech ta xvinaj ti va'i s'elan ta xc'ot ta pasele, jech ti banquilaletic yu'un ti jteclum Judae, xi ta xlic yalbe sbaique: ‘Ti Ajvalil ti scotol xu' yu'une, ja' Dios yu'un ti jnaclejetic yu'un ti jteclum Jerusalene, ja' ta sva'an sba ti oy yipal yu'unique.’
6“Ti jech yorail taje, ta jpasbeic ta stojolic ti banquilaletic yu'un ti jteclum Judae ti ta xc'otic cu'un jech c'u cha'al ti yavil c'oc' ti chac uban no'ox ta xtil ti si'e, ti co'ol s'elan c'oc' ta xchic' ti ch'ix ti jujuchuc chucbile. Ta stuq'uil bats'i c'obile, xchi'uc ta stuq'uil ts'et c'obile, ta svol sbaic ta stubbel sc'oplal ti muc'tiquil jteclumetic ti vololic ta spat ta xocone. Ja'uc ti jnaclejetic yu'un ti jteclum Jerusalene ta xlic naquiicuc xtoc ti ta steclumalique.
7“Ti vu'un Diosune, ja' ba'yel ta jtic' jba ta spojel ti judaetique yo' jech mu teyuc no'ox caj tsacal ech'el sc'oplal snitilultac ti Davide xchi'uc ti jnaclejetic yu'un ti jteclum Jerusalene, yo' jech mu xc'ot ta pasel ti ja' peq'uel ta xcom sc'oplal snitilultac ti Judae. 8Ti vu'un Diosune ta jtic' jba ta spojel ti jnaclejetic ti oyic ta jteclum Jerusalene. Yu'un ti buch'utic tsalbilic ta j'ech'ele x'ech' to xu' yu'unic liquel jech c'u cha'al xu' yu'un ech' ti Ajvalil Davide. Ja'uc snitilultac ti Davide co'ol s'elan Dios, co'ol s'elan yaj'ánjel Dios ti xu' yu'unic ti jba'beic batele. 9Ti jech yorail taje, c'usiuc muc' ta lumal ti ta stsac ta leto ti jteclum Jerusalene, ta j'ech'el ta jtubbe sc'oplal.
10“Ta jtic'beic ta snopbenal yu'unic ti yutsil slequilal yo'ntonique, ti ta xlic c'opojuc ti'inuc ta stojol Dios ti snitilultac ti Davide xchi'uc ti jnaclejetic yu'un ti jteclum Jerusalene. Va'i un, ta xlic yilic ti buch'u laj yac' sjol sbaquil yu'unique.#Jn 19.37; Ap 1.7. Ta xlic ochicuc ta vul o'nton xchi'uquic. Ta xlic yoq'uitaic jech c'u cha'al ta xlic yoq'uitaic ti ta xtub sc'oplal ti c'ajomal no'ox jcot nich'onile, mi ja' ti c'ajomal no'ox jcot banquilale. 11Ta xc'ot ta pasel ti ta jteclum Jerusalene, ti ta xlic jun muc'ul vul o'ntonal ta j'ech'el jech c'u cha'al laj spasic ta stojol ti dios Hadad-rimón ta stenlejal Meguidoe. 12Xi s'elan ta xlic spasic yu'un ti vul o'ntonal ta jujuchop ti bu oyique: ti snitilultac ti Davide xchi'uc ti antsetic yu'unique; ti snitilultac ti Natane xchi'uc ti antsetic yu'unique. 13Jech ta spasic xtoc ti snitilultac ti Levie xchi'uc ti antsetic yu'unique; ti snitilultac ti Semeie xchi'uc ti antsetic yu'unique. 14Mu ja'uc no'ox taje, yu'un ja' jech ta spasic scotol xtoc ti yan uts' alaliletique, ti liquic ta vul o'ntonal jujuvoc' xchi'uc ti yajnilique.
