Rut 4
4
Ti Booze ta xnupij sts'aqui xchi'uc ti Rute
1Ech' c'uc sjaliluc un, ti Booze bat xchotan sba ta ochebal sti' ti jteclume, ta yavil ti bu ta stsob sbaic ti jnaclejetique. Ta yorail taje. ja' o jelav ti uts' alalil ti laj yalbe sc'oplal ti Booze, ti xi albat yu'un ti Booze:
—Mala un to, yu'un ta xajc'oponot. La', chotlan li'e.
Ti uts' alalile bat chotluc. 2Ta jech no'ox yepal un, ti Booze laj sta ta iq'uel lajunvo' (10) moletic yu'un ti jteclume, ti laj yalbe ya'i ti jmoj ac'o chotliicuc xchi'uque. C'alal chotolic xa xchi'uque, 3ti Booze xi laj yalbe ti yuts' yalale:
—Ti Noemie sut xa talel ta Moab. C'ot ta nopel yu'un ti ta xchon ti sbanomil ti bu smacoj ti cuts' calaltic Elimeleque. 4Ta xcac'bot ana', yu'un mi oy ta avo'nton ta xamane, alo ca'itic li' ta sba ta sat ti rexticoetique, xchi'uc ti moletic yu'un ti jteclume. Ti jech bats'i yuts' yalalot ti Elimeleque, oy me ac'oplal ta xamanbe ti yosile. Yan ti mi mu xac'an xamane, ac'bun jna', jnamtal uts' alalun xca'i jbatic ec, ti xu' ta xquich'e.
Xi laj stac' ti uts' alalile:
—Ta jman.
5Va'i un, ti Booze xi jamal laj yale:
—Na'o ava'i lec un, mi ta xamanbe yosil ti Noemie, tsots sc'oplal ta xavic' ti Rute, ti jun me'unal moabita antse, yo' jech mu xch'ay yajval ti rextoil yu'un ti animae.
6C'alal jech laj ya'i ti uts' alalil taje, xi laj staq'ue:
—Ti jech s'elan taje, mu xu' ta jman, xu' ta xlic soquesbe sc'oplal ti jrextoe.#Scotol ti xrextoile ja' ta xc'ot ta sventa ti olol ti ta svoq'ues ti antse. Mi ta xc'ot ta avo'nton ta xamane, mano, ta xcac' que ti c'otan ta yajvale.
7Ti jech c'ac'al ta vo'ne taje, xi s'elan ma' ti liquem yu'unic ta Israele: c'alal mi ta xac' ye ta sjelbe yajval ti oy c'usi yich'oj ti uts' alalile, mi oy c'usi ta smanbe sbaique, mi ja' ti buch'u ta xac' yee, mi ja' ti buch'u ta xchone, ta sloc' ti xonobe. Ta xac'be yich' ti jmanolajele. Taje, ja' svinajeb ti ta xc'ot ta pasel ti c'u s'elan liquem yu'unique. 8Ti yuts' yalal ti Booze laj sloc' ti xonobe, ti xi laj yal c'alal laj yac'be jelavel xonobil ti Booze:
—Mano.#Dt 25.7-10.
9Va'i un, ti Booze xi laj yal ta sba ta sat ti moletique, xchi'uc ti c'u yepal joyolique:
—Avi tana li'e, rexticooxuc acotolic ti ta jmanbe xrexto ti Noemie, ti Elimeleque, ti Quelione, xchi'uc ti Mahlone. 10Rexticooxuc xtoc ti ta xquic' ti Rut ti me'unal moabita antse yo' jech mu xch'ay sc'oplal ti Mahlón ta rextoil ti anima smalale. Ja' jech xtoc, mu xtub o sc'oplal ti Mahlón ta stojol ti anitilulique. Mi ja'uc ta xch'ay ta o'ntonal ti li' ta jteclume.#Dt 25.5-6. Rexticooxuc ti c'ac'al avie.
11Ti moletique xchi'uc scotol ti c'u yepal joyolique, xi laj staq'uique:
—Melel ava'uc unbi, rexticouncutic. Ti ants ti ta x'och ta anae, ¡ac'o sva'an sba ti Dios ta stojole jech c'u cha'al c'ot ta stojol ti Raquele xchi'uc ti Leae, ti jcotoltic lic talel jts'unubaltic yu'unic ti vo'otic ti israelotique!#Gn 29.31. Ti vo'ote ja'uc junuc vinicot ti caj tsacal xava'i aba li' ta Efratae, ti ja'uc junuc vinicot ti ich'bilucot ta muc' li' ta Belene. 12Ac'o yac'bot ep anich'nab ti Dios ta sventa ti ants li'e. Epajuc ta j'ech'el ti avalab anich'nabe jech c'u cha'al ac'bat ti Farese,#Ti biil Farese, “jbolesej banomil”, xi ta xal smelol ti ta hebreo c'ope. ti ja' yol xnich'onic ti Tamare xchi'uc ti Judae.#Gn 38.27-30.