Currently Selected:
Zacarías 12: TZC00
Highlight
Copy
Compare
Share
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000
Zacarías 12
12
Ta xich' pojel coltael ti jteclum Jerusalene
1Ti li'e, ja' sc'oplal Israel ti scaj'aloj ti Diose. Ti Dios ti Buch'u laj yac' ayanuc ti vinajele, ti laj yac'be yictac ti banomile, ti yac'ojbe xcuxlej ti jnaclejetique, xi ta xale: 2“Ti jteclum Jerusalene ta xc'ot ta pasel cu'un ti ta xc'ot ta jun bis ti ta xtun ta yuch'obil ti vinoe yo' jech ta xyacubic scotol ti muc'tiquil jteclumetic ti joyol ta spat ta xocone. C'alal sjoyobtaojic ta stsaquel ta leto ti Jerusalene, jech ti yan jteclumetic ti joyol ta steclumal ti Judae, ta xich' stsaquel ta leto. 3Ti jech yorail taje, scotol ti jteclumetique ta joybinbeic ta jun muc' ta alal ton yu'unic ti jteclum Jerusalene. Buch'uuc no'ox ti ta sc'an ta stots ya'ie, ta xyayijes o sba xchi'uquic. Scotol ti muc'tiquil lumetique ta xtal svol sbaic ta scontrainel ti jteclum Jerusalene. 4Jech ti vu'un ec une ta jsibtas batel ya'iic scotol ti ca'etique, ta jtic'be xchuvajil sjolic ti jcajlejetic ta ca'e. Ta jchabi snitilultac ti Judae. Ta jtubbe sat scotol ti ca'etic yu'un ti muc'tiquil lume. 5Ti jech ta xvinaj ti va'i s'elan ta xc'ot ta pasele, jech ti banquilaletic yu'un ti jteclum Judae, xi ta xlic yalbe sbaique: ‘Ti Ajvalil ti scotol xu' yu'une, ja' Dios yu'un ti jnaclejetic yu'un ti jteclum Jerusalene, ja' ta sva'an sba ti oy yipal yu'unique.’
6“Ti jech yorail taje, ta jpasbeic ta stojolic ti banquilaletic yu'un ti jteclum Judae ti ta xc'otic cu'un jech c'u cha'al ti yavil c'oc' ti chac uban no'ox ta xtil ti si'e, ti co'ol s'elan c'oc' ta xchic' ti ch'ix ti jujuchuc chucbile. Ta stuq'uil bats'i c'obile, xchi'uc ta stuq'uil ts'et c'obile, ta svol sbaic ta stubbel sc'oplal ti muc'tiquil jteclumetic ti vololic ta spat ta xocone. Ja'uc ti jnaclejetic yu'un ti jteclum Jerusalene ta xlic naquiicuc xtoc ti ta steclumalique.
7“Ti vu'un Diosune, ja' ba'yel ta jtic' jba ta spojel ti judaetique yo' jech mu teyuc no'ox caj tsacal ech'el sc'oplal snitilultac ti Davide xchi'uc ti jnaclejetic yu'un ti jteclum Jerusalene, yo' jech mu xc'ot ta pasel ti ja' peq'uel ta xcom sc'oplal snitilultac ti Judae. 8Ti vu'un Diosune ta jtic' jba ta spojel ti jnaclejetic ti oyic ta jteclum Jerusalene. Yu'un ti buch'utic tsalbilic ta j'ech'ele x'ech' to xu' yu'unic liquel jech c'u cha'al xu' yu'un ech' ti Ajvalil Davide. Ja'uc snitilultac ti Davide co'ol s'elan Dios, co'ol s'elan yaj'ánjel Dios ti xu' yu'unic ti jba'beic batele. 9Ti jech yorail taje, c'usiuc muc' ta lumal ti ta stsac ta leto ti jteclum Jerusalene, ta j'ech'el ta jtubbe sc'oplal.
10“Ta jtic'beic ta snopbenal yu'unic ti yutsil slequilal yo'ntonique, ti ta xlic c'opojuc ti'inuc ta stojol Dios ti snitilultac ti Davide xchi'uc ti jnaclejetic yu'un ti jteclum Jerusalene. Va'i un, ta xlic yilic ti buch'u laj yac' sjol sbaquil yu'unique.#Jn 19.37; Ap 1.7. Ta xlic ochicuc ta vul o'nton xchi'uquic. Ta xlic yoq'uitaic jech c'u cha'al ta xlic yoq'uitaic ti ta xtub sc'oplal ti c'ajomal no'ox jcot nich'onile, mi ja' ti c'ajomal no'ox jcot banquilale. 11Ta xc'ot ta pasel ti ta jteclum Jerusalene, ti ta xlic jun muc'ul vul o'ntonal ta j'ech'el jech c'u cha'al laj spasic ta stojol ti dios Hadad-rimón ta stenlejal Meguidoe. 12Xi s'elan ta xlic spasic yu'un ti vul o'ntonal ta jujuchop ti bu oyique: ti snitilultac ti Davide xchi'uc ti antsetic yu'unique; ti snitilultac ti Natane xchi'uc ti antsetic yu'unique. 13Jech ta spasic xtoc ti snitilultac ti Levie xchi'uc ti antsetic yu'unique; ti snitilultac ti Semeie xchi'uc ti antsetic yu'unique. 14Mu ja'uc no'ox taje, yu'un ja' jech ta spasic scotol xtoc ti yan uts' alaliletique, ti liquic ta vul o'ntonal jujuvoc' xchi'uc ti yajnilique.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000