13Ja' jech c'ot ta pasel ti nupij ts'aqui ti Booz xchi'uc ti Rute. Laj xchi'in ti yajnile. Laj yac' ye sti' ti Dios ti lic xchi'in ti yole, ti laj yilbe sat jun squereme.
14Va'i un, ti antsetique xi ta xalbeic ti Noemie:
—Lequil c'optabiluc ti Diose ti laj yac'bot jun amom ti ta xlic stuc'ulanote. Ja'uc la jun amom ti jelavem cajal sc'oplal c'otuc li' ta Israele. 15Ja' ta smuq'uibtasbot avo'nton, ta sq'uelot, ta stuc'ulanot c'alal yayilot xae. Yu'un squerem ol avalib ti mu tenbajot ta yo'ntone, ti ech'em stunel avu'une, ti ja' mu sta stunel avu'un ti ja'uc oyuc vucub avalabe.
16Ja'uc ti Noemie laj xq'uech ti olole, lic sbain ta sts'itesel. 17Xi ta x'albat yu'un ti slac'natac c'alal laj yilique:
—Voq'uesbat xa jun yol ti Noemie.
Obed,#Ti biil Obede, “jtunel”, xi ta xal smelol ti ta hebreo c'ope. laj yac'be sbiin. Taje, ja' stot ti Isaie, smuc'tot ti Davide.
Ti smolmuc'totac David ti laj ech'uc ta vo'nee
18Snitilultac ti Farese, ja' jech li'e: Nich'naj ti Farese, Hesrón laj yac'be sbi. 19Nich'naj ti Hesrone, Ram laj yac'be sbi. Nich'naj ti Rame, Aminadab laj yac'be sbi. 20Nich'naj ti Aminadabe, Nahasón laj yac'be sbi. Nich'naj ti Nahasone, Salmón laj yac'be sbi. 21Nich'naj ti Salmone, Booz laj yac'be sbi. Nich'naj ti Booze, Obed laj yac'be sbi. 22Nich'naj ti Obede, Isaí laj yac'be sbi. Nich'naj ti Isaie, David laj yac'be sbi.#1 Cr 2.10-14; Mt 1.3-6.
Currently Selected:
Rut 4: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000
Rut 4
4
Ti Booze ta xnupij sts'aqui xchi'uc ti Rute
1Ech' c'uc sjaliluc un, ti Booze bat xchotan sba ta ochebal sti' ti jteclume, ta yavil ti bu ta stsob sbaic ti jnaclejetique. Ta yorail taje. ja' o jelav ti uts' alalil ti laj yalbe sc'oplal ti Booze, ti xi albat yu'un ti Booze:
—Mala un to, yu'un ta xajc'oponot. La', chotlan li'e.
Ti uts' alalile bat chotluc. 2Ta jech no'ox yepal un, ti Booze laj sta ta iq'uel lajunvo' (10) moletic yu'un ti jteclume, ti laj yalbe ya'i ti jmoj ac'o chotliicuc xchi'uque. C'alal chotolic xa xchi'uque, 3ti Booze xi laj yalbe ti yuts' yalale:
—Ti Noemie sut xa talel ta Moab. C'ot ta nopel yu'un ti ta xchon ti sbanomil ti bu smacoj ti cuts' calaltic Elimeleque. 4Ta xcac'bot ana', yu'un mi oy ta avo'nton ta xamane, alo ca'itic li' ta sba ta sat ti rexticoetique, xchi'uc ti moletic yu'un ti jteclume. Ti jech bats'i yuts' yalalot ti Elimeleque, oy me ac'oplal ta xamanbe ti yosile. Yan ti mi mu xac'an xamane, ac'bun jna', jnamtal uts' alalun xca'i jbatic ec, ti xu' ta xquich'e.
Xi laj stac' ti uts' alalile:
—Ta jman.
5Va'i un, ti Booze xi jamal laj yale:
—Na'o ava'i lec un, mi ta xamanbe yosil ti Noemie, tsots sc'oplal ta xavic' ti Rute, ti jun me'unal moabita antse, yo' jech mu xch'ay yajval ti rextoil yu'un ti animae.
6C'alal jech laj ya'i ti uts' alalil taje, xi laj staq'ue:
—Ti jech s'elan taje, mu xu' ta jman, xu' ta xlic soquesbe sc'oplal ti jrextoe.#Scotol ti xrextoile ja' ta xc'ot ta sventa ti olol ti ta svoq'ues ti antse. Mi ta xc'ot ta avo'nton ta xamane, mano, ta xcac' que ti c'otan ta yajvale.
7Ti jech c'ac'al ta vo'ne taje, xi s'elan ma' ti liquem yu'unic ta Israele: c'alal mi ta xac' ye ta sjelbe yajval ti oy c'usi yich'oj ti uts' alalile, mi oy c'usi ta smanbe sbaique, mi ja' ti buch'u ta xac' yee, mi ja' ti buch'u ta xchone, ta sloc' ti xonobe. Ta xac'be yich' ti jmanolajele. Taje, ja' svinajeb ti ta xc'ot ta pasel ti c'u s'elan liquem yu'unique. 8Ti yuts' yalal ti Booze laj sloc' ti xonobe, ti xi laj yal c'alal laj yac'be jelavel xonobil ti Booze:
—Mano.#Dt 25.7-10.
9Va'i un, ti Booze xi laj yal ta sba ta sat ti moletique, xchi'uc ti c'u yepal joyolique:
—Avi tana li'e, rexticooxuc acotolic ti ta jmanbe xrexto ti Noemie, ti Elimeleque, ti Quelione, xchi'uc ti Mahlone. 10Rexticooxuc xtoc ti ta xquic' ti Rut ti me'unal moabita antse yo' jech mu xch'ay sc'oplal ti Mahlón ta rextoil ti anima smalale. Ja' jech xtoc, mu xtub o sc'oplal ti Mahlón ta stojol ti anitilulique. Mi ja'uc ta xch'ay ta o'ntonal ti li' ta jteclume.#Dt 25.5-6. Rexticooxuc ti c'ac'al avie.
11Ti moletique xchi'uc scotol ti c'u yepal joyolique, xi laj staq'uique:
—Melel ava'uc unbi, rexticouncutic. Ti ants ti ta x'och ta anae, ¡ac'o sva'an sba ti Dios ta stojole jech c'u cha'al c'ot ta stojol ti Raquele xchi'uc ti Leae, ti jcotoltic lic talel jts'unubaltic yu'unic ti vo'otic ti israelotique!#Gn 29.31. Ti vo'ote ja'uc junuc vinicot ti caj tsacal xava'i aba li' ta Efratae, ti ja'uc junuc vinicot ti ich'bilucot ta muc' li' ta Belene. 12Ac'o yac'bot ep anich'nab ti Dios ta sventa ti ants li'e. Epajuc ta j'ech'el ti avalab anich'nabe jech c'u cha'al ac'bat ti Farese,#Ti biil Farese, “jbolesej banomil”, xi ta xal smelol ti ta hebreo c'ope. ti ja' yol xnich'onic ti Tamare xchi'uc ti Judae.#Gn 38.27-30.
13Ja' jech c'ot ta pasel ti nupij ts'aqui ti Booz xchi'uc ti Rute. Laj xchi'in ti yajnile. Laj yac' ye sti' ti Dios ti lic xchi'in ti yole, ti laj yilbe sat jun squereme.
14Va'i un, ti antsetique xi ta xalbeic ti Noemie:
—Lequil c'optabiluc ti Diose ti laj yac'bot jun amom ti ta xlic stuc'ulanote. Ja'uc la jun amom ti jelavem cajal sc'oplal c'otuc li' ta Israele. 15Ja' ta smuq'uibtasbot avo'nton, ta sq'uelot, ta stuc'ulanot c'alal yayilot xae. Yu'un squerem ol avalib ti mu tenbajot ta yo'ntone, ti ech'em stunel avu'une, ti ja' mu sta stunel avu'un ti ja'uc oyuc vucub avalabe.
16Ja'uc ti Noemie laj xq'uech ti olole, lic sbain ta sts'itesel. 17Xi ta x'albat yu'un ti slac'natac c'alal laj yilique:
—Voq'uesbat xa jun yol ti Noemie.
Obed,#Ti biil Obede, “jtunel”, xi ta xal smelol ti ta hebreo c'ope. laj yac'be sbiin. Taje, ja' stot ti Isaie, smuc'tot ti Davide.
Ti smolmuc'totac David ti laj ech'uc ta vo'nee
18Snitilultac ti Farese, ja' jech li'e: Nich'naj ti Farese, Hesrón laj yac'be sbi. 19Nich'naj ti Hesrone, Ram laj yac'be sbi. Nich'naj ti Rame, Aminadab laj yac'be sbi. 20Nich'naj ti Aminadabe, Nahasón laj yac'be sbi. Nich'naj ti Nahasone, Salmón laj yac'be sbi. 21Nich'naj ti Salmone, Booz laj yac'be sbi. Nich'naj ti Booze, Obed laj yac'be sbi. 22Nich'naj ti Obede, Isaí laj yac'be sbi. Nich'naj ti Isaie, David laj yac'be sbi.#1 Cr 2.10-14; Mt 1.3-6.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000